مشورتكم يامستخدمي الأبيكا

[ابو بدر2]

السلام عليكم ورحمة الله وبركاتة

انا واعوذ من كلمة انا
ناوي على ابيكا ان شاء الله 2009 اصفار ب50000
6سلندر قير عايدي بس إلى الحين خايف ومتررد كيف السيارة تنصحوني فيها
راسية في الخط تنفع في المدينة المشاكل واجد العزم كيف ... طبعا (للقير العادي)
ايش الفرق بين 2009 و2010

وان شاء مااكون طولت عليكم في الأسئلة

[أنا ألووو]

و عليكم السلام و رحمة الله و بركاته

أنا مثلك ناوي على ابيكا 2009 لكن قير اوتوماتيك

و بالنسبة للقير العادي ما جربته

و اما الرساوة فالسيارة الصراحة ابهرتني

رساوة و هدوء في القيادة

و مشكلتها الوحيدة هي العزم الضعيف يعني ما تصلح لمقاومات

فلا تحرج نفسك و تدخل في تحدي مع احد

و الفرق بين 2009 و 2010 حاجتين

الاولى هي الدرج اللي فوق المسجل في 2009 كبير و مربع

في 2010 سووه صغير بشكل مستطيل و حطوا الساعة تحته

التخشيبة الداخلية في 2009 لونها فاتح

و في 2010 لونها غامق

هذا صورتين تحت ولاحظ الفرق باللي قلت لك

و يقولون 2009 القير 5 سرعات اوتوماتيك

و 2010 القير 6 سرعات تيبترونيك


2009
http://www.albdoo.info/postimages/postimages2009/49f20fa5c51465d9295944fed01f345a.jpg


2010
http://img42.imageshack.us/img42/3656/epicamultimediainterior.jpg

[ابو بدر2]

يعطيك العافية على مشاركتك بس بغيت اعرف 2.5 مو قوي عزمة

[أنا ألووو]

يعطيك العافية على مشاركتك بس بغيت اعرف 2.5 مو قوي عزمة



2.5 ما تجي الا الفل كامل

بشاشة و زوائد جانبية و مقاعد جلد

و سعرها 2009 بـ 88 ألف ريال

ولا كمحرك و قومة ممتازة اذا كانت 2.5

[ابو بدر2]

ماقصرت انا الوووو

[عآشق آلهيمي]

آنآ مجرب 2.0 قير عآدي ..
عزمهآ يمشي آلحآل ..

[مبارك المرواني]

لا تخذها ترها اكبرمقلب راح تاخذه في حياتك انا مجربها والله متسواء وكثيرة خربات وقطع غيار غير متوفره لا يغرك الشكل وانتبه منها

[king munthir]

في السعودية مافيه 2.5

لكن ممكن تستوردها
بالنسبة للفل مافيه فرق كبير بين السياحي والفل

كلهم سوا الزيادة فقط (حساسات+جنوط+القير 6 تعشيقات اوتو+ مثبت الشتاء+مانع الإنزلاق +مثبت السرعة+التحكم من الدركسون+الكشافات )

فقط هذي الفروق والسياحي ب47 الف والفل انا اخذته ب60 الف



والسيارة معي من 6 شهور طاحت في حفرة وانسرقت وطلعت الأير باجات وماصلحت منها الا الاشياء المهمة يعني تصليح سريع

وماسمعت منها أصوات ولا غيره

بما ان الأبيكا أول سيارة كورية اشتريها وسمعتها سيئة مقارنة بالكامري والسيارات اليابانية

لكن تحملت معي مالا تتحمله اي سيارة بالعالم

لكن انا مرنتها واحميها يوميا !!!

لكن مشكلتي حظي سيء بالحوادث

[moood]

أبو بدر أتوقع بالسعر اللي معكـ تجيب سيارة أحلى من أبيكا ،،

لكن أذا أنت مقتنع بالأبيكا ،، فأنا أشوف انك تطلع قير أوتوماتيـك أفضل بكثير ،،

وأنا بصراحه أستغرب من الناس اللي باقي تشتري قير عايدي ،،

وجهة نظر ،،


وبالتوفيق ومبروكـ مقدماً ،،

[ابو بدر2]

آنآ مجرب 2.0 قير عآدي ..
عزمهآ يمشي آلحآل ..



يعطيك العافية عاشق الهيمي كيف استخدامها معك حليو تنفع حقت خطوط ومدينة بالنسبة لشكل الجديد مو القديم

[ابو بدر2]

لا تخذها ترها اكبرمقلب راح تاخذه في حياتك انا مجربها والله متسواء وكثيرة خربات وقطع غيار غير متوفره لا يغرك الشكل وانتبه منها


اخوي مبارك الكلام هذا مجرد سمعة ولا استخدام ؟؟



شوف خوي معه 2004 لحتى الحين معه والله كل 6 شهور يروح عليها الجنوب وهو
من سكان الشرقية ويروح الرياض كل 3اسابيع والله ماشية معه مثل الحلاة
(بس هو محافظ عليها) وهذا طبعا لشكل القديم , ومدري صراحة عن الشكل الجديد

[كبير يا ماركيز]

المشكلة في الأبيكا أن قطع الغيار كوري ومن شركة دايو سابقا حسب ماسمعت يمكن المعلومة تكون خاطئة بس هذا الي سمعته
أذا كانت القطع كورية فنصحك الأبتعاد عنها لا الكوري قطعها غاليه

[DSC]

اتركو المواصفات شوي على جنب
سؤال محدد وواضح لملاك هالسياره
هل قطع الغيار متوفره عند وكيلها الغشاش والا لا

[Guitariano]

^^^^^^^^

طيب لو إنت بالرياض خذها من العيسى وريح راسك

وقطعها متوفرة عند العيسى .. أما الجميح فما عندي علم الصراحة .. لكن من كلامك أحسك تكره الجميح

[Rosr]

نصيحه ابعد عنها , ترا وضع السيارات الامريكيه الان سيئ جدا جدا
اشتر سوناتا 2009- 2008سياحي

[moood]

ابو بدر إذا تبغى معلومات وافيه عن السيارة تقدر تعرض موضوعكـ في رابطة ملاك إبيكآ ،، ورآح يفيدونكـ بكل التفاصيل الزيـنه ،،

بس والله رأي أخوي Rosrعجبني مرهـ خذ لك سوناتا بالسعر اللي معكـ ،، وعآد السونآتا غنية عن التعريف ،،

والرأي لك أخوي ،،

[09-Epica]

لا تخذها ترها اكبرمقلب راح تاخذه في حياتك انا مجربها والله متسواء وكثيرة خربات وقطع غيار غير متوفره لا يغرك الشكل وانتبه منها

انا استخدم الابيكا وبنسبه للكلام الي قلته انا ما شفت اي شي منها لاخرابات ولاشي وقطع غيارها متوفره .. والحمد لله ...

[مبارك المرواني]

أنا تحدى إي شخص يستخدم أبيكا ويقول مافيها مشاكل هذي السيارة ( حرام نقولها سيارة ) أنا توقفت سيارتي أبيكا 2005 في ورش أم الحمام 6شهور وخليت ولا بقيت من الوكالات وتشليح ومحلات القطع بالأخير غير طلبت القطع طلبية وسألوا عن القطع في جدة ومالقيوا وفي دبي ومالقيوا غير طلبية من كوريا وليتها جات جات ناقصه وغير غيرة المكينة كامله رغم أن الخراب هو أرتفاع في الحرارة وأنا مسافر بعد الرياض 180 كيلو عند محطة ساسكو قالت مكاني المكانيكي طلع السرندل لقية ذايب من الحرارة
( قال سيارة والله لا سيارة ولا قاله الله )

[Epica lt]

السلام عليكم
بما اني احد ملاك الابيكا بقول لك اخوي رايي فيها بكل حياديه

اولا نجي الى ميزات السيارة....
1. هاديه وعزل الصوت ممتاز جدا
2. السيارة ثابته على الخط ومرييييييييييييحة جدا .
3. التكييف صراحة ممتاز
4.انوارها عدسات مرة قويه اضائتها للشارع.
الحين نجي الى ابرز عيوبها
1. العزم ثم العزم ثم العزم تقدر تقول تعبان حبتين بس على الخط لا بأس بها (تطرح كورولا 1.3 :bigggrin:)
2. صرفية البنزين عالية نسبيا.
3. بالرغم من ان السيارة طويله والشاصي كبير الا انها ضيقه من الخلف نوعا ما.
4. تاكل 7 علب زيت وهذا اشوفه صراحه ما له داعي:c0038:
5. اللمبات الخارجيه دايم تخرب صراحه (بس سعر الشمعه ريال واحد)

وانطباعي العام عم السيارة جيده وسعرها فيها و((تتحمل كرف)) بحكم قيادتي القاسية لها والى الان ماشيه 80000 بلا مشاكل كبيره..
بس نصيحتي الك السوناتا اصرف:c0214:


واتمنى اني افدتك

[ابو!!خالد]

نصيحة : مثل ماقال الأخ مبارك .
لا تخذها.
وأنا زميلي معاه ابيكا م ( 2009 ) وتورط خرابات لليل
المشكلة إن ماكينة الابيكا مكينة داتسو
و اشتراله كورولا 2001 مستعملة وكرف مشاوير 300كم رايح جاي . جدة ـ الليث
وماشاءالله ما اشتكى منها . بس زيت وبنزين .
فرأيي احذر احذر احذر
والله يوفقك

[moood]

السلام عليكم
بما اني احد ملاك الابيكا بقول لك اخوي رايي فيها بكل حياديه

اولا نجي الى ميزات السيارة....
1. هاديه وعزل الصوت ممتاز جدا
2. السيارة ثابته على الخط ومرييييييييييييحة جدا .
3. التكييف صراحة ممتاز
4.انوارها عدسات مرة قويه اضائتها للشارع.
الحين نجي الى ابرز عيوبها
1. العزم ثم العزم ثم العزم تقدر تقول تعبان حبتين بس على الخط لا بأس بها (تطرح كورولا 1.3 :bigggrin:)
2. صرفية البنزين عالية نسبيا.
3. بالرغم من ان السيارة طويله والشاصي كبير الا انها ضيقه من الخلف نوعا ما.
4. تاكل 7 علب زيت وهذا اشوفه صراحه ما له داعي:c0038:
5. اللمبات الخارجيه دايم تخرب صراحه (بس سعر الشمعه ريال واحد)

وانطباعي العام عم السيارة جيده وسعرها فيها و((تتحمل كرف)) بحكم قيادتي القاسية لها والى الان ماشيه 80000 بلا مشاكل كبيره..
بس نصيحتي الك السوناتا اصرف:c0214:


واتمنى اني افدتك


ابو بدر ،، بعد النصيحه الصريحه والواقعيه من شخص مالك لهذا الطراز أشكر له صراحته ،،

ويكيفك نصيحته ورأيه إن السوناتا أحلى بكثير من الأبيكا بحكم المبلغ اللي معكــ ،،


تحياتي لك أخوي أبيكا ولكلامكـ الواقعي ،،