يوم تمسك الخط لازم يكون معك صاحب ..؟

[التسعاوي911]

السلام عليكم ورحمة الله

هل يوم تمسك خط سفر لازم تجيب معك واحد يركب ولا عادي تسافر لحالك .؟


لان كثير يقولون لي لا تسافر لحالك ونا اقلهم مافرقت وعادي .

انتم عادي لحالكم تسافرون ولا لازم صاحب يصاحبك المشوار .؟

[المكتب الخ ــاص]

والله ما فرقت واجد .. لكــن الافضل يكـون معكـ واحـــد ...

[التسعاوي911]

والله ما فرقت واجد .. لكــن الافضل يكـون معكـ واحـــد ...

تسلم فهوودي على رأيك .

وإن شاء الله ماتشوف مكروه وانت لحالك او معك خوي بالخط .

[فكتوريا2000]

أنا ما تفرق عندي


بس الغالب لي احب يكون لي خوي


ويا زين الخط ومعاك امريكي وابو نورة

[hayoulek]

كراهية الوحدة في السفر

* قال عليه الصلاة والسلام ((لو يعلم الناس ما في الوحدة ما أعلم , ماسار راكب بليل وحده ) .. رواه البخاري

فمن سنة نبينا محمد صلى الله عليه وسلم أن يكون معك رفيق صديق انيس في سفرك
لما له من فوائد كبيرة في العون والانس

ولكن مما لا شك فيه بان الشخص تلزمه بعض الظروف التي لا يستطيع ان يأخذ شخصا ايا كان معه

*على سبيل المثال (( المسافر لعمله )) .. مو معقول كل مارح دوامه شال واحد معاه

[التسعاوي911]

كلامك ما عليه غبار الله يحفظك .

صدقت يوم يكون معك واحد غير عن سفرك بلحالك .

الله يعطيك العافية وماقصرت يالغالي .

والله يجزاك خير .

[التسعاوي911]

أنا ما تفرق عندي


بس الغالب لي احب يكون لي خوي


ويا زين الخط ومعاك امريكي وابو نورة

خخخخ اي والله .

تسلم يالغالي والله يحفظك في رحلك و ترحالك .

[MooNLiNE]

اكيد وياك احد
عشان ماتمل في الطريق

[محتآآر !؟]

الأفضل انه يكون معك خوي يسليك ......... بس ما تفرق كثيير ،،،،،،،

لا هنت

[التسعاوي911]

اكيد وياك احد
عشان ماتمل في الطريق


تسلم بس بعض الناس يقلي يوم اطلع لحالي استكنان (روقان - مزآآج) .

ع العموم تسلم يالغالي والله يحفظك .

[mso]

احلا شي في السفر يكون معك 2-3 وكلهم ناس تعزهم

اما بالحالك يجيك الطفش .. يعني انا لو بسافر بصير طول الطريق اكلم جوال

[التسعاوي911]

الأفضل انه يكون معك خوي يسليك ......... بس ما تفرق كثيير ،،،،،،،

لا هنت


تسلم يالغالي ع رأيك وإن شاء الله ما تشوف شر أبد .

ولاهنت يالغلا .

[التسعاوي911]

احلا شي في السفر يكون معك 2-3 وكلهم ناس تعزهم

اما بالحالك يجيك الطفش .. يعني انا لو بسافر بصير طول الطريق اكلم جوال


خخخ صدقت والله بس تختلف من واحد لثاني اخبر واحد يحب يسافر لحاله .

يدخل جوه ويآخذ راحته .

بس مافي مثل الأخويا لا مسكو خط سوا.

تسلم .

[قايد الكامري]

انا ماقد سافرت لحالي لاني امسك خط 600 كم للجنوب لازم يكون معي مساعد سواق يعني ممكن تغفل عن الخط وينبهك

[التسعاوي911]

انا ماقد سافرت لحالي لاني امسك خط 600 كم للجنوب لازم يكون معي مساعد سواق يعني ممكن تغفل عن الخط وينبهك

خخخ والله مشواار عسالله يحفظك ويسلمك .

