آخر الأنباء عن شركة تويوتا

[أبو شوق]

شفت أمس على قناة الكويت التلفزيونية و بالتحديد في الشريط الأخباري نباء عن شركة تويوتا مفاده أن الشركة أعلنت خسائرها والتي تقدر بمليارات الدولارات نتيجة تراجع الطلب ولعل في هذا الأمر بادرة لخفض الأسعار لإعادة التوازن بين العرض والطلب ... حبيت بس أخبركم ...

مع تحياتي للجميع وأمنياتي لكل عضو بالحصول على سيارة جديدة بحلول عام 2010 .

[barrakt]

هلا فيك اخوي ابوشوق ومشكور على هالموضوع وعلى هالدعوه الاطيب ..

وبالنسبه لموضوع هبوط اسعار السيارات وخاصه من المصنع الام فهذه شئ صعب جدا ...

لانها امور تعتمد على المصدر وهو ان السلعه اللتي يبيعها كان في الماضي من اسفل الى اعلى حسب الاخوان في الاحصائيات يعرفون مثل هذه

يعني مستعد يخسر مليارات ومليارات ولكن لا تضرب سلعته بالسوق ابدا المشتري يريدها ان تهبط والبائع لا يريد مهما حدث ...

لانهم يقولون اخسر من ماعندي ولا اخسر من ماعند الناس

الاسعار تقريبا لن تهبط بهذه السهول سوف تقوم الشركه الام بالتالي تقليل السيارات وتقليل الموظفين ..

وبدل ماتوصل 10000 سياره كل شهر للسعوديه بتلاقي 1700 سياره توصل كل شهر مثلا

وبكذا راح ترتفع العروض ويكثر الطلب ويكون بسعة المصدر ان يتحكم بالعدد اللذي يريد ويقوم بدراسه مستقبليه لهذه الكميه ..

يعني مثل مايقولون كلما قل العرض كثر الطلب ..

ولكن اذا دخلت هناك شركه منافسه مثل نيسان مثلا مرسيدس او اي شركه وقالت لا انا ابي اضرب السوق لصالحي وقامت تنزل اسعار سياراتها بسعر تقريبا خيالي عن السابق اكيد الناس راح تركض لها وتهرول طبعا الشركه بتحصل خسائر طفيفه بس بعد فتره راح تقوم بطريقه حسابيه تجعلها اربحها

وبهذه الطريقه سوف تسقط كل اسعار السيارات بل ربما تغلق اغلب الوكالات مصانعها ...

او تطر لمواكبة العصر والنزول بالاسعار مع تقليل الرفاهيه والجوده في السياره ...

حملة خلوها تصدي هي حمله ممتازه ولكن التجار تصدوا لها بنظام الجمارك الجديد ...

ولكن ماهو الحل ...!!! الحل ابسط من البسيط زاته ..

افتح المجال لجميع التجار بدخول سوق الوكالات

بدل مايكون عندنا عبداللطيف جميل واحد واخوه حسن

بيكون عندها العشرات من الوكالات الاخره وباسعار منافسه وبجوده عاليه ...

ومن ثم سوف تجد ان هناك عروض خياااليه مثال

السياره قيمتها الحقيقه 50 الف سوف يكون سعرها بحدود 56 الف واذا اقصاد بيكون لمدت اكثر من 7 سنوات ومبلغ شهري بحدود 1200 الى 750 ريال

وبهالطريقه تستطيع امتلاك السياره بطريقه سليمه وسهله وهذا ماكان يجب ان يكون وطبعا بتلاقي خدمات بالهبل وتسهيلات بالهبل يعني مش مثل الان تتصل اذا خربت سياراتك بعد اسبوع يجيك الونش وتتصلح بعد شهرين واي كلام ..

الان اغلب الوكالاات تأتيهم اضعاف اضعاف اضعاف ربحهم لانهم هم المكان الوحيد للمستهلك وبأسوء الخدمات

يعني الحين يمكن لو تبي تروح تشتري سياره شاي مايقدمون لك وبكرا بتلاقي عصير وكيك بعد واخاف يعزمونك على العشا او الغدا ...

يعني الزبده ( الاحتكااااااااار) اذا غادر الاحتكاااار جااااك يا مواطن الرخااااااااااء

ادري طولت وشكرا

[نابولي89]

عن التخفيض في الاسعار قد يكون ذلك في الاسواق الاوروبية والامريكية وبلد المنشاْ وباشرق اسيا
اما عندنا هنا فأنسى الموضوع تماماً.
هنا اما تشتري او لا ليس للاحد الصلاحية او الجرأة بمناقشة الامور التجارية ومناقشة الامور التفصيلية للوكالات.

لم نصل بعد لتلك الدرجة من الانفتاح الاقتصادي الديموقراطي الحر


الله المستعان

[أبو شوق]

أحب أضيف على الأخوان إن الشركات الأم والمصنعة للسيارات تعتمد في أرباحها بدرجة كبيرة على قطع الغيار يعني الأرباح في بيع السيارات المنتجه قليلة بالنسبة لقطع الغيار اللي تشكل نسبة 80% من حجم المبيعات، هذي من ناحية وناحية ثانية وبحكم خبرتي في عقد الوكالة وعقود الإمتياز أحب أضيف إن الشركات الأم تفرض على الوكيل شراء عدد معين من السيارات بشكل شهري وبمبالغ معينة مفروضة تتعلق بقطع الغيار وإلا تفرض عليه شروط جزائية وتفسخ عقد الوكالة،،، وهذا إللي يخلي الوكالات دائماً تحاول تسوق مبيعاتها عن طريق مندوبيها في المعارض ومحاولته إقناع الزبون بشراء سيارة معينة لدينهم وكذلك قسم الصيانه يتعمد يبدل بعض القطع الغير مستهلكة بهدف تصريف القطع إللي إضطر إنه يشتريها،،، عموماً هذه قصة معقده،، وأن نظراً لأني قريت الموضوع وحسيت أنه من المفيد طرحه بالمنتدى لتعميم الفائدة والحصول على آرائكم القيمة فيها قررت إني أطرحه للنقاش.

يعطيكم ألف ألف عافية ومشكورين على الردود.