تجربتي لل مونتيجو 2008 = رائعة ..

[الواد الكووول]

السلام عليكم ..

كيفكم ..؟؟

دا اول موضوع ليا في دا المنتدى ف حبيت ابدأ بتقرير عن سيارتي ..

وطبعا .. راح استفيد . من موضوع .. العضو .. BLACK-DAY طبعا في تقسم الموضوع .. عشان عجبني تقسيمو .. ( العضو دا في منتدى تاني .. ) بس لازم ازكر إسمو ..:D

اول شئ ...

ماشاءالله تبارك الله ..

أولا مواصفات المحرك

المحرك 3.5 بست اسطوانات الحائز على جائزه افظل عشر محركات
قادر على توليد 263 حصان و عزم 249 رطل مع علبة تروس بــ ست سرعات.

في نوعين من الدفع ... امامي لفئة الستاندر و النص ... و رباعي لأعلى فئة ..

.. السيارة ما تصرف بنزين كتير .. وو صوت المحرك حلو عند الدعس ..

وو الثبات .. مية ال مية ..

وو كمان عزل الصوت . مرة جييييد ...

طبعا الجنوط 18 ..

السيارة عندي تفصل على 190 انا مو متأكد عشان احس إنها اقل من 190 ( إلي عندو خبرة يقولي ) ..

وو الحرارة ثابتة في النص ...

المميزات التقنيه (الي تهمني انا )

فيها ABS

مثبت السرعه , .

6 ارباقات ( مني متأكد )

ريموت سياره يشمل فتح وقفل الابواب وفتح الشنطه و جرس الانذار

وكشافات ضباب ,.,.


فيها تركشن .. انا دايما افكو عند اللفات .. ( السيارة دفع امامي ما تعطي إحساس الدفع الخفلي في الدرفت )

لا توجد فلشرات على المرايات الخارجيه..

و دا موقع فيلو كل المواصفات

httpwww.mercuryvehicles.comsablespecifications.asp

المواصفات الداخليه ::

1- العداد كلاسيكي جدا .

2- المسجل 6 سي ديات ويشغل MP3
وصوت السمعات قويه ويدخلك جوو


3- المكيف عادي ( الفل مكيفها الألكتروني)
المكيف ماشالله باارد ..

4- التحكم بالمسجل من طاره ,
تبديل الاغاني ورفع وخفض الصوت وتبديل الى او من موجة FM

5- التحكم ب مثبت لسرعة . وفي كمان ميزة حفظ اخر محاولة لحفظ السرعة ..

6- اربعة حاملات للأكواب ,
2 امام و 2 في الخلف .

7- المقاعد جدا مريحه


8- المساحه للركاب الخلفيه كبيره حتى عند ترجيع المقعد الأمامي للخلف ,
مساحه جدا كبيره.. و الشطنة مرة كبيرة ..

10- الطفايه (حقت السجائر) خارجيه ,,
=لاتوجد طفايه سجائر في سياره
تجي نفس الكوب الخارجي ,
وهذي ماتفرق معايه لأني مادخن .

11- الطبلون فضي (منكل) .

12-شاشة معلومات كامله عن سياره تجي تحت عداد السرعه,
معلوماتها كالتالي
كم كيلو مشيت سياره
TRIP A
TRIP B
ساعه لحساب الوقت المقطوع
مقياس للعد المتبقي للكيلو مترات بالنسبه للبنزين الموجود
كم صرفية البنزين لكل 100 كيلو

العيوب .. ::

1_ السيارة عاليه زي ما قال اخونا ...

2_ كمان الكست .. مافي . زي ما قال اخونا في الله ..

3_ مافي إلي يقيس حق درجة الحرار ..

الصيانة ... :

إلى الأن السيارة ماشيه 20 الف كيلو .. ماشاءالله والحمدالله مرة اوكي ماشيه معايا ..

انا من سكان مكة .. صييانة مكة احسها مو مرة مزبوطة حقت جدة افضل ..


صور السيارة راح انزلها اليوم في الليل ..

إن شاء الله يكون عجبكم التقرير ..

وشكرا ..

[فواز]

تقرير رائع أخوي الواد الكووول والله يعطيك خيرها ويكفيك شرها

بإنتظار الصور :)

[الواد الكووول]

ووو دحين وقت الصور ..

دي صورة للسيارة من الجنب ..

http://www.arb-up.com/files/arb-up-2008-6/VQO57847.jpg (http://www.arb-up.com/)

وو هنا خلفية السيارة ...

http://www.arb-up.com/files/arb-up-2008-6/xJo58283.jpg (http://www.arb-up.com/)

وو هنا مقدمة السيارة وو فاتح كل الأبواب ..

http://www.arb-up.com/files/arb-up-2008-6/ywD58395.jpg (http://www.arb-up.com/)

وو هنا الشنطة .. مع عدة السلامة .. (طبعا الإستبنة تحت الفرش )..

http://www.arb-up.com/files/arb-up-2008-6/EK658523.jpg (http://www.arb-up.com/)

وو هنا الداخليه .. ( ستاندر .. )

http://www.arb-up.com/files/arb-up-2008-6/F5W58593.jpg (http://www.arb-up.com/)

وو هنا المقاعد الخلفية ..

http://www.arb-up.com/files/arb-up-2008-6/tf158771.jpg (http://www.arb-up.com/)

وو هنا الطبلون ..

http://www.arb-up.com/files/arb-up-2008-6/s5G58820.jpg (http://www.arb-up.com/)

وو هنا مقدمة السيارة في الليل ...

http://www.arb-up.com/files/arb-up-2008-6/Cpg58881.jpg (http://www.arb-up.com/)

وو إن شاء الله عجبكم الموضوع .. و الصور ..

[لحظه صمت]

ما شاء الله المواصفات ممتازه واعجبني لون التخشيبه

الله يهنيك فيها



:xyxwave:

[الزمن المر]

ماشاء الله ..

الله يعطيك خيرها ويكفيك شرها اخوي ..

ومشكور على سرعه استجابتـك و طرحك للتجربه والصور ...

و عقبال تقرير المليون كيلوو ...


و بالنسبه للعيوب : بصراحه لا تذكر , صح مشكله عدم وجود كآسيت في المسجل ..

لكن كلنا نعرف ان السي دي غطى عليه ..

وخصوصا لو تشتري قطعـه الـ Mp3 بصراحه تغنيك عن الكسـت والسيدي كمان

والإرتفاع برأيي حلو ماهو ذاك الإرتفاع ويفيدك كثير خصوصا بالمطبات ما تحك السياره


وماشاء الله السياره واسعه سواء من الآمام أو الخلف و مريحه جدا ..



و بالتوفيـق

[أنـــــس]

ماشاء الله تبارك الله

الله يعطيك خيرها ويكفيك شرها

[Dr.Ayman]

ماعندكم فكرة عن تركيب الزينون بالمونتيجو؟
أمس شفت وحدة عليها زينون رهييييييييب

[The_Game]

ما شاء الله تقرير مميز
لا تحرمنا من جديدك

[أمير الصراحة]

ماشاء الله تبارك الرحمن حلو حلو حلو
الله يطعمك من خيرها ويكفيك شرها
الله يكفيك شر كل حاسد وحاقد ومخرب ومن العين
يا رب آآآآآآآآآآآآآآآآآآآآآآآآمين

وتقبل تحياتي ودمت:xyxwave:

[KOL-AL7OB]

صرااحة سيارة رائعة جدا جدا

وأول مرره شفتها ؛؛ صور ؛؛ قلت عنها صغيره وأتوقعت إن الميلان أكبر منها

لكن يوم شفتها على الطبيعه <<< جالس يضحك على نفسه << صغيره ها ...

وعلى العموم الله يعطيك خيرها ويكفيك شرها

وباين إنك من مكة

سلام

[Dr.Ayman]

ماشاء الله تبارك الله اللون روعة بس لو الداخلية كانت سودا كان طلعت رووووووووعة

[ma911]

في غلط بسيط في التقرير انتا كاتب انو ما تبان درجه الحراره الخارجه
في زر في المكيف اسمو EXT اضغط عليه و راح تبان درجه الحراره الخارجيه
والاخ اللي يسال عن الزنون انا مركب زنون بوش الاصلي 6000 كلفن طالع رهييييييب مررره
ومشكور على الموضوع

[RoadRunner82]

مــا شــاء اللة لا الة الا اللة ...