ايه الأفضل يكون معك خوي يسليك ويونسك .

تسلم ع المشاركة يا قايد الكامري ..

[ابو خلود.]

انا افضل اكون لحالي

جو مع ابو نايف و ابو ساره


بس فيه سفره ما انساها سافرت فيها مع 2 ما اشتكيت من شي الا من كبدي من كثر الضحك

[التسعاوي911]

انا افضل اكون لحالي

جو مع ابو نايف و ابو ساره


بس فيه سفره ما انساها سافرت فيها مع 2 ما اشتكيت من شي الا من كبدي من كثر الضحك

هي لحالك جو واستكنان ومع الأخويا وناسة وسعة صدر .

عسالله يحفظك يالغالي .

[saski1]

أفضل شيء يكون معاك واحد
حتى إذا جاك النوم في الخط على الأقل إلا جنبك يسوق أو إذا ما يعرف يسوق يصحيك

[2009 كامري]

السلام عليكم

انا والله راعي خطوط وبصراحه احب اكون لحالي لان والله الواحد مايضمن وش الي الله كاتبه له ومابي تروح ارواح عالم معي وتكون برقبتي

[التسعاوي911]

أفضل شيء يكون معاك واحد
حتى إذا جاك النوم في الخط على الأقل إلا جنبك يسوق أو إذا ما يعرف يسوق يصحيك



صدقت يالغالي عسالله يحفظك وييسر لك أمورك .

[التسعاوي911]

السلام عليكم

انا والله راعي خطوط وبصراحه احب اكون لحالي لان والله الواحد مايضمن وش الي الله كاتبه له ومابي تروح ارواح عالم معي وتكون برقبتي


اختلف معك يخوي , انت خذ بالأسباب وتوكل على الله وإن شاء الله مافي إلا الخير واللي كاتبه ربنا بيصير وبالعكس الأفضل يكون معك خوي أنس ووناسة وسعة صدر ولو حصل شي ولا انفجر كفر يعين ويعاون .

الله يحفظك يالغالي وجعلك ماتشوف شر ودمت سالم .

[turki878]

انا بالنسبه لي احب السفرا وحدي وخصوصا اذا كان خط

لاسباب

اذا ركب واحد جنبك يا يلعب في المسجل يا يلعب في الادراج ويعفس عليك الدنيا
يا انسدح ونام وعدمه افضل من وجوده

وبخصوص العائله طبعا شي جميل جدا بس عيبه شي واحد اذا اشغلوك البزارين بالصياح والنياح

ونقطه ثانيه يعرفها المدخنين انك ما تقدر تدخن ومعك اهلك وهذي نقطه مهمه

عشان كذا سافر بلحالك ابرك

[mohmed]

بالنسبه لي دائم السفر لوحدي

لكن أحذر من السفر بدون صاحب لأسباب عديده منها

التذكير بالصلاة - السواليف تخليك صاحي ولا تنام و تسهل عليك الطريق ( تنسى الطريق بالسواليف )

انا مرتين صار لي حادث على الطريق ( سرعة + سوء فرامل - والثانية نوم ) وكنت لحالي فيها.

يفضل ان وجد صاحب:wavey:

[التسعاوي911]

انا بالنسبه لي احب السفرا وحدي وخصوصا اذا كان خط

لاسباب

اذا ركب واحد جنبك يا يلعب في المسجل يا يلعب في الادراج ويعفس عليك الدنيا
يا انسدح ونام وعدمه افضل من وجوده

وبخصوص العائله طبعا شي جميل جدا بس عيبه شي واحد اذا اشغلوك البزارين بالصياح والنياح

ونقطه ثانيه يعرفها المدخنين انك ما تقدر تدخن ومعك اهلك وهذي نقطه مهمه

عشان كذا سافر بلحالك ابرك

يعطيك العافية يالغالي على إبداء رأيك بكل شفافية .

لاهنت عسالله يوفقك .

[التسعاوي911]

بالنسبه لي دائم السفر لوحدي

لكن أحذر من السفر بدون صاحب لأسباب عديده منها

التذكير بالصلاة - السواليف تخليك صاحي ولا تنام و تسهل عليك الطريق ( تنسى الطريق بالسواليف )

انا مرتين صار لي حادث على الطريق ( سرعة + سوء فرامل - والثانية نوم ) وكنت لحالي فيها.

يفضل ان وجد صاحب:wavey:

صدقت مامثله الرفيق بالسفر يعين ويعاون .

بس استغرب بصراحة من اللي ينام وهو يسوق وشلون تقدر تنام مستحيل انام وأنا أسوق .

الله يحفظك ويسعدك والحمدلله ع سلامتك وكل دقة بتعليمه وإن شاء الله تتفادى هالأخطاء مستقبلاً .

وسلمت .

[$ AL Z3IM $]

الصراحه ماقد سافرت الا ومعي صاحب ..

لاكن فيه ضروف تحدك انك تسافر لوحدك .. مثل ضروف العمل ..

هاذي صعبة تاخذ معك احد كل مابغيت تروح ..

[التسعاوي911]

الصراحه ماقد سافرت الا ومعي صاحب ..

لاكن فيه ضروف تحدك انك تسافر لوحدك .. مثل ضروف العمل ..

هاذي صعبة تاخذ معك احد كل مابغيت تروح ..

صدقت وعداك العيب لكن غالب السفريات تكون سياحة أو زيارات .


لاهنت يالغالي وألف شكر ع ردك .

[M O A Y A D]

كراهية الوحدة في السفر

* قال عليه الصلاة والسلام ((لو يعلم الناس ما في الوحدة ما أعلم , ماسار راكب بليل وحده ) .. رواه البخاري

فمن سنة نبينا محمد صلى الله عليه وسلم أن يكون معك رفيق صديق انيس في سفرك
لما له من فوائد كبيرة في العون والانس

ولكن مما لا شك فيه بان الشخص تلزمه بعض الظروف التي لا يستطيع ان يأخذ شخصا ايا كان معه

*على سبيل المثال (( المسافر لعمله )) .. مو معقول كل مارح دوامه شال واحد معاه

لافض فوك :xyxthumbs:

[شفروليتي]

طيب والى وحيد بدنياه واعز الناس خانه :smilie20:

اكتشفت من الحياه ان مافيه مثل ( الوحده )

[التسعاوي911]

تسلم يالهاشمي والشفرولتي ولاهنتم .

ويالشفروليتي يشوف واحد بداله .

لاهنت .

[هاوي الرمال]

والله يالحبيب مابعد سافرت لحالي

اذا نويت اسافر لحالي تطامرو اخوياي كلن يبي يسافر معي ةاستحي اردهم واشيلهم معاي :a1120(86):

واذا احد بيسافر منهم تشوف الاتصالات علي لازم اسافر معاه :bigggrin:


بس اكتشفت شي اذا كثرو الاخوياء بالسفر زادت الوناسه بالخط وينقطع بسرعه الخط


بصراحه انا اكره اذا سافر معاي واحد ما يسولف معاي كني اسولف لوحدي كذا اطفش منه نفسي ادفه معى الباب :bigggrin:
وخلاص تضيق نفسي اتمنى اني ما شلته معي :a1120(121):


تقبلو مروري ..............

[التسعاوي911]

كفو والله انك متعرف على ذيابة يالهاوي .

عسالله يحفظكم ويسعدكم .

لاهنت ومشكور .

[q8.TOUAREG]

لااااااااااااااااااازم صاحبي وياي
والله اعزه :wink:

اما اسافر الحالي لا مستحيل ضيقه ملل

[LR Discovery]

قال رسول الله صلى الله عليه وسلم : ((الراكب شيطان والراكبان شيطانان والثلاثة ركب))

وفي رواية قال رسول الله صلى الله عليه وسلم : ((إن الشيطان يهم بالواحد ويهم بالاثنين فإذا كانوا ثلاثة لم يهم بهم ))

[التسعاوي911]

لاهنتم يالربع ع المداخلات والله يحفظكم .

