الجراند ماركيز 2009..مفارقات عجيبة..

[الوقدان]

كلنا يعرف السمعة والقيمة التي نالتها الجراند ماركيز كرمز للفخامة والاصالة بالاضافة الى العملانية والتحمل..سمعة بنتها بأجيال اتخذت مؤشرا تصاعديا من ناحية الفخامة والتطوير..
بالامس .زرت مع احد اخوياي وكالة الحاج لرغبة صاحبي في تغيير سيارته كراون فكتوريا 2008 استعمال امريكي-اشتراها من اوتو مول بجدة وكانت صيدة لأنها 2008 وممشاها كان 9000ميل فقط بمبلغ 73500- لتعرضها لحادث اثر على راحتها وعزلها وتماسكها..لأنه مدمن فورد وعاشق لها وصاحب خطوط سفر..
كانت رغبته في الجراند ماركيز نظرا لسمعتها وتفوقها على الكراون فكتوريا من ناحية الفخامة..
وجدنا عند الحاج 3 درجات لــ2009...
التميت(فل اوبشنز) بقيمة 109000 ريال..LS..
ستاندر شاصي طويل 85000 ريال..GSL..
ستاندر شاصي قصير..
ما لاحضته سؤالي عن الفوارق بين الدرجتين اخبرني الموظف انها محصورة بمراتب جلد وبالشاصي فقط..
كل الموديلات مكيف الكتروني..مقعد السائق فقط كهربة..بدون فتحة ..بدون جناح....سي دي..نفس الجنوط..كشافات..نفس المواصفات والاكسسوارات ولا تفترق بينها في شيء..
استغربت الفرق في القيمة-24000ريال- على جلد فقط..هذا اولا.
استغربت ايضا من غلاء قيمتها مقارنة بالمواصفات..
مقعد السائق فقط كهربة..بدون فتحة ..بدون جناح..

واللي حيرني اكثر.
الموظف اخبرني بانه يوجد جراند ماركيز فل اوبشنز..فتحة وجناح ومقعدتين كهرب موديل 2008 مخزن بالوكالة على الزيرو ولون بحري بــ103000ريال..
حيرني التباين في المواصفات بين 2008 و2009 من جهة..
والتباين في السعر مع تشابه المواصفات مابين الفل والستاندر في 2009..من جهة اخرى..
ما ادري كيف كانت طريقة الحاج في استيراد وتسعيرة السيارات..
هل يطلب النص فل ويبيعه لنا بسعر الفل على انه كامل المواصفات؟؟
ام انها تصريف لمخزون الشركة من موديلات 2008؟؟
او انها تصريف من الشركة الأم للفائض من موديلات السنين الماضية؟؟خاصة في ظل قلة الطلب على السيارات ..وذات المكائن الكبيرة خصوصا..في اكبر سوق سيارات في الولايات المتحدة..
ما ادري ان كان لديكم تفسير لشغلة الحاج في الجراند ماركيز بالذات..
الشاهد في القصة..ان صاحبي تحطم من سعر القراند ماركيز مقارنة بمواصفاتها من جهة..وبين مقارنته لمواصفات سيارته بالجراند ماركيز..حيث تتفوق سيارته الكراون فكتوريا بمراحل على الجراند ماركيز في المواصفات..
في الاخير..صرف نظر الى سيارات اصغر مثل المونتيقو والمازدا الترا..
اتمنى مناقشة الموضوع..واعطاء ارائكم فيه..

[هوساوي صميم]

الله أعلم هذا كله ضحك على الذقون ولا حول ولا قوة إلا بالله..

خلي صاحبك يستخير الله في هذا الأمر وينظر للأمر اللي فيه خير..

والله يوفق الجميع يارب..

