شباب اللي لديه خبره بشركه تأجير (ساعدوني) فورد

[eyadi2009]

السلام عليكم ورحمه الله وبركاته
انا شفت كراون فكتوريا 2006 lx sport فل كامل والكمال لله اسود في صاله من صالات الشرقيه في الدمام تحديدا ماشيه 120000 حولها حولها , بصراحه كثيره على موديله بس النظافه الله يشهد انه نضيفه اوراق التشييك من الوكاله من اول ما شراها راعيها موجوده, تظليل زيبارت و حمايه وجهيه سستم صوت و حمايه صدا وشخصيا راعي السياره اعرفه زين زين والسعد الاخير 55000 المهم رحت للمصري ونسقت معه ها منا منا نزلت السعر الى 53000 لانه حس اني صامل وبصراحه انا اشوف انها غاليه جدا جدا وقالي كم تبيها قلتله 48000 راح الحين قال لالالالالالالا وصار اللي صار
الشاهد في الموضوع ان ما عندي هذا المبلغ قالي عندك شركه تأجير في الخبر بجوار وكاله بورش
فأنا رحتلهم وما لقيت اي مندوب وكل واحد يصرفني على واحد ثاني المهم انتظرت عندهم ساعتين وقال خويهم مب جاي (والله مافي ضمير في الشغل) المهم يا اخواني اذا احد عنده خبره مع العلم ان الدفعه
20000 و السياره بيشتريها الوالد الله يحفظه لي وهو متقاعد ما عنده قروض ولله الحمد
ساعدوني الله يستر عليكم دنيا واخره ولكم انشاء الله هديه قيمه قيمه



دعاء اخر اليل بالتوفيق

[eyadi2009]

up up up up up

[راعي الزد]

غريب اول دفعه 20 الف ريال ؟ ليش ياخوي 20 الف ريال

انا شريت فكتورييا وعطيتهم 500 ريال بس عربون وحجز لاحد ياخذه على وبعد اسبوع دقوا على الصاله ومريتهم ثانيه وعطيتهم 5000 ريال فقط وقلت لهم خلصو اجراءات الملكيه وخلافه وبعد اسبوع ثاني مريتهم عطيتهم 20 الف والموتر باقي عندهم وقلت خلو الموتر واقف عندكم لنهايه الشهر ماعندي فلوس الحين وعادي الوضع وقفوه لي بالمستودع
الداخلي بعد 10 ايام مريتهم وكملت باقي المبلغ وطلعته من صالتهم والاجراء هذا قعد معي حوالي 25 يوم الى 20 بسبب مشاغل عمل سفر وخلافه
وخذ الموتر ع دفعات لايهمونك واهم شي بيعطونك سند قبض ومايقدرون يبيعون الموتر من وراك لو تقعد شهر ولاشهرين

[eyadi2009]

مشكور اخوي على المرور والمعلومه لكن انا عندي بجيبي 20000 فقط هذي بالعربي زي الدفعه الاولى يعني

لكن الحين طلعلي شي ثاني خطاب التعريف من وين اجيبه (معليش تراني غشيم ) ؟

[# OMAR #]

خلك من المستعمل ..
كيا عندهم عرض حلو عالتأجير ..
اي دفعة اولى تدفعها الوكالة تدفع زيها معاك شرط انها ما تعدي 20% من قيمة السيارة

[طآرقـ]

أخوي يامكثر الشركات اللي تقسط عندك بالشرقيه

لو تروح نفس الصاله يعطونك كذا شركه تقصد

عندك الوطنيه الظاهر ع طريق الخبر الدمام السريع بـتجآه الدمام عند الوكلات اذا ماخب ظني
وعندك اوتو ستار اوقات يشترون ويقسطون لك ونصيحه محب لاتدفع دفعه كبيره اكثر من 5000
خلي القسط اكبر وفلوسك عندك ماتدري وش الظروف :) لاأن لا جا وقت تبي تسحب مابيعطونك حقك نهآئي وبتتبهذل يعني ادفع 5000 وخلي القسط تقريبن 1200
بـدل 20000 وتدفع 800

مجرد نصيحه :) وشي راجع لك

[eyadi2009]

انا ما رحت هالشركه الا عشان نسبه الفايده معقوله
ولا مارحتلهم من اساس

اخوي طارق شكرا على النصيحه ولكن القصد من الدفعه اسهل لي يعني من نا حيه القسط

وبعدين اباخذها على سنتين بس او اقل بعد اما بالنسبه للظروف الاخرى عاملينلها حساب

وانا اخوك ولا ما فكرت بالسياره اصلا

للعلم اوتو ستار نسبتهم 10 % جااااااااااااااااااااااااااااااامده كثير


شركه تأجير تتراوح مابين 5% الى 9% على حسب الراتبيعني

لكن ولله الحمد راتب الوالد الله يحفظه مظبوط يعني يصير 6 % واذا دفعت 20000 تكون 5%

شكرا