تأثير وقوف السيارات في الوكالة لمدة طويلة

[bluenasser]

السلام عليكم
هل يؤثر وقوف السيارة الجديدة في المستودعات على السيارة , لا ننسى ان فيه شمس وعج وامطار (عوامل التعرية كلها :tongue:)
يعني مثلا لو ابغى اشتري سيارة لها 10 شهور في المستودعات هل السيارة تتأثر من الوقفة ؟؟؟
ودي اشوف آراء ناس اشترت سيارة 2008 على وقت 2009 , وأيضا اراء خبراء :xyxthumbs:


أتمنى من الجميع المشاركة :wavey:

[bluenasser]

ارجو المشاركة

[Night]

السلام عليكم ورحمة الله وبركاته

اخي العزيز كلامك في محله ...

لكن السؤال هنا هل هناك مستودعات خاصة لسيارات عاديه اي بمعنى اخر هل نقارن مستودعات فورد او جمس و شفروليه لـ مستودعات سيارات فراري او مازاراتي او سيارات رياضيه قيمتها عاليه وليست عاديه ..

الاجابة قد تكون معدودة .. السيارات الجديدة في نظر الخبراء وقوفها تحت الشمس اي بما انها جديدة لاتؤثر بالكثير لان قبل البيع سوف يتم غسلها ووقوفها امام الوكالة للاستلام ,,

نحن بالفعل ندرك ان وقوفها تحت الشمس وعوامل االتعرية تلعب دور كبير لكن الاعداد الكبيرة لاتكفي لكي تكون تحت مساحات شاسعه مغطاه ومحمية من جميع ظروف البيئة ..

بعض الوكالات تحافظ على هذه الامور وبعضها تحت الشمس وتحت ظروف بيئية قاسيه لايهم لانهم مدركون ان هذه السيارة سوف تباع ولولا فرضنا ان بوية السياره تاثرت اي قلة لمعتها فان الوكالة لديها سيرفس لمعالجة الامور التي تحدث من عوامل البيئة وعموما الشركة لاتخسر الكثير اذا كان موضوع البيع مستمر وخاصتا السيارات المرغوبه..

وشكرا على الموضوع الجميل

وفي ترقب جديدك ومميزك

مع التحية

Night

[H.Alhindi]

السلام عليكم


في نظري التأثير الأكبر هو على الإطارات ،


مع الوقفة الطويلة والتعرض للشمس ، قد تضعف جوانب الإطار


وحلها في رأيي : تغيير الإطار إن لم يكن سليما بعد فحصه


لكن السؤال : هل تتحمل هذه التكلفة الوكالة أم أنت ؟

[Night]

السلام عليكم



في نظري التأثير الأكبر هو على الإطارات ،


مع الوقفة الطويلة والتعرض للشمس ، قد تضعف جوانب الإطار


وحلها في رأيي : تغيير الإطار إن لم يكن سليما بعد فحصه



لكن السؤال : هل تتحمل هذه التكلفة الوكالة أم أنت ؟




بالتأكيد الوكالة يالغالي ..

:xyxthumbs:

[bluenasser]

الله يعطيك العافية أخوي Night على الرد المتكامل
الي ودي اشوفه الان ,, بعض تجارب الاخوان الذين اشتروا سياراتهم بعد وقوف السيارة لأكثر من 6 او 7 شهور ...

اخوي H.Alhindi الله يعطيك العافية ,,, والله فعلا الكفرات تتأثر من الوقوف لفترة طويلة
لكن الاهم من الكفرات هل السيارة نفسها تتأثر؟؟

[د.غســـ]

موضوع مهم جدا ...

أنا أخوي أخذ أفلانش من التوكيلات .. 2008 ... طلعه في 2009 ...

وصارتله بعض المشاكل بالكفرات .. هو كفراته جوديير .. راح لهم .. وقالوا له من التخزين .. وراح الوكاله ومعه ورقه تثبت الكلام هذا ,, وغيروها له .


-------------
معليش على الخشه .. انا صارلي حادث بسيارتي .. ووقفت بالوكاله شهر .. والكفرات ماصارلها شي .. لأنها جديده .. بس اللي بسأله هل تأثر على المكينه ..؟؟!! على الجير؟؟!

لأنها مشت 20000 ,, وبعدين وقفت شهر وشوي ..!!

وماقصر على الموضوع يالغالي :).

[Nissan Laurel]

والله يالحبيب ما تأثر لأن شريت سياره بنهاية 2008 سياره موديلها 2007
والحمد لله مافيه شي لا كفرات ولا بطيخ
بس اللي لاحظته أول ما شريتها لمعان السياره ما تلمع حيل
ولكن أنا أغسل سيارتي يوم وترك والحمد لله أحس رجعت لمعتها
ملاحظه سيارتي شريتها من معرض مو وكاله نفسها
توكل على وأشتر اللي بالك تراها أوفر لك
ملاحظه على سيارتي طبعا صارلها 11 شهر
قبل شهر من الحين بعض المرات أسمع صوت وصوصه خفيه تروح وترجع الظاهر من السير قلت في نفسي شكلها من الوقفه لأن واقفه سنه فما أدري صراحه هي من الوقفه ولامن الأستهلاك
بس لا تخاف كل الأمور الباقيه تمام يالله لك الحمد عسا الله يديمها أن شاء الله
عالعموم قلتلك كل اللي في نفسي وأتمنى لك التوفيق

[wjdy353]

اذا كانت السيارة غير محمية طيلة فترة وقوفها في حاجات راح تتأثر طبعا لوكانت السيارة جلد من الداخل الجلد سيتأثر بفعل اشعة الشمس , البوية ممكن تتأثر اذا كان المنطقة المخزنه بها السيارة منطقة اتربة وغبار , الكفرات تتأثر بالتأكيد و قد تتأثر البطارية وتصبح تالفة في كل الأحوال الوكالة المفترض انها تشيك على السيارة بالكامل و التأكد من سلامة كل اجزاءها قبل بيعها .