وش رايكم في صالة البيان؟؟

[الثاني 121]

السلام عليكم











اخواني اليوم شفت عروض البيان في جريدة الرياض

ومنها

تاهو دبل موديل 2002 ال تي بـ34900 ريال سعودي

جراند ماركيز موديل 2003 بـ34900 ريال سعودي

وفيه نفجيتر 2003 بـ 45000 تقريبا م((ماركزت على سعره))

وفيه افلانش 2007 بخمسة سبعين

انا اللي عجبني في العروض عرض التاهو والماركيز

هل اقدر افحصها وبعدين ارجع لهم اشتريها؟؟؟؟

يعني اطلعها من المعرض وأروح لكم ورشة افحصها؟؟

وهل في صالات في الرياض مضمونيين زي البيان عندهم ورشة وضمان وصيانة ؟؟؟
:xyxwave:

ووشي البطاقة الجمركية؟؟

[الثاني 121]

اربعه دخلوا ولا احد رد :(

[r3bob]

لو تروح لمهم بقلون لك مبيوعة

التاهر بالشفا مباع من اسبوعين .. الفورد بخريص من 10 ايام

هذا حالهم من 6 سنوات صالة البيان

كل اعلان وتلاقي اسعار تعجبك .. تتصل عليهم يقول تعال نشوف لك باي معرض موجودة السيارة .. تروح يقولك مبيوعة بمعرض الشفا خريص الخ

2005 فورد 36 الف بالاعلان ...... تروح ماتلاقية .. تقول بدور غيره

تحصل موديل 2003 او 2002 بسعر 46 الف.. ماخبرنا اذا قل موديل السيارة يرتفع

سعرها ..بتستغرب وتسئلهم بقولون لك هذي انظف واقل ممشى ولا رشت بوية ولا فيها

خربات ..الخ .. وكل الشغلة تلميع بتلميع وتغير عدادات واكسورات من جنوط ومسجلات

ومراتب ( مرتبة معدومة تغير من سيارة تشليح الي يجبونه ) مرة لقيت جراند ماركيز

2007 الداخلي رصاصي غامق والمراتب رصاصي فاتح جلد والجنوط حقت 2008 الدفعة الاخيرة وموديل 2009

بصريح العبارة ..... تسذب في تسذب

وهم اغلى من السوق بقرق 10 الالف ولا 15 الف ريال

[الثاني 121]

طيب وش رايك يارعبوب في صالة الفليج؟؟؟


وهل في صالات يعطون ضمانات؟؟؟

[أنـــــس]

صحيح الأسعار المذكورة ستكون لسيارات متهالكه.

والبيان دائما يزيد عن السوق بـ5-8 ألاف

ستجد أفضل منه ..

بالتوفيق

[تميراوي 777]

ابعد عن التاهو الاستخدام الامريكي تراه دمار
كانك تبي استخدام امريكي اشتر فكتوريا ولا ماركيز سياحيه بعد اقل للخرابات

[الثاني 121]

صحيح الأسعار المذكورة ستكون لسيارات متهالكه.

والبيان دائما يزيد عن السوق بـ5-8 ألاف

ستجد أفضل منه ..

بالتوفيق

اسف على التأخر في الرد

بس هل فيه ورش نفس البيان او افضل ويقدمون ضمان ورخيصين؟؟؟

[الثاني 121]

ابعد عن التاهو الاستخدام الامريكي تراه دمار
كانك تبي استخدام امريكي اشتر فكتوريا ولا ماركيز سياحيه بعد اقل للخرابات


انا ما اخذت تاهو الا لأنه اقواهم من ناحية التحمل

[موعود الزمان]

اخوي الثاني كل الشباب اللي فوق قالوا رأيهم ولهم الحق فيه

لكن انا باقولك رأيي انا اللي اشتريت بنفسي سياره من عند البيان

اول شي بالنسبه للعروض تراها حقيقه 100% بس فيها لفه

والشباب صادقين يوم قالوا لك انك تروح ما تلقاها

العروض هذي ما راح تقدر توصل لها الا عن طريق واحد شغال في البيان

قوله اول ما يجي عندكم عرض علمني ولك اللي يطيب خاطرك

وهذا اللي انا سويته

اخذت فيكتوريا 2007 بثمان واربعين من عند البيان

البيان فيه ميزه صيانته وضمانه والخصم على شغل اليد القطع يحاسبك

عليها بسعرها ولا يسوي لك اي خصم واذا صارت لك مشكله في المكينه ولا القير ولا الدفرنس انشب بحلوقهم تاخذ حقك لانه من الضمان

الان السياره لها معي تقريبا سبع شهور وزي الحلاوه

واذا ما بغيت من عند البيان انصحك بصاله الدوحه مواترهم نظيفه

وترا اغلب المواتر ما تسلم من الرش تقدر تفحص قبل ما تاخذ السياره وقبل ما تحط العربون بعد

انا فحصت حوالي ست مواتر وكلها كانت مرشوشه رش خفيف

اتمنى اني اكون افدتك

تحيااااااااااتي

[الثاني 121]

اخوي الثاني كل الشباب اللي فوق قالوا رأيهم ولهم الحق فيه

لكن انا باقولك رأيي انا اللي اشتريت بنفسي سياره من عند البيان

اول شي بالنسبه للعروض تراها حقيقه 100% بس فيها لفه

والشباب صادقين يوم قالوا لك انك تروح ما تلقاها

العروض هذي ما راح تقدر توصل لها الا عن طريق واحد شغال في البيان

قوله اول ما يجي عندكم عرض علمني ولك اللي يطيب خاطرك

وهذا اللي انا سويته

اخذت فيكتوريا 2007 بثمان واربعين من عند البيان

البيان فيه ميزه صيانته وضمانه والخصم على شغل اليد القطع يحاسبك

عليها بسعرها ولا يسوي لك اي خصم واذا صارت لك مشكله في المكينه ولا القير ولا الدفرنس انشب بحلوقهم تاخذ حقك لانه من الضمان

الان السياره لها معي تقريبا سبع شهور وزي الحلاوه

واذا ما بغيت من عند البيان انصحك بصاله الدوحه مواترهم نظيفه

وترا اغلب المواتر ما تسلم من الرش تقدر تفحص قبل ما تاخذ السياره وقبل ما تحط العربون بعد

انا فحصت حوالي ست مواتر وكلها كانت مرشوشه رش خفيف

اتمنى اني اكون افدتك

تحيااااااااااتي


مشكور اخوي

والله الطريقه على بالي قلت لواحد اعرفة ليش مانروح للبيان نقول ذا الكلام

بس انا عندي سؤال هل اقدر اطلع السيارة من البيان افحصها عند العضيب مثلا ؟؟؟؟

طيب اذا دق علي الموظف وش يقولي؟؟؟

يعني يقولي فيه عرض مثلا فكتوريا 2007 عند الصالة اللي في خريص
يعني يبيلي اجي قبل مايفتح البيان احضر عن الصالة؟؟؟

والسيارة اللي خذتها وش نوعها LX وكم ماشية؟؟

[موعود الزمان]

يا حبيبي مسأله الفحص راجعه لك تقدر تفحص باي مكان

والبيان عندهم لوحات مؤقته للسياره يعني لا قروشه مرور ولا هم يحزنون

وبالنسبه وش يقولك الموظف عاد هذا بينك وبينه يعطيك هو المعلومه السياره وينها وكم يبغون فيها وانت عاد زي ما قلت بنفسك تحضر عندهم من الصبح وتاخذ موترك

واللي معي LX اخذتها ماشيه حوالي 40 الف ميل

والله يوفقك

تحيااااااااااااااتي

[abuanmaar]

وفرع جده نفس الشئ

[الثاني 121]

يا حبيبي مسأله الفحص راجعه لك تقدر تفحص باي مكان

والبيان عندهم لوحات مؤقته للسياره يعني لا قروشه مرور ولا هم يحزنون

وبالنسبه وش يقولك الموظف عاد هذا بينك وبينه يعطيك هو المعلومه السياره وينها وكم يبغون فيها وانت عاد زي ما قلت بنفسك تحضر عندهم من الصبح وتاخذ موترك

واللي معي LX اخذتها ماشيه حوالي 40 الف ميل

والله يوفقك

تحيااااااااااااااتي
اخوي انا بأتعبك معي سامحني

بس انا قصدي اقولهم ابغى اروح اجرب وأفحص السيارة يقولون تفضل المفتاح؟؟؟؟

ولا يجي واحد معي؟؟؟؟

اللي اتـفـقـت معه وعطيته الحلاوة وش جنسيته؟؟؟
وفي اي فرع؟؟؟ اذا تقدر
وكم اعطيه؟؟

[موعود الزمان]

يا حبيبي فهمتك من اول مره وترى صعبه يعطونك المفتاح ويقولون لك رح وافحص زي ما تبي لحالك !!

اكيد بيجي واحد معك وغالبا ورش الفحص تكون جنب المعارض

وبالنسبه للفرع انصحك تروح لفرعهم اللي بين مخرج 11 و10 بالرياض على الدايري الشرقي بتلقى واحد هناك فلسطيني كبير طيب وعلى نياته خذ معه بالهرج وسبّع عمرك

تحياااااااااااااتي