قيادة السيارة أيام زماااااان !!!

[fahad 2006]

السلام عليكم ورحمة الله وبركاته

كيفكم ؟ إن شاء الله كل أموركم تمام

لو سألت أي واحد وش أكثر شي كنت تتمناه أيام الطفولة أو المراهقة كان قال لك أتمنى أسوق سيارة ...

أيام زمااان كان الواحد لين بغى يسوق وش يسوي ؟؟؟

يا يركب عسيب نخلة ويفر فيه وسط الحارة ...

أو يصلح له دندينه ( عصا طرفها بوسط قوطي مفتوح الجهتين

وغالبا قوطي جبن كرفت ) ويعفط القوطي على العصا

ويخليه على شكل قوس

وبعدين يجيب جنط سيكل ويدفه بهالعصا والقوطي متحضن الجنط ...

أوتلاقي الواحد ماسك له أي شي ومخليه طاره

ويسوق فيه باستخدام صوته أو حركاته فمثلا :

حن .. حن .. حن : يحمي السيارة

حاااااان .... حاااااان ... حاااان : بدا يسوق

وياخذ نفس بين كل حنه وحنه : طبعا عشان يعشق ..

بيب وطاط اكيد ما يخفا عليكم البوري طبعا ..

يهندل بيده : يقال له ينزل القزازه ..

ينثني شوي لقدام : طبعا داق فرامل بقوه ..

الخ ... الخ .... الخ ...

ولو تسألني الحين وش اكثر شي ودك تفتك منه كا قلت لك السواقة ..

طبعا من هاللي نشوفه كل يوم بهالشوارع ...

تهور ... سرعة جنونية ... لامبالاة بأنظمة المرور .. الخ

الشعار اللي كنا دايم نسمعه وننقراه ( القيادة فن وذوق وأخلاق ) ..

أصبح اليوم : ( من سبق لبق .. والبقاء للأقوى ... وإن لم تكن معي فأنت مو قد التحدي )

آسف على الإطالة ودمتم سالمين

[الكشخة]

يعطيك العافية أخوي فهد

وللأسف هذا الي صاير هاليومين

صار الواحد يخاف على نفسه من

المتهورين الله يسلمنا ويحفظنا

وتقبل مروري

[fahad 2006]

مشكور أخوي الكشخة على مرورك
صار الواحدهالايام يسوق وهو مشغل كل الحواس

[zoom_833]

من جد .. صدقت والله ..

اقسم بالله قبل فتره تقريبا سنتين .. نتهاوش انا واخوياي كل واحد يب يطلع بسيارته ..

الحين والله اننا نتهاوش كل واحد ما يبي يطلع بسيارته :D

يعني والله وصلت لهالدرجه ..؟؟

اولا اقل مشوار تاخذه 20 كيلو " اتكلم عن مدينة الرياض "

ثانيا عندك ناس مدري والله كيف يسوقون :(

يعني من الغبي المتخلف اللي عطاه رخصه ؟؟

مبادئ القياده واستخدام المرايات ما يعرفها .. فما بالك لو يصير جمبك وانت وياه بزحمه ولا مخرج ولا ولا ولا .. الخ ..

اقسم بالله يدك على قلبك ..

ثالثا .. اللي يجيك مسوي انا الشنب القوي ..

رفع له كم حديده بالبيت وطالع يدور مضاربه ولا مشكله ..

وشغل حد وتلحيم وازعاج لخلق الله ..

