المساعد الشخصي الرقمي

مشاهدة النسخة كاملة : مغسله بالبخار والشمع


راؤول
12-09-2009, 01:40 AM
السلام عليكم ورحمه الله وبركاته
اهلا يا اعضاء موقع السيارات الاعزاء

اليوم وانا موصل الاهل الى السوق ( طبعا بعد ما ضغطوا علي الاهل )
المهم وانا راجع قلت خلني اروح من هالطريق الفاضي المظلم
وانا عابر شفت محل مكتوب عليه مغسله بالبخار والشمع
رجعت ليه شفت سعودي هناك ريس عليهم اقول ليه بكم الغسيل داخل وبره؟
يقول بخمسه واربعين واذا تبي بس بره بخمسه وثلاثين
اقول ليه طيب ويش يفرق عن الغسيل بالماي والصابون بالمغاسل
يقول هذا سلمك الله اولا ما يخرب البوية مع الزمن مثل الماي والصابون
الشي الثاني نحط عليه طبقه من الشمع يكون مثل الحمايه عليه لمده خمسه ايام ثانيه يكون مثل التلميعه

عجبني شوي كلامه قلت ليه باجيبه لكم وقت ثاني

ويش رايكم يا شباب
_Mr_
12-09-2009, 02:41 AM
والله ما ادري

<<<<<< ماحبيت اطلع بدون ما اكتب شي

اكيد الأخوان بيساعدونك
Mashari
12-09-2009, 02:44 AM
الغسيل بالبخار حلو جدا وافضل من الغسيل العادي، لو سمحت أخوي وين مكان المغسلة.
XP2008
12-09-2009, 03:00 AM
انا غسلت سيارتي مره بالبخار هي ممتازه بالتنظيف لانه يشيل الأوساخ في أماكن دقيقه .

بس موضوع أنه ما يأثر بالصبغ يجب أن نتأكد منه، لأنه يستخدم حراره البخار فممكن أنه يؤثر على الصبغ .
راؤول
12-09-2009, 04:19 AM
يسلموووووووووو يا مستر على المرور وشرفتنا

اهلين مشاري
المغسله بعيده شوي عنك اذا انت بالرياض
المغسله هي في القطيف

اهلين اكسبي
ان شاء الله يفيدونا الاخوان
الشمري
12-09-2009, 05:14 AM
http://almisk.net/images/esm.gif






http://www.elbader.net/oberaits/allah_albadi/images/1.jpg








وعليكم عليكم ورحمة الله وبركاته،
تحية طيبة وبعد،،






اهلا يا اعضاء موقع السيارات الاعزاء
اليوم وانا موصل الاهل الى السوق ( طبعا بعد ما ضغطوا علي الاهل )
المهم وانا راجع قلت خلني اروح من هالطريق الفاضي المظلم
وانا عابر شفت محل مكتوب عليه مغسله بالبخار والشمع
رجعت ليه شفت سعودي هناك ريس عليهم اقول ليه بكم الغسيل داخل وبره؟
يقول بخمسه واربعين واذا تبي بس بره بخمسه وثلاثين
اقول ليه طيب ويش يفرق عن الغسيل بالماي والصابون بالمغاسل
يقول هذا سلمك الله اولا ما يخرب البوية مع الزمن مثل الماي والصابون
الشي الثاني نحط عليه طبقه من الشمع يكون مثل الحمايه عليه لمده خمسه ايام ثانيه يكون مثل التلميعه
عجبني شوي كلامه قلت ليه باجيبه لكم وقت ثاني
ويش رايكم يا شباب


أخي الفاضل راؤول حياك الله... بخصوص مغسلة البخار المضاف اليه الشمع الحقيقة حسب ما شاهدة ارى انه افضل بكثير من المغاسل العادية او اي كانت في الوقت الراهن، وبالنسبة للاسعار لا شك مرتفعة بعض الشي وذلك يعود الى ان قيمة "الآلة" يتجاوز ( 60 الف ريال سعودي )، فضلاً عن ذلك اقتصادية جداً حيث مقدار كمية من الماء التي تستخدم في المغاسل العادية للمركبة الواحدة يمكن ان تنظف ما يزيد عن عشرة مركبات بواسطة هذا الجهاز والتجربة خير برهان. بالطبع هناك مميزات آخرى تجعل هذه الآلة تتصدر على كافة انواع المغاسل.







