انتبهو من كاميرات الفيديو اللاسلكية

[Wanderer]

عيدكم مبارك و كل عام و الجميع بخير ...

انتبهو من كاميرات الفيديو اللاسلكية ....

يا أخواني\أخواتي شفت قبل كم من يوم على قناة ام بي سي 4 برنامج اخباري لشبكة تلفزيون امريكية اسمها سي بي اس عرضوا فلم لشاشة كاميرا خلفية لسيارة و بدأو يسوقون السيارة هنا و هناك (بجانب مباني سكنية - فلل و عماير - في امريكا) و بدأت الشاشة تستقبل (تـظهر) الفيديو اللي تبثه الكاميرات اللاسلكية اللي في هذه المساكن.

احداها لطفل رضيع و اخرى لكرسي حمام (في الحمام لكن ماحد جالس عليه) و أخرى لمسبح و هلم جر ...

تخيلوا ... !!!

:c0038:

فالحذر ثم الحذر .

[سامي القرشي]

مافهمت اخوي معليش وضح اكثر

[حبيب]

من جد حتى انا مافهمت

[Wanderer]

مافهمت اخوي معليش وضح اكثر

الله يحييك أخوي. و لا يهمك.

تعرف كاميرا الفيديو اللي يستعملوها اهل الفيللا يشوفو من اللي يرن جرس الباب (الباب اللي ع الشارع).

هذي مثلها و لكنها لاسلكية (بدون سلك) و صغيرة جدا في الحجم. و ممكن تستخدمها بالكهرباء (يكون معاها محول كهربائي صغير "ادابتر") او ببطارية 9 فولت. تقدر توضعها في مكان ماحد يشك فيه (اذا تبغى تستعملها للتجسس و المراقبة داخل البيت-خلينا نقول تبغى تعرف كيف الشغالة تعامل اطفالك الصغار مثلاً).

هذه الكاميرات مسموح تداولها و استعمالها هنا في السعودية طبعاً.

اللي وضّحه البرنامج (التلفزيوني الآنف الذكر) انه الذبذبة اللي تستخدمها هذه الكاميرات لبث الفيديو ع الهواء مباشرة ممكن تكون نفس الذبذبة اللي تستخدمها كاميرا السيارت الخلفية (اللي تستخدم اثناء الرجوع للخلف لتعطي السائق صورة حية للمنطقة اللي خلف السيارة مباشرة-لهدف السلامة طبعاً).

ارجو ان تكون وضحت الفكرة.

المشكلة هنا انه ممكن تكون مشغل احدى هذه الكاميرات في غرفة النوم او الحمام مثلاً و نسيتها تشتغل اثناء تواجدك في تلك المنطقة، انت او احد افراد عائلتك - و خاصة النساء. و شخص في سيارته موقف بالشارع عند طرف منزلكم يطالعكم على شاشة فيديو الكاميرا في سيارته.

هذه ممكن تكون مصيبة.

:emot70:

[حبيب]

ايوا أخووي الحين فهمت
بس صعب شوي تحصل كاميرا في الحمام أو في غرف نوم الأم والأب أو البنات أو حتى الأولاد
الأكثر تواجد زي ماقلت إنت يا عند الباب أو غرف نوم الأطفال
بس من جد ياخوي تخوف الشغله
يعطيك العافيه وماقصرت على الشـــرح

[سامي القرشي]

مشكور على التوضيح فهمت الان معليش تعبتك معاي

[ديماكس]

مشكوووووووور

اخوي على النصيحه ..يعطيك العاااافيه

[أمير الصراحة]

الله يحمينا من هالأشياء اللي تضيق الصدر مافي شي إلا وصار خطر علينا
الله يستر علينا وعلى المسلمين كاااااااااااااااااااااااااااااااااافة
مشكووووووووووور أخوي على موضوعك الحلوووووووووووووو

وتقبل تحياتي ودمت:xyxwave:

[wjdy353]

يا شباب اكثر شي انتبهوا منه الكاميرات في الفنااااااادق و بذات اللي يتزوج و يروح مباشرة على فندق .

[turky_mh]

يعطيك العافية على المعلومات والنصيحة

[قناص الرياض]

الله يستر على المسلمين اجمعين

[Wanderer]

العفو يا أخوان لا شكر على واجب.

الفنادق و الشقق المفروشة و الإستراحات المؤجرة و امثالها كلهم صارو يخوفوا و السبة هالكاميرات الصغيرة الحجم جداً اللي يالله تنشاف اذا كانت غير مخفية فمابالك اذا مخفية.

حتى الشوارع عندنا صارت مليانة كميرات و خاصة عند الإشارات. و هذه كلها ما صارت الا من بعد الرئيس بوش الله ينتقم من المفسدين في الأرض.

الله لا يفضح مسلم.


لكن الحمدلله على كل حال و هذه حكمته سبحانه مسيّر الكون.

و عيدكم سعيد ان شاء الله جميعا.

[O Y A S S E R O]

والله صارت الأماكن هذي تخوف .
مشكور على التحذير

[أبو ماجد البشري]

ممكن موضوعه الكاميرات للتجسس ممكن هذا يحصل في البيوت بأمريكا ولا تستبعد حتى بالسعوديه او الخليج ممكن توضع الكاميرا ا هذي لأسباب ما من المفترض ان يكن لها نضام وذبذبه معينه للشاشه المقصوده اما ان تكون مفتوحه فهي إذاً مصيبه فعلاً


مشكور على الموضوع

[الانيـق]

شكرا على التنبيه

لكن اتوقع انك فاهم غلط

لان الكميرا الخلفيه بالسياره اكيد سلكيه

لكن يمكن اللي شفته جهاز يلتقط اشارات الكميرات الاسلكيه وهذي مصيبه

[هاوي الرمال]

يعطيك العافيه اخوي ماقصرت

لكن الي اعرفه ان فيه برنامج تنزله بشاشه السياره وتسويلها برمجه على الا سلكيه

لن كاميرا السيارات سلكيه

ومن ناحيه الفنادق والشقق والاستراحات قالي واحد عنها شغال بفندق واشتغل بعدة فنادق

يقولي تلقاها بحق انذارات الحريق الي تجي بالسقف ماصدقته الا لما طلعت انا وياه جناح عرسان وراني اياها بغرفت النوم وكمان بصالة الجلوس تلقوها كذا مثل العدسه داخله بوسط انذار الحريق
صغيره حتى يمكن تحسبونها انها حقت استشعارات الحريق
الحين انا خلاص ما اخش شقه الا واقلب انذارات الحريق ويمكن تفوت علي ما اشوفها
اغطي انذار الحريق بقطعة قماش للحرص


ارجو اني افتكم

تقبلوو مروري.........

[مايباخ و بس]

يعطيك العافية

[mr.nawaf]

مشكووووووووور اخوي

وجاري التقييم ب5 نجوم

وهذا اذا دل على شي يدل على حرصك على بنات المسلمين وحرصك بشكل عام على الدين والستر والعفه

تقبل شكر وتقدير اخوكم { mr.nawaf }

[Wanderer]

مشكورين على مروركم جميعاً وبارك الله فيكم.

انشروا الخبر و اذكروا الموضوع كلٍ على قدر استطاعته.

الكاميرات اللاسلكية (وايرليس) و الكاميرات اللي في اجهزة مكتشفات دخان الحريق في الفنادق و الشقق المفروشة، هذه مصيبة.


الله يستر علينا و على اخواننا و اخواتنا في الإسلام.

اللهم لا تفضحنا و لا إياهم.

[م.الحارثي]

الله يستر الدنيا بدا الشر ينتشر