هل سبق وان تعرضت للغش في شراء سيارة ؟

[انا وسيارتي]

كلنا نشتري سيارات مستعملة ، واحيانا ننغش فيها او ( ينلعب علينا :bigggrin: )


لذلك خلونا نتجرد من المثالية ونكون صريحين مع بعض عشان ياخذون الناس منا العبرة والعظة :bigggrin:


اذكر مرة اشتريت جيب ربع 2005 وكنت اظنه نظيف لانه كان ماشي 12 الف بس ، وفجأة وانا كاشت للبر قلط عندنا واحد ( مدري وش جابه الله يصلحه ) وقال وين الكفرات والشغل النظيف ؟
قلت اي كفرات ؟ قال موترك هذا صوره بالنت وكفرات وملعوبن فيه ، وانا كنت اظن اللي باعه علي
مهتم فيه :blue:


يعني الجيب كان جيب استعراض وفشخرة وانا اظنه جيب نظيييف ولقطه :bigggrin:



والمرة الثانية طلعت هايلوكس وكالة 2001 واول اسبوع طلع صوت بالقير ورحت للوكالة وغيروا القير بكبره ، وكان فيه تهريب زيت عند الكفر الايمن الخلفي ، وبرضو صلحوه !


هل سبق وان تعرضت للغش ؟


خلونا نعيش جو البساطة !


اذا احد سبقني على الموضوع قولوا لي :bigggrin:

[الحبيب 8787]

والله انك صادق يكاد ينعدم النصوح وراعي الذمه في المعارض اذا جيت تشتري ارتفع السعر واذا جيت تبيع نزل السعر غير ذلك المشاكل الموجوده اصلا في السيارة اللتي تريد شرائها
انا اشتريت كامري موديل 2001 يقول نضيفه وانه بس مرشوشه مع الجوانب الايمن والايسر ويوم تبينت الامور لقيتها كلها مرشوشه على بويتها الاصليه يعني بويتين وانها اماراتيه كانت اجره بس الحمد لله استدخمتها وبعتها بخساره شي بسيط
وجزاك الله خير على الموضوع

[ALQSWRH]

والله اكلت لي مقلب الييييم بالشفر.. :c0038:
اشتريت لي ابيكا موديل 2005 وكان البدي نضيف شوي..
وقالوا لي ترى ما مثلها وانظف ما بالسوق !!! :tongue:
بالاخير رحنا لعبة شريطية.. السيارة ما تسوى نص المبلغ اللي أخذتها به..:blue:
وخرابااات كل شوي ويطلع لك خراب جديد..:mad1:
والمشلكة انه يوم جيت ابيعها بخسوا سعرها بخس عجيب..
قلت وين المدح والكلام يوم جيت اخذتها منك؟؟
قال ما لي شغل هاذي سومتي وبعدين وش يضمن لي انك ما سويت فيها مشكلة..
قال لي شف موترك فيه وفيه وفيه.....
أنا قلت بنفسي الله اكبر وين هالكلام ما طلع قبل ما اشتريها..
لكن حسبي الله عليهم..
وآسف على الاطالة..
:xyxwave:

[camry4]

كانت عندي صني 99 شريته من المعارض المهم سألته اذا السياره جاه صدمات او لا قالي السياره ما جاه الا صدمه بسيطه في الصدام الخلفي و سمكرتها طبعا السياره كانت تلمع من بعيد قلت شكل راعي السياره محافظ عليها وشريت منه السياره و كان وقت الشتاء و امطار تعرفون عاد ان اذا جت الامطار في الرياض تغرق الطرق وجيك امشي شوي شوي وستر ربك يوم جاء من بكره صرت اشم رائحه كريهه في السياره وشيك على السياره من جوا ما في شيء وفتح الشنطه و احصلها غرقانه ماء و رائحه كريهه
و ناظر تحت الاستبنه ما تشوف الا حفر تطل عل الاسفلت ورحت للصناعيه و سمكرتها
ما قول الا حسبي الله ونعم الوكيل

[hasoone-725]