وتفضلوا بقبول وافر التحية والإحترام - الشمري


.
XP2008
12-09-2009, 06:10 AM
هلا أخوي راؤول

المغسله اللي رحت لها قريبه يمك و غسلو سيارتي داخلي و خارجي ب 25 ريال بس العماله بنقاليه .

إذا انت جاي من الدمام شارع الملك سعود و رايح للخضريه بتاخذ اللفه يمين كأنك رايح لسيهات و تصير الخضريه على يدك اليسار فيه محطه بنزين على يدك اليمين بتلاقيها هناك ، ترا شغلهم جيد مهو ممتاز و الظاهر اللي رحت لها انت أفضل لأن صاحبها موجود فيها .

بس أنا أعتقد أن البخار يضر الصبغ و الله أعلم
راؤول
12-09-2009, 07:10 AM
اشكرك اخي الشمري على مداخلتك الطيبه والمعلومات المضافه
وان شاء الله اتحمس واجرب الغسيل واعطيكم النتايج ان شاء الله

بالنسبه لك اخي اكس بي
يوم اسئل صاحب المغسله بكم الغسيل.؟
سالني ويش نوع سيارتك قلت ليه فورد
احتمال السعر على حسب نوع السياره او حجم السياره صراحه مادري

وبالنسبه للمغسله الي قلت لي بيها بعييييييييييده ويش يوديني ليها

وان شاء الله يفيدونا لمن جربوا هذه التقنيه
انتظروا تجربتي
بروفيسورالسبيعي
12-09-2009, 07:21 AM
يعطيك العافيه راؤؤل
انشالله بدور بالكويت يمكن عندنا
لحن المشاعر
12-09-2009, 07:21 AM
طيب ياخوان انا ابي هالمغسله

هل هناك فرع موجوده بالقصيم ؟؟
mz7z7
13-09-2009, 03:15 AM
انا جربت غسيل البخار كم مرة عماله افارقه في مغسلة حلوة في الدمام
شارع الخوارزمى تقاطع شارع التجارى مخطط 71 ج محطه تسهيلات
غسيل البخار 40 كويس شغلهم بطل
m.z.a
13-09-2009, 03:29 AM
صحيح ياراؤول ، السعر على حسب حجم سيارتك ، يعني الكورولا تفرق عن الكامري ، على كلام الي في نفس المغسله الي تقصدها
وجربت غسيلهم الصراحه زين ، وشغلهم عجبني يطلع لك الوصخ الي مايطلعه الغسيل العادي بالماي

بالتوفيق
منتال ون
13-09-2009, 04:12 AM
وين المغسله الي في القطيف وهل داخل القطيف ولا على الحدود
راؤول
13-09-2009, 04:54 PM
يعطيك العافيه راؤؤل
انشالله بدور بالكويت يمكن عندنا

الله يعافيك
روح جوجل ايرث يمكن اتحصل اسرع لك




طيب ياخوان انا ابي هالمغسله

هل هناك فرع موجوده بالقصيم ؟؟
اسئل الشباب يمكن عندهم علم



صحيح ياراؤول ، السعر على حسب حجم سيارتك ، يعني الكورولا تفرق عن الكامري ، على كلام الي في نفس المغسله الي تقصدها
وجربت غسيلهم الصراحه زين ، وشغلهم عجبني يطلع لك الوصخ الي مايطلعه الغسيل العادي بالماي

قريب باجرب وبعطيكم النتايج




وين المغسله الي في القطيف وهل داخل القطيف ولا على الحدود


اول ما تدخل القطيف من جهه عنك يعني ماشي على شارع المجيديه بتشوف هناك مجمع سيتي ماكس
روح لظهر المجمع
وخلي المجمع في يدك اليمين وامشي قدام رايح اتحصله
بالتوفيق
وسـيـم
14-09-2009, 02:08 AM
حبيت الفكرة بس اخاف يأثر على البوية ، بدليل انهم يحطون طبقة شمع عشان تبين انها تلمع