[لحظه صمت]

والله يا الغالي 2009 قمه الفشل

ما تجي بطفايات خلفيه

مرتبه الراكب مهي كهرب

غير كذا سعرها ارتفع مع ان مواصفاتها اقل من الموديل السابق


انا سيارتي ماركيز موديل 2000 انها ازين منها بمليون مره بالمواصفات الداخليه

واحب اذكر ما هي المواصفات

طفايات خلفيه

انوار تصير فوق الركاب الي ورا للقراءه يعني نظام ملكي زي اللنكولن

مرتبه الراكب كهرب

عندي مسجل 6 سيديات بالشنطه من وكالتها وصابر للحين

هذا ما لدي واعذرونا على الاطاله

:xyxwave:

[mso]

وانا اخوك ...خويك بيطيح في غلطه ان شرى جراند ماركيز ..بحمك ان الشكل من 98 او 97 نفسه ماتغير

عندك جيب مازدا CX-9 الفل بحدود ميزانية خويك..ولا ياخذ له اوريون ..الشكل حق 2007 ويتوقع تغيره تغير طفيف 2010 وتغير جذري 2012 الفل قراندي نفس الميزانيه

ولا عنده مازدا 6 ..الترا سعرها فل اوبشن 99 الف و6 سلندر ومواصفات عااااليه جداً جداً

عنده فورد ايدج ممتاز وشبابي وسعره الفل مقارب للماركيز

يعني الزبده حرام يشتري سياره من اكثر من 10 سنين نفس الشكل + مواصفات قليله ..الزئبق الاحمر موجود اكثر من مواصفات الماركيز:bigggrin:

[راعي الكامري 04]

مساء الخير ..
حبيت اضيف معلومه

لو خويك يشري زي ماسوا قبل يحاول يطيح بلقطه اصرف لان الموديلات القديمه احسن من الموديلات الجديده .. لو يدور له 2006 فل كامل احسن له وارخص لان الصراحه حرام الفلوس ع الجديد البايخ ..

مجرد رأي

[قناص الرياض]

يا خذ كروان فيكتوريا من توكيلات الجزيرة طيب

و إذا هو راعي خطوط ياخذ الفيكتوريا ويتوكل على الله

موتر يعيش إذا هو فاكه على يده وما فيه احلى من الجديد

يكفيك انه امريكي اصل و فصل

و وخر عن الكوامري و الاوريون وطقتها و الله ما فيه مثل الامريكي في السلامة

و خلها يركز على الايرباقات الجانبية و التراكشن

ويتوكل على الله تراه موتر و يا خذ له فيكتوريا فل 2009 وارد توكيلات الجزيرة

علاقل بيرتاح في الصيانة لان خدمة توكيلات الجزيرة افضل بمراحل من الحاج

[كحيلان 2010]

.

الوكيل غبي,,,

واللي يطلب المواصفات (( هندي )) ومتأكد منها ومعاه واحد أبو بيضة..

من الجنسية العربية واللي يفهمها يفهمها...

ولي يموضوع سابق على هذا الرابط:
.
http://www.assayyarat.com/forums/showthread.php?t=152754&highlight=%DF%CD%ED%E1%C7%E4
.


مواصفات 2008 متعددة ورائعة...

والأسعار كانت أروع..

خرب سمعت الماركيز ذا الوكيل الدلخ والبخيل...

حتى الصالات حقتة تدخاها تموت من الحر...

مسكر المكيف على الموظفين...

ولا فبة كمبيوتر ولا يحزنون...

كمبيوتر واحد في الصالة ومتقاطين فية...

(( صالة خريص - الرياض ))

.

[الوقدان]

الله أعلم هذا كله ضحك على الذقون ولا حول ولا قوة إلا بالله..

خلي صاحبك يستخير الله في هذا الأمر وينظر للأمر اللي فيه خير..

والله يوفق الجميع يارب..
مشكلتنا وقعنا تحت رحمة التجار الجشعين..
لكن الله يكون بعون كل مواطن..
شاكر لك مرورك..

[الوقدان]

والله يا الغالي 2009 قمه الفشل

ما تجي بطفايات خلفيه

مرتبه الراكب مهي كهرب

غير كذا سعرها ارتفع مع ان مواصفاتها اقل من الموديل السابق


انا سيارتي ماركيز موديل 2000 انها ازين منها بمليون مره بالمواصفات الداخليه

واحب اذكر ما هي المواصفات

طفايات خلفيه

انوار تصير فوق الركاب الي ورا للقراءه يعني نظام ملكي زي اللنكولن

مرتبه الراكب كهرب

عندي مسجل 6 سيديات بالشنطه من وكالتها وصابر للحين

هذا ما لدي واعذرونا على الاطاله

:xyxwave:

بالفعل والله..
الكابرسي اللي كانت معي موديل 89 افخم منها..اقلها مرتبتين كهرب كل وحدة بثمان وضعيات..
يا رجال ما ادري متى ينتهي الجشع..
المقاطعة وقاطعنا ..والصياح وصحنا..والكتابة وكتبنا..وش بقي؟؟
لا أذن منهم سمعت ولا عين ابصرت..ولا قلب رحم المواطن المسكين اللي يدفع دم قلبه على شيء ما يستاهل القيمة العالية..
وبالفعل..مواصفات القراند قبل احلى بالف مرة..
احس انها على المواصفات الحالية ما تستاهل اكثر من 85000 عشانها 8 سلندر بسسس!!
مشكور على مرورك..

[الوقدان]

وانا اخوك ...خويك بيطيح في غلطه ان شرى جراند ماركيز ..بحمك ان الشكل من 98 او 97 نفسه ماتغير

عندك جيب مازدا CX-9 الفل بحدود ميزانية خويك..ولا ياخذ له اوريون ..الشكل حق 2007 ويتوقع تغيره تغير طفيف 2010 وتغير جذري 2012 الفل قراندي نفس الميزانيه

ولا عنده مازدا 6 ..الترا سعرها فل اوبشن 99 الف و6 سلندر ومواصفات عااااليه جداً جداً

عنده فورد ايدج ممتاز وشبابي وسعره الفل مقارب للماركيز

يعني الزبده حرام يشتري سياره من اكثر من 10 سنين نفس الشكل + مواصفات قليله ..الزئبق الاحمر موجود اكثر من مواصفات الماركيز:bigggrin:
هههههههههههههههه....اعجبتني الزئبق الأحمر..
ما علينا من الشكل..نبغاهم يجيبون مواصفات تستاهل السعر اللي بندفعه..
مشكلة الياباني بالرحاة.ما يجي جنب الامريكي بالراحة على الخطوط..
خويي له تجربة مع الياباني بكامري موديلين(99 و 2005) ثم اشترى الفورد وحس بالفرق بينها..
الفورد اللي يشتريه ما يفكر في غيره لأنه ما راح يلقى شيء يوازي راحة مقعد وممشى الفورد..
هو الآن بباله الفايفهاندرد والمونتيقو..
الف شكر لمرورك ورأيك..

[الوقدان]

مساء الخير ..
حبيت اضيف معلومه

لو خويك يشري زي ماسوا قبل يحاول يطيح بلقطه اصرف لان الموديلات القديمه احسن من الموديلات الجديده .. لو يدور له 2006 فل كامل احسن له وارخص لان الصراحه حرام الفلوس ع الجديد البايخ ..

مجرد رأي
مو كل مرة تجي على كيفك..
هو الآن يدور بالصالات..وبنزل جدة يدور عند الموزعين هناك..على أمل انه يلقى..
هو طايح عند الماركيز شكل 2005..ويدور له وحدة نظيفة..
واذا ما لقى راح نصب الفايف هاندرد والمونتيقو على طووول..
وهي اللي بباله كخيار احتياطي..
شاكر لك مرورك ورأيك..

[الوقدان]

يا خذ كروان فيكتوريا من توكيلات الجزيرة طيب

و إذا هو راعي خطوط ياخذ الفيكتوريا ويتوكل على الله

موتر يعيش إذا هو فاكه على يده وما فيه احلى من الجديد

يكفيك انه امريكي اصل و فصل

و وخر عن الكوامري و الاوريون وطقتها و الله ما فيه مثل الامريكي في السلامة

و خلها يركز على الايرباقات الجانبية و التراكشن

ويتوكل على الله تراه موتر و يا خذ له فيكتوريا فل 2009 وارد توكيلات الجزيرة

علاقل بيرتاح في الصيانة لان خدمة توكيلات الجزيرة افضل بمراحل من الحاج

الفكتوريا مشكلتها سعرها وشكلها المستهلك..
الماركيز تتميز بتجديدات تغير من شكلها وتنشط العين شوي..
ما ادري عن مواصفاتها وهل هي نفس طقة الماركيز او افضل منها..
بالنسبة للصيانة..فشيء اكيد..التوكيلات افضل صيانة وما لقيت ولا عمري شفت عليهم شكوى..
هو شايل الياباني من باله..يبي سيارة مريحة للخط..
راح ادخل الكراون فكتوريا براسه..يمكن يستحسنها..
الف شكر لمرورك ورأيك..