السلام عليم
انا مرة شريت لي هوندا اكورد من الحراج ويقول راعيها انها نضيفة وما تطلع في ايام المطر
وانا ما كنت افهم في السيارات زين وقتها
واخدت السيارة وشلت الفرش عشان انضفة والاقي بحر الميت من تحت الفرش:a1120(82):
وبعد قترة اكتشف انها مصدومة من الامام والخلف قلت ما علية خلاص اخدتها
وبعد فترة وانا توي طالع من البيت وامشي والا اسمع صوت طقة وكملت بعدين نزلت السيارة وطلع من الاسبندل
وبعد فترة انواع التهريب هو من القير ولا المكينة ولا الباور كل شي
وبعد فترة القير يحن بعدين يعشق :mad1:
ويوم جيت ابيعها ماحد رضى يشتريها:a120(115):
وبعد طلعت الروح بعتها الله لا يوفق
واسفين على الاطالة:ch19:

[hasoone-725]

السلام عليم
انا مرة شريت لي هوندا اكورد من الحراج ويقول راعيها انها نضيفة وما تطلع في ايام المطر
وانا ما كنت افهم في السيارات زين وقتها
واخدت السيارة وشلت الفرش عشان انضفة والاقي بحر الميت من تحت الفرش:a1120(82):
وبعد قترة اكتشف انها مصدومة من الامام والخلف قلت ما علية خلاص اخدتها
وبعد فترة وانا توي طالع من البيت وامشي والا اسمع صوت طقة وكملت بعدين نزلت السيارة وطلع من الاسبندل
وبعد فترة انواع التهريب هو من القير ولا المكينة ولا الباور كل شي
وبعد فترة القير يحن بعدين يعشق :mad1:
ويوم جيت ابيعها ماحد رضى يشتريها:a120(115):
وبعد طلعت الروح بعتها الله لا يوفق الي باعني السيارة
واسفين على الاطالة:ch19:

[انا وسيارتي]

والله انك صادق يكاد ينعدم النصوح وراعي الذمه في المعارض اذا جيت تشتري ارتفع السعر واذا جيت تبيع نزل السعر غير ذلك المشاكل الموجوده اصلا في السيارة اللتي تريد شرائها
انا اشتريت كامري موديل 2001 يقول نضيفه وانه بس مرشوشه مع الجوانب الايمن والايسر ويوم تبينت الامور لقيتها كلها مرشوشه على بويتها الاصليه يعني بويتين وانها اماراتيه كانت اجره بس الحمد لله استدخمتها وبعتها بخساره شي بسيط
وجزاك الله خير على الموضوع



انا استغرب من اللي يصدق شريطي اذا يجي يشتري سيارة !

بالمعارض كل شي مسموح فيه ! الغش والنجش واليمين الكاذب ........الخ !

لذلك الواحد يريّح نفسه ويفحص كمبيوتر طبعاً اذا كان الموتر يظهر عليه انه نظيف ، ويشترط على البايع اذا صار بالموتر شي هو اللي يدفع قيمة الفحص عشان ماتروح قروشه عبث !

لعله درس لك اخوي الحبيب !

شاكر لك مرورك وتعليقك ، لاعدمناك :)

[NEO FOX]

اشتريت سيارة جيب رانجلر ... حلف الرجل يمين ايمان ان السيارة ما جاها الا حكة من اليمين ، المهم من اول شهر مالقيت فيها شي صاحي

لا قير ولا دبل ولا دفرنش ، واكتشفت ان السيارة مقلوبة

فكيت الدفرنش لقيت الرجال معبيها موز ... مدري مسويلي معصوب في الدفرنش الله يسامحة

والله اني صدقته ولا ما اشتري سيارة من غير مو أوقفها على الحفرة بنفسي

[الثاني 121]

اشتريت سيارة جيب رانجلر ... حلف الرجل يمين ايمان ان السيارة ما جاها الا حكة من اليمين ، المهم من اول شهر مالقيت فيها شي صاحي

لا قير ولا دبل ولا دفرنش ، واكتشفت ان السيارة مقلوبة

فكيت الدفرنش لقيت الرجال معبيها موز ... مدري مسويلي معصوب في الدفرنش الله يسامحة

والله اني صدقته ولا ما اشتري سيارة من غير مو أوقفها على الحفرة بنفسي


موز مرة وحده!!!!


طيب وش فايدة الموز في الدفرنس

[الرحال الدولي]

مرة اشتريت هوندا انتجر 91

شفتها نظيفة

وبعدين 3 شهور اكتشفت انه عيوب الدنيا كلها فيها

[أبو ماجد البشري]

في 1409هـ احد اصدقائي قال نبي نروح للمعارض اشري سياره وتعال معي لأنك تعرف السيارات وكنا في شهر رمضان في تلك السنه المهم احنا بالليل وحصلنا كرسيدا موديل 79 اللي تجي اعيونها الأماميه مدوره انا ما عرف السياره إلا بشكمانها قلت دوس بنزين ويدوس مايطع دخان ابداُ والمس الشكمان من داخل إلا هو ابيض حتى الكربون مايوجد قلت لخويي بس هذي السياره اللي يحبها قلبك السياره اكيد مخزّه اقوله لخويي شتريناها ويوم جا من بكره راح يغير زيتها يقول يوم مشيت إلا الدخان وراي مسكر الطريق زي ماطور البلديه اللي يرشون به النامس راح لورشه قالوا كان محطوط بها الزيت اللي يمنع الدخان وهالحين وش السواه قالوا توضيب السياره مخبطه ماتمسك الزيت ابداً

جا لمي يتشره على وانت اللي شرت عليه بشرائها قلت والله يبن الحلال انت شفتها بعينك ماكانت تدخن يعني نغشينا فيها غشش بأمتياز::bigggrin:

[abo sirag]

الله يكون بعونكم يا شباب بصراحة ما في احسن من الجديدة ومن الوكالة

احنا بعمرنا ما شرينا مستعمل وعلى قول ابوي كوري جديد ولا كرسيدا مستعمل

مرة نزلت موضوع يحكي قصة لاحد اصدقائي انضحك عليه لما اشترى كامري خلوني ادور

عليه وانزله ان شاء الله ،،،

[abo sirag]

هذه احدى المواضيع القديمة اللي كتبتها قبل اكثر من سنة ( اقتبست منها النص كاملا )

بسم الله الرحمن الرحيم



اللهم أبعدنا عن السيارات المستعملة وقنا شرها آآآآآآآآمين ،،،

أعزائي وأخواني أعضاء المنتدى بما أن البعض قد يكون لديه ميزانية معينة لشراء سيارة تتناسب متطلباته..

فلا يكفيه المبلغ لشراء سيارة جديدة أو سيارة طالما حلم بها ...فإنه في هذه الحالة يضطر لشراء سيارة مستعملة

ليقضي فيها مشاوير الأهل ومشاويره الخاصة أيضا...

فموضوعي اليوم قد يكون مكرر،، ولكن لتحذير الناس من شراء السيارات المستعملة التى غالبا ماتكون (مقلب )

لذلك فمن المعروف بأن السيارات المستعملة غير مضمونة واحيانا قد تشكل خطرا كبيرا على حياة السائق

وأيضا حياة الركاب الذين معه في المركبة ...

و بغض النظر سواء كانت السيارة يابانية أو لا فإن البعض قد شربوا (مقالب) عند شرائهم للمستعملة ...

ولهذا السبب راح اذكر لكم قصة وتجربة مؤلمة حصلت لأحد أصدقائي وكان حظه جيد... ولكن الكلام من

حوالي 5 سنوات ...

