عايش في قلق ومرتبك ومحتار ساعدوني

[إليخاندرو]

بسم الله الرحمن الرحيم
السلام عليكم ورحمة الله وبركاته....وبعد

هذي اول مشاركه لي وبعد: انا طالب في امريكا والان بالرياض وعايش بدون سياره وانا شخص لا اعيش بدون سياره سيارتي في امريكا دودج تشارجر وبشحنها ويمكن توصل بعد شهرين او ثلاثه.
فكرت استأجر سياره خلال الشهرين طلع السعر حوالي 3500 الى 4000 سياره صغيره طبعا والسعر غالي صراحه وفكرت اشتري سياره صغيره تعبرني لين توصل سيارتي وماادري بصراحه اذا راح الاقي سياره بحدود 6000 الى 7000 ريال او استأجر ومحتار صراحه
فاأرجوكم ساعدوني او عطوني حلول من خلال خبرتكم
شكرا لكم
دمتم بود.

[N أبورغد N]

ما اظن بتلاقي سياره بهالقيمه الا درادع تبي تصليح بنفس قيمتها
واذا ودك بسياره بتخليها معك وبتصلح فيها ممكن تحصل الاكسنت باسعار حليوه
او شروكي قديم تخليه للبر كانك راعي طلعات

[محتآآر !؟]

الأكسنت خيار ممتاز ...... الله يــووفقك ،،،،،

[ابو خلود.]

خذلك برقهام نظيف

[ي^وس^ف]

اولا ياخي اليخاندرو الحمدلله على السلامه
اذ كان تبي تشتري اكسنت فانصحك انا تتاكد انا لاتكون حقة تاجير السيارات لانى راح تلقه في ا لمعارض كثيير وعسى الله يوفقك ويستر دربك

[كل يوم مخالفة !]

يا اخي انا مستاجر قبل سنة اكسنت شهر كامل بـ 1000 ريال سعودي فقط
احسلك من تشتري وتتوهق بخربانه او او الخ

[لحن المشاعر]

الحمد لله ع السلامه

وانصحك تشوف كذا محل تآجير سيارات وتسآلهم عن الاسعار

اكسنت ولا كرولا , ارخص شي لمين الله ييسره لك

بالتوفيق .

[mr.nawaf]

اجر بس ليه المخاسير

وشهوله سياره

اجر ومتى ما جا موترك رجع السياره وبس

تقبل شكر وتقدير اخوكم { mr.nawaf }

[jeep1982]

اليخاندرو رح لشركة الايجار الصغير مو الشركات العالميه او الكبيره

وقولهم بالنص هذا ابي السياره ثلاثه شهور متواصله بكم تحسبون لي اليوم

وشف فرق السعر

[MansoR]

الحمد لله ع سلآمتك .. والله يوفقنآ ويآك ..

بـ صرآحة أنصحك بالإيجآر مآدآم المدة قليلة .. وزي مآ قآل أخوي فوق .. ترى الأكسنت بـ محلآت التأجير مو غآلية مرة .. تلقى الآن 2009 أكسنت سعرهآ بالإيجآر الشهري ألف ريآل أو زود شوي .. أحسن من إنك تشتري سيآرة قديمة ومستعملة وتصلح فيهآ خلآل هالشهرين أكثر من قيمتهآ ..
مُجرد إقترآح .. وأسأل الله أن يعينك في صبر هالشهرين .. :)
تقبل ودي ..