[الوقدان]

.

الوكيل غبي,,,

واللي يطلب المواصفات (( هندي )) ومتأكد منها ومعاه واحد أبو بيضة..

من الجنسية العربية واللي يفهمها يفهمها...

ولي يموضوع سابق على هذا الرابط:
.
http://www.assayyarat.com/forums/showthread.php?t=152754&highlight=%DF%CD%ED%E1%C7%E4
.


مواصفات 2008 متعددة ورائعة...

والأسعار كانت أروع..

خرب سمعت الماركيز ذا الوكيل الدلخ والبخيل...

حتى الصالات حقتة تدخاها تموت من الحر...

مسكر المكيف على الموظفين...

ولا فبة كمبيوتر ولا يحزنون...

كمبيوتر واحد في الصالة ومتقاطين فية...

(( صالة خريص - الرياض ))

.


على العكس..
اللي اختار هذي المواصفات جدا ذكي..
لأنه يجري خلف اكبر نسبة ربح ممكن..
والناس هنا تشتري بناء على سمعة الجراند القوية بالسوق السعودي..وما راح توقف عن الشراء..
فاكيد راح يرفع نسبة ربحة عن طريق خداع الناس اللي ينساقون بكل سهولة خلف كلمة((فل اوبشن))و((نص فل))
الكلمة هذي تنفخ راس اللي يبي يشتري ونخليه يشتري بدون ما يفكر..لأن في باله الماركيز ويعرف سمعتها وانتشارها..
على الرغم من قلة مواصفاتها وارتفاع سعرها الا اني اجد الماركيز السعودي منتشر بالشوارع عد الذر..
بالنسبه لصالاتهم..فبالفعل..جدا متواضعة مقارنة بماركة تحمل عراقة الميركوري..
شاكر لك مرورك..

[قناص الرياض]

اخوي camry - 2005

اقرأ ردي زين انا ما قلت الامريكي يتفوق على الياباني في الجودة لا
قلت لك من ناحية السلامة والخطوط الامريكي افضل بمراحل كبيرة جدا

و اسأل راعين الخطوط عن الفورد و أسألهم عن اليابانيات هالقواطي و اسمحلي في هالمقولة

و ترى مقياس الجودة مسألة نسبيه تختلف من شخص لآخر و تبنيه على استخدام الشخص للسيارة و محافظته عليها

و ليتك ما تطرقت لجوانب شخصية و حكمت علي اني ما اعرف ارد ليتك ناقشت وجهة نظري بدون تجريح

تحياتي لك و لصاحب الموضوع

[الوقدان]

اخوي camry - 2005

اقرأ ردي زين انا ما قلت الامريكي يتفوق على الياباني في الجودة لا
قلت لك من ناحية السلامة والخطوط الامريكي افضل بمراحل كبيرة جدا

و اسأل راعين الخطوط عن الفورد و أسألهم عن اليابانيات هالقواطي و اسمحلي في هالمقولة

و ترى مقياس الجودة مسألة نسبيه تختلف من شخص لآخر و تبنيه على استخدام الشخص للسيارة و محافظته عليها

و ليتك ما تطرقت لجوانب شخصية و حكمت علي اني ما اعرف ارد ليتك ناقشت وجهة نظري بدون تجريح

تحياتي لك و لصاحب الموضوع
انا مجرب الثنتين واعرف مقدار الفرق بين الامريكي والياباني بالخط..
سيارتي مازدا 2007..جربت بالخطوط اكورد2007 وكامري 2005 ومازدا3 2006 وافالون 2002..
كماجربت بالخط فورد كراون فكتوريا 2008..قراند ماركيز2004..
الامريكي ملك في الخط بلا منازع..احس نفسي في غرفة نوم من الراحة والرحابة وهدوء المكينة والرساوة..
الياباني قاسي وازعاج المكينة عالي ورساوته مقبولة..
الياباني سيارة بلد أكثر من كونه سيارة خط..