يقول الولد( اضطر الوالد انه يشتري سيارة مستعملة فكان عينه على الكامري موديل (95ــ96) أقدم أشكال

الكامري اومايسمى عند الشباب بـ( لوميرا أو لومير ) شاف السيارة نظيييفة والبوية ماشاء الله كأنها حق بلده

وكان سعر السيارة خيالي في حدود 31000 أو 32000 ألف والله اعلم المهم اشتراه وانبسط ...ولكن بعدها

بفترة بسيطة صار يسمع أصوات غريبة وخاصة في الحفريات الخفيفة ... راح لواحد ميكانيكي قال له غسل

السيارة من تحت بالديزل ... المهم غسله واختفى الأصوات ... بعدها بأسبوع رجع الأصوات مرة ثانية

راح لنفس الميكانيكي ..المهم رفعوا السيارة ونزل الميكانيكي ونظر السيارة من الأسفل .....................

وتخيلوا ايش شاف ... السيارة كلها مربطه وملحمة تلحيم من الأسفل .... وانه السيارة تعرضت للانقلاب عدة

مرات وصارت مثل العجين ولهذا السبب قام صاحب السيارة بتلحيم كل قطعة من الأسفل و رش بوية جديدة
ونظيفة كأنها من بلده

.................................................. ...لاحول ولا قوة إلا بالله .............................................

المهم نصحه الميكانيكي بأنه يتخلص من السيارة ويبيعها حتى لو بـ 16000 ألف ..لأنه لو أكل حفرة قوية

راح تسقط القطع ومنها المكينة وكل الأجزاء المربوطة بالأسفل في الشارع ووقتها ما احد بيشتري السيارة

لو بـ بالتراب ... المهم أبو الولد راح الحراج على انه يبيعه بأي سعر حتى لو 15الف بس فكر.. الناس راح

يشكوا في السيارة وإلا ليش سعرها رخيصة مرة المهم عرض السيارة بنفس السعر اللي اشتراه وباعها بخسارة

3000 أو 3500 ريال ..ما ادري كم بالضبط ....)

قلت له حلو انك خسرت 3000 ألاف وما صار اللي كان بيصير ..الله يعين اللي اشتراه منك ....

أقول هذا الكلام للذين يفضلون شراء الكامري المستعمل عن شراء الأكسنت الجديدة . فماذا تدري ربما باع

صاحب السيارة الكامري حقته مرة ثانية وكنت أنت الضحية التالية ..

[Optima 09]

انا صارتلي مع الـ Vic "فكتوريا" حقتي من البيان ..

شفت عندهم فكتوريا فضيه عجبتني مره نظييفه ..

قلت ابيها قالوا اوكي بعد 3 ايام تعال استلمها .

يوم اخذتها و كملت معاي اسبوعين انتهبت ان العداد غير اللي شفتها عندهم .. اللي شفتها بالصاله كانت ماشيه 23514 .. و اللي اخذتها ماشيه 28000 مع اني ماني راعي مشاوير ولا سافرت عليها .. لا و غيها ضربه بالبودي على جنب "ضربه بسيطه لا تذكر" لكنها برضو تعتبر غش !

رحت لهم و قلت موب ذي اللي طلبتها قالوا ايه هذي جبناها من فرع خريص و انا طالب اللي بالشفاء ..

قلت طيب ابي ذيك قالوا ما نقدر نبدلها لك المفروض جيتنا من اول ثلاث ايام عالاقل !!!

[انا وسيارتي]

والله اكلت لي مقلب الييييم بالشفر.. :c0038:
اشتريت لي ابيكا موديل 2005 وكان البدي نضيف شوي..
وقالوا لي ترى ما مثلها وانظف ما بالسوق !!! :tongue:
بالاخير رحنا لعبة شريطية.. السيارة ما تسوى نص المبلغ اللي أخذتها به..:blue:
وخرابااات كل شوي ويطلع لك خراب جديد..:mad1:
والمشلكة انه يوم جيت ابيعها بخسوا سعرها بخس عجيب..
قلت وين المدح والكلام يوم جيت اخذتها منك؟؟
قال ما لي شغل هاذي سومتي وبعدين وش يضمن لي انك ما سويت فيها مشكلة..
قال لي شف موترك فيه وفيه وفيه.....
أنا قلت بنفسي الله اكبر وين هالكلام ما طلع قبل ما اشتريها..
لكن حسبي الله عليهم..
وآسف على الاطالة..
:xyxwave:

غريبة والله !

