كابرس اس اس 2009

[محب العلماء]

كيف حالكم يا شباب انا يمكن اشتري كابرس اس اس 2009 ولقيتها بسعر حلو في التوكيلات ثلاثين الف ومع التخفيض ست وعشرين الف لكن يقولون إن فيها خرابات في القير وانها تحك في كل مطب وانها ما تصبر يعني سنتين مع الاستعمال التظيف وتخرب فما أدري تنصحوني أشتريها ولا لا انتظر ردودكم يا حبايبي واللي عنده خبره او عند هذه السياره يفيدنا وشكرا:ch19:

[مــجــنــوك]

ليه داخل حراج وخفضولك من 30000 الى 26000 مو معقوله هذا الكلام لان لو القير فيه شي راح يصلحونه ويبيعون مثلها مثل سعر غيرها وكيف حكمولك سنتين بصراحه موضوع غرييييب

[مجنون المارودر]

اول مرة سيارة مديلها 2009 وبعد كابريس اس اس وسعرها 26000 صارت سوفت اغلى منها لا ياخووووووووووي ماهو صدق ماهي معقولها سعرها اصلا يمكن انت تحب تمزح عاد هاذا شي ثاني

الله يوفقك وتلقى اس اس 2009 بعشره الالف :smilie16:

[هيا كذا]

حلمان انت ياخوي كابريس 2009 بثلاثين الف حتى لو تشيلح يمكن اغلى شفيك
الله يهداك بس .........

[MR:CORVETTE]

لو 26000 ...

ألحين بآخذه أنا ..وبدفع كآش بعد ..


الله يسامحك ..هذا سعره فوق الـ 80 ....

[عاشق الكابرسltz]

اووووه اس اس وبـ26 الف
ياخي توي مشتري ltz وسعره كاش
فوق الـ112000 الا اذا كنت تمزح فالله يساااااااااااااااااااااااااااااامحك
وعلى فكره التوكيلات لااااااايمكن تبيع سياره 2009 وفيها عيوب لانها راح تأثر على سمعتها وهي مو ناقصه


تحياتي

[سعود رويال]

ههههههههههههههههههههههههههههههه


اجل ياخوي انا بعطيك 90 الف ريال
جب معك 3 اس اس
اوكي
:ch19:

[كابريس2005]

اتوقع قصده والله اعلم ... 130 الف و126 الف ....:wink:

[مشاري خالد]

ياجماعه يمكنه يقصد 130000وخفضوها له الى 126000 اتوقع السالفه كذا
ولا سلاماااااااات كابريس ss2009 ب30000!!!!

[كابرس الوحش]

ياخوي انا معي اس اس 2002 ساموه ب26 الف ولا بعته

يمكن انك تمزح

[كابرس2010]

ههههههههههههههههههههههههههههههههههههه

انا اتوقعك حلمآآن

يمكن زي ماقالو لك الجمااعه الحلووين

شكله 130 وخفضوه لك الى126

والا اذا السآآلفه جد

ابعطيك 100000 وجيب لي 3 سيارات والبااقي خله لك قيمة تعبتك ولله

ابي واحد احمر وواحد اسود وواحد ابيض<<<اقرع ومتشيرط



^_^

تأكد من الموضوع يالخوي ورد علينا

[بي تي كروزر]

لاحد يتهم الرجال ماتدرون وش ضروفه
اصبر خلوه يرد باقي ماطلعت الحقيقه ويمكنه شارب شي بالغلط وفجاءه حصل نفسه بالوكاله كابرس ههههههه وابتلشو فيه الوكاله وصرفوه قالو له 30 وشكله زعل من 30 ورقعوها وقالو له خلاص خصم 4 الاف ويله ب 26 بس تعال بكره نخلص الاوراق وجيب فلوس ههههههه ماصدقو بس يطلع
هذا تحليلي الشخصي الفسيوليجي

[كابرس الوحش]

^^^^
ههههههههههههههههههههههه استغفر الله

[محب العلماء]

اشكركن يا شباب على مروركم وانا اشكر بالذات العضو مشاري خالد وأنا صراحه أخطيت وكنت أقصد 130000وخفضوها إلى 126000 عموما السياره ماهي مستعمله السيارة وكاله انتو فهمتوني غلط لكن يقولون إن الكابرس دايما فيها خرابات خاصة في القير فهل تنصحوني أشتريها ولا لا تراني أنتظر ردودكم

[كابرس الوحش]

(اشكركن ياشباب)
الظاهر المفعول ماراح للحين ههههههههههههههههه

[محب العلماء]

