ما ذا سوف تفعل في حالة انفجار اطار سيارتك وانت مسرع ؟

[الاستاذ المهندس]

مرحبا

الكل منا معرض لمخاطر الطريق واحد هذه المخاطر هو انفجار التاير

ابي من كل واحد يقول شيبي يسوي في تعرضه للموقف هذا سواء من تجارب

اللي تعرضو للموقف هذا او الذين لم يتعرضو له

هل تعلم ما هي الطريقه الصحيحه

بانتظار مشاركاتكم

مع التحيه

[Mashari]

والله مدري وش بسوي لأنه يحصل بسرعة وما تقدر تسوي شي

لكن الي بحاول أسويه إني أهدي بشويش واسحب الجلنط متقطع

[fahad4876]

الحمد لله مامريت بالموقف هذا

لكن بإمكاننا تفادي الوقوع في مثل هذه الحالات ( بعد التوكل على الله ) عبر المحاظة على ان تكون الكفرات دائماً جديده وكذا عدم السرعه العالية وايضاً عدم السفر اثناء إرتفاع حرارة الجو لأن الأسفلت له دور في التأثير على الكفر
الله يحمينا وإياكم من كل مكروهـ
والشباب إن شاء الله بيفيدونا بمعلومات وافيه

[نـاصر]

والله قد انفجر علي كفر ولا سويت شي فقط مسكت الطاره مضبوط وخليتها تهدي من نفسها الين وقفت <<خايف :smilie6:

[elbasem]

اذا انفجر الكاوتش امسك عجلة القيادة كويس لا تدوس علي الفرامل وحاول تقلل من سرعة السيارة بواسطة تغير النقلات للاقل ولكن لا تدوس علي الفرامل او ترفع فرامل اليد

[محـ الشهري ـمد]

وقتها أسأل الله أن يلهمني

الشهادة

[REDLION]

حاول ( تهدي نفسك ) وخاصة لو كنت في خط مليان سيارات

وولع ( فلشر ) وحاول توقف في اقرب مكان بدون فرامل

[الاستاذ المهندس]

كلام جميل ولكن لي ملاحظه ان الكل يقول ما امسك الفرامل بس لا يعرف السبب

ليش ما نمسك فرامل؟

شنو السر؟

الامر يحتاج تركيز عالي ودقه والامر بيد الله سبحانه والله يحمي الجميع

كل الشكر للاخوه المشاركين

ننتظر الاجابه التي تفيدنا بهذه الحاله

وشكرا

[abn_kulaib]

اللي بسويه بثبت الطاره وماراح المس البريك الا في الاخير وتخفيييييف بسيييييييييط

[Genius_m]

صارت لي يوم 6\10 :D

كنت مسافر الشرقيه وماشي 170 , وانفجر الكفر الأمامي الأيسر :D

لكن الحمد لله ماصار شي مسكت الطاره بيديني الثنتين :D , بغيت اكسرها طيب هههههههههه

وفليشر ومسكت اليمين الى ماوقفت السياره بلحالها , زين توني شاري استبنه :D . لاحد ينسى استبنته خصوصاً الي يتقاومون اشوفهم دايم يخلونها في البيت :a234:

تحياتي,,

[الاستاذ المهندس]

الحمدلله على السلامه

بس الكل يقول لا تمسك بريك ليه؟

احد يعرف السبب ليه ما نفرمل؟

[الاستاذ المهندس]

عموما ودي اقولكم ليش ما نمسك بريك اثناء البنشر

في حالة انفجار التاير يعتمد الامر على اي تاير انفجر

خلونا نتكلم عن الاطارات الاماميه

فرض انفجر الامامي الايمين طبعا السايق راح يرتبك خصوصن لو كان ماسك السكان

بطرف اصابعه كما يفعل البعض

راح تنحرف السياره الى اليمين وذلك بسبب زياده الاحتكاك بين الارض والتاير المنفجر

لانه زادت مساحة التاير وبالتالي زاد التلامس وزاد الاحتكاك اللي يسبب انحراف السياره

في حالة البنشر تنشأ قوه تسحب السياره جهة اليمين ووزن السياره يقودها للامام

بالتالي يصير شد جهة اليمين وشد للامام ينشأ عنه محصله للقوى التي يتعرض لها التاير

والمحصله تسحب السياره لجهة اليمين عن الطريق

اما اذا مسكت بريك راح تشد السياره للخلف وبالتالي راح تلغي تأثير القوة التي تسحب السياره

للامام وهنا تبرز قوة السحب من جهة اليمين وتزداد بحيث تشد السياره جهة اليمين بقوه

تؤدي الى انقلابها او انحرافها عن مسارها بشده

والا فضل ان تسحب الهاند بريك لانه راح تكون الاطارات الخلفيه بوضع عكس الاطارات الاماميه