ما تسأل وتدور بالمعارض قبل ما تشتري ؟
انا اسأل مليون معرض وشريطي وادور وافتّش واحاول اني القى سعر تحت المعقول !

اما رجعتك للباعاها عليك ، فأكيد راح يستغلك بالمرة الثانية مثل ما استغلك بالمرة الأولى !

يالله ، الدنيا دروس مجانية :)

[كورلا 2009]

مـشـــــــــــكــــــــــور اخــــــــوي

[ابو لولي]

اي والله

تعرضت للغش في شراء لووومينا اس اس 2004

والله يا شباااب فحصصتها كمبيوووتر مكييينه وقير ودفرنس

واخر ششي اول ما طلعتها المعرض ع طول ودييتها للصنااعيه اضبط الخرااباات الي فيها

واللحين كل يوم خربان لي ششي :(

ما اقوول الا يا حلو الياابااني او الكوري (L)

[كورلا 2009]

مشكـــــــــــور ماقصرت :ch19:

[ALQSWRH]

غريبة والله !
ما تسأل وتدور بالمعارض قبل ما تشتري ؟
انا اسأل مليون معرض وشريطي وادور وافتّش واحاول اني القى سعر تحت المعقول !
اما رجعتك للباعاها عليك ، فأكيد راح يستغلك بالمرة الثانية مثل ما استغلك بالمرة الأولى !
يالله ، الدنيا دروس مجانية :)


أخوي انت فاهمني غلط..
انا دورت وبحثت وكانت السيارة افضل الموجود من ناحية السعر والمواصفات يوم شفتها..
والمشكلة انه الميكانيكي ضحك علي وقال انصحك فيها..:a1120(82):
وبالنسبة للي باعها علي فأنا رجعت له علشان اشوف النصاب وش بيقول..:confused1:
ويوم قال آخذها منك بسعر اقل قلت له انقلع لا افقع وجهك الحين تراني على اعصابي منك:a120(115):
وحطيتها بمعرض وبعتها وزين انها انباعت..
تحياتي لك.. وعلى قولتك.. الدنيا دروس...
:xyxwave:

[a_taamer]

اغرب ما فى هذا الموضوع ان من اضحك علية فى الشراء
وظل يوهم نفسة انه مسكين جراء عملية نصب من البائع
كرر نفس التجربه بدون الم او ان يحس بحلال الله او حرامه

يعنى النصب فى السيارات
حرام ليك لما تكون مشترى
وحلال لما تكون بائع

يا عزيزى كلنا لصوص إلا من رحمه ربى

[moh2050]

انا قبل 5 سنوات شريت موستنق كوبرا بس بعد ماشريته عرفت انه جي تي بس مركب بودي كت وجنوط كوبرا وقلت له ان هذا نصب وابي ارجع السياره بس هو رفض وقال خلاص البيعه تمت بموافقتك ولا راح ارجع لك ولا ريال

ورحت رفعت عليه قضيه في المحكمه والقاضي حكم بترجيع كامل المبلغ بس هو رفض يدفع

وقال انا صرفت الفلوس ولاعندي شي

ودخل السجن وبعد اسبوعين دفع كامل المبلغ

وانا انصح اي احد يتعرض للغش ان يلجأ للمحاكم تراها موجوده لاسباب مثل هذي بدل ما يروح ينصب على شخص ثاني

[بدوووش]

انا قبل 5 سنوات شريت موستنق كوبرا بس بعد ماشريته عرفت انه جي تي بس مركب بودي كت وجنوط كوبرا وقلت له ان هذا نصب وابي ارجع السياره بس هو رفض وقال خلاص البيعه تمت بموافقتك ولا راح ارجع لك ولا ريال

ورحت رفعت عليه قضيه في المحكمه والقاضي حكم بترجيع كامل المبلغ بس هو رفض يدفع

وقال انا صرفت الفلوس ولاعندي شي

ودخل السجن وبعد اسبوعين دفع كامل المبلغ

وانا انصح اي احد يتعرض للغش ان يلجأ للمحاكم تراها موجوده لاسباب مثل هذي بدل ما يروح ينصب على شخص ثاني