(اشكركن ياشباب)
الظاهر المفعول ماراح للحين ههههههههههههههههه
ياخوي بدون تحقيط خلنا نخلص اللي عنده علم يفيدنا:a1120(82)::a1120(82):

[HOLDEN HSV]

^^^^^
خخخخخخخ اخطائك الاملائيه فادحه
عموما لو معاي 126 الف ريال و لقيت كابريس اس اس 2009 جديد فل كامل و الله ما اخليه يفلت مني لو ايش يصير

[أزيــــراوي]

صدقوني لو أحصل كابرس SS ب30,000 ريال جديد موديل 2011 اللي باقي مانزل ما أشتريه لأنه سيارة كلها مشاكل ومافيها شي يغري غير محركها والباقي ماعندك أحد (مع إحترامي الشديد لمحبي الكابرس) وهذا رأيي (وأرجو من الجميع إحترامه)من واقع تجربه .



وتحياتي


أخوكم:أزيراوي

[HOLDEN HSV]

^^^^
نعم نحن نحترم رأيك
و لكن لا نحترم مبالغتك :smile:

[Acoord06]

والله حرام تقط هالمبلغ بكابرس

[أزيــــراوي]

^^^^^^^^^

صباحك عسل أخوي سعد أشكرك على ردك العقلاني وكنت خايف إنه بعض محبي الكابرس يظنون إن رأيي هو مجرد عداء للكابرس لكن وش تتوقع مني لما أسوق كابرس موديل 2006 ماشيه 30000كلم وأسوق كابرس موديل 2008 ماشيه 42000كلم وألقاهم كأنهم سيارات خرده وأصحابها يشتكون منهم ويتمنوا يبيعوهم هل تتوقع مني بعد هذا كله أمدح السياره؟

ولك كامل مودتي أخوي سعد


وتحياتي


أخوكم:أزيراوي

[HOLDEN HSV]

^^^
العفو و صباحك سكر
و احترم رأيك و لك كامل الحق بابدائه

[محب العلماء]

يا شباب ما وضحتولي خرابات السياره انتم انتقدتم السياره دون توضيح مشاكل السياره أرجو منكم التوضيح أكثر وهل تنصحوني برويال إذا لقيت أو ال تي زد 2009 شكرا على مروركم وانا اتمنى اللي عند كابرس يوضح لي اكثر عن السياره

[HOLDEN HSV]

شوف حبيبي العزل سيء
و الديكور جودته نص و نص
و الامور الميكانيكيه عشره على عشره خصوصا ال6 سلندر
و الباقي بشكل عام تمام و لا تخاف خصوصا لو حافظت على السياره ما رح تحصل اي مشاكل بالسياره باذن الله
تمنياتي لك بالتوفيق

[محب العلماء]

شوف حبيبي العزل سيء
و الديكور جودته نص و نص
و الامور الميكانيكيه عشره على عشره خصوصا ال6 سلندر
و الباقي بشكل عام تمام و لا تخاف خصوصا لو حافظت على السياره ما رح تحصل اي مشاكل بالسياره باذن الله
تمنياتي لك بالتوفيق
يعطيك العافيه أخوي على التوضيح
لكن أبي أعرف أكثر لان السيارة بشتريها لي وللعمر يعني بتبقى عندي فترة طويله ابيكم توضحون لي خرابات القير وحرارة السياره ترتفع ولا لا انا سمعت إن الكابرس إذا شريتها واستعملتها استعمال عادي سنتين وتبوش يعني تبدأ خرابتها باختصار إن السياره ما تصبر هذا الكلام صحيح ولالا أنتظر ردودكم
:rolleyes1::rolleyes1:

[جراند اسود]

فيها نفقيشن ؟؟

[محب العلماء]

فيها نفقيشن ؟؟
يعطيك العافيه
يا شباب يعني تنصحوني أشتريها بالعربي السيارة تصبر معي لمدة خمس إلى سبع سنوات يعني خراباتها قليله تكفووووون ردودكم أبي أعرف انا بانتظار ردودكم :confused1::confused1::confused1::confused1:

[كابرس الوحش]

لا ياخوي انا بكون صادق معك مع اني احب الكابرس
السيارة ماهي عملية وماهي صبورة بعد سنة بتطلع الخرابات
والله يعينك اسأل مجرب ومثل ماقال الاخ سبب حب الناس لها هو محركها الجبار

[V8_4.6L]

يـآ شيخ أشتـر ولـآ عليـك ..

أي خرآبـآت ؟ سيآرة تشتريهـآ طوآلي كـذآ وبدون سبب خرآبآت ؟ مو معقولـة ..!