[lhiv]

لحالك ليييييييييييييين يصير فيك انفصام في الشخصية من كثر ما تكلم نفسك <<<< خخخخخ

[lvud29950]

بالمرتبه الاولى افضل السفر مع الوالد اذا ما ورانا شي لأنه راعي فله وطعوس وتمشيه

بالمرتبه الثانيه عيال عمي

[عــبــود-E55]

والله على حسب اللي يبي يروحون معك ,,

اذا كانوا فلة ووناسة بالطبع أفضل ,,

اما اذا كانوا مش ولابد أسافر بلحالي أزين لي ,



,,.

[jogo]

السلام عليكم
انا ادرس برا الريا بـ 600 كيلو وما ارتاح بالسفر الا لوحدي
لأني مسكت الخط كذا مره معي واحد و من اوجه الرياض الرجال بـ سابع نومة
فا الزم ما علي بالخط الكابتشينو و ( كريس براون)

[ALQSWRH]

طبعا لااااازم معي صاحب والا باطفش واهذري وبالاخير اسولف مع نفسي..
ما اوصل مشواري الا وعندي انفصام بالشخصية:bigggrin:
ويقولوا كان عاقل بس بعد السفر قلب حاله ما يندرى وش جاهـ :smilie16:

[سامي القرشي]

والله عادي بس احسن انك تروح لحالك واذا خوي خله ينام لاني احب الهدوء اذا احتجت له اصحيه ولا انا احط صوت المسجل على 3 واسوق احيانا احب صوت الخط
وسلامتكم

[التسعاوي911]

لحالك ليييييييييييييين يصير فيك انفصام في الشخصية من كثر ما تكلم نفسك <<<< خخخخخ


هههههههههههههههههههه والله لو الخط طويل توسوس .

لاهنت واشكرك ع المداخله .

[التسعاوي911]

بالمرتبه الاولى افضل السفر مع الوالد اذا ما ورانا شي لأنه راعي فله وطعوس وتمشيه

بالمرتبه الثانيه عيال عمي


الله يطولك بعمر الوالد وجعل من جابك بالجنة يارب .

[التسعاوي911]

والله على حسب اللي يبي يروحون معك ,,

اذا كانوا فلة ووناسة بالطبع أفضل ,,

اما اذا كانوا مش ولابد أسافر بلحالي أزين لي ,



,,.


أجل انت من النوع اللي يدور سعة الصدر بالخط وماتهمه الجوانب الثانية .

لاهنت يالغالي والله يسعدك .

[التسعاوي911]

السلام عليكم
انا ادرس برا الريا بـ 600 كيلو وما ارتاح بالسفر الا لوحدي
لأني مسكت الخط كذا مره معي واحد و من اوجه الرياض الرجال بـ سابع نومة
فا الزم ما علي بالخط الكابتشينو و ( كريس براون)

ههههههههههههه والله استكنان وانت جواك رايق .

لاهنت يالغالي وانتبه لنفسك بهالخطوط .

[التسعاوي911]

طبعا لااااازم معي صاحب والا باطفش واهذري وبالاخير اسولف مع نفسي..
ما اوصل مشواري الا وعندي انفصام بالشخصية:bigggrin:
ويقولوا كان عاقل بس بعد السفر قلب حاله ما يندرى وش جاهـ :smilie16:

خخخخخخ صدقت .

الله يحفظك يالغلا .

[التسعاوي911]

والله عادي بس احسن انك تروح لحالك واذا خوي خله ينام لاني احب الهدوء اذا احتجت له اصحيه ولا انا احط صوت المسجل على 3 واسوق احيانا احب صوت الخط
وسلامتكم


ما شاء الله عليك رااااااااااايق :bigggrin::bigggrin:

الله يحفظك في حلك وترحالك وتسلم ع المداخله .