الميركوري عــموما اناقة لا تعادلها اناقة , لازلت اتودد للميلان رغم اني شريت اوريون مستعملة فرغم كل شيء الميركري طعم خـــاص ...

يعطيك خيرها و يكفيك شــرها

[اللؤلؤيــ]

الله يعطيك خيرها ويكفيك شرها

من أغلى هي ولاالفايف هندرد ..

[الواد الكووول]

اهليين فوااز ..

مشكور على مرورك ..

وو نزلت الصور . خلاص ..

______________________________

لحظة صمت ..

مشكور على مرورك ..

________________________________

الزمن المر ..

مشكور على مرورك ..

وبالنسبة للمسجل .. ال 6 سيديات تكفي وو كمان تشغل صيغة ال mp3

_______________________________________

جذاب ..

مشكور على مرورك ..
_______________________________

دكتور ايمن ..

والله ما عندي خلفية بالنسبة للزنون ..

لو عرفت او شئ تعال و قولنا ..

[فكتوريا 95]

مشكور على التقرير المرتب
بس انا حاب اسئل عن الفايف هندرد نفس المواصفات ولا كيف

[الواد الكووول]

اهلين فكتوريا

والله الفايف هندرد مدري عنها ..

انا ما سألت عنها ..

خش على الرابطة حقت الفايف هندرد و المونتيجو وحط إستفسارك هناك ..

وو إن شاء الله الأخوان يساعدوك ..

وو شكرا على مرورك ..

[nomearcy]

الف مبروك السيارة
والله يطرحلك البركة فيها

[xcd24h]

كيفكم ياشباب

عند اخوي مونتيجو لونها زي اللي عند صاحبنا

وحتى انا عارضها للبيع السبب الحاجه للمال

المهم المووتر والله مجنون في سوااقته يعني فيه راااحه شيئ عـــــــــجـــــيـــب

وبعدين داخليته وااسعه والمكينة ماتسمعها اول ماسقتها كنت ماشي فيها 140 وكان اخوي بجنبي

وقال هيييييييييه السيارة جديدة تمشي عليها بالسرعه هذي وأناظر العداد ولا صحيح ماشي 140 احسب نفسي

ماشي 100 صرااحة انا الى الان متردد اني ابيعها رغم اني محتااااااااااااااااج


وثاني شيئ الفايف هاندرد زيها بالظبط حتى الداخلية

يعني زي الفكتوريا والماركيز

بالعربي

الفايف = المونيجو

[miloud2004]

السيارة والموضوع مميزين بارك الله فيك.

[eiei-3]

يا أخواني الكرام الفورمايكا هل تجي بلون ثاني وكذلك الجلد هل يأتي بلون اخر وماهي الالوان الخارجية المميزة لـ2009 وشاكر لكم ودعواتكم ان الله يسرلي بوحده

[Nice_Man]

جميله ماشاء الله

يعطيك خيرها ويكفيك شرها ....

تحياتي

[sami4net]

مشكلة هذه السيارات (مونتيجو والميلان والفايف هندرير والفيوجن) هي عدم توقع استمراريتها لذلك لم تنتشر مثل كروان فكتوريا وجراند مركيز ولو ترجعو للوراء قليلاً من يفتكر ميكوري توباز و فورد تورس اين هيا الآن لا توجد لها قطع غيار هذا هو سبب تخوف الناس من هذه السيارات الامريكية ومع العلم بانها صناعة مكسيكية

[الواد الكووول]

sami4net
بصراحة مو مقتنع بكلامك ..

و في نقطة مني فاهمه ..

كيف يعني صانعة مكسيكية ..؟؟

يريت توضحلي الشئ دا ..

وو شكرا على مرورك ..

[الجد منك]

صراحة موتر

[الاستندر999]

الله يعطيك خيرها ويكفيك شرها

وتسلم ع التقرير الرئع

تحياتىآ

[HOLDEN HSV]

و الله سياره انيقه و فيها نظرة bmw الفئه السابعه
ما شاء الله تبارك الله الله يعطيك خيرها و يصرف عنك شرها
الا هذي السياره كم سعرها؟؟؟

[ABO-SAAD]

ما شا الله تبارك الله

الله يعطيك خيرها ويكفيك شرها و شر الحساد

واهنيك على اختيارك للسيارة واللون كذالك

الله يهنيك فها يا رب

[الواد الكووول]

lumina my lover

تاخود من BMW بصراحة اكبر مدح اخدتو السيارة طول عمرها ..