اصصصصصصصصصصصلي عليك والله ربيتوو لووووووول

[Great Moral]

اغرب ما فى هذا الموضوع ان من اضحك علية فى الشراء
وظل يوهم نفسة انه مسكين جراء عملية نصب من البائع
كرر نفس التجربه بدون الم او ان يحس بحلال الله او حرامه

يعنى النصب فى السيارات
حرام ليك لما تكون مشترى
وحلال لما تكون بائع

يا عزيزى كلنا لصوص إلا من رحمه ربى

انا الحمد لله مانصبت على احد
وإلي نصب علي قليل جدا

[المنفلوطي]

اغرب ما فى هذا الموضوع ان من اضحك علية فى الشراء
وظل يوهم نفسة انه مسكين جراء عملية نصب من البائع
كرر نفس التجربه بدون الم او ان يحس بحلال الله او حرامه

يعنى النصب فى السيارات
حرام ليك لما تكون مشترى
وحلال لما تكون بائع

يا عزيزى كلنا لصوص إلا من رحمه ربى

الله يرج ابليسك و الله ان كلامك مو صاحي :ch19:

لكن يا اخوان الافضل ان الواحد يوم يروح يشتري مستعمل يكون عنده خبره كبيرة في السيارات
لان الخداع كبير

و خذاري من الشراء تحت المكرفون صعب كثير خصوصا لانسان يبي يستعمل
و اما كشف الكمبيوتر تراه و الله خرطي ما منه فايدة لكن اعرف ناس يروحون للشركة و ياخذون تقرير عن السيارة هذا ممكن ينفع اذا كانت السيارة نظام ايجار او صاحبة يعتني بها

و ازيد و اعيد الشراء توافيق و اذا ابتلي المسلم فليصبر و اذا رزق خير فاليشكر

[Rapture]

انا توني شاري سيارة واكتشفت ان عداد البنزين على الفل طول الوقت والبوري علق علي ولما فكيته عند الكهربائي طلعت البلاوي وهذه اولها الله يستر عاللي جاي

حسبي الله عليه

[انا وسيارتي]

8
8
8


هههههههه كلش ولا عداد البنزين لو يقطع بك بزحمة خريص بعز القايلة !

اخوي اشترى التيما قبل تقريبا عشر سنين ، فيها من الخرابات مالله به بها عليم !

كنا نظنها نظيف بس طبينا فيها طبه ! وبعده صار لنا درس فيها ، ومع ذلك ، نتوهق احيانا بس تواهيق صغيرة ومقبولة :D

[Rapture]

8
8
8


هههههههه كلش ولا عداد البنزين لو يقطع بك بزحمة خريص بعز القايلة !

اخوي اشترى التيما قبل تقريبا عشر سنين ، فيها من الخرابات مالله به بها عليم !

كنا نظنها نظيف بس طبينا فيها طبه ! وبعده صار لنا درس فيها ، ومع ذلك ، نتوهق احيانا بس تواهيق صغيرة ومقبولة :D

كنت محسب انه الرجال معبيها فل, قلت في نفسي الرجال ما قصر وبالنهاية طلع نصاب ان شاء الله فلوسه اللي عطيتها له يصرفها على صحته ,

ان شاء الله ما تطلع عيوب ثانية بالسيارة

[سواها البخت]

