المساعد الشخصي الرقمي

مشاهدة النسخة كاملة : وش رايكم حصلت فورد 2005


commander454
02-01-2010, 10:10 AM
السلام عليكم ورحمة الله وبركاتة

اخواني

ابي رايكم وخبرتكم

لقيت فورد امريكي

لونه ابيض

ماشي 45 الف ميل

ستاندر حيل

الجنوط طيس ( بس قالي الموظف رح يغيرها لي الى جنوط 2005 نصف فل)

المسجل كاسيت

المكيف فرار

مراتب مخمل لون بيج

ضمان 3 سنوات على المكينه والدفرنس والقير

فيها بعض العيوب وهي

مسكات الابواب لونها اسود بالكامل يعني مو مثل الفوردات السياحيه يجي نصفها اسود ونصفها كروم



كبوت السياره فيه بقع بالوسط متقشره
قالي بصبغ لك كامل الكبوت


انا خايف من هالبقعه
هل هي مصدومه

بس يقولي مو مسمكره والدليل يقول ناظر الحديد مو متسمكر وحق وكالة( لونه رصاصي)

انا شفت السياره على طبيعتها اول ماوصلت من الميناء

هم باقي بيصلحونها ويعرضونها في الصاله





وفي شي بعد مخوفني

يمكن السياره بوليس او ليموزين

لاني قعدت ابحث في قوقل عن سيارات البوليس

لقيت اكثرها طيس ومسكات البيبان اسود بالكامل
بقولي الموظف شيك على موقع فايركس مادري وش اسمه

يقول عشان تتأكد من السياره



على العموم اخواني السياره وقفتها حلووه مره وسعرها مناسب( 46 الف ريال)

بس متردد

هل السياره مصدومه
هل السياره بوليس او ليموزين


اخواني ارجوكم لاتبخلون علي بأراكم ونظراتكم



تقبلوا تحياتي
فيصل بن محمد
02-01-2010, 10:18 AM
بما ان السياره بتلك المواصفات ستجد افضل منها وبنفس السعر تقريبا ولكن يجب

البحث بشكل مكثف وحاول ان تتجه الى الاستخدام السعودي افضل لك خاصة اذا كان نظيف

بألنسبة لمعرفة ان السيارة بوليسيه او تاكسي ستجد بأن رقم الشاص P71 والتاكسي P72

والله الموفق
commander454
02-01-2010, 10:39 AM
اشكرك اخوي فيصل على سرعة التجاوب معي


حلوه رقم الشاصي
بروح بعد شوي اشوف رقم الشاصي


وبالنسبه ادور سياره ثانيه

اكيد كل مادورت بتحصل سياره افضل بس تعبت وانا ادور لي شهرين

لقيت فورد موديل 2007 سعودي نص فل

نظيف ماعدى ممشاه يخوف

ماشي 200 الف

حده راعيه بــ 47 الف

المعارض ارخص من الصالات بــ 7000 الف ريال ويمكن اكثر

بس تخوف


ولقيت فورد موديل 2005 فل كامل ونظيف امريكي طبعاً وضمان 3 سنوات وممشاه 60 الف ميل

بــ 51 الف


بس انا خلاص مقتنع بالاول بس ابي استفسر عن نظافته


يعطيك العافيه اخوي فيصل كفيت ووفيت

وننتظر باقي الاخوان
أنـــــس
02-01-2010, 01:58 PM
المواصفات المذكورة تكون للبوليسي .

ونصيحتي ابعد عنها خصوصا انها أمريكي

وبالسعر المذكور راح تحصل فل كامل وأنظف بكثير

موفق
أوكتين
02-01-2010, 02:37 PM
بسعرك او زيادة كم الف تحصل شيء نظيف و مواصفات أحلى ..


الا الميل الواحد كم يساوي بالكيلو متر ؟!
الفاهم2100
02-01-2010, 03:17 PM
888888
1.6كيلو متر
ليميتد
02-01-2010, 05:00 PM
انتو غلابه والله فئه البوليس بامريكا ماتجي هنا تترمي بامريكا بس الفورد

حق الحكومه ده بس شكل لكن قيه اختلاف

فك الباب حتلاقي حرف c شوف بعد السي ايش مكتوب 8 و 5 ولا كم

اجيان بيجيك كلمهaksl وتحتها الرقم وروح جده ترا السيارات هناك

سعرها طااااااااااااااااااااااح بسبب سمعه السيول
commander454
02-01-2010, 05:08 PM
الله يعطيكم العافية جميعاً


