مـوضوع شـامل عن//عـيوب ومزايــا الكراون فكتوريا والجراند ماركيز....شاركنـا بـرأيــك.!

[أنـــــس]

السلام عليكم ورحمة الله وبركاته

منذ فترة طويلة كنت أتمنى وضع موضوع شامل عن مزايا وعيوب الكراون فكتوريا والجراند ماركيز..!!

واليوم أطرحه كي نتناقش ونستفيد.

الكل منا يعرف ماتتميز به الفكتوريا والماركيز السيدان الأولى في أمريكا من راحه وتحمل الخ..

لكن هناك عيوب بارزة والكل قد مر ببعضها أو كلها.

فأحببت أن أذكر تلك العيوب التي نشاهدها كل يوم أو نسمعها.

من تلك العيوب.

-تلف أو كسر ثلاجة المكينه خصوصا في الموديلات التي قبل 2003

-يعاني الكثير من تلف الشاشة الاكترونية للمكيف وهي تتسبب في دفع الهواء من جهة الزجاج الأمامي.

-أيضا تعاني الفكتوريا من ضعف الجوزات..وشاهد ذلك مانرى من كثرة السيارات المطروحة أرضا:smilie16:

-يلاحظ في هذه المركبة تلف جلد البلوف سريعا ..فربما لاتصل السيارة إلى 250 ألف كم إلل وقد بلدت ملامح تلفها.

-نعاني أيضا خصوصا موديلات 2003 ومافوقها من التلف السريع لمفاتيح أو سويتش الزجاج الأمامي للسائق..وقد تم حلها في 2009

-أضيف إلى ذلك مانشاهده من مشاكل التفتفه والتقطيع وبعضها قد لايوجد له حل ..فيضطر البعض إلى بيع السيارة.!!!!

وبعض العيوب التي لاتحظرني الآن..ولكن وضعت هذا الموضوع كي نتناقش سويا عن تلك العيوب. خصوصا أن السيارة لها سمعتها وشهرتها ومثل تلك العيوب تؤثر عليها.


ولاننسى مزايا هذه السيارة من راحة في الطريق وسهولة الصيانه وتوفر القطع ورخص أسعارها نسبيا.


وننتظر ردودكم وأرائكم..:xyxwave:

[M~أمير بكلمتي~M]

.

-تلف أو كسر ثلاجة المكينه خصوصا في الموديلات التي قبل 2003

من موديلات 98 - 2003 فقط


-يعاني الكثير من تلف الشاشة الاكترونية للمكيف وهي تتسبب في دفع الهواء من جهة الزجاج الأمامي.

هذي مشاكل ذوي المكيفات اللمس ويحب الرفاهيه

-أيضا تعاني الفكتوريا من ضعف الجوزات..وشاهد ذلك مانرى من كثرة السيارات المطروحة أرضا:smilie16:

ولله الحمد لم اشاهد فورد طايح الا موديل 90 الحديد

والمشكله اعتقد ليس بضعف وانما عدم اهمام يشتري السياره ولا يشيك عليها ومن المعروف الاصلي مايجي فيها مشاحم فلا تشحم الا في المصنع وطبعا الجوزات او ما تسمى ايضا الركب الي تطيح
السياره هي الي تحت الي فوق تسبب صوت طق طقه


-يلاحظ في هذه المركبة تلف جلد البلوف سريعا ..فربما لاتصل السيارة إلى 250 ألف كم إلل وقد بلدت ملامح تلفها.

واحيان يكون التسخين او ضعف طرمبة الزيت سبب للذالك وعدم تغير الزيت في وقته المحدد

-نعاني أيضا خصوصا موديلات 2003 ومافوقها من التلف السريع لمفاتيح أو سويتش الزجاج الأمامي للسائق..وقد تم حلها في 2009

بصراحه اول مره اسمع عنها

-أضيف إلى ذلك مانشاهده من مشاكل التفتفه والتقطيع وبعضها قد لايوجد له حل ..فيضطر البعض إلى بيع السيارة.!!!!

لكل فعل ردة فعل موازي له في المقدار ومعاكس له في الاتجاه



طبعا هذا ردي على بعض المشاكل الي ذكرتها والمثل يقول الزين مايكمل ايضا توجد مشكله

وخاصة في فصل الشتاء وايام الامطار وخاصة اذا جاك مطر ماشااء الله مطر بمعنى كلمة مطر غزير

المساحات بطئية نوعا ما وماتلحق تمسح صح

ايضا فيه مشكله من ناحية الحمايه فيه بعضها اعرفها انا لن اخبر احد عنها وبعضها معروفه

مثل الارقام السريه

الانوار كثير يشتكي منها وفي اغلب الفيكتوريا والماركيز وحلها بسيط ولكن ...:a1120(121):

ثلاجة المكيف او بما يسمى الهيتر (( المكيف الحار )) تنكسر ووتهرب المويه حقت الراديتر

وتغيرها معقد جدا مادري ايش السبب القطعه صغيره ولكن لازم تفك الطبلون كااااااااااامل

واعني بالكامل كل الطبلون ينزل وليس الديكور فقط بل حتى الدريكسون ينزل وهذا عيب

واصلاحها بسيط انك تلغيها ..... هذا الي يوجد عندي الى الان واتذكره :ch19:

مشكور على الموضوع الي بصراحه مفيد جدا جدا

أخوكـ

[abn_kulaib]

والله موضوعك جاء في وقته وجاء في محله:smilie16:

بالنسبه للعيوب اخوي جذاب انت ماخليت شيء لكن انا اضيف عليها:

- موديلات 2006 وفوق تلف طرمبة الماء وحتى لوكانت جديده (حصلتلي اول ماخذيت الفكتوريا 2008 وكاله ويوم وصلت 3000 كيلو افقعت الطرمبه واحترقت مروحة التبريد)
وفي شركه تابعه لارامكو سياراتها يوكون وفكتوريا وكل اسبوع اشوف فكتوريا على سطحه مختربه طرمبته.

-النوافذ الخلفيه تخترب بسرعه بسبب عدم جودة الكلبسات.

-في الفور عامةً ضعف الانوار الاماميه وماادري ليه مايعالجون هذه المشكله.

هذا اللي يحضرني الان

وكما قلت اخوي جذاب ان الفكتوريا ماننكر راحته وقوة التحمل فيه وهي سيارة العصر


اخوك

أبن كليب

[أنـــــس]

شكرا لكم على الردود

أخوي أمير..بالنسبة للجوزات فكل يوم أشوف فورد طايح بسبب الجوزات وأخرها فكتوريا 2007أو 2008 ماعرفت موديلها بالضبطجديدة طايحه من الجوزات..!! ناهيك عن موديلات 99 و2000 وجميع الموديلات بدون تحديد..!

وجلد البلوف غالبا مانعاني منها في الاستخدام الأمريكي..!!!

وذكرت هذه المشاكل لأننا لانراها في أي سيارة أو ماركة أخرى.!

لكم تحيتي

[أعترف لك]

الله يعطيك العافية أخوي على هالموضوع المهم
بصراحة أشوف الجلد اللي تحت هي اللي تخرب دوم مثل جلد المقصات والجوزات
وبين فترة وفترة لازم تتغير مالها عمر طويل

[عسكريم]

موضوع رائع اخوي
والعيوب التي لاحظتها في سياره الوالد الله يحفظه
1 التفتفه بعد 60
2 الانوار ضعيفه جدا جدا حتى العالي
طبعا هذا من تجربه قصيره وسلامتكمـ

[طيف طيبه]

مووضوع ممتــاز يا جذااب

وما أزيد شي عن ماقالوه الاخوان

1- الانوار الاماميـه ضعيفه
2- عزم بعض السيارات المستورده يكون ضعيف بشي بسيط
3- ثلاجة المكيف في السيارات تحت موديل 2003

لكن للامـانه السياره رآعية خطوط وقطعها تتحمل عند تغيرها

[راعي الكامري 04]

امممم

بصراحه مادري وش اقول .. لاكن حل النور .. بسيط .. سلك مع كتاوته وشمعات 100/80 وتتتهي السالفه <-- مركبها .. وميه على ميه ..

التفتفه حلها بسيط .. غير البواجي وتنتهي السالفه .. طبعا لازم تغير كل 30 او 25 الف .. بسبب عدم كفائة الكويل .. للمعلوميه غيرت لها بواجي مرسيدس .. وضبط بس طلعت مشكله اكبر منها وهي عدم انتظام كهرباء المكينه وبالتالي مع الدعس بعض المرات .. يوصل عداد الحراره الى الاخير ( الكتروني الطبلون ) بسبب خطأ في قراءة العداد بسب البواجي .. بس الشهاده لله العزم ميه ميه ..

بس فيه حاجه مسويه فيني ازمه الى الحين عجزت القا حلها .. وهي بارده تشتغل ويزيد البنص وبالاخير تطفا .. غير بلف الهواء اللي وراء و tbs اللي هو منظم الريس .. وبرضوا .. الى الحين ..

وسلامتكم ..

اتمنى اكون ماطولت ..

[فيصل بن محمد]

حيا الله مشرفينا
انا اختلف معك ياجذاب ويا ابن كليب

في موضوع الجوزات ( الركب حنا نسميها) وطرمبة الماء

الركب والمقصات من اقوى الانظمه في الفكتوريا وياليت تروح ياجذاب وتشوف المقصات

والركب وبعدين احكم واترك موضوع انك شفت فكتوريا طايح ( يمكن ضرب رصيف )

وموضوع طرمبه الماء على كثر ما امتلكت من فرود وكثر مراجعاتي للوكاله وخبرتي

بالفورد اول مره اسمع عن موضوع طرمبة الماء ولا موديلات 2008 مع ان

طرمبة الماء من موديلات 2003 نفس ال 2009 يعني لو كان فيها مشكله كان المشكله

هذي تكون معروفه وقائمه حتى الان


النوافذ الخلفيه مشكله جديده هذي اول مره اسمع فيها

الموديلات القديمه من 2002 وتحت صحيح كانت تخرب مكينة القزاز الداخليه الاماميه

اما الموديلات الجديده فعدل هذا الموضوع

الازرار اللي ذكرها جذاب هي مشكله ولكن ليست في كل الفكتوريات

يعني فيه مفارقات بين بعض السيارات وبعض السيارات واذكر مثال مره غيرت الازرار

والسياره مامشت الا 45 الف وموديلها 2005 وسياره ثانيه نفس الموديل حتى الان ماخربت الازرار


بعض المشاكل تكون نسبتها 30 % او 40 % وتنتشر بين الناس بشكل كبير وتتداول على انها

مشكله في جميع السيارات


والله الموفق

[T.M.D]

المشاكل اللي عندي
لو اكتبها تمسك راسك
ولا بعد مسكت بها خط من الطايف الي االرياض
1-جلد الجوزات عندي الله بالخير
2-جلد المقصات الله بالخير
3-مسامير التوازن هي اللي مسببه لي ازمه كل شهر اغيرها
4-الحمد لله انه الجوزه طاحت على وانا امشي 20 في الحاره واحمد ربي
انها ما طاحت على وانا امشي بسرعه
5- وقت البرد الجامد ادق السلف ما تشتغل الا بعد معانه
6- في تفته عندي اذا عشق بعد 40 وبعد 60 كأن احد يدفني من وراء
7- الطاره فيها فضاوه
8- ذراع الشاص قبل كم يوم مغيره
9- الانوار تتحرك من الشوارع المحفره
10- الحراره ترتفع والسبب ان في قطعه مسكوره قبل كم يوم مغيرها
مع العلم ان سيارتي كراون فكتوريا موديل 1997سعودي
وتعرفون العاطل مايقدر يصلح هالمشاكل بس استنى متى اتوظف وادعوا لي بالتوفيق اني القى وظيفه .
واتمنى اني ماطولت عليكم
والسلام خير الختام

[أنـــــس]

حياكم...

ياأبو تركي ..بالنسبة للركب أو الجوزات ..شبه يومي لما أمر حول الصناعية أحصل فوردات جديدة وطايحه بسبب الجوزات.!!

يمكن المنطقه عندنا لها تأثير على السيارة بسبب وعورة الطرق خصوصا خارج المدينه...!!!

لدرجة انني شفت تقريبا 3 سيارات لكزس LS400 طايحه ..!!

وبالنسبة لطرمبة الماء فأنا لم أعاني منها الحمد لله ولم أسمع أحدا اشتكى منها.


وتعليقك عن مشكلة مفتاح الزجاج..أنا غيرته في الفكتوريا والماركيز ..وأصبح الأن بعد استخدام تقريبا 30ألف شبه منتهي ويحتاج لتغيير وكذلك الفكتوريا ..وأيضا من أعرفهم يعانون من ذلك..وهو كلام أحد الأشخاص لي في قطع الغيار في الوكالة..!!

[حمووود]

انا معي تاون كار اتكلم لو اسكت ؟؟

[tala55]

حيا الله مشرفينا
انا اختلف معك ياجذاب ويا ابن كليب

في موضوع الجوزات ( الركب حنا نسميها) وطرمبة الماء

الركب والمقصات من اقوى الانظمه في الفكتوريا وياليت تروح ياجذاب وتشوف المقصات

والركب وبعدين احكم واترك موضوع انك شفت فكتوريا طايح ( يمكن ضرب رصيف )

وموضوع طرمبه الماء على كثر ما امتلكت من فرود وكثر مراجعاتي للوكاله وخبرتي

بالفورد اول مره اسمع عن موضوع طرمبة الماء ولا موديلات 2008 مع ان

طرمبة الماء من موديلات 2003 نفس ال 2009 يعني لو كان فيها مشكله كان المشكله

هذي تكون معروفه وقائمه حتى الان


النوافذ الخلفيه مشكله جديده هذي اول مره اسمع فيها

الموديلات القديمه من 2002 وتحت صحيح كانت تخرب مكينة القزاز الداخليه الاماميه

اما الموديلات الجديده فعدل هذا الموضوع

الازرار اللي ذكرها جذاب هي مشكله ولكن ليست في كل الفكتوريات

يعني فيه مفارقات بين بعض السيارات وبعض السيارات واذكر مثال مره غيرت الازرار

والسياره مامشت الا 45 الف وموديلها 2005 وسياره ثانيه نفس الموديل حتى الان ماخربت الازرار


بعض المشاكل تكون نسبتها 30 % او 40 % وتنتشر بين الناس بشكل كبير وتتداول على انها

مشكله في جميع السيارات


والله الموفق



نفس كلام اخوي ابو تركي :xyxthumbs:

والسيارات توافيق من رب العالمين

[M~أمير بكلمتي~M]

انا معي تاون كار اتكلم لو اسكت ؟؟

الاخ جذاب طرح كروان فيكتوريا والماركيز و ... <<< النقاط يعني باقي كلام

والتون كار مو غريبه على الفيكتوريا والماركيز الا بالشكل الخارجي

يعني خذ راحتك لان المشكله وحده

أخوكـ

[حمووود]

شكرا امير لاعطائك الضوء الاخضر

احين نتكلم على المزيون الي عندي << انشاء الله مايسمع ويبهدلني

بدلنا له ثلاجه

وذراع القزاز حق السواق كلما بدلنا خرب

وانكسر علي اسبندل وشفت فوردات ماشاء الله طايحه بسبب الاسبندل

وباقي القطع كلها تبع العضلات يعني عضلات السياره مش ولا بد مثل الاذرعه ماكملت سنه وغيرناها

وغير كذا تبهدلت مع قطع الغيار كيف اعرف الاصلي من التجاري كل محل اروح له يقول لي هذا اصلي ويطلع لي قطعه غير عن المحل الي قبله وسعر مختلف رحت للوكاله السعر ضعف اغلى سعر بمحلات القطع يعني اذا جيت ادور قطعه تطلع قرون ما اعرف ايش هو الاصلي

واعتذر عن الاسلوب المبهدل

[M~أمير بكلمتي~M]

اخوي المفروض انك تعتمد موزع معتمد للقطع الغيار وهي كثيره عندنا بالشرقيه

وبصراحه ذراع القزازه غير الاصلي او الصيني مافيه مثله الامريكي ابعد عنها نهائيا

أخوكـ

[Rosr]

2003 وفوق اصبحت الفورد افضل من حيث التماسك في المنعطفات
من السلبيات الكهرباء حساسه زياده في الفورد بوجه عام والالكتروني بشكل خاص (لا تلعب بالكهرب)
معلومات عامه:2008-2009 للفكتوريا الشبك تغير واضافو اشياء خفيف وجميله وكان من المفروض كل سنتين يضيفوا ويغيروا على السياره
قل ما تجد فورد صاحبه مشتريه وكاله
وشكرا

[شهاب السحيباني]

يا شباب انا موتري قراند ماركيز 99 ما فيه اي شكل من اشكال الرساوه أبداً أبي الحل تكفون..

[الوحش الأمريكي]

السلام عليكم

اما بالنسبه للمقصات والركب هذي تعتمد على السواقه يعني لازم تأخذ المطبات بشويش لأن وزن السياره كبير جدا ( غيرتها مره واحده )

طرمبة الماء لم اسمع بهذه المشكله من قبل

الثلاجه لازم تشيك عليها كل فتره وفتره حتى لو كانت المنيوم لأن الحر عندنا مايرحم ( مغيرها مرتين )

الزجاج الخلفي لازم يخرب :bigggrin: والسبب قلة استخدامه ( كيف ؟؟ )

لأنه اذا ما استخدمته راح يتكون رواسب مع الزمن من الماء والتراب ( الله يكرمكم ) ليصبح طين ويجيم بالمكينه

تعليق السياره سيء لأن معي موديل 98 ماركيز

طبعا هذا بعد استخدام دام 8 سنوات لهذه السياره العريقه

وشكرا لكم

[اهلكني الشوق]

السلام عليكم

وش حل النور الامامي الضعيف هذي من مشاكل الفورد نوره تعبان لو اغيره واحط نور هايلكس مو كامري احسن بكثييير

[barca1899]

اضيف على كلامكم نقص الزيت بالمسافات الطويلة وكل ماتروح لبنشري يقولي كل الفوردات تنقص زين بالعربي الفصيح (تبخر) بعد في مشكله البريك الأمامي تغير اصلي ولا تجاري يطلع صوت صرصره
ونظام التحويل بالمكيف الإلكتروني من حار لبارد يخرب والبكرات حقة السير تعبانه كل بعد 20 الف كيلو تخرب وحده وبعد لما تثبت السرعه على الخطوط يرجع للنمرة الثالثه هذا اذا كان في هواء ضدك او اذا جاك مرتفع بسيط

[MGM LS]

أغلب المشاكل تكون من سوء الاستخدااااااااام

وفيه بعض المشاكل ليست معممه لجميع الفوردات

طبعاً بعض الفوردات تكون جايه من أمريكا وماسكها قبلك 100 شخص غصب تخرب

لذا أنا اقول ليس بالضروره تكون هذه المشاكل بجميع السيارات

وفيه مشاكل اول مره اسمع بها مثل خراب الزجاج وغيره ؟ ؟ ؟

مسأله الجوزات شفتها على الموديلات القديمه 97 وتحت ما أذكر اني شفت 98 وفوق طايح ؟ ؟

[Rosr]

يا شباب انا موتري قراند ماركيز 99 ما فيه اي شكل من اشكال الرساوه أبداً أبي الحل تكفون..
بغيت يكون الموتر يكون به رساوه لازم تضحي بتيس:smilie16: عفوا بالراحه بس مستحيل يصير زي الياباني
بعض الاشياء التي تعطي للسياره رساوه:
1-كفرات رياضيه محترمه
2-مساعدات ويايات رياضيه اصليه
3-تهبيط بسيط
وبالتوفيق

[حمووود]

نسيت الهيدروليك معظم الفوردات خرب فيهم ومركبين يايات

[arabicizing]

ثلاجة المكيف او بما يسمى الهيتر (( المكيف الحار )) تنكسر ووتهرب المويه حقت الراديتر

وتغيرها معقد جدا مادري ايش السبب القطعه صغيره ولكن لازم تفك الطبلون كااااااااااامل

واعني بالكامل كل الطبلون ينزل وليس الديكور فقط بل حتى الدريكسون ينزل وهذا عيب

واصلاحها بسيط انك تلغيها ..... هذا الي يوجد عندي الى الان واتذكره

هاذي المشكلة توها صايرة لي امس في نفس الوقت اذا السيارة ساخنة وطفيتها تسمع صوت تنسيم وينزل ماي من جهه رديتر المكيف الحار من الخارج

والسيارة ماركيز 2001
ولغيت المكيف الحار وزبطت
والله يعين على فتح الطبلون

[أنين الولهـ]

مشكلة الميكف ايضا ً يتحول الهواء للفتحة السفلية ( الاقدام ) و العلوية ( الزجاج الامامي ) ,
كانت معاي في ماركيز 2000 وصاحبي نفس المشكلة ايضا والحل بإلغاء التحكم ..

ايضا مشكلة الفورد اذا تعرض لحادث لا قدر الله مستحيل يرجع مثل اول ,,
لان ديكوره كله كبس وابشر بالقرقعة والاصوات الموسيقية خخ
ولو تلف ما تلف ما بتحصل احد يحل لك المشكلة

ايضا ديكوره مع الزمن يبدأ يطلع اصوات ( يتفكك )

[أنـــــس]

أخوي أنين الوله مشكلة ان هواء المكيف يظهر من الزجاج الأمامي فهي كما ذكرت مشكلتها من شاشة المكيف أو منظم الهواء في الكبوت...ولكن هناك حل أفضل وهو فصل الهواء من جة الزجاج وتركه من أمام الوجه.!

وبالنسبة للركب ..بإذن الله أجيب لكم صور كثيرة عن الموديلات الجديدة بالذات..

وهذه قبل كم يوم موديل 2006 فل كامل سبورت سعودي ..والسيارة باين عليها نظيفه جدا ولكن...!!!!

http://up.arabseyes.com/upfiles/5lI88087.jpg (http://up.arabseyes.com/)
تحميل صور (http://up.arabseyes.com/)

[حمووود]

http://photos-c.ak.fbcdn.net/photos-ak-snc1/v2115/54/86/758522240/n758522240_1260890_6721.jpg

هذي صورة سيارتي

[صلقوط]

1)الثبات صفر عالشمال

2)الطاره خفيفه

[M~أمير بكلمتي~M]

بصراحه يوم شفت صور السيارات الي طايحه وانا قلت لكم ان السبب من الركب او الجوزه السفليه

هي الي تطيح السياره وبصراحه الاسباب تكون كثيره

سوء استخدام - تركيب تجاري - عدم التشحيم - ..... الخ

الحمد لله سيارتي شريتها غيرتها مرتين لا اكثر ولا اقل والسياره لها اكثر من 3 سنوات والسبب

اني نزلت السياره وبعدين رفعتها لازم اغيرها لان كل مانزلة السياره كل مازاد الضغط عليها

اخوي جذاب الصوره حقت الفيكتوريا الي طايحه ياخي باين ان الكفر الخلفي مبنشر ولا تنسى

تقولي الجدار الي ورا كانه سوق الثلاثاء ههههههههه

أخوكمـ

[CORVETTE 6]

قد اكون اكثر عضو مشى على سيارته انا ماشي على سياراتي فوق 500 الف كيلو طبعا السياره امريكيه اشتريتها وهي ماشيه 48 الف بس ومشيتها الين 550 الف كيلو والسياره الى الان معي ..بس لو معي فلوس اشتريت غيرها ....المهم الخربات ابتدات معي من اشتريت السياره وهي :
1..الكويلات والحساسات الي بجنبها مع التماس سبب حريق في احد الكويلات والي الان كل ما اصلحها من عهنا تقعد شهر شهرين وترجع تخرب ......
2. الدفرنس والكرونه واضطرييت اني اغير الدفرنس
3. القير بدون سبب واضح واضطريت اوضب
3. الماكينه والشنبر والبلوف واضطريت برضه اوضب
4 . تهريب الزيوت بعد فتره من الركسون وعلبه الفرامل والماكينه
5. بكرات السير تكسرت
6 . الراديتر غيرته اكثر من مره لانه ينفقع والحم ولا ينغع
7. الثلاجه الداخليه والمكيف الداخلي خربانه وغيرت ثلاجه الماكينه اما ثلاجه المكيف ؤبس فكيت المويه عنه يعني بس بارد ما فيه حار ... والمكيف يسوي حركات مره فوق ومره تحت
8. انوار الديكور طفت
9 . ازرار القزار تعلق
10 . كرسي السائق خرب بدون مقدمات وكذلك الريموت
11 . المقصات والمساعدات والاذرع تخرب بسرعه
12 .انوار السياره ضعيفه والفورد يسمونه بعض الناس السياره العمياء
13 . حاملات الكبوت خربت ايضا بدون سبب
14. الهوبات تعبانه وكل مره تحتاج خرط والفحمات ما تطول ابد
15.مثبت السرعه ازراره خربت
16. البوري خرب بدون مقدمات
الي محيرني من جد انه في شي عندي يشتغل وما فيه اي شي وثاني يوم خربان !!!!!!!!!

[barca1899]

^
^
هههههه حشى سكراب هذي

[أنـــــس]

الله يكون بعونكم يامن يعانون من المشاكل المتعارف عليها.!!

أخوي أمير بكلمتي....شكل صاحب الفكتوريا طفش منها وجاء يعرضها مع العسل عند سوق الثلاثاء...ماشاء الله عليك عينك قويه...:smilie16:

[M~أمير بكلمتي~M]

^^^^^^^^
ههههههههههههه لا بس انا مشبه ع الجدار بس لان طفت علي السياره يوم وقفتها داخل مادري

وش الي جاها شكلها عندها ربو وماهي متعوده عالجو

اما سالفة اخونا في الله CORVETTE 6

مادري سيارتك عانيت معاها من يوم شريتها او انه سوء استخدام يعني مااشاء الله تقول انت ماشي

عليها اكثر من 500 الف الواحد يقول الحمد لله اعتقد والله اعلم مابقى ارض الا وخشيت فيها

أخوكـ

[ابوفتيحي]

مشاكل فوردي جراند ماركيز 98
بطاقه جمركيه للأمانه كان اخر حلاوه بس حادث بسييييييييط لأبعد الحدود تبهذلت بعده
لدرجة ان البودي ماجاه شي والصدام ما انفقع ولا طاح ومع هذا انفك الايرباك ((والله قهر))
وبدينا عاد:
1- البالون حق الهيدروليك خرب وغيرته بيايات واحس السياره مرفعه من ورا ونازل من قدام
2- الحراره تهجد 3اسابيع وترتفع في وقت (( عز البرد)) كذا فجأه
3-غيرت ذراع الدركسون وذراع الشاص وذراع الدوده دفعه واحده واحس في حذفه جهة اليمين
4-اشغل السياره مع البرد الفجر تشتغل المساحات من حاله شوي وتوقف
5-الطامه الكبرى زيت المكينه ينقص وقالي المهندس الصوفه هي رخيصه بس تركيبها بـــ1200 ريال

[MGM LS]

وبعد لما تثبت السرعه على الخطوط يرجع للنمرة الثالثه هذا اذا كان في هواء ضدك او اذا جاك مرتفع بسيط


حتى الأمور الطبيعيه حولناها لمشاكل ؟ ؟

سبحان الله

[الهايـم]

الحمد لله ما عندي اي مشاكل مع الفكتوريا

لا سيارتي ولا سيارة الشايب

مع اني كارفهم كرف



بس اذكر يقولون ان صدااااااام الفورد الامامي مع السرعه الزايده والخطوط ينشق .؟؟؟؟

[MGM LS]

كل سياره على حسب السواق وحسب الدعسه وحسب المحافظه

جيب لي ماركيز 2009 وعطني يومين بس برده لك ما يسوى ريال ومحرك يتوظب وجير يتوظب

انوار طبلون مافيه واصوات بكل جهه و و و و و و

أشوف الناس المحافظين ماقد شكى من الفورد ماشاء الله تبارك الله

لانه شراه نظيف وعرف يختار وحافظ على نظافته

توجد أمور اتفق مع البعض منها : أصوات الديكور وخاصه موديلات 2002 وتحت تحسها مافيها كلبسات مفككه

الأنوار موديلات 2002 وتحت سيئة ويبغالها تطوير

الثبات سيئ موديلات 2002 وتحت الكورولا أرسى منها

حصل تغيير بموديلات 2003 وفوق

الاصوات قلت بشكل كبير جداً وتكاد تكون معدومه ولا تلاحظ إلا لمن دقق

السياره متماسكة وتحسها قطعه واحده

الانوار تعدلت بشكل كبير واعطيه 7 / 10

الرساوه تغيرت بشكل كبير وأصبحت أكثر ثبات بالارض

بالمجمل اقدر اقول 2002 وتحت و 2003 وفوق الفرق بينهم كبير جداً ولاتوجد مقارنه

وشكراً ,,,

[أنـــــس]

^^^^^^^^^
ههههههههههه..أعصابك ياراجل..أشوفك متحمس وهالمرة مع فورد..!!

