هام للجميع ( كيفية شراء سيارة من أمريكا أو اليابان ؟؟ ) ياليت الكل يشارك لتعم الفائدة

[abdulmohsen]

السلام عليكم ورحمة الله وبركاته

اخواني هذي أول مشاركة لي وأتمنى نستفيد كلنا

انا والله تجولت بمواقع أمريكية لبيع السيارات الجديدة والمستعمله والمصدومة

ولكن الواحد يشوف السعر وينقهر وما يدري كيف يشتريها والأجرائات الي يسويها وكم التكاليف الي بيدفعها من تخليص وعمولات وتكلفة شحن وتخليص جمرك وخلافه وحتى ما يعرف الواحد هل السيارة ممتازة ولا لا وأيش مواصفاتها بالتفصيل الممل وجاها صدمات ولا سمكرة ولا فيها بلا ،، يعني يعرف كل هذي الأشياء بنفسه أو إذا أطر عن طريق مكاتب بس وين بيلاقي هذي المكاتب

وعلشان كذا حطيت هذا الموضوع والي عنده علم يفيدنا والي ما عنده علم يستفيد

ودمتم بخير ..

[teegar]

مرحبا اخوي شوف انا عندي رقم واحد شغال في الشغله هذي يعني له خبره في استيراد السيارات اذا حبيت اعطيك رقم جواله ابشر

[3z algnob]

انا اعرف لك واحد وعندي ايميله اذا تبيه راسلني خاص

مودتيـ ............. عز الجنوبـ

[abdulmohsen]

بصراحة خاب ضني فيكم

توقعت الكل يشارك ويضع معلومات تفصيلية عن كل صغيرة وكبيرة ولكن أصحاب هذه المهنه هم الي ردو ولا أفادوحتى ما ادري هي سالفه أحتكار ولا وش السالفه !!

وتقولون بعد قاطعو وخلوها تصدي ورب البيت لأطقلي موتر وأغلى سعر دام الشغله كلها يا انك تفيدني ولا ما أساعدك !! أفيد الوكالات المسكينه عندنا أبرك ههههههههههههههههههههه

الحمد لله على نعمه العقل

[ali2626]

نبي واحد عارف يشرح لنا

لا ترسلونا على احد لأنهم يسرزقون من هالشغله


ولا يبون احد يعرف او ينشر الطريقه

[مقاطع للشراء]

حبيبي هناك مكاتب إستيراد سيارات كثيرة جداً في جدة والرياض والدمام

وعمولتهم لا تتعدى 3000 ريال على السيارة الواحدة

تحدد السيارة التي تريدها من النت وتعطيهم رابطها في المكتب عندهم جهاز وأنترنت

أو تطلب السيارة ولونها ومشيها ومواصفاتها وهم يعرضون عليك ماوجدوه من سيارات

وأنت تختار ماتريد منها بشرط أن تكون سليمة من الرش والسمكرة والصدأ وتشرط عليهم

تقرير الكار فكس تقرير يبين عداد السيارة والحوادث التي تعرضت لها وملاكها

بعدها تكتب لهم شيك مصدق بقيمة السيارة لا يصرف الأ في حال وصول السيارة

للسعودية وخلوها من المشاكل ومطابقة للمواصفات التي طلبتها ونقلها بأسمك

والجمرك يكون عليك يالمشتري ما يتعدى في مطلق الأحوال أكثر من 5000 ريال

حسب موديل السيارة وسلامتك

أنا أستوردت يوكن 2003 فل كامل فتحة سقف دبل

لون ذهبي ماشي 80 ألف ميل من مكتب في جدة أسمه التوريدات لأستيراد السيارات

كلف مشترى وشحن وجمارك 34 ألف ريال واصل لميناء جدة الإسلامي

أستلمته بعد 45 يوم بالضبط من تاريخ كتابة العقد وماشاء الله تبارك الله

سيارة نظيفة وجديدة لم تستخدم ساموها مني بــ 44 ألف ريال ورفضت

بيعها أريد أستخدامها وليس لي نية بيع

أتمنى أن أكون أفدتك

[الماني عاشق]

والله انا مع اخوي عبد المحسن في استفساره

بس انا سامع ان فيه جمرك وتامين الخ الخ

يعني يااخوي مقاطع لو حصلت سياره سعرها سبعين الف في امريكا

التكاليف الثانيه بالضبط راح تكون كم؟؟

والف شكر على اجابتك

[مقاطع للشراء]

والله انا مع اخوي عبد المحسن في استفساره

بس انا سامع ان فيه جمرك وتامين الخ الخ

يعني يااخوي مقاطع لو حصلت سياره سعرها سبعين الف في امريكا

التكاليف الثانيه بالضبط راح تكون كم؟؟

والف شكر على اجابتك


سعر السيارة + جمرك 5% من سعر السيارة

+ شحنها 3000 ريال + عمولة المكتب 3000 ريال

وصلى الله وبارك

وأنصح الجميع بالأستيراد قبل شهر 6 القادم لأن الجمارك سوف

تمنع السيارات القديمة التي لها 5 سنوات

[Magellan]

خذها من أمريكا أفضل من اليابان
لأنها أرخص وتطابق مواصفاتناوعلى طول تتجمرك ودركسون يسار..
أما اليابان مالك إلا تشتري ألماني وبنسبة ضئيلة أمريكي ولكن الياباني هناك يجي دركسون يمين فماراح يدخلونها الجمارك ،وحتى لو قلبت دركسونها بالإمارات يقومون الجمارك بقصها بمنشار...

يعني ريّح دماغك وخذ من أمريكا
وللمعلومية واحد قال لي تجيك السيارة من الحراج إلى الميناء الجاف بالرياض بقيمة 2370 دولار وأنت تجمركها ،
لأنها يشتريها من الحراج بأمريكا وليس من موقع الإيباي فتجي رخيصة بالحيل ويدفع لهم 70 دولار للمزاد
وهو يأخذ عموله 400 دولار
والنقل البري 100 دولار
وشركة الشحن تتكفل من أمريكا بضماناتها وتأمينها إلى الميناء الجاف بـ1800 دولار..
بس هالعرض لي خاص جدا جدا بحكم لي قرابات في أمريكا بس حبيت أعلمكم بسر المهنة عشان ماينصبون عليكم حقين مكاتب الإستيراد ياخذون عمولات فوق 2000 دولار
والشيء الثاني ياخذونها من الحراجات تحت الميكرفون وليس مثل المواقع الإلكترونية لأن الحراج أرخص بواجد ومايبيع فيها إلا محتد للبيع

[عبد الله الموى]

الاخ ماجلان ممكن اذا سمحت تعطيني رقم تلفون الصالة حيث طلبت أسم التوريدات لأستيراد السيارات عن طريق الاستعلامات 905 وقال ها الاسم غير موجود ممكن رسالة على الجوال 0555449221 مع تحيات أبوعبد الرحمن

[عبد الله الموى]

الاخ مقاطع للشراء ممكن اذا سمحت تعطيني رقم تلفون الصالة حيث طلبت أسم التوريدات لأستيراد السيارات عن طريق الاستعلامات 905 وقال ها الاسم غير موجود ممكن رسالة على الجوال 0555449221 مع تحيات أبوعبد الرحمن

[النايف9]

فكره طيبه تشكر عليها

[مقاطع للشراء]

يرررررررررفع

[mh0078]

بصراحة خاب ضني فيكم

توقعت الكل يشارك ويضع معلومات تفصيلية عن كل صغيرة وكبيرة ولكن أصحاب هذه المهنه هم الي ردو ولا أفادوحتى ما ادري هي سالفه أحتكار ولا وش السالفه !!

وتقولون بعد قاطعو وخلوها تصدي ورب البيت لأطقلي موتر وأغلى سعر دام الشغله كلها يا انك تفيدني ولا ما أساعدك !! أفيد الوكالات المسكينه عندنا أبرك ههههههههههههههههههههه

الحمد لله على نعمه العقل



وش ذا المنطق وانا اخوك

الموقع ماله حشمة؟؟!!!

[فراس جي تي]

خذها من أمريكا أفضل من اليابان
لأنها أرخص وتطابق مواصفاتناوعلى طول تتجمرك ودركسون يسار..
أما اليابان مالك إلا تشتري ألماني وبنسبة ضئيلة أمريكي ولكن الياباني هناك يجي دركسون يمين فماراح يدخلونها الجمارك ،وحتى لو قلبت دركسونها بالإمارات يقومون الجمارك بقصها بمنشار...

يعني ريّح دماغك وخذ من أمريكا
وللمعلومية واحد قال لي تجيك السيارة من الحراج إلى الميناء الجاف بالرياض بقيمة 2370 دولار وأنت تجمركها ،
لأنها يشتريها من الحراج بأمريكا وليس من موقع الإيباي فتجي رخيصة بالحيل ويدفع لهم 70 دولار للمزاد
وهو يأخذ عموله 400 دولار
والنقل البري 100 دولار
وشركة الشحن تتكفل من أمريكا بضماناتها وتأمينها إلى الميناء الجاف بـ1800 دولار..
بس هالعرض لي خاص جدا جدا بحكم لي قرابات في أمريكا بس حبيت أعلمكم بسر المهنة عشان ماينصبون عليكم حقين مكاتب الإستيراد ياخذون عمولات فوق 2000 دولار
والشيء الثاني ياخذونها من الحراجات تحت الميكرفون وليس مثل المواقع الإلكترونية لأن الحراج أرخص بواجد ومايبيع فيها إلا محتد للبيع


كلامك سليم وانا اعرف شخص جاب لخوالي دينالي وإنفوي ونافيجيتور وكاديلاك إسكاليد بنفس الطريقة ويقوللي أخلصلك جراند شيروكي 2005 بـ 10 آلاف ريال من امريكا إلى هنا مع الجمارك والتخليص ! وسعر السيارة 30 ألف يعني كله 40 ألف ريال ولكن المشكلة انه احيانا طلبك ما تحصله بالمزاد ! ويقعد شهر يقوللك ما حصلته ! أما بالنت بيكون اغلى شوي لكن بتحصل طلبك بسهولة ! وممكن تطلب تقرير كارفاكس اللي يبينلك تفاصيل السيارة وزياراتها للورش والرش والبويه والصدأ و الحوادث اللي تعرضت لها. وبذلك تضمن السيارة.

السيارات اللي تحصلها بالمزاد صعب التكهن بحالتها ! ممكن تكون مرشوشة من الصدام للصدام ومغير لونها بعد .ز انا سيارتي القديمة كذا كانت حق المطار لون رمادي ورشوها لون أخضر .. لكن الشهادة لله كل الأشياء الخرى بالسيارة سليمة 100% عدا المكيف كان خربان.

أنصح الجميع بموقع ياهو فهو ممتاز ورخيص وبه الكثير الكثير ..