من الارتفاع

يعني السياره راح تميل جهة اليمين من الامام

ومن الخلف راح يرتفع التاير الخلفس الايسر عن الارض وذلك يقلل تماسكه مع الارض

بالتالي لو سحبنا الهاند بريك راح يكون تاثير البريك على التاير الخلفي الايسر اكبر من الايمين

وبالتالي راح يسحب السياره الى جهة اليسار

وكانك قاعد تشدها مع الدعاميه الخلفيه من اليسار وهي تبي تنحرف يمين

اي تسبب لها حالة توازن لكي لا تنحرف

اما في حالة بنشر التواير الخلفيه راح يكون التاثير اقل
لانها محكمه باتجاه واحد فقط

والتاثير راح يكون اقل من الحالة الاماميه لان تاثيرالحالة الاماميه راح يكون على يد السايق بالسكان اكبر

لذلك لا ينصح بكبح الفرامل على السرعه العاليه كي لا نفقد التحكم بمسار السياره

ولكن بعد ما توصل سرعه 80 يمكنك ان تمسك بريك ولا خوف من ذلك اطلاقا

اتمنى لكم السلامه من حوادث الطرق

مع تحياتي للجميع

[lonely_911]

الحمد لله مامريت بالموقف هذا



لكن بإمكاننا تفادي الوقوع في مثل هذه الحالات ( بعد التوكل على الله ) عبر المحاظة على ان تكون الكفرات دائماً جديده وكذا عدم السرعه العالية وايضاً عدم السفر اثناء إرتفاع حرارة الجو لأن الأسفلت له دور في التأثير على الكفر
الله يحمينا وإياكم من كل مكروهـ

والشباب إن شاء الله بيفيدونا بمعلومات وافيه




صحيح انا معاك وكمان بعد التوكل على الله
عبي نتيروجين هوا بارد ومايسخن ابد
وغير كذا فكرة الجلنك اكبر غلط لان لو ضرب وطلع الكفر الي ورى تروووووووح وطي :emot96:

[Y A S S E R]

اول شيئ ارفع رجلي نهائيا عن الدواسة
ارجع القير لاقل نمرة ممكنة (يعني بدون فرامل)
والفلشر اولعه وازيد انتباهي اكثر




والا فضل ان تسحب الهاند بريك لانه راح تكون الاطارات الخلفيه بوضع عكس الاطارات الاماميه هذا اكبر خطا ويسمى انتحار بعد
الافضل هو انك ترد القير نمرة فقط



شكرا على الموضوع

[صقر السعودية]

اهم شي لاتضغط فراامل

ضغطها يؤدي الى كارثه خصوصا مع السرعه

بس امسك الطارة مضبووط وامشي مع السيارة وين ماراحت

[الاستاذ المهندس]

صحيح سحب الهاند بريك مشكله اذا كانت الاطارات الخلفيه منفجره

وكذلك لو نزلت القير نمره غلط بحالة الاطارات الخلفيه لانها تؤثر على توازن السياره

اما سحب الهاند بريك اقصد فيه انك تسحبه تدريجي ويديك على زر القفل حقه

وتوازن مسار المركبه عكس ما فقهمتم يا اخوان اني اقفله لا غلط

مع تحياتي لكم

[mo-777]

اذا انفقع الكفر....وانت ماشي مسرع سواء بخط ولا لا اول شي تشهد ثاني شي..انتبه تمسك بريك ولا


حتى تسحب جلنط (هاند بريك) سايد......وحاول تثبت الطاره (الدركيسون)(السكان)..حتى هي تهدي


لحالها وحاول انك تثبته ولا تحركه يمين او يسار لأن السيارة اذا زحف مارح تقدر تصلبها....هذي طبعاً



من خبرتي... وانا للحين ماعندي رخصة.خخخخخخخخ

[mo-777]

اذا انفقع الكفر....وانت ماشي مسرع سواء بخط ولا لا اول شي تشهد ثاني شي..انتبه تمسك بريك ولا


حتى تسحب جلنط (هاند بريك) سايد......وحاول تثبت الطاره (الدركيسون)(السكان)..حتى هي تهدي


لحالها وحاول انك تثبته ولا تحركه يمين او يسار لأن السيارة اذا زحف مارح تقدر تصلبها....هذي طبعاً



من خبرتي... وانا للحين ماعندي رخصة.خخخخخخخخ

[ROTO7]

هلا اخوي اشكرك تذكرتني بسالفة

كنت على خط الجبيل راجع كان معي الصابونة كنت ماشي 190 او 195

ماسك اليسار وتكشيح وش وي إلا الكفر اللي ورى انفجر:smilie6: >>رح وطي

طبعا كل شي صار بسرعة انا الان ماسك اليسار وسط زحمة يمين كل شاحنات


طقيت الفليشر وانا يسار ورفع رجي لين نزلت السرعة 120 يوم وصلت 120

بدأ تزحف عن الخط ونزلتها على التراب يسار حتى وقفت والحمد الله اني كنت سالم

وماصار شي

وبس

تحياتي :emot50:

[abdullah2001]

طيب هل تقدر تفرق إن إلي بنشر كفر أمامي أو كفر خلفي

وفي حالة سيارتك قير أتوماتيك إيش تعمل


:emot30:

[ROTO7]

طيب تحس من الرجة في السياره

إذا كان خلفي ثبت الطاره لين يركت الموتر

اما امامي علي بالقير وثبة الطاره

[مخاوي الشوق]

اذا انفجر الكاوتش امسك عجلة القيادة كويس لا تدوس علي الفرامل وحاول تقلل من سرعة السيارة بواسطة تغير النقلات للاقل ولكن لا تدوس علي الفرامل او ترفع فرامل اليد

هذا الطريقه الصحيحه

[سمو com]

اتوقع اذا كانت السياره قير عادي > أرجع نمرهـ

اذا اوتوماتيك امسك بريك لكن بشويش



شكرآ

[رفييف]

[جزاك الله خير

[القلب المحروم]

الله يكفينا الشر

حتى الدركسون يصير قوي مره صعب احد يمسكة

احد الشباب انفك الكسر اللي بيده بسبب دركسون الجيب ضرب كفر قدام

[crash001]

انا قد انفجر على الكفر الخلفي ومن الخوف مسكت فرامل وحذفت السياره على وخمسة الين ربك ستر والحمدلله كنت بصدم بارصيف ونطلت على الجه الثانيه الي طلع الموتر من الخط وانا مسافر للشرقيه

[محمد]

شكرا لك يا مهندس على طرح هذا الموضوع المهم.

كثيرون لا يتصرفون التصرف الجيد عند حدوث انفجار في الإطار وعندها يحدث ما لاتحمد عقباه.
شكرا لكل من أعطى خبرته ووجهة نظره.

[$ الإمبراطور $]

إن شاء الله ما ينفقع لي كفر وإذا انفقع راح ننفذ كلامكم شكرا لكم

[nawnaw]

اهم شئ لا تمسك فرامل
وتيت الدركسون صح .
السر في عدم مسكة الفرامل
لان السياره في حالة عدم توازن والفرامل تخليه تتقلب
وياما حدث لي مواقف

[hckona^matata]

امسك الدريكسون بقوووووه و ما استخدم الفرامل لان في هذاك الوضع لازم تكوون السيارة متوازنه في الاربع جهات و الفرامل تمنع من حصول هذا التوازن مما يؤدي الى الانقلاب لا سمح الله

استخدام السرعات الاقل فا الاقل الى ات تتوقف السيارة

نسأل الله للجميع السلامه

موضوع ممتاز

تقبل مروري

[مسعود الفضي]

السرعة العالية لها دور في توقف السيارة .........................
اهم شيئ لا تمسك فرامل .............................................

[سفاري 999]

اللي فهمته ان إذا انفجر الكفر لاقدر الله اقوم باتالي :

ابعد رجلي عن الفرامل
احاول اثبت الطارة
واحاول تخفيف السرعة بواسطة تقليل نمرة القيروالله يعطيك العافية اخوي على الموضوع الرائع :wavey:

[نوووان]

الحمد لله مامريت بالموقف هذا



لكن بإمكاننا تفادي الوقوع في مثل هذه الحالات ( بعد التوكل على الله ) عبر المحاظة على ان تكون الكفرات دائماً جديده وكذا عدم السرعه العالية وايضاً عدم السفر اثناء إرتفاع حرارة الجو لأن الأسفلت له دور في التأثير على الكفر
الله يحمينا وإياكم من كل مكروهـ

والشباب إن شاء الله بيفيدونا بمعلومات وافيه




عين العقل


تحياتي

[mr.nawaf]

انا حمد الله ما مريت في الموقف لكن اذا قدر الله ومريت فيه

بسوي اول شي بامسك الطاره 2- ارجع نمر




تحياتي

[2009 كامري]

السلام عليكم

بالنسبه للبنشر الله يكفيكم شره عليك من اتباع الخطوات التاليه:

1- ثبت الدركسون وخل اعصابك هاديه لاترتبك مافيه شي يخوف هع

2- انتبه تلمس الفرامل حتى لو لمس يقلب الموتر بالذات الكفر الامامي والسيارات الرفعيه مثل الجموس لاسمح الله

3- اذا السياره قير عادي رده نمره اثقل لرابع بعدها لثالت بس موب تفجير المكينه تردها نمره قويه والله ان تلقى تروس القير بالشارع هع والكارتير يصب زيت نياهاها

واذا كان تماتيك عطه نمره اثقل وحده بس لان التماتيك قيره حساس ويفرط على طول

4- اذا وصلت سرعه السياره 80 الى 70 اضغط الفرامل بشويش دبل على خفيف موب بقوه

وللمعلوميه السياره مع البنشر تقل سرعتها بسرعه

والله لايوريكم مكروه ويحفظكم من كل شر يارب