وقبل كنت تشتكي لي منها...؟؟؟:c0214:

أمزح عليك...ومثل ماذكرت هناك تطورات كثيرة جدا خصوصا في موديلات 2003 وإلى الآن.

شرفتوني بمروركم

[الناصح لكم]

حتى الأمور الطبيعيه حولناها لمشاكل ؟ ؟

سبحان الله


ماشفت شي يالدمعه

اجل اسمع هذي على الطاير

ياخي انا لما ادعس بنزين تمشي السياره واذا تركت الدعسه تهدي السياره غريبه صراحه

واذا مسكت خط طويل يخلص البنزين بعد 500 كيلو بصراحه السياره تصرف مع اني اعبيها

بس 25 ريال :confused1: وش رايك اعطيك اكثر من المتخرمات

والله اني اسمع اشياء ماتخش العقل بس وش اقول اللهم لاشماته

[MGM LS]

ههههههههههه..أعصابك ياراجل..أشوفك متحمس وهالمرة مع فورد..!!

وقبل كنت تشتكي لي منها...؟؟؟


هلابك جذاب عاش من شافك يا بـ ع ـــدي :xyxwave:

بالنسبه للردود مو مسأله متحمس مع الفورد أو غيره لكن ياخي فيه مشاكل من الخطأ تعميمها

مثلاً مسأله التحكم بالزجاج مسأله الجوزات أنها تطيح وأمور أخرى تكون ناتجه من سوء الاستخدام غالباً

فيه خربات بسيطة وغصب تخرب إذا عرفت ان سيارتك كانت بمحلات تأجير وتمشي بالشهر حول 5 ألاف كيلو ملعون خيرها

وبعدها مسكها واحد وكد ومد فيها

وانت الثالث لها وتبيها ما يصير فيها خربات واقولك خربات بسيطة ولله الحمد

وانا قلت لك لو بشتري ما أقرب من الامريكي غير بسياره وحده بس

الإمبراطور

موستنق جير عادي

غيرها سلملي على الياباني بلا أمريكي بلا بطيخ

[MGM LS]

ماشفت شي يالدمعه
اجل اسمع هذي على الطاير
ياخي انا لما ادعس بنزين تمشي السياره واذا تركت الدعسه تهدي السياره غريبه صراحه
واذا مسكت خط طويل يخلص البنزين بعد 500 كيلو بصراحه السياره تصرف مع اني اعبيها
بس 25 ريال :confused1: وش رايك اعطيك اكثر من المتخرمات
والله اني اسمع اشياء ماتخش العقل بس وش اقول اللهم لاشماته

:a120(30):

فعلاً هالمشكلة لاحظتها بالفورد إذا تركت الدعسه السياره تهدي ؟

:smilie16:

[ملك الماركيز]

كل هذي مشاكل عندكم ولا حد علمني ياساتر :smilie16:
نرد المغرب

[المارودر 2004]

الغرض من الموضوع

طرح السلبيات وطرح الايجابيات

يعني مثلا من السلبيات انكسار الثلاجه بالموديلات 2002 وتحت والان الحل استبدالها بثلاجة المنيوم

من الايجابيات
وسع السياره + التحمل + الراحه + الانتشار + سهولة الصيانه

وللاسف تم الخروج عن الموضوع بشكل كبير واصبح الموضوع ورشة ولا سكراب

لدرجة ان الموضوع صار عباره عن عرض خرابات ناتجه عن سوء استخدام او نتيجه للاستهلاك الزمني للقطع

مثل اللي يقول فيه حذفه جهة اليمين واللي يقول المساعدات تخرب ؟؟؟؟

مابقى الا ويجي واحد ويقول قربة المساحات مغلقه مويه ولا الاستبنه مبنشره

[هوساوي صميم]

بصراحة انا ما جربت الفكتوريا لأني لسه توي طازه في الأمريكي بصفة عامة..

لكن اللي لاحظته في الفوردات الماركيزي، طبعاً من خبرتي البسيطة..

انا اول ما اشتريت السيارة غيرت فيها
الجنزير عشان الطقطقة + الشداد الأيسر + سير مكينة
والحمد لله الأمور سلكت ومشت لكن لاحظت نزول السيارة من الخلف
بقدر ربع اصبع طبعا من الهايدرولك لكن عادي يرجع مع التحميل..

غير كده مشاكل ماصادفت بصراحة، وهي اولا تعتمد على السائق بدرجة كبيرة
الفورد مو حق كرف ههههه حق سياسة ونعومة..

وسلامتكم..

[MGM LS]

مابقى الا ويجي واحد ويقول قربة المساحات مغلقه مويه ولا الاستبنه مبنشره


:emot96:


والله انك تحفه :xyxthumbs:

[وي ر فورد 2006]

:emot96:


والله انك تحفه :xyxthumbs:
لالالالا مادريت
:a1120(121): انا اشتري الكفرات نوع برجستون وتجلس معي 3سنوات ماتطول وتمسح ويش الحل :ch19:

[وي ر فورد 2006]

اخونا جذاب
والله مافي مثل الفورد وسلامتك
اتحرك طال عمرك من الخبر دعسه وحده ولا اوقف الا في السوده تعرفها بيتنا هناك لمده ثلاث سنوات
ولله الحمد مايطلب بس كل قطعه ولها عمر افتراضي
كل عطله وانا ماسك خط غير المناسبات والاجازات والمناسبات الخاصه

الفورد سياره واتمنى انهم ميغيرون شكله يخلونه على ماهو عليه
وسلامتك

[microzim]

<<<<<<<< توه مخلص من قراية الهوشات اسف الموضوع
ورجع وقول كل الي شفته من الاستعمال واحد يقول طايحه الركبه موب كنها قبل مسويه له حفله وطقطقه وتقوله غيرني ولا بطيح والثاني يقول تفتفه والثالث يقول رديتر منشق والرابع والخامس مالقى خراب قال البنزين يخلص بسرعه
المهم ترا هذا يعتبر شي مستهلك وشي طبيعي الادمي يمرض ما تبوي حديد يبلا
المهم الله لا يبلانا
ما تخبرون لي حل في نور الفورد البايخ قسم يا كشافات الصني ابرك من نوري
وشكرا
على طاري الخرابات ما شفت منه الا الثلاجه حقت الحار والنور
والباقي مني انا المساحات خربت تدرون ليه عطيته واحد يجيبه للبيت وجلس يفرفر حق المساحات يبي النور يولع الين خربهن :a1120(121): :smilie16: متعود على ياباني خخخخخخخ الله لا يبلانا
بس تكفون الفورد 96 ابي له حل قسم دابلن تسبدي

[اوريون فضي]

<<<<<<<< توه مخلص من قراية الهوشات اسف الموضوع
ورجع وقول كل الي شفته من الاستعمال واحد يقول طايحه الركبه موب كنها قبل مسويه له حفله وطقطقه وتقوله غيرني ولا بطيح والثاني يقول تفتفه والثالث يقول رديتر منشق والرابع والخامس مالقى خراب قال البنزين يخلص بسرعه
المهم ترا هذا يعتبر شي مستهلك وشي طبيعي الادمي يمرض ما تبوي حديد يبلا
المهم الله لا يبلانا
ما تخبرون لي حل في نور الفورد البايخ قسم يا كشافات الصني ابرك من نوري
وشكرا
على طاري الخرابات ما شفت منه الا الثلاجه حقت الحار والنور
والباقي مني انا المساحات خربت تدرون ليه عطيته واحد يجيبه للبيت وجلس يفرفر حق المساحات يبي النور يولع الين خربهن :a1120(121): :smilie16: متعود على ياباني خخخخخخخ الله لا يبلانا
بس تكفون الفورد 96 ابي له حل قسم دابلن تسبدي


خلاص بيعها وريح بالك

[البحلس]

طيب الماكينه نسيتوها انا سيارتي وضبتها بسبب صوت طرقعه مزعج ظهر فجأة دون سابق انذار وبدون نقص زيت الماكينه ولا ظهور لمبة التشيك اللي في الطابلون والسيارة طبيعية عدا هذا الصوت وكلما اروح مكنيكي يقول هذا ذراع البستم او عمود الكرنك وفي الأخير وضبت وقعدت بها ولا ادري مت هو السبب

[barca1899]

حتى الأمور الطبيعيه حولناها لمشاكل ؟ ؟

سبحان الله
يالغالي الظاهر انك مافهمت علي
ابي اختصر واوضح معنى كلامي
النمره الرابعه بالفورد مافيها عزم انسى سالفة مثبت السرعه مثلا لو تبي تطوف سياره وانت على خط يرجع للنمره الثالثه حتى لو دعست خفيف على الدواسه
اتمنى انك فهمت الي اقصده

[Ameen Ali]

السلام عليكم يا جماعة الخير..

انا شخصيا ما امتلكت فورد لكن اخواني 3 امتلكو لينكولن موديل 90 و 95 و هذا الكلام قبل 18 - 10 سنوات تقريبا يعني في سنتها..

السيارة مريحة للغاية على الطرقات السريعة و ممتعة في السفر و القيادة.. و هاذي الميزة اللي تخلي الكثير تغاضى عن بعض العيوب المتكررة..

بعض العيوب المتكررة اللي كنت الاحظها بعيني هي النوافذ و خراباتها المستمرة.. الهيدروليك و خراباته المستمرة كذلك..

كنت قبل فترة و الى الاسبوع الماضي ابحث عن قراند ماركيز 2005 او فوق وارد امريكا و سمعت عن مشكلة التحكم الالكتروني للمكيف و خرابه المشهور.. بالاضافة الى اني شايف قبل ايام سيارة زميل من نفس النوع صادتها نفس المشكلة و ما عرفو يصلحوها و تبديل الكنترول الالكتروني يقول ب 2500...

قبل ايام عزمت اشتري قراند ماركيز 2005 )Ultimate Edition) يعني مواصفاته فل و كان الموتر نظيف جدا و ماشي 84 ألف ميل و جاي من ولاية متشجن و هي ولاية باردة ذا ثلوج (مشكلة).. اتفقت معاه على السعر و هو 56 ألف.. و شغلت السيارة اشيك كل شي شغال ( و هو المفروض اي سيارة تشتريها لازم تسوقها و تتأكد و تفحصها بنفسك بس صالاتنا و النصب اللي على قدم و ساق).. الاخ السوداني كان يمدح في السيارة تقول يكلم عن سيارة جديدة وكالة..

الشاهد: المكيف الكتروني, شغلته الا الهوا يطلع من فوق...!! و ما يتحول من قدام..!! اقول للاخ السوداني يقول: ما عليك نصلحو ليك..
مع ان السيارة ممتازة حالتها و شيكت في كارفاكس ما عليها اي مشكله..

[MGM LS]

يالغالي الظاهر انك مافهمت علي
ابي اختصر واوضح معنى كلامي
النمره الرابعه بالفورد مافيها عزم انسى سالفة مثبت السرعه مثلا لو تبي تطوف سياره وانت على خط يرجع للنمره الثالثه حتى لو دعست خفيف على الدواسه
اتمنى انك فهمت الي اقصده

أخوي معروف أخر نمره بالسيارات للترييح يعني بدل ما تمشي مثلاً 140 وبالنمره الثالثه والضغط

على 3.5 مثلاً السياره تريح وتعشق رابع وتحافظ على السرعه والضغط ينزل مثلاُ 1.5 أو 2

وبيكون صوت المكينه هادي ومريحة ومن المعروف كذلك أن السرعه والضغط على المكينه يقلل من عمرها الإفتراضي وكذلك على عمر الجيربوكس بالمقام الاول (( لو كانت السياره أوتوماتيك))

وبالعكس هذا يدل على قوه مكينه وجيربوكس الفورد أنه يقلب الطبلون بالثالث . . . ! ! طبيعي ترد نمره لو تدعست لتجاوز سياره ما على طريق سريع مثلاً

خلينا نضرب مثال :

الآن بالسيارات ذات الجير العادي لو تبي تتجاوز عزم السياره وهي على الخامس وتجاوبها مثل لو كانت على الغيار الرابع ؟

طبيعي الجواب لا

بتكون على الرابع أكثر تجاوب للدعسه وهذا الحاصل عندما تريد تجاوز مركبه أخرى على طريق سريع ذا مسارين ضيقين مثلاً كطريق تبوك

والغيار الرابع لسياره ذات خمس غيارات كالغيار الثالث بالفورد ذات الأربع غيارات ويعلم الجميع أن الفورد( فكتوري) والميركوري(ماركي)

ليستا بحاجه إطلاقاً لغيار خامس

أتمنى وصلت الفكره وإيضاح أن رد النمره طبيعي بكل الجيربوكسات الاوتوماتيكية

وعذراً على الإطاله أخي ,,,

[MGM LS]

السلام عليكم يا جماعة الخير..
انا شخصيا ما امتلكت فورد لكن اخواني 3 امتلكو لينكولن موديل 90 و 95 و هذا الكلام قبل 18 - 10 سنوات تقريبا يعني في سنتها..
السيارة مريحة للغاية على الطرقات السريعة و ممتعة في السفر و القيادة.. و هاذي الميزة اللي تخلي الكثير تغاضى عن بعض العيوب المتكررة..
بعض العيوب المتكررة اللي كنت الاحظها بعيني هي النوافذ و خراباتها المستمرة.. الهيدروليك و خراباته المستمرة كذلك..
كنت قبل فترة و الى الاسبوع الماضي ابحث عن قراند ماركيز 2005 او فوق وارد امريكا و سمعت عن مشكلة التحكم الالكتروني للمكيف و خرابه المشهور.. بالاضافة الى اني شايف قبل ايام سيارة زميل من نفس النوع صادتها نفس المشكلة و ما عرفو يصلحوها و تبديل الكنترول الالكتروني يقول ب 2500...
قبل ايام عزمت اشتري قراند ماركيز 2005 )Ultimate Edition) يعني مواصفاته فل و كان الموتر نظيف جدا و ماشي 84 ألف ميل و جاي من ولاية متشجن و هي ولاية باردة ذا ثلوج (مشكلة).. اتفقت معاه على السعر و هو 56 ألف.. و شغلت السيارة اشيك كل شي شغال ( و هو المفروض اي سيارة تشتريها لازم تسوقها و تتأكد و تفحصها بنفسك بس صالاتنا و النصب اللي على قدم و ساق).. الاخ السوداني كان يمدح في السيارة تقول يكلم عن سيارة جديدة وكالة..
الشاهد: المكيف الكتروني, شغلته الا الهوا يطلع من فوق...!! و ما يتحول من قدام..!! اقول للاخ السوداني يقول: ما عليك نصلحو ليك..
مع ان السيارة ممتازة حالتها و شيكت في كارفاكس ما عليها اي مشكله..

