ماهو موقفك اول ماتعلمت السواقة.....

[عاشـnissanـــق]

السلام عليكم ورحمة الله وبركاتة
كيف حالكم ياشباب طيبين:wavey:
كل واحد يقول موفقة اول ماتعلم السواقة (القيادة) وما نوع السيارة والاسم والموديل وصاحب السيارة يعني ابوك اخوك عمك ...الخ)
اهم شي الصراحه يا شباب :rolleyes1:
بانتضار ردودكم
المضحكة :smilie16:

[A.M.H]

كنا طالعين البر وقال لي الوالد تبي تسوق قلت ايه

وقمت شغلت السياره وهي معشقه و ونقز الموتر هاوشني الوالد وركب بدالي وعلمني خطوه خطوه الله يحفظه .........



الموتر هايلكس 1982

[عاشـnissanـــق]

هههههههههههه
اشكرك على الرد:xyxwave:

[الدبع]

ههههههههه انا جمس 98 وجبت العيد اول ما سقته في صبخ وانا مستانس واعشق 3 و4 وقالي الوالد يالله دور وقوم لف السكان على طول والموتر يفحط وابوي يقول خفففف وانا مو بجنبك بعدين شوي شوي صرنا سواقين......

[كابررررررررس]

انا على صاابونه 91 الموتر حق اخوي وجبت ام ام العيد في نص سيارات حاارتناا :smilie16:

اقبع في الظهريه وماعندي الا النحشه يااولد بس رااحت تشليح << اكيد تدروون ليه خخخخ :a1120(86):

ويعطيك العاافيه على الموضوع الطاازه :ch19:

ودي

[فكتوريا2000]

موضوع حلو

انا تعلمت على كراسيدا 93 حقت عمي

ونتعت 7 مرات وبعدين مشيت وقال لي عشق للثاني قلت له ما صدقت على الله تمشي

بعدين ضربت فرامل بغى يصك راسه بالقزاز بس ربك ستر

[a-a-q]

اول مره اتعلم على كابرس بوكس 94 اظن كنت بسادس في البر

وبعدها ما سقت الا بثاني متوسط

ومن هاك الحين وانا لا يشق لي غبار (تصدق مدري وش معناها )

على تيرسل 95 والى الان وهي معي الله يخلصني منها

[عاصم22]

كنت بالبر مع اخوي وقالي تبي تسوق



كرولا 2000

[lumi2008na]

أول ماتعلمت قبل 8 سنين على كابرس 80 كنت راجع مع الوالد من المطار قالي تعال سوق
قم سقته على الخط الأصفر وحاط رجلي بس مو على البنزين على البريك وبعدها تعلمنا عدل
وماتركته الا قبل سنتين وأخذت اللومينا

[عاشق دايو]

نيسان بترول 97 ستاندر

سيارت الوالد قبل6 سنوات يعني سنة 2004 تقريبا قلت حق أخوي يالله علمني سواقة

عطناني سيارة وقال يالله عط شويت بترول وشل رجلك عن صحن كلش



طلعة رجلي عن صحن كلش ورشت بترول فل....

حمد الله حركتها بس كانت في مشكلة وحده حصلة وراح أترجمها بثلاث كلمات

أحترق صحن كلش ههههههههه

[زين الشباب]

تريل بليزر 2006
طبعا الوالد الله يطول بعمره كان مواعدني من يوم اني باول ابتدائي اذا صار عمري 14 يعلمني
طبعا 7-8 سنوات انتظر
المهم قبلها بيوم قال لي ابوي يالله بكرة ان شاء الله بتسوق
يومها انواع الحماس انتظر بس يجي اليوم الثاني ونمت اخيرا وصحيت بدري انتظر الوالد يصحى
وفي النهاية وداني يمكن لمدة ساعة وانا اسوق بس طبعا ما تعديت 40
واخااااف اذا شفت سيارة حتى لو من بعيد انها تقرب لي >> كاني طولتها
والحين الحمد لله استقرينا
مشكور على موضوعك

[ابوفيصل الغامدي]

بديت بـ باجيرو 2001

والحين معي باجيرو2006

وياحبي للباجيرو..:D

[تذكآر]

هههههههههههههههه
اول مابديت اتعلم ذاك اليوم ودينا الوالده عند عيال خوالي
المهم قال ابوي تعال بس بدل هالفلفه والدوران نفرش فرشتنا ونتكي
بعد ماتكينا < وانا كنت شايل من راسي فكرة السواقه نهااائيآ < مر من عندنا واحد
معه كامري 94 واللي يسوقها ولد يمكن ماوصل عمره 14 خخخخ فـ قلت للوالد شف وش صغره ويسوق
قال تبي تسوق ؟
قلت قدام ياشنب < ياشنب هذي من عندي خخخخخخ ههههههههههههه
المهم وبسم الله اول شي كنت اتعتع كل شوي تطفي ولا اقومها وتطلع معي تقل بتقلع بطيارة ههههههههههههههههههههه
وصرت كل يوم كل عصر ونا طالع اسوق
بس اقسم لك بالله يمكن استمريت شهرين وانا على هالحال لكن وربي ياكنت اسوق سواقه وش اقولك بس على صغر عمري < 14 سنه
لكن صار لي حادث شنيع الله لا يوريكم مكروه < شمع ببرميل الزباله الله يكرمكم ههههههههه
جا الوالد اليوم الثاني وسوا لي مشكلة وقال سيارة ماعاد فيه < كنت سارق المفتاح
ومن عقبها ماعمري سقت وجلست يمكن سنتين من غير سواقه < يرحم

لكن اللحين الحمدلله بس ماعاد مثل اول < قبل يمشي 200 ويحك خشمه برجله ونايم ويكلم بالجوال ويحرك الدركسون باصابعه < الزبده متهور ض1

الله من زين الامور ,,,
الف شكر لك واسف علاطالة

[نواف الشمَري]

أول سيارة تعلمت عليها ألتيما 91 كسرتها بالبر وأول ما طلعت على الشارع الرئيسي قاومت مع جيتي 81 بس الجيتي ما كان فيه حيل وأنا أمسوي نفسي قوي ههههههههه ويموم شرالي الوالد الله يحفضة أكورد طلعت عليها كاشخ على الموتر ولا أدل شي بالشوارع >> المهم اطلع
وضيعت ورحت المطار القادمون ثم المغادرون خخخخخخخخ وبعدين يالله رجعت البيت هههههههه

[alshammary1972]

اول دقة سلف لي وانا عمري 6 سنين اذا ماني غلطان
سيارة جدي الله يرحمه سوبربان شفر 76
من قصري كنت متعلق بالسكان وواقف وداعس بنزين ودقيت سلف الا السيارة طلعت معشقه بالاول
تفز السياره وتضرب في طبلون الكهربا الكبير وترجع وانا من الخوف داعس بنزين والسياره تضرب الطبلون وترجع وتضرب وترجع لين مال ولصق بجدار البيت ههههههههههه والدنيا غبره
طبعا هالكلام قبل الارصفه في الدمام كلها براحات واعلى رصيف 5سنتيمتر
واخرتها احط رجلي واخلي السياره والمفتاح وانا نازل اشوف واحد واقف بسيارته يتفرج وميت من الضحك مانسيت شكله للحين
فكني الله ما شبيت انا والسياره من الكهرب
للحين اشتاق لهذاك الموتر

[hamte]

اول سيارة سقتها لانسر 93 حقت الوالد المهم رايح انا واخوي المهم اول مارجعنا نشبتلها قلت ابي سوق اول شي ماوافق بعدين كسرت خاطره خلاني اسوق انا ماعرف الاول من الثاني المهم هو مسفط السياره وسيارة جيرانى قدامي قالي سوق وانا صدمها هههههه قلت الحين الشيب يبي يصفقني صراحه ستقربت من رده قلي عادي بكره تعلم
الكلام ذا قبل 8 سنين
صراحه موقف ذا استحاله انساه
مشكور على الموضوع ذكرتانى :wavey: