المساعد الشخصي الرقمي

مشاهدة النسخة كاملة : طلب المشورة في الكفالة


سامي الخالد
15-02-2009, 12:14 PM
السلام عليكم ورحمه الله

انا ياشباب واحد طالبني اني اكفله بسيارة يبي يشتريها يعني كفيل غارم والرجال هذا اثق فيه لكن ماادري كيف الوضع مستقبلا ...................

سؤالي هل تطالبني الشركة او المعرض في حالة لم يسدد الشخص القسط ؟؟؟؟؟؟؟؟ام كفيل مجرد اسم

على ورق فقط ؟؟؟؟؟؟؟؟؟؟؟؟ طبعا السيارة اللي يبي ياخذها بالتقسيط ................



ولكم تحياتي
سواها البخت
15-02-2009, 12:40 PM
اخوي الكفيل غارم يعتبر صاحب السياره الثاني

على الورق حيث اذا لم يسدد اقساط او ماطل في التسديد فراح تسير براسك واسال مجرب ولا تسال طبيب

فنصيحه اعتذر منه افضل لك وانا اخوك
فراس جي تي
15-02-2009, 12:43 PM
أكيد سيتم مطالبتك والحسم من راتبك المحول إن كان عن طريق البنك أو عن طريق شركة التقسيط

أما غن لم يكن لك راتب محول فسيبحث عنك موظف الحقوق المدنية في العمل والبيت أيضا !

أنا لا أخوفك ولكن رأيت المثال العملي بأم عيني !
سامي الخالد
15-02-2009, 01:04 PM
ياشباب الرجال هذا اخوي بس مشكلته انه متقاعد بس عنده مؤسسه وعمال وقادر على القسط لما راح للمعرض قالوله جيب كفيل وتعال بس لازم يكون موظف ؟؟؟؟؟؟؟؟؟؟؟ ومشكورين على الردود
jeep1982
15-02-2009, 05:47 PM
السلام عليكم ورحمة الله وبركاته


ترى كفالة الاقساط نوعين ياسامي

انك تكون كفيل كفاله(تحضريه)يعني اللي مطلوب منك انك تحضر مكفولك في حال مطالبة الجهه المقسطه له لاي سبب كان.
والثانيه كفيل غارم(يعني في حال عدم الالتزام باي قسط يكون التسديد من راتبك) وهذا اللي يخوف

تقبل مروري بمان الكريم
خلووووووها تصدي
15-02-2009, 07:45 PM
أخي خالد

أشوف الموضوع ما يستحق إنك تستشير

بس حبيت أقول

أخوك وأنت أخبر فيه

بالنسبة لي بعض أخواني أكفلهم وأنا مغمض

وبعضهم والله لو يحب كوعه ما كفلته

يعني على حسب التزام الشخص في حياته وصدقه مع نفسه ومع الآخرين
دمعة حزين
16-02-2009, 05:30 AM
دامه اخوك مايحتاج تستشير لانك اخبر فيه

واتمنى انك تستخير افضلك
سامي الخالد
16-02-2009, 06:25 AM
الله يعطيكم العافية من اول واحد الى اخر واحد رد والحقيقة انكم نبهتوني لامور ماكنت اعرفها ومفقين خير ان شاءالله
M O A Y A D
16-02-2009, 06:02 PM
.
.
.
ماازيد عن كلام الاخوان اللي قبلي ووضحوا لك ماهي الكفالة بشكل سهل ومبسط

وحقيقة اخي الكريم ,,, انصحك نصيحه لوجه الله

في هالزمن الاخ مايكفل اخوه الا في الحالات !!!

سمعنا عن اخوان جحدوا باخوانهم ,,, وكانت سبب في تشتت الاسره والعائلة ,,,
على مبالغ تافه في شراء سيارات

لاتخلي الشيطان يدخل بينكم ,,, وحكّم عقلك صح في كل خطوة

ماابيك تعتذر او تقوله لا ,,,,

الاخوة في هالزمن تنشرى ,,, واللي ماله كبير يشتريله كبير

انا عن نفسي كافل ابوي واخوي في سيارتين ,,,,


والله يوسع عليكم ويزيد مؤاخاتكم
كامري الشيوخ
16-02-2009, 06:29 PM
لا تكفل الا الكفو واللي يستاهل وتكون مستعد ان تسدد مكانه

ان جار عليه الزمن او تغيرت ظروفه
Engine
16-02-2009, 08:50 PM
ماازيد على كلام الاخوان

وقبل ماتكفله صل لك ركعتين استخاره

تحياتي لك :)