استفسار حول اللومينا و الكابرس

[Valencia Heart]

السلام عليكم

ادخل في الموضوع طوالي ،،،

انا عاجبتني اللومينا ss فقلت خل نطقطق على جوجل نقرا عنها لكن

يا اني دخت من جوجل و انا اقرا تقريبا نفس الكلام كل ما فتحت رابط نفس الكلام :a1120(82):

خرابات و ما انصحك فيها و خلك ع الياباني هذا ردود الغالبية :confused1:

فقلت خل نجي منتدى رسمي بدل جوجل و خرابيطه ...

ممكن تعطوني معلومات حول اللومينا ss مميزاتها و سلبياتها و اسعارها و غيره .... :smile:

[Valencia Heart]

طبعا الشكل الجديد يعني 2007

[Valencia Heart]

شدعوة :rolleyes1:

[علي الشمري]

والله الومينا موتر ولا اس اس بعد يالبيه

واذا انت بتسمع كلام الناس بتنجن
ولا تشتري سياره خذ السياره الي في راسك
وحافض عليه والنشالله ماتلقاء الى الخير منه
وسياره الومينا وخاصتن الى اس اس هيبه يكفيك SS

[الدبع]

والله الومينا موتر ولا اس اس بعد يالبيه

واذا انت بتسمع كلام الناس بتنجن
ولا تشتري سياره خذ السياره الي في راسك
وحافض عليه والنشالله ماتلقاء الى الخير منه
وسياره الومينا وخاصتن الى اس اس هيبه يكفيك SS

وانا وياك اخوي لأن الحين بشب الفتنه في هذا الموضوع ههههههههه:c0038: اخوي اذا انت حاطها في بالك خذها ولا عليك من احد واذا انت بتستشير اجل احب ابشرك انك بتضيع بين الي يقولك خذ والي يقولك لا و الي يقولك ينفك الكفر وانت تمشي لحاله وما ادري ويش ......ههههههههه الله يعينك ...

ونصيحه شخصية اذا تبغى سيارة تعيش وياك خذ كابرس LS 89 ربع هارتوب نظيف وبتدعي لي من تجربه ....

[ss2000ss]

اللومينا والكابرس مافيهم شي لا مشاكل ولاهم يحزنون

الي جرب السيارتين وخاصه للي شروها اصفار من الوكاله يعرفون انها مافيها مشاكل

بس المشاكل في المستعمل لان اغلب المستعمل الحين معدل مركب له اضافات ومدري ايش المهم ان التعديلات هذي تاثر على السياره من كل النواحي من كهرب ومكينه وقير

تبي لومينا اس اس نصيحه اشترها من الوكاله او اذا تبي مستعمل دور لك شخص تعرفه معرفه شخصيه وتعرف موتره معدل ولا لا ومحافظ عليه ولا مكسره

توكل على الله اذا خاطرك في لومينا بس نصيحتي لك في كابرس اس اس :wink:

اخذ الموتر الي في خاطرك ولا عليك من احد

[-HAMOoOD-]

اصلن اي واحد يذم في اللومينا اس اس هذا ينقال له الشفر عمهم وحارق دمهم
ونصيحتي لك خذها بس مثل ماقال احد الاخوان عليك بالجديد او خذها من اي واحد تعرفه لا غالبية اللومينا اس اس بالذات يكون فيها تعديل على المكينه ويوم بدا الخراب في المكينه قال خل ابيعها والتوضيب على الي بيشتريها (يوم حس يعني ان المكينه بدت تخبط المشتري مابيلاحظ شي)
وسلامتكم

[ls_2001]

الله يهديكم يا شباب هدووا اللعب شوي تراهـ حديد وانتم اخوان

[عنابي89]

ترا الموتر بطراااااااااان

وخل كلام اليابانيين علي جنب

شكلهم بالعالي وادعس

[Anas.GM]

اخوي بقلك معلومة صدقني اي احد يقولك اللومينا والكابرس موب زينة او خرابات او مشاكل اعرف انو هاذا يحب السيارات اليابانية

مشكووور اخوي على الموضوع

[Valencia Heart]

الله يعطيكم العافية شباب

ما قصرتو :xyxthumbs:

[نـاصر]

^^

ماسوينا الا الواجب << تر انحذف ردي مرتين السموحه خخخخخخ

والاخوان ماقصروا

بالتوفيق ولاتنسى التقارير والتجربه

[sha3b boy]

أنا بعطيك الحل

اللومينا لهــا مشكلـة وحـــل واحـــد لك وهو موتر ما عليه كلام فقط

" إحترمـــــه يحترمـــــك " .

[CAPRICE2008LTZ]

حسب استخدامك اخوي...

[gentleman k.S.A]

اللومينا والكابرس من اقوى السيارات وافخمها وتحتوي على قوة مكينة وخصائص اكثر من السياررات الثانيه وخل عنك كلام الناس خذها وتوكل

[ااااالنت]

الله يوفقك اخوي واكبر دليل على جودتها وعملانيتها انتشارها الكبير في شوارعنا وتوفر قطع غيارها في كل مكان

[abboud]

الله يوفقك اخوي وانا ابطلع سياره قريب انشاء الله ومحتار بين الكابرس واللومينا ss

بس ليت الاعضاء يفيدونا بكم اسعارها وهل عليها عروض ولا لا وانا شخصين ابي احد الاعضاء يقولي ايش الفرق بين السيارتين وايش الافضل بينهم

[نـاصر]

الله يوفقك اخوي وانا ابطلع سياره قريب انشاء الله ومحتار بين الكابرس واللومينا ss

بس ليت الاعضاء يفيدونا بكم اسعارها وهل عليها عروض ولا لا وانا شخصين ابي احد الاعضاء يقولي ايش الفرق بين السيارتين وايش الافضل بينهم

على حسب ميزانيتك اخوي

والكابرس بوجهت نظري افضل

اكشخ وهيبه واوسع من جوا

وبالتوفيق

[abboud]

طيب والسعر بكم

[abboud]

وينكم واذا ماعليكم كلافه هل الكابرس عليها عروض ولا لا بالوقت الحالي