اول مشاركه وطلب صغير

[فارس الدهناء]

السلام عليكــــم ورحمة الله وبركاته...

طبعا هذي اول مشاركه لي في هالمنتدى الطيب باعضاءه...

عموما ابغى منكم خدمه ومشوره بسيطه...انا سيارتي ابيكا 2008 والان ماشيه 46 الف طبعا ماغيرت فيها شي غير الزيت بشكل دوري...انا ودي اروح الوكاله اشيك علما باني ماشيكت من الخمسه الاف بس اخاف يصلخوني باسعارهم...علشان كذا ودي اسوي اللي هم بيسوونه برا واكيد بيطلع ارخص...ابغى نصيحتكم وش اغير...بواجي فلتر قير مع الزيت فلتر الهواء اسلاك بواجي؟؟

انيروني انار الله قلوبكم بالايمان :xyxwave:

[الوحش الأمريكي]

اذا السياره ماتشتكي من شي مالك ومال الورش

يمكن تسوي تصفيه للمكينه فقط

[فارس الدهناء]

اذا السياره ماتشتكي من شي مالك ومال الورش

يمكن تسوي تصفيه للمكينه فقط

كيف يعني تصفيه للمكينه؟؟

مشكور على ردك وتجاوبك:xyxthumbs:

[أنـــــس]

السيارة ماشاء الله تبارك الله جديده

ولاتحتاج الى شئ بنظري

اذا وصلت 100 الف كيلو اعمل لها صيانه دوريه

بالتوفيق

[فارس الدهناء]

السيارة ماشاء الله تبارك الله جديده

ولاتحتاج الى شئ بنظري

اذا وصلت 100 الف كيلو اعمل لها صيانه دوريه

بالتوفيق

اهلا وسهلا فيك اخوي جذابـــ

جزيت خيرا وزوجت بكرا على مشورتك...من خلال معطياتكم خلاص ماني مغير شي..زيت وخلاص واذالاسمح الله اشتكتيت من شي وديتها....
:xyxwave:

[فيكتر]

انا اقول انثبر محلك ولاتروح للورش:smilie16: لان الورش وانا خوك يجيبون لك الضغط:a1120(82): والمر وضيقت الصدر :blue:والوسوسه :emot123:والتفليس فما بالك الضمان؟هههههههه <<<<<< 3 سنوات وهو عايش بالورش
واذا كنت مررررررررررررره مصرعلى انك تروح للضمان خلهم يفحصونه كمبيوتر طبعا السعر بــ 100 بالكثيرررررررررر وبعدها بيعطيك الخرابات اكتبها في حالت اذا كانت واااجده وبعدين قل لموضف الضمان ضف وجهك عن سيارتي طبعا بينشب فيك يبيك تصلح عندهم ......المهم خلهم وبعدها روح عند الورش العاديه لجل انهم ارخص وصلح الي قالك بس مو كله الاشياء الضروووريه بسسس!
وشكرا وانا اسف على الاطاله

[الوحش الأمريكي]

تصفية المكينه هي :

تغيير البواجي واسلاك البواجي وصفاية البنزين

اذا كان فيها رجه او تفتفه تسوي التصفيه

[فارس الدهناء]

الوحش الأمريكي - فكتر - جذاب..

الله يعطيكم العافيه على ردودكم ونصايحكم

[HOLDEN HSV]

طيب انت ولا مره غيرت فلتر الهواء ؟؟؟
فلتر الهواء لازم تغيره كل 30 الف كم
البواجي و زيت القير كل 60 الف و بالكثير 80 الف
و سوي لها تنظيف لخانق الهواء
و سلامتك

[فارس الدهناء]

طيب انت ولا مره غيرت فلتر الهواء ؟؟؟
فلتر الهواء لازم تغيره كل 30 الف كم
البواجي و زيت القير كل 60 الف و بالكثير 80 الف
و سوي لها تنظيف لخانق الهواء
و سلامتك

هلا ومرحبا ..يالله حيه..ماغيرت شي ابد..انا كنت بغير فلتر الهواء بس البنشري قال لي جديد ومايحتاج تغيره..اما البواجي وزيت القير فانشالله ابغيرها زي ماتفضلت...

تسلم لي :smile:

[نجم المواهب]

اسمعني وانا اخووك شف فيه دفتر ابيض اللي هو حق الضمان والفحص بتلقى فيه جدول مكتوب فيه كل شي خذه واكتب الاشياء اللي لازم تغيرها وتوكل على الله بس اهم شي تغيير فلتر الهواء للماكينة كل 30 الى 40 الف بس بس انت لو تعلمنا انت وين مكانك بالتحديد نعلمك الورشات الزينة اللي شغلها نضيف ...... تحياتي

[عشق الريادة]

اهلا وسهلا بك الاخ العزيز فارس الدهناء/ انصحك باورش ولا الوكالة اول شيء بتصلخك في الاسعار ثاني شيء بيسوون اشياءانت ماطلبتها منهم وانصحك بورشة معروفة وانصحك بقطع غيار اصلية. اخوك / ابو احمد (عشق الريادة ).

[فارس الدهناء]

اسمعني وانا اخووك شف فيه دفتر ابيض اللي هو حق الضمان والفحص بتلقى فيه جدول مكتوب فيه كل شي خذه واكتب الاشياء اللي لازم تغيرها وتوكل على الله بس اهم شي تغيير فلتر الهواء للماكينة كل 30 الى 40 الف بس بس انت لو تعلمنا انت وين مكانك بالتحديد نعلمك الورشات الزينة اللي شغلها نضيف ...... تحياتي
نقطه مهمه جدا تشكر عليها..بالنسبه لفلتر الهواء شيكت عليه وشكله يبغاله تغيير اما بالنسبه للمكان انا في الدمام...

يعطيك العافيه

[فارس الدهناء]

اهلا وسهلا بك الاخ العزيز فارس الدهناء/ انصحك باورش ولا الوكالة اول شيء بتصلخك في الاسعار ثاني شيء بيسوون اشياءانت ماطلبتها منهم وانصحك بورشة معروفة وانصحك بقطع غيار اصلية. اخوك / ابو احمد (عشق الريادة ).

هلا فيك اخوي عشق الرياده..عطنا نصايحك وين الورش وقطع الغيار الزينه