الفزعه يا عيــال كابريــس 2006

[LTZ - 2 0 0 6]

سلام عليكم ورحمه الله وبركاته
كيف الحال ان شاء الله تزقحون :bigggrin:
والله يا عيال ابي فزعتكم في الصيانه ووش اسوي بالضبط والتكفله اذا ما عليكم امر
انا معي كابريس LTZ 2006
ومن يوم طلعته جديد ما حطيت فيه شيء واهو ماشيء 41 الف طبعا كان مخزن الا هالايام بديت اطلع وابي انفظه من الصدام الى الصدام من تشيك وكفرات وغيرها ولا تنسون القيمه السعر
وياليت تدلوني بالرياض عن التشيك بالضبط واهو وراد الجميح واذا في صيانه نفس الوكاله لاني كني سمعت واحد يقول عنهاا المهم ياعيال الله لا يهينكم دلوني على الشيء الزين :xyxthumbs:
واسفين ع الايطاله

[سعود رويال]

سلام عليكم ورحمه الله وبركاته
كيف الحال ان شاء الله تزقحون :bigggrin:
والله يا عيال ابي فزعتكم في الصيانه ووش اسوي بالضبط والتكفله اذا ما عليكم امر
انا معي كابريس LTZ 2006
ومن يوم طلعته جديد ما حطيت فيه شيء واهو ماشيء 41 الف طبعا كان مخزن الا هالايام بديت اطلع وابي انفظه من الصدام الى الصدام من تشيك وكفرات وغيرها ولا تنسون القيمه السعر
وياليت تدلوني بالرياض عن التشيك بالضبط واهو وراد الجميح واذا في صيانه نفس الوكاله لاني كني سمعت واحد يقول عنهاا المهم ياعيال الله لا يهينكم دلوني على الشيء الزين :xyxthumbs:
واسفين ع الايطاله


ماشاء الله تبارك الله الله يعطيك خيرها ويكفيك شرها

اذا موترك ستة سلندر

تسوي تصفية مكينة
تشتري بواجي صناعتة الماني تنباع بي 20 ريال الحبة + صفاية بانزين+ فلتر هواء وفلتر القير والزيت القير + تنظيف الثروتل
والافضل
انك تغير البواجي عند محطة اس ديلكو

اما الصفاية البانزين اي ورشة بي 20 ريال لان اس ديلكو يركبونها بي 70 ريال وهي سهلة تركيبها

اما فلتر القير وزيت القير اي ورشة متخصصة بالقيور شغل اليد بي 50 ريال


واذا صار ثمانية سلندر نفس الكلام كله اللهم تشتري اسلاك البواجي بس

[بي تي كروزر]

غير زيت وامش عليه
شدخل بواجي؟؟ الموتر مخزن
وكفرات بس
وبس

[LTZ - 2 0 0 6]

الله لا يهينكم ويعطيكم العافيه ان شاءا لله اسوي الي قلتو عليه
بس يعني حوالي كم القيمه <<< عشان يروح بفلوسه :bigggrin:
وطيب ياليت لو تدلوني عليها بالضبط ترا انا مادل بالرياض كويس
وتحملوووني يالبا قلوبكم

[ls_2001]

مل ما قال اخوي سعود.

وحبيت اسالك هو 6 والا 8 سلندر.
عشان نقدر نفيدك بالسعر..

تقبل مروري

[LTZ - 2 0 0 6]

هلا بك اخوي لا ياقلبي V6 فتحه تشتري ههههههه :bigggrin:
وادري الاخوان ما قصرو بس مقل ما قلت نبي نشوف كم السعر
والله لا يهينك
ويسلموووو ع المروووور للكل

[LTZ - 2 0 0 6]

ونسيت شيء يالحبايب ابي وصف اس ديلكو الي قال عنها اخوي سعود او اي شيء متخصص بالكابريس وهل تنصحوني اشيك عليها كمبيوتر عن الوكاله وكم سعر التشييك بالوكاله وكم تجلس
الله يثيـــبكـــم :bigggrin:
<<< اتحملوه

[BLack CaP]

يا حفيفي على قوـوله واحد من العيال ...