اخواني انا خلاص مقتنع بالسياره وبسعرها
بس ابي اتأكد هل هي بوليس او تاكسي

لاني خايف


اخوي فيصل بن محمد ماقصر وكلكم ماقصرتوا
يقول إذا رقم الشاصي يبدأ بــ P71 بوليس والتاكسي P72

شيكت عليها طلعت لا تبدأ بــ رقم هذا ولا هذا

بس باقي شاك

لان مسكات البيبان لون اسود بالكامل


مادري ياخوان في طريقه ثانية لتأكد


بأنتظاركم
فيصل بن محمد
03-01-2010, 02:05 AM
ارسل لي رقم الشاص واعطيك بعض التفاصيل عنها اذا هي مسجله في حاسوب الوكاله

والله الموفق
MR7OOM
04-01-2010, 01:23 AM
الله يوفقك
فريد السعوديه
04-01-2010, 02:46 PM
ابغى انصحك خذ رقم الهيكل المكون من 17 خانه وارسله الى الجوال0598500235
وكلمه يعطيك برنت كامل هل السياره مصدومه او غرقانه وعددالمستخدمين وهي حقت بوليس او اجره وغيرها وتراه ياخذ 60 ريال على البرنت
commander454
10-01-2010, 09:56 AM
اخوي فيصل عذراً على التأخير

هذا رقم هيكل الموتر

2FAFP73W05X135556

انتظر ردك فيصل



تحياتي لك
commander454
11-01-2010, 09:13 AM
اخواني وينكم


في انتظاركم
أنـــــس
11-01-2010, 12:23 PM
P73 تكون استخدام شخصي.
فيصل بن محمد
11-01-2010, 01:36 PM
P73 تكون استخدام شخصي.


حتى P71 تكون استخدام شخصي :wink:
فيصل بن محمد
11-01-2010, 10:02 PM
اخوي فيصل عذراً على التأخير

هذا رقم هيكل الموتر

2FAFP73W05X135556

انتظر ردك فيصل



تحياتي لك

تم الاستفسار عنها عن طريق الكارفكس

الطراز : فورد ( Crown Victoria )

الموديل : 2005

آخر قراءه للعداد : 48,833 ميل ( 78589 كيلو ).. بتاريخ 12/10/2009

عدد الملاك : 1

تقييم الموقع : 87 %

الملاحظات : تابعه لشركة تأجير سيارات .. وكذلك تأجير منتهي بالتملك .. وحصل لها حادث بالخلف .. خفيف جدا .. بتاريخ 03/01/2009

والله يعطيك خيرها ويكفيك شرها

والله الموفق
commander454
12-01-2010, 09:06 AM
الصدمه شفتها انا بسيطه مررره

بس السياره تبع شركة تأجير تخوف والله

تعرف المستأجرين يحرقون السيارات حرق

بس إذا الموقع قال 87%

وش رايك انت اخوي فيصل

وش رايك بالنسبة هذي

لأني اول مره اتعامل مع الموقع هذا

هل 87 تعتبر نظيفه

اكرر شكري لك اخوي فيصل

والله يعطيك العافية وبدعيلك



تقبلوا تحياتي
فيصل بن محمد
12-01-2010, 10:49 AM
في اعتقادي مادام التقييم 87% فهي تعتبر نسبة ممتازه خاصة على موديله

وبالنسبة لموضوع التأجير فلا اعتقد ان في اميركا يحرقون السيارات مثلنا :bigggrin:

ولربما كانت سيارة اجار بسائق

عموما لا تثق بهذا التقرير ثقه عمياء وافحص السيارة فحص دقيق واذا لم تجد

ملاحظات اركع ركعتين صلاة استخاره والخيره فيما اختاره الله

وبالتوفيق
أنـــــس
12-01-2010, 11:50 AM
النسبة أعتبرها ممتازة

لأني أجد سيارات كثيرة في أفضل وأجمل حالاتها وتكون تقاريرها 85%

ومسألة الايجار نسبة كبيره جدا تأتي الينا ايجار

وهذا لايخيف على الاطلاق لأنها ربما تكون تابعه لشركات خاصه وغير ذلك.

وسبق أن تعاملت مع سيارات ايجار وممتازة جدا ولاداعي للقلق
commander454
12-01-2010, 12:13 PM
تسلمون وما قصرتوا ياخوان

جذاب
فيصل بن محمد
وكل من ادلى بدلوه


الحقيقة اثبتوا تميزا هذا القسم نادي السيارات الامريكية

بفضل الله ثم المشرفين والاعضاء امثالكم

كنت استفسر وابحث

والحمد لله وجدت ضالتي


اكرر شكري للجميع

اخوكم عبدالرحمن
ULTMAIT
12-01-2010, 01:39 PM
لو ب 36 الف لا تشتريها