كان عندي فان فورد وندستار 2001

شريناه قبل 3 سنوات ب25 الف

المهم اول ماشفناه يلق لق تقول طالع من الوكاله وفحصناه بالمعارض مافيه شي

المهم راعي السياره قال انا جايب السياره من الامارات احنا عادي ماقلنا شي

المهم السياره ماطولت 3 شهور وبدت توسوس

تفتفه تقطيع تطفى كهرباء ترمش كمبريسر تهريب زيت تهريب زيت من القازقيت

المهم صلحناها ب6الاف ريال

بعدها ب6 شهور طقت مكينتها والمعنى مامشيه واجد ماشيه 80 الف يوم نشتريها

رحنا ندور لها مكينه بعد الخصم ولان نعرف راعي التشليح اخذنها 4 و300

المهم بعدها بدا القير يوسوس بنتع وياعلق وقت التبديل

طق الكمبيرسر مره ثانيه وغيرناه ماطول 8 شهور وطق مره ثالثه وغيرناه

والمره الاخيره ماطول شهر وطق

بعدين جينا اول شي السلف محد عارف وش سالفته

بعدين الدينمو

وكتمه بالسياره وتفتفه والله لايوريك

عاد انا قلت خليني اشيك على السياره عن طريق الموقع الاجنبي لانها وارد امريكا

المهم شيكت وانصدمت !!!!

ماخذه 3 صدمات اول وحده صدمه خفيفه والثانيه وجهيه والثالثه 70% من السياره تالف

يعني منقلبه وهذا النوع غير مسموح فيها بالدخول للملكه وصدرت للامارات ميناء والله ناسي اسمه

عاد صدم فيها السواق ووديتها لسمكري اعرفه

قالي ماكاله معجون لين قايله بس

وحتى تطالع زوايا التنده مطعجه

مادري ليه الناس ماتخاف الله

والحين بعناها برخص التراب وحنا دافعين قيمتها مره

بعناها 6500 ريال

[خرشوه]

88888


بس اخوي لاتنسى انك ذكرت ان السياره يوم شريتوها ماكان فيها شي زي الحلاوه

يعني اللي صار معاك مجرد حظ انت حظك كذا وطحت بسياره انا اشهد انها عاشقة الورش وذمة البايع بريه ان شاء الله

لانه مو مسؤول عن السياره بعد البيع

اعوذ بالله بعض الناس لو اشترى سياره واليوم الثاني انفجر عليه الكفر قام يذم بالبايع

[M.Suliman]

من جد موضوع ولا يخطر بالبال موضوع رائع نقاشي
انا بالنسبة لي لسه صغير ما اشتريت سيارة مطوول المهم
الوالد الحمد لله ولا عمرو انغش بسياره اشتراها وعلى فكره مرااات بعض السيارات تكون جديده من الوكاله تكون فيها خلل مصنعي
وهذا شي طبيعي جدا
اما انا حمد لله ولا مره انغشيت ولا حد من عيلتي انغش
ومشكوور
Mohammed-HMS

[ميمون111]

اناا انخدعت في سيارتين
الاولى قبل اربع سنوات وهي تايوتا ايكو 2002
المهم كان راعيها موقفها في االحراج ووقف السعر علي بــ 18000 الف
وسئلت راعيها هل السيارة فيها شيئ سواء في المكينه او البدي قال مافيها شيئ والسياره على يدي من الوكالة وتقدر توديها تفحصها يوم شفت كلامه جاد وثقت فيه وقلت ماني مضيع وقتي في الفحص شريت السيارة وثاني يوم ركبت خط واتضح لي انه فيه صوت قوي ومزعج في الكفر الخلفي رحت لمهندس واتضح لي ان الشاص مطعوج وملحم ولايمكن تعديلة والسيارة ماتصلح للخطوط بسبب انحرافها وعدم اتزانها وبسبب ان شاصها مطعووج بعدها بمده صدمت عليها وبعتها في تشليح السواط بــ 4000 الاف ريال
والحمد لله اني سلمت

السيارة الثانيه وهي تايوتا كرونا موديل 92 لقيتها في حراج جدة وسمتها ووقفت علي بــ 10000 الاف ريال
وسئلت راعيها هل السيارة فيها شي ولم اكن افكر في البدي بحكم موديلها
وكنت افكر فقط في المكينه والقير قال لي السيارة نضيفه ومفحوصه ومافيها اي شي وثقت في الرجال وخصوصا انه اجنبي قلت اكيد محافظ عليها مهب مثلنا
بعد ماخذت السيارة وطلعتها من المعرض ومشيت تبين لي ان عكوسها لها طقطقه وتحتاج الى تغيير وسعرها يصل 1600
وايضا يوجد تهريب في المكينه وفي علبه الدركسون وفي القير
وحسيت ان السيارة لها حنه قويه جدا جدا وحرارتها قويه وكان انبير الحراة مايرتفع
المهم رحت للكهربائي وقال ان انبير الحراره مفصول من سلكه المهم ركب انبير الحرارة الا والحرارة تطلع فل وتبين لي بعدها ان راس المكينه مكسور من الخلف ويخرج الماء منه
بعدها بعتها على شخص بنص سعرها بعد ان بينت له مشاكلها جميعها



