هذا مارايت في الوكالات اليوم (موضوع متجدد).......

[abadi66]

السلام عليكم
هذا اول موضوع لي في المنتدى العامر
نبغى نتكلم عن وكالات السيارات كل واحد يدلي بدلوه (طيب يابو........)
وبدا انا اولكم
وكالة تويوتا : الصالة فاضية من السيارات ماعدا سيارتين لكزس يضحكون على الناس على انها كلها
انباعت وحتى الزوار مافيه ماعدا شخصين واحد منهم عند المستعمل
رحت المستودع ووجدت جميع انواع السيارات اللي يقولون للناس انتظر في السرى
ووجدت اعلان عندهم يقول اطلب تمديد ضمان سيارتك الى خمس سنوات

وكالة ميركوري: كل السيارات اللي عندهم موديلات 2008 وفاضيه من الزوار حت المواقف مافيه احد تحسب ان الوكالة مغلقه

وكالة ميتسوبيشي:عروض من اثارا الازمة 25% من القيمة والباقي اقساط بسعر الكاش
او بدون دفعة وبنسبة ربح 5% على موديلات 2008
2009 لسى ماوصلت يقول الموظف

هذا اللي عندي اليوم الظاهر ان المقاطعة بدات تثمر

همتكم ياشباب

[مندوب السلام]

في المعارض نفس الشي الضعف والركود والبرود مع برود الجو صاب الوكالات وتجار السيارات في
مقتل

[EPICA_MSG]

ههههههه احس التجار راحو فيها


بس خلهم مصيرهم ينزلون الاسعار و يتركون الطمع اللي ماله سنع !!


مشكووور يالغلا ,

[azeez46]

اصلا الإقتصاد طايح لازم ينزلون الأسعار

[تمساح وردي]

هو فية احد عندة فلوس هاليومين
اللي عندة استغل نزول الحديد وكمل بيتة فرصة والله جابها
ولا السيارات مشي حالك مستعمل اهم شيء البيت

[اكسل]

نحمد الله ونشكره على نعمه التي لا تعد ولا تحصى

عساااااااااااهم من الحال هذا وأردى إن شاء الله

بالنسبة لمعارض السيارات الشريطية والله بعضهم دمعته في عينه

بسبب المقاطعة الي قايم بها الشعب على السيارات

تكدس كبير جداً للسيارات ولا فيه أحد يسوم أو يشتري

والبعض الآخر عارض سياراته على الرصيف وحاط الرقم للبيع

[فراس جي تي]

الله المستعان .. وأهم شيئ ترخص أسعار الجديد وتفك على الناس الغلاء الفاحش ..

[ماونتنير2008]

نحمد الله ونشكره على نعمه التي لا تعد ولا تحصى

عساااااااااااهم من الحال هذا وأردى إن شاء الله

[abadi66]

الحمراني استرجع حتى 12000 ريال

الجميح اوقف الاستيراد (سمعته من اثنين نفر :a120(95): :a120(95): :a120(95):

[مندوب السلام]

الحمراني استرجع حتى 12000 ريال

الجميح اوقف الاستيراد (سمعته من اثنين نفر :a120(95): :a120(95): :a120(95):

من دون قرقر اثنين نفر العلم وكاد
ليه يستورد وعنده كومه من السيارات طايحه في كبده


برررررررد :emot103: تجمد الوكلاء وتجمد السوق كله

[abukinan]

انا من يومين كنت في السوق وهو فاااااااااااااااااااااااااااااااااضي والله ما فيه الا الشريطيه وكل السيارات في الحراج هي سيارات معارض وشريطيه والله ما حصلت الا واحد او اثنين انا متأكد انهم جايين يبيعوا سياراتهم بنفسهم ولا في عرض ولا طلب وكأنك رايح السوق بيوم احد او اثنين في منتصف السنه يعني فاضي لدرجة اني دخلت الساحه بسيارتي ولفيت فيها بكل راحه علما بان الساحه بالأحوال العاديه مستحيل تقدر تدخلها بعد العصر بسيارتك
تحياتي

[الميت...]

نحمد الله ونشكره على نعمه التي لا تعد ولا تحصى
وعقبال ماتنخفظ الاسعار

[نايف العتيبي]

امس بعد العصر ذهبت الى معارض النسيم في مدينة الرياض :

السوق فااااضي و الشريطية على الطريق عددهم قليل جدا و هناك اشاعة انهم طفشوا و خصوصا الشريطية اصحاب الشنطة و الذين يقلون عن مرتبة اصحاب المعارض و اتجهو لاشغالهم الخاصة و متاجرة اخرى , و ليس من المجدي المضاربة باسعار السسيارات و المرابحة بها , و احد اقربائي شريطي و له اكثر شهرين لم يدخل المعارض و يقول السوق ميت و لا يتحرك و الحديد كوم في المعارض .