من الإستخـدآم هـي تبدأ الخرآبآت .. غيرهـ أنـآ أحلف أن مآ فيهـآ خرآبآت

وبعديـن فيه شي آسمـه ضمآن إذآ خربت السيآرة ..!

هـذآ رأيي .. وشكرآ لـك على فتـح بآب النقآش :wink:






تحيآإتي:smile:

[almraia]

اخوي نصيحه لا تفوتك السياره
انا معاي كابريس 2007 مرررررررررررررررررررره ممتازة
الجربكس قوي ويتحمل والسياره الان لها اربع سنوات وكل شي فيها ممتاز

وياليت اخوي تقولنا مكان الشركه او رقم الهاتف لاني ادور 2009


تحياتي

[ebnahmad]

ياعزيزي انتبه ترى السيارات المعروضه بهذه الاسعار من السيارات التي كانت
مخزنه بالمستودعات في جده والتي غمرتها السيول الاخيره
فأنتبه لا تاخذها الين تتاكد

[سعود رويال]

يالغالي الا يقول كابرس خرابات مدري ايش ماعندة سالفة الصراحة

الكابرس عندي خمس سنوات ماشاء الله تبارك الله

شف اقسم بالله ان الموتر يعطيك وعملي ولا يقول القير ياحبيبي هذولا الشباب يعدل الموتر تعديل خطير انواع المقاومات وتحترق الكلتشات اوكي

اما انت محافظ
تحمي السيارة + تغير الزيت كل 5000 كيلو وصيانة 30 الف كيلو بواجي واسلاك بواجي وتنظيف الثروتل + تغير الزيت القير كل 30 كيلو
ابصم لك بالعشرة الكابرس يعيش معك سنوات

وسالفت القير انتهت الحين الكابرس 2009 ست تعشيقات والقير قوي

وفي الكابرس نوعين من المكينة
L98 كل السلندرات تشتغل
L76 اذا مسكت خط تشتغل اربعة سلندر

وانت حر في الاختيار

وتبي موتر عملي حق مشاوير كثيرة واقتصادية
خذ كابرس ستة سلندر فل كامل
وهذة مختصر الكلام

[Nice_Man]

ياعمري مافي شي اسمه خرابات

يعني واحد معاه كيا 2006 والى الان ماشاء الله وكاله .. وواحد جاره كيا 2008 وتحلف انها 1990

الاستخدام السيئ للشباب بالذات لسياره زي الاس اس لانها تكون استخدام مطارحات وتفحيط
فأكيد بعد ما لعن والديها سنه كامله ... الناتج سياره مكسره حتى لو انه مدري ايش


بالتوفييق يارب


تحياتي لك

[راعي الزد]

والله ماحطها بكابرس
130 الف عندك خيارات جمه حطها يباباني يااخي
انفنيتي لكزس اقل شي قيمتهم فيهيم لاجا وقت البييع
هذا تحطه ب130 الف وههههههههههههههههههه وعقبها فعلا تحرج عليه ب30 الف ماتلقاله شراي ويصير كلامك باول مشاركه هو عين العقل والصواب

[Nice_Man]

شكلك فاهم ياراعي الزد

طيب ياريت تحط 2 من الخيارات الجمه اللي تقول عليها ب126 الف ريال بحجم الكابريس وقوة مكينته بالله ...

لاني جاهل

[شكلين مابحكي]

بصراحة اخوي اغلب الناس اللي تتكلم عن الكابرس وتذمها اغلبهم يسمع من ناس والناس هذي سمعت من ناس يعني ماقد ركبها بالاصل او جربها ولكن باختصار اول شي لازم تقرا عليه وتحصن نفسك بالاذكار يوميا صباح ومساء لان والله والله والله اسباب الخرابات اللي في السيارات الجديدة (العيـــــــــــــــــــــــــــــــــن) والعين حق كما قال الرسول صلى الله عليه وسلم. ثاني شي: الكابرس اذا حافظت عليه وعلى غيارات الزيت وتشييك الوكالة بعد كل 40 الف كيلو وكمان في حاجه مهمممممممه جدا وهذه الحاجة هي اللي راح تفكك من وجع الراس (حذاااااااااري من القومات والدعسه المفاجئه)وكما قيل اسئل مجرب...... تحياتي لك واتمنى لك التوفيق

[BASEMBASEM]

هههههههههه والله لو انها صيني اما تخرب اخر السنة اخوي خذها بدون تردد ولا راح تسوق سياره بروعتها في الخطوط نهائي بهذا السعر واذا على كلامك بتستعمل مده طويلة فما يهمك سعر البيع وما من ناحية الاعطال فانا مجرب الرويال على يدي للآن مشاء الله 5 سنوات زيت وبنزيم وفحمات عاد الفحمات هي الى ضايقتني وغيرها والله ماصلحت شي فيها ابد
توكل على الله واهتم بصيانتها الدورية والله يوفقك وجميع القراء

[محب العلماء]

أشكر الجميع على المرور والمشاركة الطيبة والردود اللي بالفعل أفادتني كثيرا وأنا إنشاء الله قررت إني أشتري السياره وبعتني فيها مثل ما قلتوا وأتمنى منكم أن تدعو لي وما قصرتم يعطيكم ألف عافيه وبالنسبه لمن سأل عن الوكاله أو رقم الهاتف فأنا رحت وكالة التوكيلات في الأحساء وسألتهم عن السيارة قالولي موجود عندنا سبع سيارات وبألوان مختلفة منها الاسود والاحمر وغيرها وقالي السعر 130000 -هالمره ماخطيت-:bigggrin: ومع التخفيض 126000 وقالي السيارات موجوده في الدمام -هذا توضيح للأخ اللي قال إن السياره جايه من جده وغمرتها السيول - السياره ابد موجوده في الدمام وقبلها سألت الجميح قالو خلصت ما عندنا غير هذا انا كلمت الجميح وسالت عن سعر ss 2009 قالي بميه وأربعين ألف أو حولها يعني التوكيلات ارخص منهم عموما السياره قررت أشتريها واللي عند أي فايده عن السياره يرد علي وأنا بانتظاركم وأعود وأشكركم على هذه الردود وما قصرتم
وسامحوني على الإطاله أنا بانتظار من عنده فايده عن السياره أو رد على كلامي :smile::smile::smile:

[HOLDEN HSV]

الف مبروك عليك اخوي الموتر
الله يعطيك من خيره و يكفيك شره و يجعل لك فيه قرة عين
و ان شاء الله بتعجبك السياره و رح تشوف بنفسك و اهم شيء و انا اخوك تحط يدك على السياره اول ما تجيك و تقول (( اللهم اني اسالك خيرها و خير ما جاءت به و اعوذ بك من شرها و شر ما جاءت به )) و حط لك بدرج القفازات مصحف صغير
و الشيء الثاني لا توسوس لا توسوس تراك بتتعب ما هو كل ما سمعت صوت خفيف و لا شيء من هذا القبيل تدخل بالوسواس
و اخر شيء بالنسبه للاستخدام ترى صحيح ان الدعس القوي على البنزين يأثر على السياره بس المقصود هنا الدعس القوي (( التفجير )) يعني عادي تدعس و انت ماشي و توصل الضغط الى 4 ما عندك مشكله يعني ادعس بس بشوية حنيه :bigggrin:
و الله يوفقك

[عبااادي]

الف مبروك السياره والله يعطيك خيرها ويكفيك شرها

وصدقني انك اخترت السياره الافضل والاجمل والامثل

وان شا الله تتهنا فيه وماعليك من كلام الناس اللي ماعندها غير النقد

واهم شي لاتوسوس لان الوسوسه هي سبب المشاكل كلها
وانبسط بالسياره وعيش حياتك

الف مبروك




تحياتي

[محب العلماء]

شكرا لكم ياشباب على هالرد وما قصرتو ويعطيكم العافيه وانشاء الله إذا شريت السياره بعلمكم وبقولكم كيفها معي لكن عندي سؤال بالنسبه للدعس متى يكون يأثر على السياره ومتى يكون الوضع عادي يعني ما تتأثر بالدعس أرجو التوضيح مشكورين

[HOLDEN HSV]

^^^^^^^^
شوف اخوي
ابعطيك اياها بالتفصيل الممل
اول ما تشتري السياره
مرنها الى 1000 كم بدون ما تتعدى ال100 كم /س و حاول ان دعستك على السياره تكون خفيفه مره و لا تشغل المكيف
بعد ال1000 كم غير الزيت عند الوكاله مجانا طبعا بعدها شغل المكيف و امش على كيفك بس ما هو على طول تطق طبلونها شوش شوي بالتدريج
بالنسبه للدعسه انا و الله اني انتف اللومينا نتف و لا قالت شيء بس من باب الحرص انت حاول تكون دعستك نص و نص يعني لا تفجر الموتر و توصل دورات المحرك على 6 حاول انك ما تتعدى ال4 او ال4,5 تمام
انتبه من المطبات و الطرق المكسره تراها تعدم السياره
حاول ما تحط اي قطعه بالسياره الا و تكون اصليه و التركيب يكون عند الوكيل او اي ورشه مشهوره
طبعا كل 5 الاف غير الزيت مع السيفون
و كل 30 الف غير فلتر الهواء
و كل 50 الف سوي للسياره تغيير بواجي و تنظيف لمدخل الهواء و تغيير زيت القير
و كل 80 الف غير الفحمات طقم كامل و هي اصلا تمشيك الى 90 الف بالراحه بس افضل لك علشان ما تحتاج خرط
و شيك كل نهاية اسبوع بنفسك على السياره سواء زيوت او مويا او الكفرات
طبعا علشان اريحك انا معاي لومينا 6 سلندر و ما عمره نقص مويا الرديتر و لا زبت الفرامل و لا زيت الدركسون و سيارتي ماشيه 117 الف كم
و الله يوفقك و لا تنسى تصور السياره و تحطها بموضوع علشان نبارك لك
و لا تنس برضو تعطيني لفه :tongue:

[محب العلماء]

^^^^^^^^
شوف اخوي
ابعطيك اياها بالتفصيل الممل
اول ما تشتري السياره
مرنها الى 1000 كم بدون ما تتعدى ال100 كم /س و حاول ان دعستك على السياره تكون خفيفه مره و لا تشغل المكيف
بعد ال1000 كم غير الزيت عند الوكاله مجانا طبعا بعدها شغل المكيف و امش على كيفك بس ما هو على طول تطق طبلونها شوش شوي بالتدريج
بالنسبه للدعسه انا و الله اني انتف اللومينا نتف و لا قالت شيء بس من باب الحرص انت حاول تكون دعستك نص و نص يعني لا تفجر الموتر و توصل دورات المحرك على 6 حاول انك ما تتعدى ال4 او ال4,5 تمام
انتبه من المطبات و الطرق المكسره تراها تعدم السياره
حاول ما تحط اي قطعه بالسياره الا و تكون اصليه و التركيب يكون عند الوكيل او اي ورشه مشهوره
طبعا كل 5 الاف غير الزيت مع السيفون
و كل 30 الف غير فلتر الهواء
و كل 50 الف سوي للسياره تغيير بواجي و تنظيف لمدخل الهواء و تغيير زيت القير
و كل 80 الف غير الفحمات طقم كامل و هي اصلا تمشيك الى 90 الف بالراحه بس افضل لك علشان ما تحتاج خرط
و شيك كل نهاية اسبوع بنفسك على السياره سواء زيوت او مويا او الكفرات
طبعا علشان اريحك انا معاي لومينا 6 سلندر و ما عمره نقص مويا الرديتر و لا زبت الفرامل و لا زيت الدركسون و سيارتي ماشيه 117 الف كم
و الله يوفقك و لا تنسى تصور السياره و تحطها بموضوع علشان نبارك لك
و لا تنس برضو تعطيني لفه :tongue:
يعطيك العافيه أخوي وما قصرت وألف شكر لك
بس عندي سؤال بس يمكن تضحك كيف أحط صوره في الموضوع لأني حاولت ما قدرت وأبشر باللفه ما هي لفه بس بخليك تمسك فيها خط

[HOLDEN HSV]

ما دام الدعوه فيها لفه اااااهاه :bigggrin:
خذ هذا الموقع لتحميل الصور
http://www.7mmlbs.com/index.php
و بالتوفيق

[محب العلماء]

[QUOTE=HOLDEN HSV;2094651]ما دام الدعوه فيها لفه اااااهاه :bigggrin:
يا خوي ما هي لفه قلت لك بخليك تمسك فيها خط :xyxthumbs::xyxthumbs:

[محب العلماء]

بالنسبه للأخ عبدالرحمن نور كلامك هذا بدون ادله وبراهين حتى لو كان فيه أدله هذا بسبب الاستعمال السيء للسياره لأن أغلب الشباب يأخذونها للمقاومات والتفحيط
نصيحة لك يا أخ عبدالرحمن نور الالفاظ الغيرجيده يستحسن الا تقولها هنا وشكرا على مرورك وما قصرت

[HOLDEN HSV]

حبيب مالقيت الا الكابرس 100 تجيبلك موتر اطلق من الكابرس و26 حطها في جيبك

ابعد عن الكابرس (غلطة امريكا) وبمسمى اخر (------- الورش)
يا اخي انت انسان ما تستحي على دمك يوم تقول هالكلام
و كل واحد قرا كلامك هذا رح يدخل في ذمتك
فالله يعينك

[M~أمير بكلمتي~M]

الموضوع اعتقد اخذ حيز اكبر من حجمه

يغلق

أخوكمـ