من واقع خبرتي في خراباته ابوصف لك اللي ـآعرـرفه

غير زيووته كله من اولهـ لاخرهـ ( مكينهـ + قير + دركسون )

شيك عالرديتر ومويته ,,, شيكـ فلاتر البنزين والقير .. ( مهم فلتر زيت القير)

ـآلبواجي ما انصحك تفك حق الوكاله حقتي قعدت 4 سنوات كفرتها ورحت من راسي قلت ابغيرها فكو القديمات جديده باقي بس غيرتها مرهـ وحدهـ .. وان فكها واحد ما يعرفها خرب وجه الثلاجهـ ( البواجي يبي لها فك الثلاجه بالكابرس ) ...

ـآلباقي لا تغيرـر شي ما شا الله الموتر جديد حوالي 49 الف بس
< موترهـ ماشي 170 الف ...

وشيك عالفحمات والهوبات مجرـرد تشييك ...

الله يعطيك خيرهـ ويكفيك شرـرهـ

لا تفك شي مب خربان وتغيرهـ مالهـ داعي

دمت بخيرـر ,,,,

[BLack CaP]

لا ترووح عند ـآلوكاله نصابين يزرفوونك 700 800 ويقولون شيكنا على 4 الاف نقطه فالسيارهـ الله من النصب ,,

[سعود رويال]

غير زيت وامش عليه
شدخل بواجي؟؟ الموتر مخزن
وكفرات بس
وبس
هههههههههه
ياحلو تتكلم من جد

الاصل في الكابرس

كل 30 الف كيلو تصفية مكينة
الا هي تغير البواجي والفلاتر تتغير

[سعود رويال]

هلا بك اخوي لا ياقلبي V6 فتحه تشتري ههههههه :bigggrin:
وادري الاخوان ما قصرو بس مقل ما قلت نبي نشوف كم السعر
والله لا يهينك
ويسلموووو ع المروووور للكل

شوف يالغالي
البواجي جي ام سعرها بي 20 ريال والمجموع ستة حبات = 120 ريال
فلتر الهواء سعرة بي 40 ريال جي ام
فلتر القير= 100 ريال
زيت القير اس ديلكو الحبة بي 10 ريال وعددها خمس حبات = 50 ريال

صفاية بانزين سعرها من 60 الى 70 ريال <<< حسبي الله عليهم كانت بي 40 ريال الى 30 ريال

شغل اليد
انصح بي تغير البواجي عند محطات اس ديلكو اظن شغل يدهم 150 ريال

اما الفلتر الهواء انت تقدر تركبة اذا نظيف لاتشتري فلتر هواء

اما الصفاية البانزين ركبها برا مو عند اس يلكو بي 20 ريال التركيب

اما فلتر القير تغيرها عند محلات متخصصة بالقيور ياخذ شغل يدة بي 50 الى 60 ريال بس لايصير يماني والله يعدم ابو الموتر


تكلف عليك كلها مع القطع
516 ريال بدون فلتر الهواء ومع الفلتر الهواء 556 ريال

[ls_2001]

^^^^^^^^^^^^^^^^^^^
سبقني الرجال..
بالنسبه لصفاية البنزين ... ياسعود انا شاري درجه اولى ب45..
اما بخصوص اماكن الصيانه في الرياض يفيدونك ساكنينها..

انتهى<<<الله يبارك لك بموترك وخذها مني .. الكابرس اهتم فيه يهتم فيك خل عندك جدول يعني كمثال بين 6 الى 9 شهور تشيك على الاستهلاكيات وتغير اللي يلزم واهم شي في السياره السوائل لا تنقص ولا تزيد.
وخلها قاعده عندك عند اي تغييرة زيت انزل تحت في حفرة البنشر وشيك على بطن السياره وتاكد من فيه تهريبات زيوت ولا لا.
وان شاء الله تتوفق فيه.
لكـ تقديري

[LTZ - 2 0 0 6]

الله لا يهينكم يا شباب ويعطيكم الف عافيه
<<< قاعد يسجل الي تقولون عنه
ومشكووورين ع المروووووووور