ع العموم مدام البخار يشيل الأوساخ افضل من الصابون ، حلو الواحد يجربها مره كل شهر او شهرين

تحياتي العطرة لك
Ronaldinho 80
14-09-2009, 08:28 PM
بسم الله الرحمن الرحيم

السلام عليكم يا أعضاء المنتدى

اخوي راؤول

انا راح اعطيك مميزات الغسيل بالبخار

واسأل مجرب ولا تسأل طبيب

1 - غسيل السيارات بالبخار مع التلميع بالشمع.
2 - يقوة البخار النفاث يمكن إزالة الأوساخ وبرفق.
3 - يمكن للبخار أن يصل للمناطق التي يصعب الوصول إليها بالغسيل التقليدي.
4 - تعمل المادة الشمعية بالإضافة للتلميع على حماية طلاء ولون السيارة لمدة 5 أيام.
5 - تعمل مادة "POWER" على إزالة الزيوت والشحوم والعوالق الصعبة من على سطح السيارة .
6 - تعمل مادة "POWER " أيضا على تنظيف الجلد والبلاستيك و إعادتها إلى مظهرها ولونها الأصلي.
7 - المواد الخاصة بتلميع البلاستيك والجلد تضفي لمعانا لا يضاهى من غير ملمس زيتي يعمل على جذب الغبار والأوساخ.
8 - الغسيل بالطريقة التقليدية ( الماء والصابون ) يضر بطلاء ولون السيارة فالصابون المستخدم إنما هو للأواني لقهر الدهون والزيوت لا للمحافظة على مظهر السيارة.
9 - الغسيل بالبخار صديق للبيئة من حيث كمية المياه المستخدمة مقارنة بالطريقة التقليدية



طبعًا المميزات من Group المغسله بالـــ Facebook

مع تحياتي :wavey:
Ronaldinho 80
14-09-2009, 09:00 PM
و السعر يحكم على حجم السياره
راؤول
15-09-2009, 04:06 AM
حبيت الفكرة بس اخاف يأثر على البوية ، بدليل انهم يحطون طبقة شمع عشان تبين انها تلمع

ع العموم مدام البخار يشيل الأوساخ افضل من الصابون ، حلو الواحد يجربها مره كل شهر او شهرين

تحياتي العطرة لك


نورت موضوعي بوجودك

وان شاء الله ما يأثر على البوية ويطلع بس كلام

صراحه يا اخ رونالدينهو انا كنت شوي متردد
بس ان شاء الله رايح اجربها واعطيكم النتايج ورايح اصورها قبل وبعد علشان حتى الي متردد يتحمس
لكم تحياتي
عالم ثاني
15-09-2009, 04:37 AM
انا من زمان سامع عن غسيل البخار بجده وبالشرقية بس ما حصل فرصه اجربه لاني بالرياض

ما فيه احد عنده معلومه عن اي مغسلة بخار بالرياض
AL-YOUSEF
15-09-2009, 04:58 AM
مغسله البخار ممتازة
وميزتها افضل من الغسيل العادي
وتقدر تقول تلميع بسيط وغير مكلف
يعني بين الغسيل العادي والتلميع.
AL-YOUSEF
15-09-2009, 05:01 AM
انا من زمان سامع عن غسيل البخار بجده وبالشرقية بس ما حصل فرصه اجربه لاني بالرياض

ما فيه احد عنده معلومه عن اي مغسلة بخار بالرياض

فيه وحدة على طريق احمد بن حنبل
بعد هرفي
تجيك على اليمين
محطة فيها قلف حق الزيت ومحل التلميع داخل المحطه
وشغلهم ممتاز والميزة الي فيها الوقت الي تاخذها
بحدود الساعتين وتكون السيارة جاهزة مجهزة
عالم ثاني
15-09-2009, 06:04 AM
فيه وحدة على طريق احمد بن حنبل
بعد هرفي
تجيك على اليمين
محطة فيها قلف حق الزيت ومحل التلميع داخل المحطه
وشغلهم ممتاز والميزة الي فيها الوقت الي تاخذها
بحدود الساعتين وتكون السيارة جاهزة مجهزة


مشكووووور سعيد انت أطلق واحد :xyxthumbs: بمر عليهم اليوم بالليل والله يعيني على المشوار :a120(115):
M.Suliman
16-09-2009, 03:31 AM
معروف عالميا غسيل البخار والواكس او الشمع احسن من الغسيل العادي الماء
ليش لانه الغسيل بلماء يشخط السيارة في الفرشة ويخرب دهان السيارة على مر الوقت والشمع فعلا احسن يغطي السيارة بطبقه زي الشمع العادي الي تشغله بس تطفي الكهرباء عندك بس اللهم انه بكون شفاف وطريقه ثانية في صنعه واخف انا انصح اي واحد يغسل سيارة في البخار والشمع
وفي اخترعه اله جديده انت تشتريها تغسل السيارة على البخار وتخسلك كل شي الماكينة ومن الداخل الفرؤش وما تخرب ولا تعطل شي انا شفتها الاله على اليوتوب وجدا رائعه ومعلش السعر غالي بس تستحق تغسلها فيه .
Mohammed-HMS
T-H-A-M-E-R
16-09-2009, 04:04 AM
اول ما تدخل القطيف من جهه عنك يعني ماشي على شارع المجيديه بتشوف هناك مجمع سيتي ماكس
روح لظهر المجمع
وخلي المجمع في يدك اليمين وامشي قدام رايح اتحصله
بالتوفيق




كيفك اخوي راؤول

بس ياليت تقولي اسم المغسله وهل هي اللي مقابل (سكروه)
راؤول
16-09-2009, 09:13 PM
الحمدلله
اسمه سكروه مو غريب علي بس مادري مقابله لو لا لان الشارع الي اعبر فيه ظلمة شوي

واسم المغسله مثل ما قلت مغسله البخار والشمع طبعا هذا الي مكتوب في اللوحه
انت امشي على الوصف الي قلت لك عليه ومش حتضيع بتاتا
اذا ما دليتها قول لي وانا ادليك وياها
Ronaldinho 80
17-09-2009, 05:30 PM
بغيت ازيد على الي كتبتها

الشمع مو مثل الشمع الي نعرفه

هذا الشمع للعنايه بالسياره
كابررررررررس
19-09-2009, 06:58 PM
امس رحت للمغسله اللى على شارع احمد بن حنبل قلت كم الغسيل قال داخلي وبرا 120ريال !! سلمات غاي شوي وتركت
راؤول
19-09-2009, 08:01 PM
اذا سيارتك كابرس يعتبر غااااااااااااالي واجد
يعني اقدر اغسل سيارتي ثلاث مرات
AL-YOUSEF
21-09-2009, 01:39 PM
قارن سعره مع التلميع الي ياخذ يومين مو اقل من 400 ريال
شحاته
26-09-2009, 06:45 PM
وين تصير بالقطيف بالضبظ ممكن تشرح لي المكان
واكون شاكر لك ياخوي مع تحياااااااااتي
راؤول
26-09-2009, 09:38 PM
في حل واحد رايح اسويه لكم
http://wikimapia.org/#lat=26.5483108&lon=50.0150388&z=18&l=0&m=b&search=%D8%A7%D9%84%D9%82%D8%B7%D9%8A%D9%81

الموقع رايح يكون مع محطه بترول الزهراء
ولكم تحياتي
انتظروا موضوعي الجديد
تجربتي مع غسيل البخار والشمع
ابو نادر
26-09-2009, 09:59 PM
اخوي راؤول
هل اقدر اغسل السياره من تحت
مثل البستم اللي بالمويه
ولا فقط غسيل خارجي
راؤول
26-09-2009, 10:13 PM
مادري والله اخوي ابو نادر
بس راح اسئل لك
مع ان انا ما اتوقع لان المغسله مافيها جيكات رفع ولا شي

اوكي انتظرني بكره