وعليكم السلام

بالنسبه للمكيف الإلكتروني صحيح هذا خراب شائع :blue: وحصل معي شخصياً

لكن يوجد حل غير مكلف ويفي بالغرض وهو تحويل الهواء أو التكييف للأمام فقط

لأنه تغيير الواجهه الإلكترونية مكلف نوعاً ما

أما بالنسبه للنوافذ فالله الحمد لم أرى بحكم تجربتي لمركبتين ميركوري ماركي بموديلات مختلفه مشكله من هذه الناحية

لربما يوجد أطفال يلعبون بها فتاره يقفلونها وتاره يفتحونها ويتكرر الأمر كثيراً لربما ذلك يتلف محرك النافذه . . . ؟

ولكن لابد من تجربه السياره قبل فحصها من قِبل الفني المتخصص كالوكاله مثلاً

فأنت ستدفع مبلغ وقدره بسياره مستعمله ولا تختبرها بنفسك . . . ؟

أشكرك على المداخله ,,,

[lk w7dk]

الحمد لله ما عندي أي مشكلة مع الكراون فكتوريا

[راعي الزد]

سلام ع ليكم
ياناس هذي مشاكل طبيعييه وتصير باي سياره
الموضوع عيوب مصنعيه !! وليست مشاكل سوء استخدام
سوالي للفكتوريا سبورت 2004
هل يفك تماتيك مع التعشيق في d والالا
صراحه احترت ناس تقول ايه وناس تقول موموجوده هالميزه
اصحاب السبور يفيدونا لو تكرمو

واذا صار مايفك ياليت احد يشخص المشكله
هل هو فيوز او حساس او واير الخ عشان اصلحها عندي وموفقين يالربع

[البكران]

السلام عليكم .. انا من محبي الفورد .. انا اشتكي في مديل 99 صرصرره الكبوت وحاط حالين قطعه لي في الحديده الي تمسك الكبوت مع مكينة فتح الكبوت

ارجو انهم يعدلون في صناعته شوي ولي هو حلو.. وبعد يعدلون جلد الشاص مع البدي ويخلونها تتحمل ولا تتفكك تراها اقلقتني لازم على اطول اربط

[أنـــــس]

السلام عليكم .. انا من محبي الفورد .. انا اشتكي في مديل 99 صرصرره الكبوت وحاط حالين قطعه لي في الحديده الي تمسك الكبوت مع مكينة فتح الكبوت

ارجو انهم يعدلون في صناعته شوي ولي هو حلو.. وبعد يعدلون جلد الشاص مع البدي ويخلونها تتحمل ولا تتفكك تراها اقلقتني لازم على اطول اربط

الحل هو وضع شحم على قفل الكبوت..وماراح تسمع الصوت بإذن الله

بالتوفيق

[A J]

لحظة التوقف .....


اليوم جايبلكم إشعار بالخطأ المصنعي من الشركة توزعت على الوكالات السيارات في المنطقة قبل فترة بسيطة

طبعاً الخطأ هو عن الشماسية السيارة تبع الميركوري والفورد في الماونتينر و الجراند ماركيز والكراون فكتوريا و تاون كار و الإكسبلورر

http://up.stop55.com/upfiles/Z8n69586.jpg (http://up.stop55.com/)

http://up.stop55.com/upfiles/38o69586.jpg (http://up.stop55.com/)

[الناصح لكم]

^^^^^^^^^^^^^^^

ياليتك وضحت لنا وشو الخطا اللي بالشماسه لان ثقافتي انا فرنسيه والانجليزي ضعيف فيه شوي:bigggrin:

والسلاااااااااام

[A J]

إذا كان موديل السيارة 2007 وإنت طالع وكان نوعها جراند ماركيز أو كراون فكتوريا وكنت تعاني من سقوط الشماسية السيارة فهذا هو المشكلة وهو خطأ مصنعي وقد قامت الشركة بإصدار رقم للقطعة محسنة

ودمتم ,,,,

[مجنووون مقاومات]

السلام عليكم ورحمة الله وبركاته
انا عندي مشكلة الكرونة غيرتها وكاله
وفكيتها وركبتها 5 مرات وللاسف الصوت مازال مستمر مع العلم اني مغير رمانات عكوس ولكن
تي تي تي تي مثل ما رحتي جيتي
السيارة كراون فيكتوريا 1998

[mansour78887]

مشكور اخوي على موضوعك الحلو

[هوساوي صميم]

ياجماعة محد رد عليا بخصوص مثبت السرعة..

ايش هيا اضراره وايش هيا محاسنه..

هل يضر في السفرات الطويلة ؟؟؟

رجاء جاوبوني..

[london_boy]

يا شباب اغلب مشاكلكم عن القراند ماركيز

مع المكيف والهايدروليك


ياليت الاخوان يعرضون مشاكل الكراون فكتوريا ناوي اشتري وحده

ومن يعرف او سجل اعلا رقم لعدد الكليوات اللي مشاها بدون ما يوضب المكينه او القير


فيه واحد ماشي علي كراون فكتوريا 800000 ولا وضب لا مكينه ولا قير ولا اشتكي من شي

استخدامه خليجي 2003

تحياتي

[راعي الزد]

أخوي أنين الوله مشكلة ان هواء المكيف يظهر من الزجاج الأمامي فهي كما ذكرت مشكلتها من شاشة المكيف أو منظم الهواء في الكبوت...ولكن هناك حل أفضل وهو فصل الهواء من جة الزجاج وتركه من أمام الوجه.!

وبالنسبة للركب ..بإذن الله أجيب لكم صور كثيرة عن الموديلات الجديدة بالذات..

وهذه قبل كم يوم موديل 2006 فل كامل سبورت سعودي ..والسيارة باين عليها نظيفه جدا ولكن...!!!!

http://up.arabseyes.com/upfiles/5lI88087.jpg (http://up.arabseyes.com/)
تحميل صور (http://up.arabseyes.com/)

هلا والله اخوي جذاب
بصراحه اناجربت فوردين وماخربت على الركب ابد
وهذامبين حادث لاحظ الضربه بالصدام الامامي والكفر منيشر شكله ناط رصيف او شي!

[أنـــــس]

^^^^^^^

هههههههه...اذا جاء في بالك ان السيارة طاحت من الحكة ..فالسيارات الصينية أفضل بمليون مررره:smilie16:

[ماركيــ 99 ــز]

السلام عليكم

اخواني حبيت اشارك معكم في الموضوع واطرح تجربتي مع محبوبتي قراند ماركيز 1999

بداية انا اشتريت السيارة عام 1426 هـ بسعر 37000 طبعا استخدام امريكي كانت ماشية 7000 ميل

واليوم 151000 ميل

والحمدلله انا راضي عنها كل الرضا صحيح واجهتني مشاكل وعيوب سأذكرها بعد مميزاتها

ولله الحمد والمنة السيارة نظيفة ان شاء الله واعجبني فيها قوتها وتحملها وفخامتها وشكلها وقلة خراباتها

طبعا كانت ماشية معي اول 6 شهور بدون مشاكل ولله الحمد

بعدين المشاكل اللي واجهتني هي كالتالي :
1- ضعف الانوار وحليتها بالزنون .
2- المكيف الالكتروني زي ما اقول الاخوان وحليناه بفصل الدفاية
3- الجوزات خربت بعد سنتين من الاستخدام طبعا السيارة ما طاحت بس بعد الكشف اتضح انها على وشك وتغيرت السيارة 70 % للافضل من ناحية القربعة
4- الثلاجة خربت بعد 3 ونصف من الاستخدام
5- المساعدات الخلفية بعد سنتين
6- الرساوة سيئة
7- سير المكينة بعد 3 سنوات
8- جلد القير لآنه كان يلعب فوق تحت وغيرته بـ 20 لكن التركيب بـ 100
9- ذراع الشاص بعد 3 سنوات
10- جلد عمود التوازن كاملة غيرتها بدون مشاكل بس بعد الكشف قالوا تحتاج تغيير
11- قربعة الطبلون ( طبيعي ) واصوات الزطزطة اللي مجننتني فعلا ما لقيت لها حل غير اني اغير جلود البودي ممكن منها

هذا اللي حصل معي من مشاكل وعيوب

لكن للأمانة السيارة ممتازة جدا كسعر وفخامة وصرفية بنزين وقطع غيار وتحمل

وان كان نسيت شي اقولكم لآني اكتب الموضوع على عجل ونشوفكم على خير

[moood]

ياجماعة محد رد عليا بخصوص مثبت السرعة..

ايش هيا اضراره وايش هيا محاسنه..

هل يضر في السفرات الطويلة ؟؟؟

رجاء جاوبوني..


يالغالي بالنسبه لي مثبت السرعة من الضروري يكون عندي بالسيارة وخاصة أستعمله بالسفر ،،

بالعكس مريح جدا لك ،، إقتصادي للبنزين إذا مثبت على دعسة وحدهـ وسرعه متوسطه ،،

من رأي أن مافي أي أضرار ،، ومحاسنه اللي ذكرته لك ،،

تحياتي ،، :wavey:

[tbare7]

معي قراند ماركيز موديل 99 ماشي فيه 420 الف
شريته قبل 7 سنوات وماشاء الله ماخليت خط مامشيته
المهم الخرابات اللي واجهتها
1-الكويلات .. كل فتره اغير كم واحد
2-بالونات الهيدروليك غيرتها مرتين والبالون الواحد بـ400
3-الدينمو غيرته مرتين
4-الركبه طاحت علي وانا كنت امشي فوق الـ100 لكن الحمد لله .. الله ستر
5-غيرت الأذرعه والركب والمقصات مرتين
6-الثلاجه غيرتها مرتين
7-الدفايه الغيتها
8-مكينة النوافذ الأماميه غيرتها مرتين للراكب ومره وحده للسائق .. والخلفيه غيرتها مره وحده
9-المساعدات الماميه غيرتها مره واحده
10-غيرت الهوبات الخلفيه مره واحده
11- موزع الهواء غيرته مرتين سعره بـ120
12-سيخت الرديتور مره واحده
13- البواجي خلال السبع سنوات غيرتها مرتين إلى ثلاث مرات
14-غيرت العكوس مع توضيب الدفرنش لأن كان فيه بيرنقات يبي لها تغيير (كلفني الشغل مع قطع الغيار 2500 ريال)
15- بالإظافه إلى تغيير الأقشمه وخرط الهوبات كل 8 شهور
16- السياره بإذن الله معزمه على الـ1000000 كيلو

تحيتي

[أنـــــس]

^^^^^^

ماشاء الله تبارك الله

عقبال طرح تجربتك عند المليون:xyxthumbs:

لك تحيتي

[كحيلان 2010]

.

السلام عليكم شباب,,,

أحترم وجهة نظركم جميعا ً وأتقدم بالشكر لكل الحاضرين...

ودي أقول شي بس... لا أحد يفهمة تفرد... أو شوفة حال..


(( من يوم أنا في المتوسطة وأنا مار كب الا جراند ماركيز

بأنواعة وموديلاتة من موديل 1988 ووو 90 و 91 و 92

و 96 و 97 و 98 و الأخيرة 2008 مواصفات 2009 - جنوط و أنوار ضباب -

والحقيقة ان جميع االعيوب اللي ذكرتوها موجود في السيارة أقر بها

ولكن هنالك تطور كبير وملحوظ في هذة السيارات ولم يبقى منها جدير

بالأهتمام الا حاجتان مهمة جدا ً :

1 - ثبات السيارة على المنعطفات أو أثناء أخذ المطبات على منعطف وهذة

خطيرة جدا ً ولم تتعدل بشكل جذري حتى بعد موديلات 2003 وأعتقد أن الطول

والوزن لة تأثير.

2 - الأمر الآخر هو النوار الأمامي - رغم أن موديل 2008 - جيد جدا ً لكن

يظل ضعيف في الظلام وطريقة عدم عزل النور الواطي عن النور العالي )) .



هذة ملاحظاتي الجوهرية بالنسبة لي...

مع تحياتي...

.

[كارلوفير]

سخان المكيف من أكبر العيوب اللي تواجه هذه السيارة وحلها إنك تفصله
ثاني مشكلة في السيارة البطانه تبع السقف من الداخل
ولكن (( الزين مايكمل حلاه ))

[moood]

.



السلام عليكم شباب,,,


ولم يبقى منها جدير


بالأهتمام الا حاجتان مهمة جدا ً :


1 - ثبات السيارة على المنعطفات أو أثناء أخذ المطبات على منعطف وهذة


خطيرة جدا ً ولم تتعدل بشكل جذري حتى بعد موديلات 2003 وأعتقد أن الطول


والوزن لة تأثير.