ونصيحتي لكل من اراد شراء سيارة ان يفحصها من الصدام للصدام ولا تثق في احد حتى ولو حلف واقسم

[3z algnob]

انا شريت كابريس 88 قبل حوالي ست سنوات كان يلق لق
تقول شد بلد وحلف لي الرجال انها على يده ولا فيها اي مشاكل

قلت تم وخذتها غاليه بس منظرها تقول تستاهل

المهم ماخلصت ثمان اشهر الا بعتها 3000 الاف ريال وانا شاريها 10000 ريال

بس بعدها لازم افحصها في محلين ثلاثه

شريت فورد قراند مركيز 2001 قير ارضي وشهر واحد الا اصوات والحراره فل
لازم اوقف عشان يبرد ومشي على اني فحصته مافيه شيء وبعدين ماشي 32 الف بس يعني شبه جديد شريته 45 وبعته 2000 ريال تشليح بعد حادث شنيع

الحين معاي زي الاول 2001 بس وربي نظيييييييييف ما شاء الله
ان شاء الله ان ربي عوضني خير وخذته رخيييييص مره

وشكرا على الموضوع

[أبوعوض]

حن حبينا نسوي مقلب في خوينا شرى منا السيارة هايلكس 99
وبعد ست أيام قلنا خل نسرق السيارة معنا مفتاح أحتياطي خخخخ
ويوم صحا قاعد يدور سيارته مالقاها خفنا يكلم المرور نروح في خبر كان
يوم جا المرور عشان ياخذ بيانات السيارة قبل لا يجي رجعنا السيارة
تنكب وتلعثم وسجلو عليه مخالفة وبعدين قلناله طالح فينا سب خخخ
وخلانا نسدد المخالفة ونعبي السيارة فل خخخخخ
معني طلعت عن الموضوع شوي بس عشان أونسكم بعد المصايب إلي جتكم

[wjdy353]

اغرب ما فى هذا الموضوع ان من اضحك علية فى الشراء
وظل يوهم نفسة انه مسكين جراء عملية نصب من البائع
كرر نفس التجربه بدون الم او ان يحس بحلال الله او حرامه

يعنى النصب فى السيارات
حرام ليك لما تكون مشترى
وحلال لما تكون بائع

يا عزيزى كلنا لصوص إلا من رحمه ربى



والله معاك حق بس ايش تبغى تسوى الواحد يتنصب عليه ويبتلى و يبغى يتخلص من بلوتة بأي طريقة , انا اول مرة اشتريت سيارة مستعملة انضحك علي و بعدين بعتها المرة الثانية اشتريت سيارة مستعملة سنتين و ماشية قليل بس اتعلمت من الدرس السابق و وديتها معرض معروف في البلد عنده مهندسين و خليته يكشف على السيارة و اتضح انها مصدومة و راعيها ما قالي لكن اشتريتها لأن الصدمة سطحية و لا تعيب السيارة , و مرة بعت سيارة مستعملة مصدومة بس صدمه ما اثرت على الأجزاء الأساسية على السيارة و صلحتها بمبلغ وقدرة في الوكالة و خرجت السيارة افضل من قبل الحادث لأن كل القطع الخربانة في السيارة من الحادث او خراب طبيعي اتغيرت و بعتها بدون ماقول انها مصدومة لأني خفت انه يبخس سعرها بحجة انها مصدومة .

[ابوعمار]

مرتين الله لايوفق اللي باعوني ويجعل المال اللي اخذوه نار عليهم ان شاء الله