[ابوسحب]

مساء الخير زي كلام الاخوان الكرام دور موديل 2004 ليمتد اديشن لانة اكثر موديل توفر فية الفئة

معي واحد وبعتة الاسبوع الماضي والله انقهرت يوم قريت مواصفات الجديد

لو اعدد لك مواصفات الموتر الي كان معي والله متقرب صوب الوكيل

[أبو بندر العوفي]

والله انا اقول ان الوكيل حصل ناس على كيفه يضحك عليهم يجيب سيارات ماهي فل كامل ويبيعها بسعر الفل كامل لأن بصراحه عندنا ناس في السعودية مايفكر في عقله اهم شي يشتري سيارة جديدة وبس والوكيل اهم شي يأخذ فلوس هالمساكين بأقل التكاليف

وانا اشير عليك اخي ان تطلب سيارة من امريكا 2005او2004 بصراحه انا اشوفها كشخة مع الموديل الجديد وخاصه بالخلفيه ترأ فيه ناس يجيبون من هناك سيارات نضيفه جدا

وبقولك شي تراها بتكون ارخص من اللي في الصالات تقريباً من 5000 الى 10000

والله يوفق اخوك للسيارة النظيفة ويعطيه من خيرها ويكفيه شرها

[BOB_MARLEY]

يا شباب والله فجعتوني ... انا قريت الموضوع كامل ... والي فهمته انه المشكله في المواصفات ..
و انا ناوي اشتري الماركيز GSL 2009 بـ 85 الف في اليومين الجايه .. لكن يوم قريت الموضوع انا اطلب مشورتكم ..
بالنسبه للستاندر في الماركيز والفكتوريا نفس المواصفات .. والفل في السيارتين نفس الشي (مقعد السواق كهرب فقط ومقاعد جلد ومسجل سي دي كاسيت - مكيف وعداد اكتروني )يزيد في الماركيز هيدروليك .. وبالنسبه للسعر متقارب جدا ( الفرق بين السيارتين لا يتعدى 6 الاف في نفس الفئه ) ..

انا اخترت الماركيز عن الفكتوريا لاني احس انها افخم من الداخل والخارج ...

وبالنسبه للوكيل ( الحاج حسين) .. كيف خدمات الصيانه عنده ؟

[أبو بندر العوفي]

اخي الوقدان هل عندك خبرة وتفيدني انا معاي ماركيز موديل 98 عداد الكتروني ويفصل عندي عند سرعة 165 انا اريد ان افك الحجز حق السرعه هل لديك معلومة غير تتغيير الكمبيوتر لأن ناس قالولي لا زم تغير الكمبيوتر بكمبيوتر سياره سعوديه

ولك جزيل الشك:xyxwave: ر

اخوك ابو بندر العوفي:c0214:

[الوقدان]

مساء الخير زي كلام الاخوان الكرام دور موديل 2004 ليمتد اديشن لانة اكثر موديل توفر فية الفئة

معي واحد وبعتة الاسبوع الماضي والله انقهرت يوم قريت مواصفات الجديد

لو اعدد لك مواصفات الموتر الي كان معي والله متقرب صوب الوكيل

بالفعل والله..
كثير يعتبرون موديل 2004 استثنائي للماركيز..
مشكور على المرور..الله يعوض عليك بأحسن من موترك.

[الوقدان]

والله انا اقول ان الوكيل حصل ناس على كيفه يضحك عليهم يجيب سيارات ماهي فل كامل ويبيعها بسعر الفل كامل لأن بصراحه عندنا ناس في السعودية مايفكر في عقله اهم شي يشتري سيارة جديدة وبس والوكيل اهم شي يأخذ فلوس هالمساكين بأقل التكاليف

وانا اشير عليك اخي ان تطلب سيارة من امريكا 2005او2004 بصراحه انا اشوفها كشخة مع الموديل الجديد وخاصه بالخلفيه ترأ فيه ناس يجيبون من هناك سيارات نضيفه جدا

وبقولك شي تراها بتكون ارخص من اللي في الصالات تقريباً من 5000 الى 10000

والله يوفق اخوك للسيارة النظيفة ويعطيه من خيرها ويكفيه شرها

هلا وغلا..
هو يفضل موديلات 2003 الى 2005..لكن كان طمعان في انه يشتري شيء جديد على يده من الوكالة..
المشكلة انك عشان تجيب سيارة من برى يبي لها كثر شوشرة وطول وقت وطلعة ونزله..ويبي لك واحد ثقة يجيب لك السيارة المضمونة..خاصة ان ما فيه احد هناك نثق فيه..ولو اعتمدنا على اي واحد فالنصابين كثير.
الله يوفق الجميع..
ومشكور على المرور..