2 - الأمر الآخر هو النوار الأمامي - رغم أن موديل 2008 - جيد جدا ً لكن


يظل ضعيف في الظلام وطريقة عدم عزل النور الواطي عن النور العالي )) .




هذة ملاحظاتي الجوهرية بالنسبة لي...


مع تحياتي...



أنا اللي فعلا قاهرني النقطه رقم 1 إلى الآن ما تطورت !!
تصدق كحيلان كنت بنزل موضوع بخصوص الإشكالية هذي ،، لأنها من جد مقلقه ومتعبه بشكل كبير ،،
طيب الحـين مثلا يالغالي كحيلان وباقي الشباب أنا قريت في إحدى المواضيع او المشاركات أن المساعدات الرياضيه تعالج الإشكالية بنسبة ،، هل تؤيدون الفكرة هذي << أتمنى المشاركه في هذي النقطه المهمة أو أي رأي تشوفونه مناسب بالإشكالية هذي ،،

أما النقطه رقم 2 فتطور الموضوع وصاروا الشباب يولفون لها عدسات بي إم وطالعه جونآآآآن وفيه موضوع لأثنين من الأخوان وتجربتهم في التعديل وكانت مررهــ نااااجحة وعجبتني الله يبعد عنهم الشر ،،

تقبلوا مروري ،،

دمت بود يالغالين ،، أخووكــم أبو أحمد ،،

[نواف القعود]

انا عندي ددسن موديل 2002
ويخرب فيها المكيف الألكتروني
8
امزح ههههههه

الله يخلي لكل واحد سيارته ويقربعها بالعافيه
وترى يا شباب الخراباااات من يدينكم ..
ما في شي يجي من الباب للطاقه .. خذ المطب بهداوه وشف السياره كيف تعاملك
بس يا شباب عندي استفسار
انا داييييم ازر على موتري وادعسسسس وانا امشي طبعا وكل ما شفت سياره مسرعه اشد وراها
مدرري عقده نفسيه او شي زي كذا
السؤال هو / هل التدعيس والزر يأثر ؟ و وش ممكن اسوي علشان اعقل
ومودتي لكم

[فهد 711]

ولله الحمد معي فكتوريا 2001 صارلها 9 سنوات عندي ماغير الا الاشياء الي تستهل مثل الفحمات

الهوابات وغيرها وغيرت الثلاجة طبعا لانه رجلي ثقيلة على السيارة ومستملها قبلي 2

مع العلم سبب عدم وجود الخرابات اللي شفتها بالصفحات اللي قبل بسيارتي

اتوقع لانه السيارة شاريها من الوكالة سعودية والصيانية استمرت في الوكالة حتى 100 الف بعدين

سحبت والفكتوريا السعودية اتوقع انها تتحمل اكثر من الامريكي بمراحل كبيرة خاصة انه السيارة

شاريها والعداد على الصفر غير الامريكي اللي تجيك من المعارض ماشية 40 الف

مدري بعد اذا كان ملعوب بالعداد او مصدومة لذلك انصح اي شخص يبي فكتوريا يبعد عن الامريكي

[ملك الماركيز]

نبغى رد الغالي مستشار .....
يوجد نوع من الفحمات اللي هو موتر كرافت 110 ريال وفيه نوع اللي هو كرتون بني مافيه اي معلومات سوى كلمة فورد وهو 220 ريال النوع موتر كرافت يطلع صوت بعد فترة مماهي بالطويلة واداءة جيد مقابل نوع الاصلي وليس اللي بعده اللي لاصوت ولاشئ

[فيصل بن محمد]

^^^^^^^^^^^^^^^

اذا تبي تريح راسك من مشاكل الفرامل والصفير ركب اصلي وكاله وسعره فوق 300 ريال

والله الموفق

[بوتشيني]

السلام عليكم ورحمة الله وبركاته

صراااحة موضوع رائع

بالنسبة للمشاكل انا اشوووف انه الفورد بشكل عام بعد فتره تكثر فيه مشاكل الالتماسات حتى لو ماصار شيء

ايضا جلد الابواااب تخرب بسرعة انا عندي الباب يصدر صوت اذا جيت اسكره ومانكر ان يدي ثقيلة شوووي اسكر الباب بقوة

وانا عندي صوت خاصة اذا جيت اديور بشكل قووي احس فيه صوت عند الركب رحت ابي اشحمها قالوا هذي من النوع اللي ماينشحم ومادري وش اسووي احس الصوت زاااد

[suliman88]

السلام عليكم ملاك فورد .........

ابنقل لكم تجربت للفورد موديل 2001 مواصفاته غريبه ستاندر جنوط فل كامل هيدروليك مانع انزلاق ريموت المرايات والشبك والخلفيه نفس لون السياره ((يمكن فرق الامريكي عن السعودي)) المهم

شريت السياره وهي ماشيه تقريبا 10000ميل تقريبا او اقل شوي
السياره ماشيه الحين تقريبا 160000ميل لها سنه ونص تقريبا

المشاكل ::وضبت القير ((سؤ استخدام ))رجلي حاره على السياره وراعي مجاكر
ثلاجه المكينه غيرتها مع بلف كابرس صابونه لان الحراره بدت تلعب
الهدروليك خرب بعد اللعن الي جاه مطبات على سرعه وانت ماشي وغيرته بيايات وطلعت فيه مشكله صارت شوي مرتفعه مع ورا هل اقدر نزله ولا يضرها مع التحميل
من وم غيرت المساعدات بيايات السياره تغيرت علي الرساوه تغيرت علي صارت قاسيه شوي تلعب واجد مع ورا
الانوار وحليتها سلكت الانوار وركبت كتاوت الضاهر الشمعه 10*8
والحين تمام التمام
وفيه واحد من الاعضاء قال مشكله القير بالنمره الرابعه قلبتو عليه !!!
مشكله بالفورد النمره الرابعه ضعيفه ماننحمل نشوف مشي السياره كله بالثالث والي فاصلين الطبلون بس يعرفون تجيب طبلونه بالثالث يعني توصل 230وهي بالنمره الثالثه ولو بغيت تهدي السياره لاوم تهدي وتوصل لين تقريبا 200 عشان تعشق للرابع بالعربي مشكلته الرابع مايتحمل وان رايح الفصيم وراجع مثبت السرعه جربت كل السرعات 140 160 180 200 اذا جت طلعه خفيفه لا زم ترد نمره للتالث وهذي عقدتني كل ربع ساعه نص ساعه نرد نمره ةهذا ياثر على القير
واخيرا اكتشفت ان جلد البلوف خربانه لان السياراه تنقص زيت وبعض الاحيان لو جيت اشغل الصبح يطلع دخان ابيض مع التشغيل بس هل هي جلد بلوف ولا لا ....تراني ماحمي اخليها دقيقه واحرك
لاكن السياره عموما ماتعجبني لاني راعي مجاكر وتصيبك بالاحباط
هذي ملاحضاتي عليه مع اني لاعن والدينه وهذي المشاكل

وأسف ع الاطاله

[بوتشيني]

شباااااااااااااااااااااااب فيه موضوع مهم
وماشفت احد تطرق له الا واحد من الاعضاء

الا وهو ان الفورد الكراون فكتوريا تنقص الزيت بعد ماتمشي عليها 3000 كيلو

ولد عمي معاه قراند ماركيز وماتنقص الزيت

مادري هل هذا عيب بالكراون فكتوريا ولا بس عندي انا


نبي رد منكم ياحبايب

[speeed1]

السلبيات
بغض النظر عن الشكل وقدم الطراز
استهلاك عال للوقود
المساحة الداخلية نوعا ما غير مستغلة جدا بسبب كبر المقعد
المساعدات اظن انها خرابها كثير
الايجابيات
شنطة واسعة
مريحة

[سويربان]

والله ما ادر عنكم هل انتم معكم فرود صدق ولا تتكلمون على هواء


ما بقاء عيب ما حطيتوه كل واحد يذكر عيب الين ذكرتو كل قطع السياره وصار فيها كلها عيوب

وكل صفحه امر عليها من الردود كل شوي يتكلمون عن خراب مره على الانوار ومره عن الركب ومره عن دفرنس

يا حبايبي السياره حديد ما تفهم وما تتدري عن نفسها متى تخرب يعني ما يخربها الاراعيها
صدق ان فيه عيوب في الانوار لكن تقدر تتداركها

وانا انقهر للي تكلمو عن ازرار التحكم بالزجاج معروف اي قطعه كهربائيه في اي سياره تخرب على طول وبذات الازرار هذي

اجل لو اذكر لكم خرابات الكامري معي والله ا تكرهونها لكن انا لاعن ابو مندوبها يعني ما تنلام
وحتى الشبابيك اللي وراء ما تفتح ابد ولو غيرت 10 ازره
وهذا وانا ناوي اشتري ماركيز 2008 وانضم معكم واعدل قيادتي لسيارات واحترام السياره اللي اقودها انتم مير بتخلوني اشتري السياره واقاطع منتدى السيارات الامريكيه

ولا اللي يضحكني واحد يذكر سلبياتها وما خلا شي فيها ويقول انها سياره كفو ويعتمد عليها اي اعتماد هذا تتكلم عنه اذا العيوب اللي ذكرتها تخليني ارمي السياره مع الجسر المعلق

لكن انا صراحه اشعر في بعض الشباب اللي بالغ انه ما استخدم السياره ولا يدري عنها لكن ينقل اخبار كل سياره تخرب حوله ويقول هذي سيارتي وهذي خراباتي

واللي يحس اني اتكلم واكثر ثرثره يرجع ويقرا الردود ويشوف بنفسه ردا ردا

مع احترامي للجميع واحترامي الكلي للشركه العريقه فورد

[G97]

يلوموني بالماركيز 2006 إلي 2009

ماشاء الله شكل وقوة وثبات على الخط واللفات وعزم

رغم العيبوب إلي ذكرتوها في الموضوع

وقليل من ذكر مزاياها

مع العلم من أن الموضوع عن المزايا والعيوب ؟؟؟؟؟؟؟؟

[3z algnob]

قريت كثر من الاخوان يقولون حرابات الركب ( الجوزات )
هذي من الشوارع الزفت اللي عندنا

انا سيارتي وربي لو مو الطريق الا ما تقول شيء
سيارتي فيها صوت حامي الهوب وهذا عادي بس كل ماشديته تهمل من هالشوارع

اما الخرابات الثانيه فهي سوء استخدام

اخوي عنده فورد 95 ماخذه وكاله وللحين شغال معاه مايطلب غير قطع استهلاكيه

بس سواقته حتى السفر مايزيد عن 100 ك\م

اقوى مكينه واجمل مكينه وعازل وكل شيء
بصراحه سياره ولا اروع احسن سياره بالعالم

بس قهري كل ماضربت الصدامات بويه جو بالحاره وحككوها لي ونا مبي فيها ولا حكه
بس حسبي الله ونعم الوكيل



اذا حافظت على السياره تحافظ على جيبك
وذا لعنت والديها تلعن جيبك

مودتيـ ..................!!!!

[raafaat]

بعد تجربتي للفورد ممكن اقول ان الفورد
1_ سياره قويه
2_ موتر ما شاء الله ما يحتاج
3_ شكل مره جميل من الخارج خصوصا (الرياضي) لون (أسود)
4_تتحمل خطوووووووط من جده للرياض أقل مثال
5_ بس عيبها انها ضيقه من ورا بس هوا ده اللي فيها
هذا اللي انا شايفه في الفورد السياره العريقه

[فكتوريا 2001]

المشاكل اللي عندي
لو اكتبها تمسك راسك
ولا بعد مسكت بها خط من الطايف الي االرياض
1-جلد الجوزات عندي الله بالخير
2-جلد المقصات الله بالخير
3-مسامير التوازن هي اللي مسببه لي ازمه كل شهر اغيرها
4-الحمد لله انه الجوزه طاحت على وانا امشي 20 في الحاره واحمد ربي
انها ما طاحت على وانا امشي بسرعه
5- وقت البرد الجامد ادق السلف ما تشتغل الا بعد معانه
6- في تفته عندي اذا عشق بعد 40 وبعد 60 كأن احد يدفني من وراء
7- الطاره فيها فضاوه
8- ذراع الشاص قبل كم يوم مغيره
9- الانوار تتحرك من الشوارع المحفره
10- الحراره ترتفع والسبب ان في قطعه مسكوره قبل كم يوم مغيرها
مع العلم ان سيارتي كراون فكتوريا موديل 1997سعودي
وتعرفون العاطل مايقدر يصلح هالمشاكل بس استنى متى اتوظف وادعوا لي بالتوفيق اني القى وظيفه .
واتمنى اني ماطولت عليكم
والسلام خير الختام

السلام عليكم ..

يا عزيزي سيارتك موديلها 97 يعني لها 12 سنة
والاشياء الي تتكلم عنها الي تصلحها وترجع تخرب هذا من سبب الورشة الي انت تصلح عندها ..
----------------------------------------------------------------------------------------

انا من دراستي بالثانوي وانا ما اعرف الا الفورد فكتوريا وموجود بالبيت ماركيز موديل 99
ابي اتكلم عن الماركيز هذي .. ( موب لازم تقولون ماشاء الله بعناها ) << الي يشوفه يقول 2009

هذي الماركيز يا حفضكم الله من شريناها وما يجيها شي غير الكرف وما اتذكر اننا غيرنا لها شي الا تصفية الماكينه بعد سنتين من الاستخدام وبعدها 3 سنوات ما غيرنا فيها شي غير انها قامت تفتف من الدينمو بالايام الاخيره لها معانا بعد استخدام 5 سنوات :smilie16:
---------------------------------------------------------------------------------------
الان انا معاي فكتوريا 2001 وماشيه مشي غير طبيعي تعدت حاجز الـ 380 الف كيلو "ماشاء الله"

خربت معاي الثلاجة حقت الماكينه واتوقع انها بتخرب لاني مغيرها عند ورشه اي كلام
وصلحت لها مع التغيير تصفية هذا الكلام يوم كانت ماشيه 310 الف كيلو ..
اللحين مشيت عليها 70 الف اغلبها خطوط ورجلي على قولتهم حارة والحمدلله ما شفت اي شي من السياره الجميله هذي :ch19:

هذا الي عندي بس ما كان ودي انكم تظلمون الفورد :a1120(86): ..

