كيف طريقة مطالبة شركة التأمين بتعويضات طبيه(( افيدوني جزاكم الله خير ))

[abn_kulaib]

السلام عليكم

الله يبعد عن المسلمين كل مكروه


انا صارلي حادث والسياره اتلفت وانا جتني اصابات كسور بليغه وفيه اصابه شبه اعاقه

التامين الحين عطاني حقي للسياره وباقي التعويضات للاصابات


اللي ابي اعرفه الحين وشهي الاجراءات اللي اسويها عشان اطالب الشركه بالتعويض الطبي


لان في ناس قالو الدعوه فيها محكمه وعفسه


اللي عنده الطريقه او يقدر يستفسر لنا عنها الله يجزاه خير


وان شاء الله ماتشوفون شر

[بندووور الرياض]

السلام عليكم وصباح الخيروالحمدالله على سلامتك
التـأمين حقك أي شركة وهل هو شامل أولا

[abn_kulaib]

حياك الله اخوي
طبعا التامين هو تبع الطرف الثاني لان الغلط عليه 100% وتامينه هو اللي اطالبه

والطرف الثاني اللي صدمني هندي يشتغل في شركة والشركه مأمنه على جميع سيارتها

عند (( شركة اتحاد الخليج وادارة الاخطاره )) في الدمام بالشرقيه وماادري هو شامل ولا لا


لكن يوم سالتهم عن التعويض الطبي قالو لي هذه معامله ثانيه غير تعويض السياره

اول شي خذ حق السياره وبعدين تسوي معامله جديده للتعويض الطبي


وسلامتكم

[صحراء الجليد]

الحمد لله على سلامتك اخوي


ما تشوف شر ان شاء الله


للأسف ما عندي فكرة عن الموضوع

[مربوش]

لو تسأل محامي احسن وياكثرهم في البلد

[abn_kulaib]

صحراء الجليد
مربوش

الله يجزاكم خير اذا اصتصعب علي الامر راح اكلم محامي ان شاء الله

[معقوله]

والله مالي خبره

بس ماحبيت ادخل واطلع بدون ما اقول لك الحمد لله على السلامه

والله يجعلها اخر المصايب

[abn_kulaib]

بيض الله وجهك وهذا من طيب اصلك