حلات من نزله ولعب بحسبته ورباه صح :( << طالعه من قلب

[S K Y]

وعليكم السلام ورحمة الله وبركاته

ياهلا والله بخير ربي يعافيك ,, اخبارك فهد

وتسلم عالموضووع الجميل

الحقيقة ,,

خششتني جو تراث الاحساء ,,,,


انا عن نفسي الحقيقة اسرع ولكن ليس بالتهور المعقول

الله يهدينا ويهدي المرجوجين
شكرا يابطلنا

[speeed1]

لو ابي اتكلم عن السواقة حاجلس لين الصبف

اللي يكسر عليك واللي يحك السيارة بالمواقف والي صاف العداد وووووو

الله يعين ويستر ويكفينا شر الحوادث
اللهم امين

[tala55]

السلام عليكم ورحمة الله وبركاته





كيفكم ؟ إن شاء الله كل أموركم تمام


لو سألت أي واحد وش أكثر شي كنت تتمناه أيام الطفولة أو المراهقة كان قال لك أتمنى أسوق سيارة ...


أيام زمااان كان الواحد لين بغى يسوق وش يسوي ؟؟؟


يا يركب عسيب نخلة ويفر فيه وسط الحارة ...


أو يصلح له دندينه ( عصا طرفها بوسط قوطي مفتوح الجهتين


وغالبا قوطي جبن كرفت ) ويعفط القوطي على العصا


ويخليه على شكل قوس


وبعدين يجيب جنط سيكل ويدفه بهالعصا والقوطي متحضن الجنط ...


أوتلاقي الواحد ماسك له أي شي ومخليه طاره


ويسوق فيه باستخدام صوته أو حركاته فمثلا :


حن .. حن .. حن : يحمي السيارة


حاااااان .... حاااااان ... حاااان : بدا يسوق


وياخذ نفس بين كل حنه وحنه : طبعا عشان يعشق ..


بيب وطاط اكيد ما يخفا عليكم البوري طبعا ..


يهندل بيده : يقال له ينزل القزازه ..


ينثني شوي لقدام : طبعا داق فرامل بقوه ..


الخ ... الخ .... الخ ...


ولو تسألني الحين وش اكثر شي ودك تفتك منه كا قلت لك السواقة ..


طبعا من هاللي نشوفه كل يوم بهالشوارع ...


تهور ... سرعة جنونية ... لامبالاة بأنظمة المرور .. الخ


الشعار اللي كنا دايم نسمعه وننقراه ( القيادة فن وذوق وأخلاق ) ..


أصبح اليوم : ( من سبق لبق .. والبقاء للأقوى ... وإن لم تكن معي فأنت مو قد التحدي )



آسف على الإطالة ودمتم سالمين



ذكرياتك حلووووووووووة :emot97:

تصدق تنفع مسلسل <<<<<<<امزح:smilie16:

على العموم هذا اللي صاير الايام هذي

وتقبل مروري

[fahad 2006]

هلا وغلا باللي شرفوا موضوعي ...
أخوي zoom ههههههههه والله انك صادق بكل اللي قلته بس المشكله لين صار عضلات كيف بتلعب في حسبته ههههههه

أخوي سكااي يسلمووووو والله وكلك ذوق وما جمل الموضوع الا مرورك الكريم ومشاركتك ويا زين تراثنا ويا زيا أيام أول ألا ليت الشباب يعود يوما ههههههه

اخوي طلال وش رايك ننتجها بمسلسل وننافس طاش ههههههههههه

أخوي سبيد صدق والله يكفينا شر الحوادث

[Night]

السلام عليكم

فعلا الذكريات القديمه تحتلف تماما بما فيه من طبيعه الحال وطرق الحياه اختلفت عن الماضي بل هناك عادات وتقاليد مضافه وسيئة سواؤ من الخليج او داخله من الخارج

وعلى العموم الحمدالله على كل حال ، وان رآيتم اي شخص متهور ادعووا لهم بالهدايه والله المستجاب للدعاء ، طرق ردة الفعل بالفعل طبعا خاطيئة للاسف لان هذه الامور تحدث المشاكل كما في مثلنا (( تزيد الطين بله )) والحديث والنقاش الطيب يساعد على حل كثير من الامور المستعصبه على الشخص وايضا في طريقة الاقناع سواء للصغير او الكبير

وشكرا عزيزي على الموضوع

في ترقب جديدك ومميزك

مع التحية

Night