إصدار اللوحات والاستمارات من وكالات السيارات الشهر القادم

[Abu Ghada]

أكد مدير عام الإدارة العامة للمرور اللواء سليمان بن عبدالرحمن العجلان خلال المؤتمر الصحفي الذي عقد بمقر الإدارة العامة للمرور بالرياض مساء أمس السبت بمناسبة أسبوع المرور الخليجي

أن هناك توجهاً عن ربط مركز المعلومات الوطني بوكالات السيارات في المملكة بحيث تباشر شركات وكالات السيارات الشهر المقبل صرف لوحات السيارات والاستمارات من الشركة نفسها، بعد شراء السيارات أو حتى جلبها بلوحة جمركية من خارج السعودية سيشملها النظام دون الحاجة للرجوع لإدارة المرور.

صراحة شيء حلو يعني مستقبلا أدفع قيمة سيارتك وأستلم سيارتك على طول مايحتاج تجلس يوم أو أنتظر لين يفتح المرور بعد أجازة العيد.

[ri1403]

مشكور وإلى الامام من التقدم والازدهار

[KYRON]

اعتقد الخبر صحيح لكن يا حبذا تكتب رابط المصدر.

[رجل المستقبل]

ااايه هين انا مستلم سيارتي بعد اسبوع معاناة والسبب تاخير من المرور لدرجة يوميا امر عالومالة والقى السيارة واقفة تنتظر اللوح والمرور لاطع ام المعقبين حقين الوكالات واخر شيء استلمت لوحة غلط واسبوع اخراطارد بالعساكر مطارد عشان يجيبونلي لوحتي اللي بالاستمارة :a1120(82): اجل ربط الكتروني ......:a1120(121):
يعني اللوح بتكون مخزنة عند الوكالات والاستمارات تكتبها الوكالات هذا اللي مااتوقعه عشان يصدرون المرور لووح والوكالة تصدر نفس اللوح:a1120(86): وتعال حلني والا يسلمونك سيارتك باجازة العيد واللوح ماتسجلت بالسستم خخخخخ ويوقفك العسكري ويقولك منوين جايب اللوحة مالها اي بيانات هع
عالعموم يعطيك العافية عالخبر المستحيل واللي تنفذه بيكون بانوااع الاخطاء الشنيعة

[Abu Ghada]

رابط المصدر جريدة الجزيرة حقت اليوم.

http://www.al-jazirah.com/178665/fe4d.htm

[الوسم 2010]

خبر حلو ويفكنا من الانتظار

ورغم كذا راح يكون فيه لخبطه كثير وتعطيل

لان ربعنا متعودين على تعطيل المواطن بكل مكان

[X5a]

.



خــطوة رآئعه
والله يعــطيك ألف عـآفية على الموضوع
تسلم يديك ....

[Abu Ghada]

الله يعافيك أخوي أكس 5 لاكن مثل ماقالو الأخوان لعل وعسى يطبقونها صح وبطريقة صحيحه بحيث تكون تغير للأفضل مو كأنك ماسويت شيء كأنها عند المرور مجرد نقل المسؤلية الى أخر فقط.

[hayoulek]

والله خبر جيد .. ويعطيك العافية ان شاء الله

لكن استلام سيارتك في نفس اليوم من الوكالة عشان اصدار اللوحات من عندها .. اشك في ذلك

لانه اي سيارة جديدة تحتاج ل تست درايف وتشييك وبعض الاجراءات من قبل قسم الصيانة قبل خروجها وتسليمها للعميل .. الا اذا مثلا تدفع الصباح وتستلمها العصر او العشاء .. ممكن

او اذا بعض الشركات بس خذني جيتك .. تبغى تستلم الفلوس وتسلم على طول .. (( بقالة يعني))

الله اعلم .. ومشكور على الخبر ويعطيك العافية مجددا

[Abu Ghada]

الله يعافيك أخوي وعجبتني صراحة بقالة ههههههه.

[mr.nawaf]

والله قرار صائب وفي مكانه

اشكرك اخوي

تقبل شكر وتقدير اخوكم { mr.nawaf }

[Abu Ghada]

هلابك اخوي نواف.

[r3bob]

ربط مركز المعلومات الوطني بوكالات السيارات في المملكة بحيث تباشر شركات وكالات السيارات الشهر المقبل صرف لوحات السيارات والاستمارات من الشركة نفسها، بعد شراء السيارات أو حتى جلبها بلوحة جمركية من خارج السعودية سيشملها النظام دون الحاجة للرجوع لإدارة المرور.


http://www.al-jazirah.com/178665/fe4d.htm


طيب اللوحات المميزة .. راح تكون عند الوكالات ولا المرور


سؤال يحتاج الى أيضاح من المرور .. وياكثر غموضكم يا مرورنا

[DSC]

خبر جيد لكن اكيد المواطن بيدفع الفرق ويسمونها ضريبة راحه او بالأصح مرمطه
يعطيك العافيه

[فكتوريا2000]

وزيادة فلوس

يا رجال ربك يعين على هالمرور الفاشل


امشي من التفتيش وماني رابط الحزام واكلم يقول امش


واذا جيته رابط وناسي البطاقة يقول وقف

مهبل قسم بالله

[(غير مسجل)]

طيب واللي يسئلة العسكري السيارة بأسمك ويقول أية

وبنفس الوقت العسكري معة أثبات أخوة و ملتحي !!

صار لي هالموقف وانا أقدم لوحات طويلة لسيارة أخوي

ويا قلب لا تحزن :bigggrin:

[emad1900]

إجراء جيد فيما لو: دُرس بصورة مستفيضة (وأتوقع لا) وفيما لوكانت آلية تطبيقه سليمة ( من الطبيعي أنه سيجابه ببعض المعوقات) وفيما لو تم دراسة ثم حل المشاكل الناتجة بعد تطبيق هذا القرار ( وأتوقع إرتجالية في المقترحات وسلحفائية في حل المشاكل)
ودي

[A L R A J H I]

المرور سواليف .. غامض جداً

كل يوم له قرار وخبر .. وكلها هواء

نظام ساهر .. أخر نصبه .. مليارات وأخرتها

ههههههه يحط باص فيه كاميرا .. والله تخلف ..

ان شاء الله يتطورون بس


.

.

[$المميز$]

شي جميل وخطوة للأمام

مشكور اخي على نقل الخبر

[ميركوري 2005]

الله يعين
منهو اللي يبي يمسك اللوحات؟
ومنهو اللي يبي يتصرّف فيها على كيفه؟
الجواب هو ...العماله من الفلسطينيين والمصريين والأردنيين وغيرهم
وانت يالسعودي ياإبن البلد إقعد تحبب لهم...تكفا ...والله يخليكم أبي لوحة زينه
الله يعين بس

[عاشق دايو]

عرفنا وأمنا بالله أذا كانت سيارة شارينها من وكالة لكن

أذا أنا شارنها مستخدم من وين أجيب أرقام لها

[ميركوري 2005]

^^^^
من المرور
القصد إنه السيارات الجديدة السعودية الي من وكالاتنا تاخذ لوحاتها من نفس الوكالة
لكن والله أعلم إن الوارد تاخذها من المرور

[عاشق البورش2010]

الله يعين ويسير الف خير ذاك الوقت