انا معاكم الي ما يبي المشاكل يبعد عن الفل ... الي يبي سيارة تعيش وما تقول " اح " ياخذ ستاندر ..


والله اعلم :bigggrin:

[ali99]

طبعا فية شباب يقولون كل ذي مشاكل :confused1:
طبعا ايه :smile:
وطبعا فيه شباب يقولون مو معقول :mad1:
طيب ليش :blue:
السيارة يبيلها صيانه دورية مثلا كل سنة على العظلات (يمكن الامريكي كله كذا) وانا اشوف انها مرة مهمة عشان بعض السيارات اللي تطيح:c020: هذي بس السيارات هذي لازم يكون صاحبها سامع فيها اصوات من تحت في الامام ولا ماتطيح فجاه:e070: والرساوه ممكن الكفرات لها دور بسيط فيها ممكن تركب اعرض شوي16*230*65 (بتحس فرق خفيف في الرساوة) الانوار انا اشوف انة مو كويس اللعب في كهرب السيارة:c0214:

المهم الموضوع عن عيوب السيارة ومميزاتها واللي مشاركين كلهم عندهم هذي المشاكل المتكررة في معظم السيارات وهذي كلها استهلاكية على حسب الاستخدام والصيانة والقطع اللي يركبها.
انا عندي مشكلة ريحت البنزين مطفشتني :a120(115): بس ما اقول انة عيب في السيارة المشكلة ماعرفتلي واحد يقول السبب.....
ودمتم سالمين

[نـاصر]

والله الفورد الى يتميز فيه الراحه وعلميه اذا بتحافظ عليها بس

لكن عيوبها كثيررره الصراحه

ومنها ..

1- غير راسيه في المطبات ابد وخاصه وانت لااف والرساوه بصفه عامه ضعيفه

2-الانوار ضعيفه

3- المواصفات معدومه

4- الديكور شكله ممل

5- الشكل الخارجي مش ولا بد

6- العزم غير مقبول ومع ذلك صرف بنزين على الفاضي داخل البلد

7- المساحه الداخليه صغيره مقارنه بحجمها الكبير

8 - نقص زيت المكينه بعد قطع مسافه 2500كيلو

9- الديكورات الداخليه سيئه وتتفكك ولسى السياره جديده

10- الصدام الى ورا يرج مع السرعه ولاحضوها في الخط

وسلام عليكم

[المارودر 2004]

8888888888888888888

فعلا ياخوي كلامك صحيح

ولي تعليق بسيط على بعض النقاط

شكله الخارجي ممتاز ولكنه مستهلك يعني 11 سنه ونفس التصميم
ومن كثرة انتشارها اصبح الشكل ممل ولكن بعض الالوان لها جاذبيتها

والمساحه الداخليه واسعه من الامام فقط ومن الخلف مساحة الارجل للركاب الخلفيين ضيقه

والصدام الخلفي في بعض الفرود يتحرك والسبب ان مسامير ربط الصدام احدها مفلوت

ولكن انظر لبعض السيارات مثلا الكورولا مع كثرة السفريات والخطوط تجد الصدام الامامي رايح للداخل ومنفرش

تحياتي لك

[Moteb]

مع الوالد ماركيز 2005 و اخذ حوالي 6 شهور كل خميس يروح الشرقيه ويجي

ما قد شفت منه شي غير ان الانوار الاماميه ضعيفه شوي لان الاسطب الامامي يبيله تغيير من خط الشرقيه والغبار

[فيصل بن محمد]

همسة : جميع الذين يشتكون من مشاكل التعليق باستمرار يقومون بتغيير قطع الغيار

التجاريه ومن ثم ترجع نفس المشكله بعد فتره ..

غير اصلي وسترى الفرق بينها وبين القطع التجاريه


والله الموفق

[نـاصر]

8888888888888888888

فعلا ياخوي كلامك صحيح

ولي تعليق بسيط على بعض النقاط

شكله الخارجي ممتاز ولكنه مستهلك يعني 11 سنه ونفس التصميم
ومن كثرة انتشارها اصبح الشكل ممل ولكن بعض الالوان لها جاذبيتها

والمساحه الداخليه واسعه من الامام فقط ومن الخلف مساحة الارجل للركاب الخلفيين ضيقه

والصدام الخلفي في بعض الفرود يتحرك والسبب ان مسامير ربط الصدام احدها مفلوت

ولكن انظر لبعض السيارات مثلا الكورولا مع كثرة السفريات والخطوط تجد الصدام الامامي رايح للداخل ومنفرش

تحياتي لك

هلا بك اخوي ايه انا اقصد الى ورا يعني خل احد يركب كامري 2005 ويركب فورد ماراح يرتاح زي الكامري

والصدام الصراحه ماعمري شفت فورد بالخط مايرجع صدامه وبدون مبالغه والله الا قليييل مره مره وتكون قراند مركيز ومهدي

والكورلا بعد اردى منه الاكورلا ينفك الفورد لا وهذا موضوع للفورد مو لغيره

بس اهم شي انك اقتنعت بموضوع الرساوه ولا للحين:bigggrin:

شرفني تعليقك

[الناصح لكم]

والله الفورد الى يتميز فيه الراحه وعلميه اذا بتحافظ عليها بس

لكن عيوبها كثيررره الصراحه

ومنها ..

1- غير راسيه في المطبات ابد وخاصه وانت لااف والرساوه بصفه عامه ضعيفه اي موديل ياناصر حدد ؟
2-الانوار ضعيفه صحيح ضعيفه وتركب لها كتاوت وتطلع زي الحلاوه

3- المواصفات معدومه اي مواصفات حدد المواصفات المعدومة اغلب السيارات مواصفاتها معدومه
تقصد مواصفات السلامة ولا المواصفات الترفيهيه حدد بالضبط ؟

4- الديكور شكله ممل تصدق عاد ان الديكور الممل عندك انه عندي روعه هذي على حسب المزاج
وممل بالنسبة لك بس

5- الشكل الخارجي مش ولا بد شكله بالعكس حلو ومعجبني ومعجب الكثير ولا ما كان شفته بالكثره
هذي ابيك تقول ياناصر شكله الخارجي مايعجبني انا لان الاشكال هذي مزاجيه :wink:

6- العزم غير مقبول ومع ذلك صرف بنزين على الفاضي داخل البلد يمكن عزمه بالنسبه لك غير مقبول لان معك اف 15 :bigggrin: ولا احلى من عزمه على هالحجم الكبير والوزن الثقيل وصرفيته حلوه على 8 سلندر شوف ال 8 سلندر السيارات الثانيه وتعرف ان صرفيته حلوه وممتازه

7- المساحه الداخليه صغيره مقارنه بحجمها الكبير انت عممت بكلامك وهذا خطا ,,. المساحه الدخليه واسعه جدا لكن المشكله بالارجل الخلفيه فيها ضيق بسيط ولكن اذا قدم المرتبه السواق او الراكب تنحل المشكله وهي بيني وبينك مو مشكله عاد مره هي بسيطه ولاتنسى ان شنطه الفورد تقدر تركب فيها بعير :bigggrin: وهذي ميزه

8 - نقص زيت المكينه بعد قطع مسافه 2500كيلو وش موديله هذي اللي تنقص كل 2500 وكم ماشيه واحد اعرفه معه موديل 2006 و 2007 ما يغيرون الا كل 8000 ولا ينقص ولا نقطه ,,مشكلتنا نتكلم بعشوائيه وبشكل عام وبدون مانحدد تفاصيل اي سيارة والسيارات اللي تقول عليها انها تنقص كل 2500 تحصلها موديلاتها قديمه وتحصلها امريكيه مكروفه وبامريكا مايغيرون الزيت ابدا ويزيدون والشنابر تروح فيها ويجي المشتري السعودي فرحان بالسياره انه نظيفه ويغير
الزيت وبعدين يكتشف ان سيارته تنقص .. شي طبيعي تبي تنقص طريقه صيانه السياره غلط

9- الديكورات الداخليه سيئه وتتفكك ولسى السياره جديده تتفكك يعني فيه مبالغه واضحه منك ياناصر ابي افهم وشلون تتفك يعني اذا جيت تصك الباب تطلع مع يد الباب ولا ديكور الباب ولا تطلع اصوات يعني انا اقولك فيه اصوات خفيفه مع المطبات الكثيره لكن ماتعتبر كارثه ولا مشكله واغلب السيارات فيها اصوات عاد رح شف الكابرس حدث ولا حرج ولا ديكور الجمس السوبربان ولا التريل بليزر
ولا التيدا ولا اليارس ولا المكسيما ولا الالتيما واجد السيارات اللي فيهن اصوات وهذا شي طبيعي
لان شوارررررررررررررررررعنا رايحه فيييييييييييييييييييييييييييييييييها

10- الصدام الى ورا يرج مع السرعه ولاحضوها في الخط

وسلام عليكم
الصدام ياحبيبي امره سهل بالمره فيه مشكوبيه تحت بالنص تحصلها مفكوكه او مافيها مسمار

وشغلتها متكلف ولا عشرة ريال بس كثير مايعرفون هالشي وهذا تراه مو عيب يخلي الواحد

يعتبرها مشكله وعليكم السلام ياناصر :xyxwave:

[قناص الرياض]

والله الفورد الى يتميز فيه الراحه وعلميه اذا بتحافظ عليها بس

لكن عيوبها كثيررره الصراحه

ومنها ..

1- غير راسيه في المطبات ابد وخاصه وانت لااف والرساوه بصفه عامه ضعيفه

2-الانوار ضعيفه

3- المواصفات معدومه

4- الديكور شكله ممل

5- الشكل الخارجي مش ولا بد

6- العزم غير مقبول ومع ذلك صرف بنزين على الفاضي داخل البلد

7- المساحه الداخليه صغيره مقارنه بحجمها الكبير

8 - نقص زيت المكينه بعد قطع مسافه 2500كيلو

9- الديكورات الداخليه سيئه وتتفكك ولسى السياره جديده

10- الصدام الى ورا يرج مع السرعه ولاحضوها في الخط

وسلام عليكم

قبل ما تطلق احكامك جزاك الله خير اذكر موديل السيارة قبل اللي انت جربتها وصارت هذي عيوبها

بعدين كل السيارات تذكرون عيوبها وهي جديدة بس الفكتوريا لحالها تقولون كل المشاكل اللي تصير من 98 إلى الحين و تعممها على كل موديلات ال12 سنة

حبيبي ترى الفكتوريا تغيرت وأسألت الخبراء

إذا تبي تقارن استأجر لك 2009 و شفها و الله يمكن 3 ارباع كلامك عن العيوب يطلع غلط

قارن الكابريس حقك 2007 بفكتوريا 2007 توكيلات الجزيرة

و إذا مو حاب الفكتوريا قارنها مع GRAND MARQIUES LS 2009 أو 2008

و لا تطلق الاحكام جزافا


يعني لواقول الكابريس خرابات وتعبان واسترالي و رساوة صفر عالشمال
بتقولي لاتعمم على الكوابريس و انا اقولك الحين لاتعمم

تركب 98 موتر له 12 سنة و تقول هذا هو الفكتوريا والماركيز 2009

اتق الله يارجل

[قناص الرياض]

بعدين إذا الفكتوريا 98 ولا 99 صدامها يرج غيرها كابريس موديل 2000 الموتر بكبره يرج :bigggrin:

[نـاصر]

1- غير راسيه في المطبات ابد وخاصه وانت لااف والرساوه بصفه عامه ضعيفه اي موديل ياناصر حدد ؟ موديل 98 و2001 و99 ماركيز وهالطقه واذا مو مصدق اقر الردود في الصفحات السابقه عشان تتاكد من معلوماتي طال عمرك :rolleyes1:
2-الانوار ضعيفه صحيح ضعيفه وتركب لها كتاوت وتطلع زي الحلاوه ههه انا عارف انها تطلع زي الحلاوه بس من الوكاله مو زي الحلاوه وانا اتكلم عنها بدون تعديل واي اضافه اي قطعه

3- المواصفات معدومه اي مواصفات حدد المواصفات المعدومة اغلب السيارات مواصفاتها معدومه
تقصد مواصفات السلامة ولا المواصفات الترفيهيه حدد بالضبط ؟ مواصفات الترفيه طبعاٌ واذا السلامه مش ولا بد التعليق لك عليه مع المطبات يحذف زي الكابريس القديم الصابونه وتحت تعليقها برضوا مش كويس مريح صح لكن غير راسي

4- الديكور شكله ممل تصدق عاد ان الديكور الممل عندك انه عندي روعه هذي على حسب المزاج
وممل بالنسبة لك بس شكله ملل بس لي انا :bigggrin: وش رايك ان كل اخوياي يقولون مو ذاك الزود والى يقول يارجال اهم شي مكيف وتمشي وهذا كلمته بالضبط :bigggrin: وانا قلت راي وهذا راي ياحبيبي

5- الشكل الخارجي مش ولا بد شكله بالعكس حلو ومعجبني ومعجب الكثير ولا ما كان شفته بالكثره
هذي ابيك تقول ياناصر شكله الخارجي مايعجبني انا لان الاشكال هذي مزاجيه :wink: كل واحد وله رايه الخاص وترا فيه سيارات شكلها بايخ ومنتشره كثر التراب للمعلوميه :bigggrin:

6- العزم غير مقبول ومع ذلك صرف بنزين على الفاضي داخل البلد يمكن عزمه بالنسبه لك غير مقبول لان معك اف 15 :bigggrin: ولا احلى من عزمه على هالحجم الكبير والوزن الثقيل وصرفيته حلوه على 8 سلندر شوف ال 8 سلندر السيارات الثانيه وتعرف ان صرفيته حلوه وممتازه لا والله مامعي ذي الى تقولها معي كابرس 6سلندر واروح على فورد 8سلندر :bigggrin: وهي عزمها مو مقبول على 8سلندر بس ولا بصفه عامه كويس يعني 8سلندر صرف بنزين وبدون عزم 8سلندر ...اذا تقارن محركها بمحركات ثانيه تلقى هي اضعف شي .. والصرفيه الصراحه انا اقولها لك في الخط مشاء الله لكن في داخل المدينه تصرف شوي

