إستطلاعاتكم ونصايحكم لي فورد أو كابريس؟؟

[خالد عبدالرحمن]

السلام عليكم ورحمة الله

أخواني الاعضاء أبي فزعتكم معي انا محتار بين الكابريس والفورد ..
أعذروني لو فيه أحد سبقتني بهالموضوع ولكن أدري إن فيكم الخير ومابتردوني..
أبي اعرف وش تنصحوني فيه فورد او كابريس من ناحية الصيانه وقطع الغيار..
وقوة التحمل في السفر..

ولكم مني خالص الود.

[CLASSIC ¬»]

كلهم وجهان لعملة واحدة تقريباً :bigggrin: وكل له مميزاتة

الفورد سيارة معمرة يعني لو تحافظ عليها تجلس معاك 10 سنوات بنظافة الوكالة .. هذا إذا أنت جدا جدا جداً محافظ

الفورد يمتاز برخص قطع الغيار + الراحة والهدوء أثناء القيادة + سيارة مكدة

بس أهم شي الصيانة أول بأول وحط خطين على الصيانة أول بأول :bigggrin:

يعني أول ماتسمع صوت في العضلات ولا تطلع لك كلمة تشك أنجن على طول سوي فحص كمبيوتر وصلح

عيبة الوحيد أنة عضلاتة تتهربد بسرعة بسبب شوارعنا الجميلة ولازم تسوي له تربيط أول بأول وتغير القطع الخربانة


الكابريس :tongue:

سيارة جداً قوية ورائعة وتستطيع أن تعتمد عليها وراسية في الخط :xyxthumbs: .. ومثلها مثل الفورد من ناحية الصيانة يجب أن تحافظ عليها ولكن يعيبها إرتفاع سعر قطع الغيار

ولا أستطيع أن أتكلم أكثر عنها لأني لما أمتلكها ولم أجربها من قبل :bigggrin:

[خالد عبدالرحمن]

أخوي كلاسيك بيض الله وجهك على هالمعلومات الطيبه منك يالطيب..
أنا قد إستخدمت فورد قبل سنتين وبصراحه ماتندمت لما اخذته لكن من الهبال غيرته وأخذت كورولا 2008 جديده من الوكاله والحين انا عارضها للبيع لأني تحسفت إني بدلت الفورد فيها لأن الفورد مريح جدآآآآ..

لكن انا نفسي في الكابريس 2006 بس متخوف من أعطالها وقطع غيارها يقولون غاليه لكن هل الفرق بين قطع غيار الفورد والكابرس فرق كبير أو لا..

ومايقصرون الشباب إن شاء الله..

الله يعطيك العافيه ماقصرت.

[نـاصر]

الكابرس = قطع غيار رخيص + شكل رائع + جوده وتحمل + قوه + فخامه + رساوه + هيبه

وماقلت لنى وش نوع الفورد ؟؟
الفورد فيه اكثر من سياره

[خالد عبدالرحمن]

أخوي ناصر أشكرك على الرد ولاهنت

أبي فورد قراند ماركيز من موديل 98-2002

هل قطع الغيار فرق شاسع بين الفورد والكابريس

[خالد عبدالرحمن]

افااااااااا

وين اصحاب الفورد والكابريس

[Marquis lover]

^^^^^
فهمت من كلامك انك بتاخذ مستعمل
الكابرس المستعمل 2002 ماينبغى بريال ليس تقليل منه لكن روح شف سعره في المعارض .

الفورد عطي الله واسأل مجرب موديلات 92 - 98 - 2003
والسيارة القادمة ان شاء الله ماركيز ولافي امل اغيرها الا اذا وقفوها الله لايقوله .
قطع غياره رخيصه وبكل مكان واذا قالوا لك امريكي امريكي لاوبعد مستخدمينه امريكان

اسمع يالغالي بقولك سالفه :
جارنا شرى له كابرس 2008 ولاجلس معه سنه وشوي الا وانواع الاصوات والخرابات

وجارنا شايب عمره فوق 55 سنه ولاحظ كيف سواقه الشيبان على مهلهم المهم مالك

بالطويلة قروشه الكابرس اللين باعه وتوه شاري ماركيز 2004 استعمال أمريكي وقدر

الله عليه وصدم وراح وجهيته وصلحه واللحين معه زي السلام عليكم يقول على صدمتي

انه افضل من الكابرس.


وانا مااظلم الكابرس
الكابرس فخامه ومتطور اكثر من الفورد وشكله حلو وتقنيات متطوره وعزم وسرعه

لكن مع احترامي له ليس بجوده الفورد .

والله يوفقك

[خالد عبدالرحمن]

أخوي ماركيز الله يعطيك العافيه على المعلومات القيمه..

وانا والله ندمت لما بعت الفورد 98 برغم إني أخذت كورولا2008

وعلى يدي من الوكاله

لكن الحين عارضها للبيع

لأني تحسفت على الفورد

لكن قلت لو الكابريس أرخص منه بقطع الغيار او مثله باخذ كابريس

لكن الأغلبيه مايمدحونه.

لك شكري وتحياتي