[أسد الشرق]

الأفضل معاك أحد و يكفي حديث الرسول المذكور من الأخ hayoulek و لاكن أذا كنت مضطر في عند ساكو جهاز سماعة أذن توضع خلف الأذن نفس سماعة الي سمعهم ضعيف عافانا الله تباع بـ 7,5 ريال فقط لا غير توضع بها بطارية ساعة و توضع خلف الأذن و في حالت نزول الرأس ( بداية النعاس ) يصفر صافرة مثل صافرة طفايات الحريق الصغيرة المنزلية , يوجد بها زر صغير جدا لتشغيل الجهاز و تسكيرة و في حالة الوصول بالسلامة شيل البطارية من الجهاز و ضعهم معا في علبة صغيرة حتى لا تضيع البطارية لان البطارية أذا كانت داخل جهاز لا يعمل طويلا أو أنتهى مفعولها من جهاز مثل الساعة و لم تنزعها أخرجة مادة لزجة تذيب المعدن و تدمر الجهاز و قبل ما تسير في الجهاز على الخط جرب صوته يعني ركب الجهاز خلف الرأس و أحني الوجه للأسفل و كأنك بتنام و شوف قوة الصوت حتى لا تتفاجىء بقوتة و أنت نعسان و ترتبك لا سمح الله و تخرج عن المسار ( بدل تكحيلها نعميها لا سمح الله ) , و لا تنسى عدم الأكل و أنت تسوق لان في أحد الأشخاص كان يأكل و كانت زوجتة قريبة منه و لما توقفت اللقمة في فمة ضاع و ما عرف أيش يسوي و كاد يقلب السيارة و أن كنت مضطر للأكل أجعل قريب منك ماء مش مشروب غازي يطيش في الفم و يحوسك أحثر و لا عصير مزاز لانك ما تستطيع التنفس لتسحب العصير ( في حالة أنسداد الفم بلقمة لا يستطيع الشخص أخراج الهواء و لا أدخاله ) و أن أحسست بالنعاس حتى لوكان لديك الجهاز السابق قف عند أقرب محطة أمنة و خذ غفوة و أن تغير عليك الجو ( ضباب شديد , غبار شديد اللي نسمية العج , أو المطر الشديد و خاصة المصحوب بالرمل و الهواء توقف عند أقرب محطة في مكان أمن بعيد عن السيارات التي تدخل للمحطة حتى لا يصتدموا بك بسبب سوء الرؤية .

[التسعاوي911]

أسد الشرق كفيت ووفيت يالغالي وجزاك الله خير .

[أسد الشرق]

تسلم أخوي التسعاوي911

[Durango HEMI]

اذا انت تنام وانت قاعد تسوق
لازم يجي معك واحد
والله انا عني ماتفرق
راحمعي واحد او ماراح
بس اذا راحمعي واحد اقد اسولف معه
وذا لحالي تقول مهلوس
مشغل الاغاني علا الاخير واردد وراها

[إحساس غير..~]

تصدق عاد !

أنا ما قد سافرت الا معي واحد ولا 2 ..مره من المرات سافرت الحالي وكرهت عمري من الكئابه

[التسعاوي911]

تسلم أخوي التسعاوي911

تسلم وسلمت يالغلا واشكرك على المتابعة ,,

[التسعاوي911]

اذا انت تنام وانت قاعد تسوق
لازم يجي معك واحد
والله انا عني ماتفرق
راحمعي واحد او ماراح
بس اذا راحمعي واحد اقد اسولف معه
وذا لحالي تقول مهلوس
مشغل الاغاني علا الاخير واردد وراها

هههههههههههههههههههههههههههههههه والله انها تفرق :bigggrin:

الله يحفظك يالغالي والف شكر على المشاركة :xyxwave:

[التسعاوي911]

تصدق عاد !

أنا ما قد سافرت الا معي واحد ولا 2 ..مره من المرات سافرت الحالي وكرهت عمري من الكئابه


والله ما ألومك يالغالي بلحالك بالخط مايخارج ,

لاهنت ع المشاركة ,:xyxthumbs: