ابي شوركم في ريموت ونوعية الماركيز !!

[Marquis lover]

السلام عليكم ورحمة الله وبركاتة

اخواني اعضاء المنتدى الطيبين واللي ارتاحت نفسي في هالمنتدى فيه كل شي الله يزيدهم يارب ,,,


ياشباب انا توي شاري ماركيز بس المشكلة مافية ريموت (اعتقد مضيعينه المعرض) ومع العلم ان السيارة LS وفيها ارقام سرية يعني بالاصل فيه ريموت بس مفقود الظاهر ؟

السؤال هنا هل يمديني اجيب ريموت زي الوكالة نفسة او اخوه ؟

طبعا بدون فك كهرب وبربسه ويعدمون لي الكهرب وتشتب الظفيرة زي فوردي الاول بس لحقت عليها قبل ماتشتب؟

والسؤال الثاني انا نوعية الماركيز LS مراتب جلد ومكيف الكتروني وفيه حاجة غريبة فيه حق نظارات فوق عند المراية الوسطى وشاشة بوصلة ولمباتة حقت السقف غير الماركيزات الثانية لان فية لمبتين عند البوصلة ولمبة وسطى ولمبتين في الخلف هل موتري فل كامل بنقص الهيدروليك والطبلون الالكتروني ؟
لاني لقيت ماركيزات هيدروليك بس ماهي فل كامل لحسو مخنا هالامريكان

والسؤال الثالث المفاتيح تنقص في اي محل مفتايح زي الفوردات القديمة والا شلون ؟

ارجوا افادتي اخواني الكرام وواثق تمام الثقة انكم مو مقصرين معي
تحياتي لمن قرئ الموضوع حتى لم يرد علية فالشرف كبير لي اني اخذت لو جزء بسيط من اوقاتكم

[مخاوي الليل2]

مبروك علئ السياره بخصوص الفل يجي بوصله وبلتوث للبايكه ونور وراء المرتبه الخلفيه وقدام عن المرايه مثل ماقلت سمعت ان الهيدوليك بعض الموتر فيها وبعضها مافيه خلقه علئ حسب المصنع الاميركي اذا كان مروق ركب هدروليك واذا كان طفشان سحب عليه
ترا غريبه مفروض رموتين مو واحد يعني وين موديه المعرض وش ثاني يمكن اخذه ويبيعه عرف وشلون يبرمجه علئ سياره ثانيه ويبيعه وانت واقف انا مره شريت جيب وقالو روح خلص اوراق وسوالف المعارض وجيت لقيت الموتر ماهي كفراته الاول ولله ماخذته لين تهاوشت وياهم وقالو خذ فلوسك وروح

انصحك روح للوكاله واسال في ريموت تركبونه يمكن يبعون ريموتات

[abu azzah]

مبروك عليك الماركيز ,, والله يطعمك من خيره ويكفيكـ شـــره ,, آختـيآر موفق ..


اما النسبة لأسألتكـ ان شاء الله الشباب يفيدونكــ ..

.

[أنـــــس]

اخي الكريم ألف مبروك عليك السيارة

وأمرك بسيط وسهل.

بالنسبة للريموت بإمكانك شراؤه من الوكاله وقيمته 120-150 ريال تقريبا

وبرمجته بـ100 ريال

أو تذهب لإحدى ورش البيان الجديد ويعملون لك ريموت جديد بـ150 ريال .

ولاتسترق العمليه سوى دقائق معدوده ولايوجد بها أي تعديل بالكهرباء

فقط هي برمجه أزرار الريموت على السيارة.

--

سيارتك تعتبر فل بما ان فيها كونسول علوي طويل وهو لم يتوفر الا في 2003 تقريبا .

كذلك بالنسبة للمفتاح ..يوجد في الوكاله وقيمته 90 ريال تقريبا


والآن بعض محلات المفاتيح موجود عندها مفتاح الفورد الأصلي ويعملون لك واحد مع البرمجه بـ150 ريال .


وأي سؤال آخر حاظرين

[Marquis lover]

مبروك علئ السياره بخصوص الفل يجي بوصله وبلتوث للبايكه ونور وراء المرتبه الخلفيه وقدام عن المرايه مثل ماقلت سمعت ان الهيدوليك بعض الموتر فيها وبعضها مافيه خلقه علئ حسب المصنع الاميركي اذا كان مروق ركب هدروليك واذا كان طفشان سحب عليه
ترا غريبه مفروض رموتين مو واحد يعني وين موديه المعرض وش ثاني يمكن اخذه ويبيعه عرف وشلون يبرمجه علئ سياره ثانيه ويبيعه وانت واقف انا مره شريت جيب وقالو روح خلص اوراق وسوالف المعارض وجيت لقيت الموتر ماهي كفراته الاول ولله ماخذته لين تهاوشت وياهم وقالو خذ فلوسك وروح

انصحك روح للوكاله واسال في ريموت تركبونه يمكن يبعون ريموتات

الله يبارك في ايامك ويرزقك الله من غير ماتحتسب
ايه نسيت شي بعد فيه ضغاطات للبايكة او بلوتوث مثل ماتقول (مالي خبرة فيها)

وفيها تقدر تحرك دعاسات البنزين والفرامل (الله يكرمك) تقدمها او ترجعها بس قهر مسافة بسيطه جدا ماتتجاوز سنتيمتر ومانع امزلاق كذالك ^_^

بس وشلون نور وراء المرتبة شكلك تقصد اللمبة الخلفية للراكب الخلفي ؟

يااخي والله ان قلبي قارصني من هالمصارية اول ماطريت الريموت نقزوا بوجهي قالوا لالا ماجاء معه ريموت !!

غشوك حسبي الله عليهم ازديت فيهم وخليتهم ياذيبان


ماقصرت يالغالي كفيت ووفييت وآسف اذا خذنا من وقتك الثمين شوي

تحياتي لك

[Marquis lover]

مبروك عليك الماركيز ,, والله يطعمك من خيره ويكفيكـ شـــره ,, آختـيآر موفق ..


اما النسبة لأسألتكـ ان شاء الله الشباب يفيدونكــ ..

.

الله يبارك في ايامك والله يرزقك

اللهم آمييين وجزاك الله خير

افا عليك الماركيز بدمي والله لو دراهمي كثر التراب (الله يرزقك ويرزقني) لأشتري لي موتر علية الكلام وطبعا بشتري معه ماركيز وجودة شي اساسي في حياتي ,,

تحياتي لك

[Marquis lover]

اخي الكريم ألف مبروك عليك السيارة

وأمرك بسيط وسهل.



الله يبارك في ايامك ويرزقك يارب

الله يسهل ايامك ان شاء الله ويوفقك




بالنسبة للريموت بإمكانك شراؤه من الوكاله وقيمته 120-150 ريال تقريبا

وبرمجته بـ100 ريال

أو تذهب لإحدى ورش البيان الجديد ويعملون لك ريموت جديد بـ150 ريال .

ولاتسترق العمليه سوى دقائق معدوده ولايوجد بها أي تعديل بالكهرباء

فقط هي برمجه أزرار الريموت على السيارة.




كفيت ووفيت يامشرفنا العزيز وش ظنك ازينة في الوكالة او في البيان ؟
البيان شغلة زين ؟
وبالنسبة للبرمجة انت مثل ماتكرمت تقول تشتري من الوكالة طيب هل يبرمجونة الوكالة ؟

وبالنسبة للبيان الريموت سعرة وبرمجتة 150 ؟

واذا كانك تدل البيان ياحبذا في الشفاء كان فيه فرع توصفلي اياه ؟



سيارتك تعتبر فل بما ان فيها كونسول علوي طويل وهو لم يتوفر الا في 2003 تقريبا .

كذلك بالنسبة للمفتاح ..يوجد في الوكاله وقيمته 90 ريال تقريبا


والآن بعض محلات المفاتيح موجود عندها مفتاح الفورد الأصلي ويعملون لك واحد مع البرمجه بـ150 ريال .


ايه فيه كونسول مثل ماتكرمت ووصلت خير ابشرك 2003 باين ان خبرتك عالية ماشاء الله الله يزيدك وشكلي بقروشك هههههههه تحملني

بس يااخي غريبة بالوكالة بـ 90 ريال و محلات المفاتيح بـ 150 ومع البرمجة !!
بعد المفتاح فيه برمجة ؟؟؟


ادري ذبحتك بالاسئلة يالغالي تحملني ماعليك امر
ان اشهد انك ماقصرت معي
كفيت ووفيت

شكراً شكراً لك

[أنـــــس]

انت تامر أخوي ولايردك الا الكيبورد.

بالنسبة للبيان سبق اني أخذت من عندهم ريموت بـ150 على ماأذكر مع البرمجه

وسؤالك عن المفتاح في الوكاله لأن له سعر خاص والبرمجه لها سعر خاص.

وبنظري اشتر الريموت من الوكاله أضمن بكثير واذهب به للبيان الجديد لكي تبرمجه .

وللأسف ماأعرف فروع الرياض وين أماكنها .


ولاتنسانا من دعواتك...

[ابو نادر]

افادوك الاخوه
بالنسبه للبرمجه
برمجته ماتخذ دقيقه معاك
حط المفتاح بالسوتش
و الريموت بيدك و علق على زر قفل الابواب بالرموت كنترول
بعدين شغل افتح السوتش ( لاتشغل السياره )
و قفله و افتح السوتش و قفل
و كرر العمليه بسرعه الا ان تسمع الابواب تقفلت
و يطلع 100% مبرمج

[Marquis lover]

انت تامر أخوي ولايردك الا الكيبورد.

بالنسبة للبيان سبق اني أخذت من عندهم ريموت بـ150 على ماأذكر مع البرمجه

وسؤالك عن المفتاح في الوكاله لأن له سعر خاص والبرمجه لها سعر خاص.

وبنظري اشتر الريموت من الوكاله أضمن بكثير واذهب به للبيان الجديد لكي تبرمجه .

وللأسف ماأعرف فروع الرياض وين أماكنها .


ولاتنسانا من دعواتك...

ماقصرت كفيت ووفيت

الله يرزقك ويزوجك ويسهلك امورك وتعيش مرتاح ومتهني دوم يارب

[Marquis lover]

افادوك الاخوه
بالنسبه للبرمجه
برمجته ماتخذ دقيقه معاك
حط المفتاح بالسوتش
و الريموت بيدك و علق على زر قفل الابواب بالرموت كنترول
بعدين شغل افتح السوتش ( لاتشغل السياره )
و قفله و افتح السوتش و قفل
و كرر العمليه بسرعه الا ان تسمع الابواب تقفلت
و يطلع 100% مبرمج

يالبى قلبك ياشيخ بتوفر علي واجد

يعني بشري لي ريموت من الوكالة وببرمجة مثل ماقلت لي الطريقة

الله يوفقك ويسهل امرك

ماقصرت يالغالي كفيت ووفيت

[أنـــــس]

الطريقة المذكورة من قبل أبو نادر نجحت في بعض السيارات

والبعض لم تنجح

لذلك جرب وقد تخرج بنتيجه.

[Marquis lover]

^^^^^^

ابشر ياشيخ

التجربة خير برهان

[المارودر 2004]

الريموت تشتريه من الوكاله وتبرمجه بنفسك

ومثل ماقالك الاخ جذاب الطريقه هذي جربتها على سيارات كثير ونجحت وفيه بعض السيارات مانجحت عليها ولازم برمجة كومبيوتر
بس 90% منها نجحت عليها الطرريقه وعدد قليل جدا مانجحت عليها

انت جرب وان شاء الله تضبط معك واذا ماضبطت برمجها عند اي محل بالكومبيوتر

والمفاتيح ايضا تشتريها من الوكاله وتقصها برا على المفتاح القديم عاد تقدر تبرمجها بالوكاله او عند بعض محلات المفاتيح الي يبرمجون مفايتح للسيارات

لكن اذا عندك مفتاحين وتبي تضيف ثالث تقدر تبرمجها بنفسك واحد الاخوان قبل كذا نزل الطريقه بالمنتدى

[Marquis lover]

الريموت تشتريه من الوكاله وتبرمجه بنفسك

ومثل ماقالك الاخ جذاب الطريقه هذي جربتها على سيارات كثير ونجحت وفيه بعض السيارات مانجحت عليها ولازم برمجة كومبيوتر
بس 90% منها نجحت عليها الطرريقه وعدد قليل جدا مانجحت عليها

انت جرب وان شاء الله تضبط معك واذا ماضبطت برمجها عند اي محل بالكومبيوتر

والمفاتيح ايضا تشتريها من الوكاله وتقصها برا على المفتاح القديم عاد تقدر تبرمجها بالوكاله او عند بعض محلات المفاتيح الي يبرمجون مفايتح للسيارات

لكن اذا عندك مفتاحين وتبي تضيف ثالث تقدر تبرمجها بنفسك واحد الاخوان قبل كذا نزل الطريقه بالمنتدى

ماعليك بجربها يالغالي

ماقصرت يالغالي وانا قرئت عده مشاركات لشخصك الكريم واعجبت بأسلوبك ورحابة صدرك
واصل يالغالي

تحياتي لك

[حر وبدون قيود]

ادري الموضوع قديم لكن اذا الاخ يقرى ردي
في اول شي برمجه الريموت مثل ماوضحو الاخوان صحيحه 100%
ثاني شي بزيدك من الشعر بيت

الي في الشمسيه ازرار البايكه الكراج
تقدر تبرمج كراج البيت على هالازرار
يعني تبرمج 3 كراجات لكل زر كراج


برمجة الريموت الموجود في بعض السيارات وخاصة الأمريكية والموجود بالشماسه (المظلة اللي فوق راس السواق)لكي يقوم بفتح باب المنزل:-

1- قم بضغط الزرين اللي بالأطراف الموجودة بالمظلة حتى تلاحظ ان اللمبه بدأت تومض بشكل متقطع (هذه العملية لمسح البرمجة السابقة)

2- قم بضغط زر ريموت الباب وأحد الأزرار الموجودة بالمظله لفتره قصيره حتى تبدأ اللمبة تومض بشكل متقطع

مبروك لقد قمت الان ببرمجة الريموت على هذا الزر بإمكانك برمجة باقي الأزرار بنفس الطريقة
انا جربت هالطريقه من سنتين والى الآن استخدمها

وهنا موضوع مفيد جدا وتلقى فيه شغلات حلوه
http://www.assayyarat.com/forums/thread128814.html

وعالبركه الموتر ويعطيك خيره ويكفيك شره
واحسن ما اخترت
تحياتي لك