آمييييين الله يعطيني خيرها و يكفيني شرها ..

وو بالنسبة للسعر .. للفل 94 دا زمان دحين مدري كم ..

وو شكرا على مرورك ...

[القناصـ]

ماشاء الله الله يعطيك خيرها ويكفيك شرها

[HOLDEN HSV]

لا و الله ما اقولها مجامله
انا شفتها قبل كذا سياره طويله و عريضه و مرتفعه عن الارض يعني فيها نظرة السيارات الالمانيه بشكل عام

[Dr.Ayman]

كم صار سعر موديل 2009 دحين؟

ال 2008

كان في اول نهاية يناير

ستاندرد 80.000
فل دفع امامي 87.000
فل دفع رباعي 94.000

[ma911]

مشكلة هذه السيارات (مونتيجو والميلان والفايف هندرير والفيوجن) هي عدم توقع استمراريتها لذلك لم تنتشر مثل كروان فكتوريا وجراند مركيز ولو ترجعو للوراء قليلاً من يفتكر ميكوري توباز و فورد تورس اين هيا الآن لا توجد لها قطع غيار هذا هو سبب تخوف الناس من هذه السيارات الامريكية ومع العلم بانها صناعة مكسيكية

ترا راجع معلوماتك السياره امريكيه و ليست مكسيكه
المكسيكه هيا الميلان
اظنك لخبطت بينهم الاثنين عشان الشبه

[eiei-3]

ايش اللون الجديد في 2009 بليز

[الوجيه 10]

مكسيكية ولا حتى أمريكية مع احترامي للجميع السيارت الأمريكية المتوسطة فاشلة حتى في بلدها الياباني والكوري متفوق بمراحل
العبرة في هذي السيارات بعد 4 أو 5 سنوات من الآن يامحلاها وهي جديدة
اتمنى من الأعضاء الكرام عدم الزعل والتعصب واللي يبغى يتأكد من كلامي يسأل أي شخص مجرب السيبل والتورس والتوباز والماليبو

[الواد الكووول]

الوجيه .. تعصب طيب لا تتعصب إنتا كمااان ..

ميركوري دي معروفة ب إنها سيارة صاحبت تحمل ..

طيب قولي الجراند ماركيز .. ليش بعد كم سنة ما سرلوو شئ ..؟؟

ولا الجراند ماركيز يعتبر مو من المتوسطة الفاشلة ..؟؟

وو إحنا عارفين الياباني .. تحمل و من دا الكلام ...

بس ما نسيئ الظن ب الأمريكي ...

وو الأمريكي دحين في حالة تطوير .. ف اكيد يبغو يجذبو الناس من خلاص سيارة متوسطة ..

و تستحمل و تقدر على الياباني ..

و تبقى وجهة نظر ..

وو شكرا لك على مشاركتنا وجهة نظرك ..

[الوجيه 10]

الجراند ماركيز سيارة كبيرة ماتتقارن بالمونتيجو او الفايف هندرد
سيارات في بلدها مبيعاتها ضعيفة كيف عندنا
الكلام بعد التربة بأربع او خمس سنوات وراح تتذكر كلامي
بعدين شكل السيارة كلاسيكي جدا يعني هي سيارة شبابية ومافيها شاشة ولا بصمة الكيا السيراتو تشتغل ببصمة وهذي مفتاح احس انها قديمة شوي لازم يتم التطوير بشكل كبير ومجاراة المنافسين

[toohoro]

سلام عليكم
أول شي عندك خطأ بالنسبه لمقياس درجة الحراره
أحب أقلك أنو موجود وكمان فهرنهايت_ومئويه
تلقاه موجود في شاشة المكيف أسم الزر EXT

[sharp wheel]

مشكووور ما قصرت ...

[sharp wheel]

الصور ماجات عندي

[sharp wheel]

أعتقد السياره ما تعطيك طابع أمريكي