دخلت احد المعارض المتخصص بعرض السيارات الفخمة المستعملة و معروف باسعارهم ناااار و غالية و لكن نظيفة جدا جدا ,, لا توجد الزحمة لديهم مثل الايام الماضية و اليمني الذي يبيع في المعرض طفشااااان و يقول السوق ميت ميت ميت , و لما سالته عند احد السيارات التي لديه و ذكر ان صاحبها عنده الرغبة في التفاوض بتنزيل السعر . و جلس يمدح في السيارة و يحاول ان اشتري من عنده .

على العموم : اسعار السيارات و خصوصا اليابانية " لكزس LS . GS . ES المستعملة غالية جدا جدا و مبالغ فيها و مرتفعة مررررة .

و من الملاحظ في المعارض عدم الجدية في الشراء و كثرت السؤال و التلميح من الزبائن لاصحاب المعارض ان هناك اشاعات بتخفيض اسعار السيارات الجديدة مما له اثر كبير في نزول اسعار المستعمل .

الازمة في نزول اسعار السيارات حديث المجالس و الناس تؤجل الشراء الى بعد اكثر من شهرين و قد تزود قليلا حيث هناك التصريحات و الاخبار العالمية في تدني اسعار السيارات في تلك الاسواق .

و لكن الوكالات لدينا و معارض الشريطية حااااطين باتكس في اذانيهم ,, و لكن راااح التخفيض العالمي الحقيقي هو الذي يعطيهم ذلك الصوت الذي يخترق اسعااارهم النااارية المبالغ فيها و الذي هو من ضرب الجشع و الجنون .

نايف العتيبي

[بوزامل2000]

صحيح ركود لكن الناس لازالت تشتري والله يعز الكمبيالات

- الشعب السعودي يموت في المظاهر
ولن تنزل اسعار السيارات والوعد قداااااااااااااااام

[نايف العتيبي]

صحيح ركود لكن الناس لازالت تشتري والله يعز الكمبيالات

- الشعب السعودي يموت في المظاهر
ولن تنزل اسعار السيارات والوعد قداااااااااااااااام

ابو زامل :

النااااس ليست مثل اول و تعرف قيمة الريال .

[مندوب السلام]

:emot103: :emot21: :emot21:

[سهيل الغامدي]

دعوها تخيس ياشباب
وبتشوفون أسعار في الحضيض
إنشاء الله تعالى

[مشاكسksa]

شعارنا من اليوم ورايح


(((خلوها تصدي)))

[Abu Zayed]

و لكن الوكالات لدينا و معارض الشريطية حااااطين باتكس في اذانيهم ,, و لكن راااح التخفيض العالمي الحقيقي هو الذي يعطيهم ذلك الصوت الذي يخترق اسعااارهم النااارية المبالغ فيها و الذي هو من ضرب الجشع و الجنون

شعارنا من اليوم ورايح


(((خلوها تصدي)))

المقاطعة خلت اللي أكبر منهم يخور و يركع

[doom4444]

انا في أحد معارض المدن الرئيسية في المملكة والذي يشهد اقبالا وزحاما وخاصة يوم الجمعة رحت قبل اسبوعين الجمعة قبل الماضية واقسم بالله انه أول مرة اشوف السيارات بهذه الكثافة وطوابير طويله جدا من جميع المدن المجاورة وسيارات نظيفة مره قليل مانشاهدها ولا احد يشتري بس عرض بدون طلب الناس اصابها الهلع واللي عنده نظيف ومحافظ عليه بس بيبيع من الخوف من نزول الأسعر وفيه راعي معارض يقاله ذكي عنده أنواع السيارات الجديدة قاعد يبدل مكانها من اسبوع لأسبوع علشان يوهم الناس ان فيه بيع وانا ركزت على سيارة يوكن لونها مميز وعرفتها بعلامات كل اسبوع بمكان مكشوفه اللعبة بل زادة عدد اليوكونات عنده في الأسابيع الأخيرة شكل الجميح بدأ يرش عليه ورط فيها مالهم الا الصبر والمقاطعة

[نايف العتيبي]

انا في أحد معارض المدن الرئيسية في المملكة والذي يشهد اقبالا وزحاما وخاصة يوم الجمعة رحت قبل اسبوعين الجمعة قبل الماضية واقسم بالله انه أول مرة اشوف السيارات بهذه الكثافة وطوابير طويله جدا من جميع المدن المجاورة وسيارات نظيفة مره قليل مانشاهدها ولا احد يشتري بس عرض بدون طلب الناس اصابها الهلع واللي عنده نظيف ومحافظ عليه بس بيبيع من الخوف من نزول الأسعر وفيه راعي معارض يقاله ذكي عنده أنواع السيارات الجديدة قاعد يبدل مكانها من اسبوع لأسبوع علشان يوهم الناس ان فيه بيع وانا ركزت على سيارة يوكن لونها مميز وعرفتها بعلامات كل اسبوع بمكان مكشوفه اللعبة بل زادة عدد اليوكونات عنده في الأسابيع الأخيرة شكل الجميح بدأ يرش عليه ورط فيها مالهم الا الصبر والمقاطعة

بالامس : ايام رواااج سوق السيارات في المعارض من كثر الطلب لا تستطيع ان تاخذ الموظف لكي تتفاهم معه او يكون معك عند السياراة لتعرف معلومات عنها ,, و لا يرد عليك .

و اليوم : اكثر من موظف في معرض واحد يتمنون دخولك لديهم و يجلسون يدلعونك لكي تشتري منهم .

و لسان حالهم يقول : السوق ميت ميت ميت .

و تكدس رهيب للسيارات الامريكية من يوكون و اشكاله .

[حتوووم]

عساهم من ذا الحال واردى يارب .. اكلونا الله لايربحهم ....

يعطيكم العافيه جميعا ... وكل عام والجميع بخير

[الامجد]

احسن شى الله يكثر من المقاطعه
تكفون يا شباب قاطعوهم

[نايف العتيبي]

احسن شى الله يكثر من المقاطعه
تكفون يا شباب قاطعوهم

و انت أولهم ,, يا راعي الهوندا

[غن من شدى]

لا نقول إلا الحمد لله .. الحمد لله .. وإن شاء الله تنزل وتنزل ..

[اكسل]

لاحول ولاقوة الا بالله

اليوم في معارض جدة تكدس غير طبيعي من الحديد

والشوارع فاضية من المشترين والمارة الي أول ماتقدر تدخل من الزحمة

والأسعار في الحضيض 2004 gxr فل كامل نظيف معروض بـ 83 ألف ريال

الي كان قبل شهرين سعره 105 آلآف وغيره الكثير من السيارات النازل سعرها

مابين 5 آلاف إلى 20 ألف لكن الناس لا ترضى بهذا التخفيض وتطمح لتخفيضات 40 %

كما هو مقرر من البلدان المصدرة

[speeed1]

الله يجعل السيارات تنخفض وتنخض كثيييييييييييير

[اكسل]

كل عام وأنتم بخير

[المستريح1]

بالنسبه لي رحت الي شركة التوكيلات العالمية في جدة - الحمراء مرتين ولقيت اهتمام بشكل كبير ( فيني ) حسيت انهم بيشيلوني من الارض ............ وعرض علي اليوكن وعرض اذا عندك سياره من شيفروليه

المهم دخلت عليهم مرتين مالقيت احد غيري

جاني المشرف بنفسه وقعد يسولف لين اكل اذني

وكل ماقاله خرطي في خرطي .......... يقول الناس مصدقه اشاعه ان السيارات بتنزل

قلت له الحين في بريطانيا اشتر سيارة وخذ الثانيه مجانا وتقول خرطي

قال : ان عندك ترليونات من الريالات تدعم السوق ( السيارات يقصد )
قلت : سبحان الله دعمت سوق السيارات وخلت سوق العقار والاسهم

انقهر وحس اني ماني شراى الا بعد التخفيضات اللي يقولون عليها خرطي

[كتنتان]

دعوهااااااااااااااااااااااا
تصدي
وتخيس
وتتكسر بعد
ماحنى بشارييين
لين يوصل السعر الي القاع
مثل ماورطونا بالاسهم
نورطهم بسياراتهم

تحياتي

وشاكر على المووضوع


كتنتان

[T A X I]

طيب ياشباب متى بتنزل الاسعار علموني ؟؟

[aburagad123]

لا لا .. للششششششششششششششششششششششششششششششششششراء
نعم .. للمقاااااااااااااااااااااااااااااااااااااااااااااا اااااااااااااااااااااااااااااااااااطعه

[abadi66]

تراني لي شهرين وانا مستاجر سيارة وفلوس السيارة كاش في جيبي بس ماني مستعجل

وكمان مرابط في المعارض لاحد يشتري ولا احد يبيع حتى هوامير السوق موقفين ما تشوفهم حتى في

الحراج

[اكسل]

يارب لطفك السيارات أسعارها في القاع مرررررة

ومع ذلك لا يوجد مشترين