7- المساحه الداخليه صغيره مقارنه بحجمها الكبير انت عممت بكلامك وهذا خطا ,,. المساحه الدخليه واسعه جدا لكن المشكله بالارجل الخلفيه فيها ضيق بسيط ولكن اذا قدم المرتبه السواق او الراكب تنحل المشكله وهي بيني وبينك مو مشكله عاد مره هي بسيطه ولاتنسى ان شنطه الفورد تقدر تركب فيها بعير :bigggrin: وهذي ميزه الشنطه كبيره صح لكن الداخليه غير مستغله بالشكل المطلوب وبعدين انت تقول قدم المرتبه الى قدام برضوا يكون عنده مشكله.. الوسع لازم يكون في الخلف وفي الامام بعد يعني الكامري اوسع منها من الداخل !! فشله الصراحه
8 - نقص زيت المكينه بعد قطع مسافه 2500كيلو وش موديله هذي اللي تنقص كل 2500 وكم ماشيه واحد اعرفه معه موديل 2006 و 2007 ما يغيرون الا كل 8000 ولا ينقص ولا نقطه ,,مشكلتنا نتكلم بعشوائيه وبشكل عام وبدون مانحدد تفاصيل اي سيارة والسيارات اللي تقول عليها انها تنقص كل 2500 تحصلها موديلاتها قديمه وتحصلها امريكيه مكروفه وبامريكا مايغيرون الزيت ابدا ويزيدون والشنابر تروح فيها ويجي المشتري السعودي فرحان بالسياره انه نظيفه ويغير
الزيت وبعدين يكتشف ان سيارته تنقص .. شي طبيعي تبي تنقص طريقه صيانه السياره غلط مايحتاج اتكلم الردود السابقه الغالبيه يقولون تنقص !! وبعدين الى اعرفه وموتره ينقص مو امريكي سعودي وهذا معروف بالفورد

9- الديكورات الداخليه سيئه وتتفكك ولسى السياره جديده تتفكك يعني فيه مبالغه واضحه منك ياناصر ابي افهم وشلون تتفك يعني اذا جيت تصك الباب تطلع مع يد الباب ولا ديكور الباب ولا تطلع اصوات يعني انا اقولك فيه اصوات خفيفه مع المطبات الكثيره لكن ماتعتبر كارثه ولا مشكله واغلب السيارات فيها اصوات عاد رح شف الكابرس حدث ولا حرج ولا ديكور الجمس السوبربان ولا التريل بليزر
ولا التيدا ولا اليارس ولا المكسيما ولا الالتيما واجد السيارات اللي فيهن اصوات وهذا شي طبيعي
لان شوارررررررررررررررررعنا رايحه فيييييييييييييييييييييييييييييييييهاوالله لا مبالغه ولا شي رح شف فورد موديل 2005 وافتح الباب وتامل فيه :bigggrin: اتحداك ماتلقى شي بارز عنه محله والقطعه الى فيها مفتاح الدريشه تلقها عندك منفكه وعلطول تطلع معك او مرتخيه هاذي اشياء معروفه للديكورات وروح شوف بنفسك وناضر اكثر من فورد والاصوات عاد هين هاذي مايحتاج وبعدين انا ماجربت التريل بليزر مجرب كابريس وسوبربان والحمدلله كل وحده افضل من الثانيه اللهم الجمس شوي لك عليه لانه قديم


وسلام عليكم

وشرفني تعليقك على ردي

[نـاصر]

قبل ما تطلق احكامك جزاك الله خير اذكر موديل السيارة قبل اللي انت جربتها وصارت هذي عيوبها ذكرتها فوق موديل كم

بعدين كل السيارات تذكرون عيوبها وهي جديدة بس الفكتوريا لحالها تقولون كل المشاكل اللي تصير من 98 إلى الحين و تعممها على كل موديلات ال12 سنة

حبيبي ترى الفكتوريا تغيرت وأسألت الخبراء

إذا تبي تقارن استأجر لك 2009 و شفها و الله يمكن 3 ارباع كلامك عن العيوب يطلع غلط

قارن الكابريس حقك 2007 بفكتوريا 2007 توكيلات الجزيرة مقارن طبعا النتيجه معروفه ولا ودي اذكر الاشياء الى الكابريس يتفوق فيها على الفورد

و إذا مو حاب الفكتوريا قارنها مع GRAND MARQIUES LS 2009 أو 2008 سياره حلوه ومحترمه

و لا تطلق الاحكام جزافا


يعني لواقول الكابريس خرابات وتعبان واسترالي و رساوة صفر عالشمال
بتقولي لاتعمم على الكوابريس و انا اقولك الحين لاتعمم لو تقول كذا ابقول بكل بساطه انت مجرب رساوه الكابرس يوم تقول صفر على الشمال :bigggrin: وبعدين قلت انه استرالي او لا كله اوحد بيصير استرالي غصب علي وعليك ومدري هل انت مصدق ان الفورد امريكي ؟

تركب 98 موتر له 12 سنة و تقول هذا هو الفكتوريا والماركيز 2009 انا ماقلت 2009 الله يهديك ويصلحك وبعدين يمكن العيوب الى ذكرتها بعضها تصلحت في الموديلات الجديده لاني بكل صراحه ماجربتها

اتق الله يارجل

شرفني تعليقك على ردي

[نـاصر]

بعدين إذا الفكتوريا 98 ولا 99 صدامها يرج غيرها كابريس موديل 2000 الموتر بكبره يرج :bigggrin:


هههههههههههههههه

والله فيه واحد معه كابرس 2000 والحمدلله ماشي زي العسل مايرج على ماتقول وحتى للبيع كان لك نضر فيه :bigggrin:

وبعدين انا اتكلم عن الفورد وش دخل الكابريس :bigggrin:

[وي ر فورد 2006]

1- غير راسيه في المطبات ابد وخاصه وانت لااف والرساوه بصفه عامه ضعيفه اي موديل ياناصر حدد ؟ موديل 98 و2001 و99 ماركيز وهالطقه واذا مو مصدق اقر الردود في الصفحات السابقه عشان تتاكد من معلوماتي طال عمرك :rolleyes1:
2-الانوار ضعيفه صحيح ضعيفه وتركب لها كتاوت وتطلع زي الحلاوه ههه انا عارف انها تطلع زي الحلاوه بس من الوكاله مو زي الحلاوه وانا اتكلم عنها بدون تعديل واي اضافه اي قطعه

3- المواصفات معدومه اي مواصفات حدد المواصفات المعدومة اغلب السيارات مواصفاتها معدومه
تقصد مواصفات السلامة ولا المواصفات الترفيهيه حدد بالضبط ؟ مواصفات الترفيه طبعاٌ واذا السلامه مش ولا بد التعليق لك عليه مع المطبات يحذف زي الكابريس القديم الصابونه وتحت تعليقها برضوا مش كويس مريح صح لكن غير راسي

4- الديكور شكله ممل تصدق عاد ان الديكور الممل عندك انه عندي روعه هذي على حسب المزاج
وممل بالنسبة لك بس شكله ملل بس لي انا :bigggrin: وش رايك ان كل اخوياي يقولون مو ذاك الزود والى يقول يارجال اهم شي مكيف وتمشي وهذا كلمته بالضبط :bigggrin: وانا قلت راي وهذا راي ياحبيبي

5- الشكل الخارجي مش ولا بد شكله بالعكس حلو ومعجبني ومعجب الكثير ولا ما كان شفته بالكثره
هذي ابيك تقول ياناصر شكله الخارجي مايعجبني انا لان الاشكال هذي مزاجيه :wink: كل واحد وله رايه الخاص وترا فيه سيارات شكلها بايخ ومنتشره كثر التراب للمعلوميه :bigggrin:

6- العزم غير مقبول ومع ذلك صرف بنزين على الفاضي داخل البلد يمكن عزمه بالنسبه لك غير مقبول لان معك اف 15 :bigggrin: ولا احلى من عزمه على هالحجم الكبير والوزن الثقيل وصرفيته حلوه على 8 سلندر شوف ال 8 سلندر السيارات الثانيه وتعرف ان صرفيته حلوه وممتازه لا والله مامعي ذي الى تقولها معي كابرس 6سلندر واروح على فورد 8سلندر :bigggrin: وهي عزمها مو مقبول على 8سلندر بس ولا بصفه عامه كويس يعني 8سلندر صرف بنزين وبدون عزم 8سلندر ...اذا تقارن محركها بمحركات ثانيه تلقى هي اضعف شي .. والصرفيه الصراحه انا اقولها لك في الخط مشاء الله لكن في داخل المدينه تصرف شوي

7- المساحه الداخليه صغيره مقارنه بحجمها الكبير انت عممت بكلامك وهذا خطا ,,. المساحه الدخليه واسعه جدا لكن المشكله بالارجل الخلفيه فيها ضيق بسيط ولكن اذا قدم المرتبه السواق او الراكب تنحل المشكله وهي بيني وبينك مو مشكله عاد مره هي بسيطه ولاتنسى ان شنطه الفورد تقدر تركب فيها بعير :bigggrin: وهذي ميزه الشنطه كبيره صح لكن الداخليه غير مستغله بالشكل المطلوب وبعدين انت تقول قدم المرتبه الى قدام برضوا يكون عنده مشكله.. الوسع لازم يكون في الخلف وفي الامام بعد يعني الكامري اوسع منها من الداخل !! فشله الصراحه
8 - نقص زيت المكينه بعد قطع مسافه 2500كيلو وش موديله هذي اللي تنقص كل 2500 وكم ماشيه واحد اعرفه معه موديل 2006 و 2007 ما يغيرون الا كل 8000 ولا ينقص ولا نقطه ,,مشكلتنا نتكلم بعشوائيه وبشكل عام وبدون مانحدد تفاصيل اي سيارة والسيارات اللي تقول عليها انها تنقص كل 2500 تحصلها موديلاتها قديمه وتحصلها امريكيه مكروفه وبامريكا مايغيرون الزيت ابدا ويزيدون والشنابر تروح فيها ويجي المشتري السعودي فرحان بالسياره انه نظيفه ويغير
الزيت وبعدين يكتشف ان سيارته تنقص .. شي طبيعي تبي تنقص طريقه صيانه السياره غلط مايحتاج اتكلم الردود السابقه الغالبيه يقولون تنقص !! وبعدين الى اعرفه وموتره ينقص مو امريكي سعودي وهذا معروف بالفورد

9- الديكورات الداخليه سيئه وتتفكك ولسى السياره جديده تتفكك يعني فيه مبالغه واضحه منك ياناصر ابي افهم وشلون تتفك يعني اذا جيت تصك الباب تطلع مع يد الباب ولا ديكور الباب ولا تطلع اصوات يعني انا اقولك فيه اصوات خفيفه مع المطبات الكثيره لكن ماتعتبر كارثه ولا مشكله واغلب السيارات فيها اصوات عاد رح شف الكابرس حدث ولا حرج ولا ديكور الجمس السوبربان ولا التريل بليزر
ولا التيدا ولا اليارس ولا المكسيما ولا الالتيما واجد السيارات اللي فيهن اصوات وهذا شي طبيعي
لان شوارررررررررررررررررعنا رايحه فيييييييييييييييييييييييييييييييييهاوالله لا مبالغه ولا شي رح شف فورد موديل 2005 وافتح الباب وتامل فيه :bigggrin: اتحداك ماتلقى شي بارز عنه محله والقطعه الى فيها مفتاح الدريشه تلقها عندك منفكه وعلطول تطلع معك او مرتخيه هاذي اشياء معروفه للديكورات وروح شوف بنفسك وناضر اكثر من فورد والاصوات عاد هين هاذي مايحتاج وبعدين انا ماجربت التريل بليزر مجرب كابريس وسوبربان والحمدلله كل وحده افضل من الثانيه اللهم الجمس شوي لك عليه لانه قديم


وسلام عليكم

وشرفني تعليقك على ردي
هههههههههههههههههههههههه
منفجرين من الفوووووووووووووورد باين من الردود
ليش
الفورد سياره واثبتت ادائها
افتح الشباك في بيتكم وعد كم سياره فورد واقفه في الشارع
تبيني اترك الناس هذولا كلهم واقتنع بكلامك انت وناصر
ليش
الفورد ملك في الخط
الفورد مايحتاج سياره معروفه وكلمت تنقص مو كل السيارات
انت رح شوف السياره النظيفه وشترها لتجي بجنب المدمور والمكروف وتروح تشتريه

[قناص الرياض]

تخيل يقولك الفورد مهوب امريكي ههههههههههههههههههههههه آه يا بطني

تخيلوا امريكا تستورد الفكتوريا لاسطولها الامني من برا امريكا خخخخخخخخخخخخخ

يا ناس ودي اصدق ودي اصدق بس قويه قويه قويه هههههههههههههههههههههههههه

[نـاصر]

هههههههههههههههههههههههه
منفجرين من الفوووووووووووووورد باين من الردود
ليش
الفورد سياره واثبتت ادائها
افتح الشباك في بيتكم وعد كم سياره فورد واقفه في الشارع
تبيني اترك الناس هذولا كلهم واقتنع بكلامك انت وناصر
ليش
الفورد ملك في الخط
الفورد مايحتاج سياره معروفه وكلمت تنقص مو كل السيارات
انت رح شوف السياره النظيفه وشترها لتجي بجنب المدمور والمكروف وتروح تشتريه

اخوي انا ماقلت الفورد مايستحق الاقتناء لا والله بالعكس انا بالكابريس وخوي الفورد اذا بغينا نتمشى اقوله خل نروح بالفورد اريح :bigggrin:

وبعدين انا قلت بعض عيوبها بس ماقلت انها فاشله او شي زي كذا لا والله بالعكس وكل سياره لها عيوبها

[نـاصر]