[الوقدان]

يا شباب والله فجعتوني ... انا قريت الموضوع كامل ... والي فهمته انه المشكله في المواصفات ..
و انا ناوي اشتري الماركيز GSL 2009 بـ 85 الف في اليومين الجايه .. لكن يوم قريت الموضوع انا اطلب مشورتكم ..
بالنسبه للستاندر في الماركيز والفكتوريا نفس المواصفات .. والفل في السيارتين نفس الشي (مقعد السواق كهرب فقط ومقاعد جلد ومسجل سي دي كاسيت - مكيف وعداد اكتروني )يزيد في الماركيز هيدروليك .. وبالنسبه للسعر متقارب جدا ( الفرق بين السيارتين لا يتعدى 6 الاف في نفس الفئه ) ..

انا اخترت الماركيز عن الفكتوريا لاني احس انها افخم من الداخل والخارج ...

وبالنسبه للوكيل ( الحاج حسين) .. كيف خدمات الصيانه عنده ؟

من جد المواصفات تفجع..
المشكلة ان موديل 2008 افخم بكثيييير من موديل 2009 بالنسبة للفل اوبشن..
الفل اوبشن في 2009 مثل النص فل في 2008 من ناحية المواصفات..
ضحك عيني عينك على اللي يبي يشتري..
الفل كامل اللي بالوكالة بدون عداد الكتروني..وهذي سألنا عنها الموظف..قال ما فيه عداد الكتروني على لفل كامل..ما ادري ايش الفرع اللي رحت له وشفت فيه السيارة؟؟وبأي مدينة؟؟
الماركيز افخم من الفكتوريا من ناحية المظهر..لكن ما ادري صراحة عن المواصفات والفرق بينها..
بالنسبة للصيانة..
انا جربت الحاج بصيانة سيارتي المازدا..واعطيه 8 من 10 من ناحية الاهتمام بالعميل واتقان المواعيد..
صراحة كان معي جدا مميز..لكن بعد حادثي الاخير صاروا يصرفوني ويرفضون اصلاح السيارة ويبتكرون اعطال من عندهم وبالاخير تطلع العكس..
منها الجربوكس قالو يبي له توضيب..وديتها لورشة برى وفكوا الكارتير ولقيناها الحساسات..غيرناها ومشت السيارة زي العسل..
فالشغلة ما تقدر تتكل عليهم واجد في حال الحوادث ونحوها..
لكن الصيانة الدورية عنده جيدة وما اشتكيت منها..
تحياتي

[الوقدان]

اخي الوقدان هل عندك خبرة وتفيدني انا معاي ماركيز موديل 98 عداد الكتروني ويفصل عندي عند سرعة 165 انا اريد ان افك الحجز حق السرعه هل لديك معلومة غير تتغيير الكمبيوتر لأن ناس قالولي لا زم تغير الكمبيوتر بكمبيوتر سياره سعوديه

ولك جزيل الشك:xyxwave: ر

اخوك ابو بندر العوفي:c0214:
هلا وغلا..
بالنسبة لفك الطبلون اعتقد مجرد برمجة كمبيوتر..
الكمبيوتر ما يحتاج تغيره ابدا..فقط تغير برمجته الى البرمجة السعودية.
في موضوع اذكر قريته بالمنتدى الامريكي لواحد غير برمجة سيارته الى السعودية ولاحظ فرق في العزم ونفس السيارة..
فيه العضو((فيصل محمد))خبير في الفورد بالتحديد ويعرف عنها كثير ومعه سيارتين فورد..
تقدر تسأله برسالة خاصة وهو راح يفيدك ان شاء الله..
تحياتي

[أبو بندر العوفي]

أشكر ك اخي الوقدان وتقبل تحياتي