نغريت نضرتي نحو الفلكس واجن فيدوني يمكن اكون من ملاكها ان شاء الله

[gllx]

السلام عليكم
كيف الحال شباب
انا ادمي خبرتي في اليباني حلو على كثر ما اقراء ليس من تجربه لان توني صغير
واليوم قاعد اقراء في موضوع شوي والقاء الرابط يقول مواصفات واسعار فلكس واجن المهم دخلت قلت اكيد كلها غاليه بس تفجائت باسعار ممتازه
لمهم انا بسئل عن الفلكس واجن
تكفون بكل صراحه وائمانه هل هي اعميله افضل من اليباني وقطعها ممتازه مب شرط احسن منه بس هل هي محل ثقه
يعني ان شاء الله لو ربي يسر الامور وجيت اشتري باسات هلا راح اندم او اعيش خمس سنوات وانا مرتاح
انا عن نفسي محاظ على السياره يعني ان شاء الله كل الصيانات في الوكاله بس فيني عيب انا رجلي شوي حاره
لاني والله اكره السياره اذا كل شوي ادخلها ورشه
وانا ادمي احب السفر كثير هل تستحمل الخطوط ومكينتها وقيرها قويه
تكفون فيدوني لاني كنت ناوي على اكورد بس من يوم شفت الاسعار والله حبيت باسات لاني احس سعرها ممتاز وان شاء الله انا بشتري مب ذلحين بعد كم شهر من اليوم يعني توني ريض
فيدوني من واقع تجربت يملاك الفلكس واجن مب شرط الي عنده باسات اي نوع
انا عارف اني كثرت عليكم بس مية الف مبلغ مب هين وتكون تقصيد ينصق ضهرك

والله يعطيكم الف عافيه

[gllx]

وياليت اسعاره في السعوديه بالتأكيد

[Sammy Mirza]

السلام عليكم ورحمة الله وبركاته

اي سؤال حاضرين بخصوص الباسات سعرها ابتداء من 85 الف الي 160 الف حسب المكينة و المواصفات

تحمل ماتخاف السيارة تعيش 10 سنوات بالذات لمن تكون شخص مهتم

سيارتي عمرها عشر سنوات طبعا خطوط و استخدام غير نظيف و لله الحمد زي العسل نوع فولكسواجن قولف اخت الباسات الصغيرة

لاي استفسارات بامكانك تجتمع معنا في مجموعة فولكسواجن على الرابط التالي

http://www.assayyarat.com/forums/showthread.php?t=133289

للمعلومية قطع الاكورد اغلى من الباسات ببعض الريالات

و حياك الله

[Nice_Man]

سيارة امينه ومميزه بالشارع .. بس استخدام كرف مادري وش وضع الباسات

الله يوفقك للخير .. والشباب يفيدونك

تحياتي لك

[gllx]

الله يعطيكم الف عافيه
بس ممكن اعرف الفئات واسعارها

[gllx]

يعين لو حدودي 120 الف وش المواصفات الي بحصل عليها او قريب من هذا السعر بزياده

[Sammy Mirza]

بامكانك الحصول على

مقاعد جلد
مثبت سرعة
فتحة سقف
مكيف داخل الكراسي حار
انوار ضباب امامي و خلفي
حساسات مطر
حساسات هواء الكفرات
حساسات خلفية
جنوط 17 بوصة
مؤشرات يمين و يسار على المرايات
فتح الابواب و فتحة السقف و النوافذ عم بعد بالريموت
10 اكياس هوائية
4 سلندر 2.0 لتر تيربو دفع امامي
جير 6 سرعات تريبترونك
abs
تسارع من 0-100كم/س في 6.9 ثواني
الهاند بريك ليس هاند بريك بل مجرد زر مكتوب عليها حرف P تعلق عليها و كانك رفعت البريك و في حالة انك تبغى تشيلها فقط ادعس فرامل و اضغط الزر
و تشغيل السيارة بدون مفتاح مجرد ان الريموت معاك تدخلها داخل الطبلون و تشتغل السيارة
تراكشن كنترول قابل للاطفاء
ستائر للنوافذ الخلفية
مسجل سي دي ام بي ثري راديو

اي خدمة حاضرين

[maz..n]

والله ياخوي انا ماعرفت الفوكس واجن الا بعد ماشريت الاكورد ..
ولو اني أطلعت عليها من قبل كان والله ما اتردد عن الفولكس واجن جيتا ..
بس يالله ربك اراد كذا ..
الحمدلله على كل حال ..
بس باعطيك معلومه مهمه حول الاماني بصفه عامه ..
انها أكثر أمان بعد مشيئة الله ..
والله يرزقك كل خير ..
أطيب تحيــة ..

[gllx]

يعطيك الف عافيه وممكن صور لسياره بنفس المواصفات الي ذكرتها

[gllx]

اخوي المقاعد بس حار نافيه بارد

ومشكور اخويي مازن على المرور والله يعوضك بالحسن منها

[gllx]

وينكم شباب فيدونا من تجاربكم

[The_Game]

لوانك حق دعس خذ باسات R36
سعرها حوالي150 الف
تفشخ اس اس وانت تضحك:xyxthumbs:
تحياتي

[turky_mh]

السيارة حلوة
انشاء الله تكون من نصيبك

[octavia RS]

تعيش سنييييييين وانت مرتاح

[Nice_Man]

انجل ... مش تفشخ اس اس يعني :) ... قويه اوكي وتجيب الميه بـ 5,6

يعني مع الاس اس تقريبا بما انو الاس اس 5,4 ..... بس هي افضل من الاس اس بالامان اكيد طبعا

ولا مو

[fofo lotus]

الفلكس واجن معروفه و ما يحتاج اتكلم عن شركة زي قلكس واجن هي تتحدث عن نفسها

[Nice_Man]

انجل ... مش تفشخ اس اس يعني :) ... قويه اوكي وتجيب الميه بـ 5,6

يعني مع الاس اس تقريبا بما انو الاس اس 5,4 ..... بس هي افضل من الاس اس بالامان اكيد طبعا

ولا مو

[The_Game]

^^^^
الباسات R36 تجيب الـ100 في 4.7
طبعا باستخدام اللانش كنترول
بس لاتحسب اني اغلط او شي
لا انابس اقول معلوومه
تحياتي

[Nice_Man]

ومنك نتعلم والله ... انا لاني استغربت المعلومه ورحت موقع الباسات ولقيتهم كاتبين المعلومه ونقلتها
لكن حكاية اللانش كونترول ماعرفتها الا منك :)

يسعدك ربي

[emadahmed]

والله ياخوي الفلكسواجن شركة معروفه :) وانا عندي جولف 2001

ومطلعها وكاله على ايامها وللان عايشه معايا ورجلي مو بس حاره...الحاره :)

بس اهم شي الصيانه...انا مجرب هالشي اهلمت السياره فتره والله تعبتني

لاكن يوم اهتميت من ناحية الصيانه والله مافي احلى منها..الله يوفقك اخوي وانشاءالله تكون من نصيبك

[H.Alhindi]

تبي الصراحة ، لا تزال اعتمادية اليابان لا يُعلى عليها

أقول هذا الكلام ، وأنا متيقن أن فولكس واجن شركة قد تحوز على أكبرصانع في العالم من تويوتا

ويخيفني في محركات الفولكس واجن وجود التيربو ، فهل هو مؤثر لأنه سيزيد من الحرارة ؟ وبالتالي يجب أن يكون نظام التبريد في السيارة ذو كفاءة عالية جدا جدا ليمنع ارتفاع الحرارة ؟

أترك الجواب لأهل الاختصاص

[gllx]

يعطيكم الف عافيه

[الجوهرةES350]

هاند بريك بالزر
مسوين اودي :tongue:

[Sammy Mirza]

هاند بريك بالزر
مسوين اودي :tongue:

هم شركة وحدة بصراحة انت :a1120(121):

لان سيارات فولكسواجن الطوارق و التجوان و الباسات و سي سي كلهم زر ولا عشان مهي عندك في اللكزس زعلت

[الجوهرةES350]

هههههههههههههههه لاعلق يالغالي خذ راحتك :bigggrin: امزح معك والله
اصلا حتى المفتاح يشبه حق الاودي ههههههههههههههههههه
عادي انا مااهتم بالمواصفات الي زي هذي هاند بريك باالزر
وش الفرق عن العادي :bigggrin: كلهاا تؤدي نفس الوظيفة اهم شي شاشه وكاميرا والمواصفات الباقيه
حتى الشاشه مطفيها :bigggrin: