ماهي افضل ورش فحص السيارات المستعملة في الرياض ( فحص Body + كمبيوتر )

[Nioon]

مرحبا

انا ناوي اشتري سيارة انفنيتي مستعملة هذا الاسبوع وحاب افحص البدي حقها ان كان صار لها صدمات او رش بوية بالاضافة الى فحص الكمبيوتر

انا متواجد في الرياض

الي عارف ورش او محلات ممتازة مختصة في فحص البدي و الكمبيوتر ياريت يخبرنا باسم المحل ومكانه

تحياتي

[abo 3ksh]

فيه مركز صيانه في الشفا اسمه السلام بعد اول او ثاني اشاره على شارع المعارض هذا فحصه

كويس للبدي والمكينه والسياره كامله هذه المركز الوحيد اللي اعرفه وان شاء الله باقي الاعضاء

يفيدونك

[abo sirag]

بصراحة انا ماني من الرياض ان شاء الله يفيدوك الاخوان

[أبـــوبـــدران]

الشفا - شارع المعارض وانت جاي من طريق الحجاز

قبل المعارض وتحديدآ معرض هوندا , تشوف يمينك محل صغير مختص بفحص السيارات

ممتاز جدآ , ودقيق ايضآ .. كهرباء + ميكانيكا

بالتوفيق , ومبروك لك مقدمآ

[عطل طارئ]

فيه شركة ميداس كل شغلها بالكمبيوتر

وموقعها على طريق خريص وانت متجهه شرقا
بيكون الجميح يمينك هي على الجهه المقابله له من اليسار

[plpl]

السلام عليكم

فيه ورشه في معارض النسيم انا صراحه ماجربتها لاكن صديق لي يمدحها

اذا كنت اذكر اسم الورشه (البريدي) على الشارع العام الي شرق معارض النسيم
والي يمدحها يقول ان المشرف عليها سعودي والعماله من الفلبين .

تحياتي

[bilany2003]

كل الورش هذه تاخذ نسبة من المعارض واخوياي يشتغلون في المعارض وقالوا لي الكلام هذا او الفضيحة هذه


يفحصون السيارة وما يطلعون العيوب القوية لها



اللي ما ياخذون نسبة في الشفا هو مركز السلام لكن للاسف فحصه ضعيف وانا فحصت هوندا عنده وما اكتشف كل الاعطال وايضا عندك ساسكو ما ياخذون اي نسبة ويفحص البودي بالليزر اذا فيه صدمة او لا بتحديد عمر البوية في كل جزء من السيارة وكذا تعرف اذا هي صدمت او لا



والافضل انك تفحص في الوكالة





لاحظ انت لما تقول للبايع اللي في المعرض انا بافحصها في الوكالة بس ابيك تناظر عيونه وهو يرتبك



نصيحة افحص في الوكالة افضل لك لان فحصهم بالمسمار

[arabfalcon]

كل الورش هذه تاخذ نسبة من المعارض واخوياي يشتغلون في المعارض وقالوا لي الكلام هذا او الفضيحة هذه


يفحصون السيارة وما يطلعون العيوب القوية لها



اللي ما ياخذون نسبة في الشفا هو مركز السلام لكن للاسف فحصه ضعيف وانا فحصت هوندا عنده وما اكتشف كل الاعطال وايضا عندك ساسكو ما ياخذون اي نسبة ويفحص البودي بالليزر اذا فيه صدمة او لا بتحديد عمر البوية في كل جزء من السيارة وكذا تعرف اذا هي صدمت او لا



والافضل انك تفحص في الوكالة





لاحظ انت لما تقول للبايع اللي في المعرض انا بافحصها في الوكالة بس ابيك تناظر عيونه وهو يرتبك



نصيحة افحص في الوكالة افضل لك لان فحصهم بالمسمار


والله انك صادق وناس أكدو لي هذا الكلام , الشريطية يتفقون مع راعي الفحص ويلعبون عليك

بس بسألك ياخوي اذا جيت لوكالة تويوتا وش بقول لهم ؟ وهل بيفحصون البدي بعد؟

[bilany2003]

والله انك صادق وناس أكدو لي هذا الكلام , الشريطية يتفقون مع راعي الفحص ويلعبون عليك




بس بسألك ياخوي اذا جيت لوكالة تويوتا وش بقول لهم ؟ وهل بيفحصون البدي بعد؟





ايه بمجرد ما توديها الوكالة روح لقسم الصيانة وقول لهم ابي اسوي فحص للسيارة وابي برنت كامل فيها وراح يفحصونها مسمار مسمار وحتى البودي بالليزر يفحصونه لاجل يتاكدون من زمن البوية على البودي وراح يبان قدامك كل شي باذن الله.