تخيل يقولك الفورد مهوب امريكي ههههههههههههههههههههههه آه يا بطني

تخيلوا امريكا تستورد الفكتوريا لاسطولها الامني من برا امريكا خخخخخخخخخخخخخ

يا ناس ودي اصدق ودي اصدق بس قويه قويه قويه هههههههههههههههههههههههههه


الفورد كندي

ودووم هالضحكه ان شاء الله

[أنـــــس]

أي رد خارج عن الموضوع ساضطر إلى حذفه

[عشق الفكتوريا]

انا ولله الموتر مع الوالد الله يحفضه موديل99 ولله اخو الجديد الموتر مشالله بس مشكلته في الشتاء التفته ولموتر مع ابوي مشالله تركب كنك راكب الجديد ومشالله عزمه بصرااحه عزم في القومه ومعروف الفورد وهذا كلام الوالد الفورد اذا تغيرت الرجال عليه يخرب وفعلن جاء مع اخوي فتره وبدت خربات تفتفه وصلحناها في الوكاله وصدم به بس الشبك ولنوار المكينه سليمه ولحمد لله الحين الموتر مشالله نضيف % نضيف اخو الوكاله مع الوالد واي شي الوكاله على طول الفورد عز ونا اقولها وكل الناس بس اذا حافضة عليه اما انك تدعس عليه انساه

[الدجــران]

أشكر جميع الإخوان وأضيف الآتي :
من العيوب : 1) عندي ماركيز 2000 يطفي من حاله إذاجيت أعبي بنزين وهو مصفر أو فيه قريب الربع
2) السياره تحذف من الخلف إذا جيت على مطب وانا مسرع وخاصه إن كان مع لفه
وفي نظري ميزاتها أكثر وأهمها : 1) الراحه في اليايات وهدوء صوت المكينه والجربكس والكرونه بخلاف الياباني اللي يجيك الصداع من حنينه وونينه
2) سهولة نقل السرعات بانسياب أما الياباني التماتيك فتسمع السياره بصعوبه تغير الحركه وكثير ما تسمع دقه عند التغيير
3) في وضع d تبقى السياره والمكينه هاديه وانت واقف والياباني وخاصه اللي قد مشى كثير تشوف السياره تهتز كن بها نفاضة حمى
4) استهلاك الفورد وهي 8 سلندر مثل أو أقل من استهلاك الياباني 4 سلندر !!!!!
5) حسب ماشفت إلى الأن أن الفورد هي السياره الوحيده في السيدان اللي لها دفرنس خلفي كامل

[نـاصر]

2) السياره تحذف من الخلف إذا جيت على مطب وانا مسرع وخاصه إن كان مع لفه



كنت اقولها للعالم ويقولون لي كذب .!!!

والمشكله كل الردود الى فاتت تقول كذا بس مدري ليه مني تجي غلط :bigggrin:

[مستشار]

السلام عليكم ورحمة الله وبركاته

منذ فترة طويلة كنت أتمنى وضع موضوع شامل عن مزايا وعيوب الكراون فكتوريا والجراند ماركيز..!!

واليوم أطرحه كي نتناقش ونستفيد.

الكل منا يعرف ماتتميز به الفكتوريا والماركيز السيدان الأولى في أمريكا من راحه وتحمل الخ..

لكن هناك عيوب بارزة والكل قد مر ببعضها أو كلها.

فأحببت أن أذكر تلك العيوب التي نشاهدها كل يوم أو نسمعها.

من تلك العيوب.

-تلف أو كسر ثلاجة المكينه خصوصا في الموديلات التي قبل 2003

-يعاني الكثير من تلف الشاشة الاكترونية للمكيف وهي تتسبب في دفع الهواء من جهة الزجاج الأمامي.

-أيضا تعاني الفكتوريا من ضعف الجوزات..وشاهد ذلك مانرى من كثرة السيارات المطروحة أرضا:smilie16:

-يلاحظ في هذه المركبة تلف جلد البلوف سريعا ..فربما لاتصل السيارة إلى 250 ألف كم إلل وقد بلدت ملامح تلفها.

-نعاني أيضا خصوصا موديلات 2003 ومافوقها من التلف السريع لمفاتيح أو سويتش الزجاج الأمامي للسائق..وقد تم حلها في 2009

-أضيف إلى ذلك مانشاهده من مشاكل التفتفه والتقطيع وبعضها قد لايوجد له حل ..فيضطر البعض إلى بيع السيارة.!!!!

وبعض العيوب التي لاتحظرني الآن..ولكن وضعت هذا الموضوع كي نتناقش سويا عن تلك العيوب. خصوصا أن السيارة لها سمعتها وشهرتها ومثل تلك العيوب تؤثر عليها.


ولاننسى مزايا هذه السيارة من راحة في الطريق وسهولة الصيانه وتوفر القطع ورخص أسعارها نسبيا.


وننتظر ردودكم وأرائكم..:xyxwave:

كيف الحال

مشكور اخوي جذاب على هذة الفكرة والمجهود الجبار منكم ..جزاك اللة خير..

وبصراحة الشباب ماقصرو .. والنقاش لابد منة ولو اختلفت الأراء ..

الفورد هذة السيارة التي قلبت الموازين لابد من احترامها ولو كثرة في شوارعنا بشكل كبير جدأ وبنسب لمشاركتي معكم ممكن أختصرها في جملة واحدة وهي :

( (( الفورد سيارة الفقير والغني )))

وهذا يدل على أقتناع الكامل من جميع المستويات والطبقات .. وأكيد أن الفورد لا يخلو من العيوب لكن لو قارنا عيوب الفورد ببقية عيوب السيارات اكيد عيوب الفورد تكاد تكون عادية جدأ.؟شاكر لكم

[ROYAL MARQUIS]

لحظة التوقف .....


اليوم جايبلكم إشعار بالخطأ المصنعي من الشركة توزعت على الوكالات السيارات في المنطقة قبل فترة بسيطة

طبعاً الخطأ هو عن الشماسية السيارة تبع الميركوري والفورد في الماونتينر و الجراند ماركيز والكراون فكتوريا و تاون كار و الإكسبلورر

http://up.stop55.com/upfiles/Z8n69586.jpg (http://up.stop55.com/)

http://up.stop55.com/upfiles/38o69586.jpg (http://up.stop55.com/)

لو سمحت يا أخوي تزودني بصور التقرير

أو تعيد وضعها

لأنها مو ظاهرة عندي

ومو عارف السبب بالضبط ؟

يمكن أزيلت من موقع التحميل.

وشاكر لك جهودك المميزة.

[عبود 2010]

أخوي والله موضوعك ما عليه غبار لأن أنت طلعت عيوب سيارة الناس هابين فيها

[4DD]

ياشباب
من العيووووووووووووب الرسمية للفورد (وارد امريكا )
ان بعضها يجي بدون عامود توازن وهذا كلام الوكاله والكلام موجة لي من الوكالة >>>يعني ماجبت من راسي ولا يقولون وانا ماعندي اصلا عمود
وهذا تاكيد لكلام ( ناصر ) لان الفورد ( بنوعية الفكتوريا والماركيز ) اذا مشيت على شارع مُومـَ طنج ج ج
(يعني محفر ومدقدق) السياره تحذف يمين او يسار
والي يقول اني ماجربت الفورد اقوله انه كان معي فكتوريا p71 2000 وبعدها ماركيز 2001 ماشاء الله

والسيارتين لاغبار عليهما >>ماشاء الله


ولكن بعض العيوب اللي ذكرها الاخوان ظهرت فيهما وانا اوئيد كلامهم
والبعض ساترها ربك والحمدلله.


فيه نقطة ذكرها بعض الاخوان يقول ان صرفيت البنزين قليله
اقوله انت شكلك ماقد سقت 8سلندر
اولا: الموتر 8 سلندر
وثانيا :ثقيل
وثالثا :ان كانك شايل دبات الثلوث وحاط
مواصير ولا شخلات سعودية
(فوالله ان صرفيته الجمس الكلبليتر المخروط مقاس 40<وهذي اكبر خرطة على البلك حق مكينته> اللي كان معي انها ارحم):a1120(82):
ولاابالغ!!!!!!!!:a120(115):
صراحة صرررررف (وانا ما اشد والا سواقتي هادية مررررررره ولكن قيادتي طبيعيه تميل للمتوسطة شي بسيط وتشرب) >>ماشالله عليها

ومن العيوب انه على السرعات العاليه صوت الهوا مرتفع مدري هل هذا عيب او لها حل!!
ومن العيوب الكهرب ضعيف

فية نقطة يمكن محد لاحظها ان قربة موية المساحات صغيرة ولا حظوها مقارنة بالسيارات الاخرى
حتى ايام المطر اطلع الصباح للدوام ارجع الظهر للبيت والموية مخلصة!!!!!

وعندكم عصا القير العلاق يهربد ويرتخي مقارنة بالسيارات الاخرى اللي قيرها علاق مثل الجمس (مشاء الله)


وهذا الي عندي وما ازود على الشباب كفيتو ووفيتو والشكر واصل لصاحب هذا الموضوع
ولايهونون البقية
:xyxwave::xyxwave::xyxwave::xyxwave::xyxwave::xyxw ave::xyxwave::xyxwave::xyxwave::xyxwave::xyxwave:: xyxwave::xyxwave::xyxwave::xyxwave::xyxwave:

[SOSO-V6]

كلام صحيح اخوي 4dd ملاحظات في محلها (ماعاذا الله )
هذي العيوب كلها موجوده في السوناتا >>>>هههههههههههههه لا استهبل

[aq9933]

الفورد سيارة كرف معي فكتوريا سبورت 2003
سيارة أول ما شريتها كرهتاها لأنه كان معي كابرس LTZ V8 2006 وأنا إنسان محافظ لكن أنسرقت السيارة مني فقررت بعدها أبعد عن الحفاظ وشريت الفورد صراحة سيارة عجيبة إذا خربت تحصل الخراب تافه جداً الخرابات اللي قد صار علي/
1- صلع عندي صوت طق طق طبعا صوت قوي وطلع إنه مسمار التوازن وغيرته 27 ريال.
2- صلع عندي صوت حنة في الخلف وطلعت الكرونة وغيرتها 2750 ريال شغل وكالة والحمدلله تمام.
3- مجموعة أزرار القزاز تخرب اللي يخرب فيها سويتش السائق وغيرتها 158ريال وهذا اللي قهرني وفترة يعني كم سنة وخربت مرة ثانية حاولت قدر الإمكان أعرف سباب خرابها
وفكيتها طلع خرابها حديدة معطوفة ورجعتها زي ماكانت وزبطت وفكيت الأولة وطلعت نفس المشكلة وصلحتها وإن شاء الله أنزلها لكم بالصور للفائدة.

4- لي تعليق لل يقول لي إن الهايدروليك يخرب أنا سيارتي هايدروليك وتمام ولله الحمد اللي يخرب الهايدرليك إنك ترفع السيارة على العفريته وتفرغ الهواء عشان تهبط كذا تفقه البالونات واللي عندهم هايدروليك وخرب عليه بالله تذكر هل هبطت السيارة من الخلف ولا لا.


الفورد سيارة عريقة لكن يعيبها عدم تغير الشكل وعدم وجود قوة كافية للمحرك.
الكابرس سيارة عريقة كل فترة وشكلها يتغير قوتها عجيبهواللي يقول خرابات والله إنها من السائق في أي سيارة.


تحياتي لكم

[T:H:A:M:E:R]

الحمد لله بالنسبة للفورد او اي سيارة مثل ما تعطيك تاخذ
المشاكل التي واجهتني ميكانيكيا خلال 8او9 سنوات من استخدام الفيكتوريا
1\ تعطل في مروحة المكينة بسبب دخول بسة الى داخل المروحة وتحولها الى علبة لحم مفروم داخلها الله يرحم البسة يا حبيبتي هههههههههه
2\ كسر في ثلاجة المكينة وتغييرها
3\ كسر بالريتر بسبب حفرة صغيرة اذت الرديتر او المشعاع من الاسفل وتغييره
فقط .......................... لاغير

[أنـــــس]

الفورد سيارة كرف معي فكتوريا سبورت 2003
سيارة أول ما شريتها كرهتاها لأنه كان معي كابرس LTZ V8 2006 وأنا إنسان محافظ لكن أنسرقت السيارة مني فقررت بعدها أبعد عن الحفاظ وشريت الفورد صراحة سيارة عجيبة إذا خربت تحصل الخراب تافه جداً الخرابات اللي قد صار علي/
1- صلع عندي صوت طق طق طبعا صوت قوي وطلع إنه مسمار التوازن وغيرته 27 ريال.
2- صلع عندي صوت حنة في الخلف وطلعت الكرونة وغيرتها 2750 ريال شغل وكالة والحمدلله تمام.
3- مجموعة أزرار القزاز تخرب اللي يخرب فيها سويتش السائق وغيرتها 158ريال وهذا اللي قهرني وفترة يعني كم سنة وخربت مرة ثانية حاولت قدر الإمكان أعرف سباب خرابها
وفكيتها طلع خرابها حديدة معطوفة ورجعتها زي ماكانت وزبطت وفكيت الأولة وطلعت نفس المشكلة وصلحتها وإن شاء الله أنزلها لكم بالصور للفائدة.

4- لي تعليق لل يقول لي إن الهايدروليك يخرب أنا سيارتي هايدروليك وتمام ولله الحمد اللي يخرب الهايدرليك إنك ترفع السيارة على العفريته وتفرغ الهواء عشان تهبط كذا تفقه البالونات واللي عندهم هايدروليك وخرب عليه بالله تذكر هل هبطت السيارة من الخلف ولا لا.


الفورد سيارة عريقة لكن يعيبها عدم تغير الشكل وعدم وجود قوة كافية للمحرك.
الكابرس سيارة عريقة كل فترة وشكلها يتغير قوتها عجيبهواللي يقول خرابات والله إنها من السائق في أي سيارة.


تحياتي لكم

أرجو تزويدنا بالصور لحل مشكلة الأزرار

لأنها تحدث كثيرا خصوصا موديلات 2003 وطالع


وأشكر مرورك

[الرديني]

كيف كم تعطوا العزل الصوتي من 10 في القراند ماركيز مابعد موديل 2003 - 2010

[أنـــــس]

موضوع قديم


يغــلــق