زواج .. شقــة ... سيارة ..؟ أبي نصيحكم يالربع ؟؟

[اللافـــي]

السلام عليكم ورحمة الله وبركاته


الله يسعدكم يا جماعة ..


بأختصار .. أنا توني متوظف .. (( طااازة ))) لدرجة أن الراتب لسى ما استلمته ..



خطبت وزواجي تحدد الصيف القادم .. ولازم أستاجر شقة وأثثها ..

يعني مصاريف زواج وسفر شهر عسل .. و .. شقــة ..

وقبل كل هالأشيـــاء ... لازم اشتري سيارة .. ومن هنا يبدأ الموضووع ..



أنا محتار وش أشتري ..؟ وتقريبا براسي فورد او كابرس او يوكون او تاهو وكذا سيارة ..


أبي نصيحتكم أضغط على نفسي وأتسلف وأشتري جديد وأرتاح لسنوات قادمه وأعاني هالسنتين الجايه بسبب الأزمه الحالية !!

أو اشتري مستخدم !!


أو تنصحوني بسيارة معينه بتفك أزمتي وبتريحني لسنين قادمه وتكون جيدة كاستخدام ومظهر وسعر مناسب ؟؟



أنصحوني ..
أنا محتار بحاول اوفر حوالي 50000 ريال وهالمبلغ صعب اشتري به سيارة جديدة !!

هل أقترض عشان ازيده خمسين ثانيه واشتري شي جديد !!

المشكله الكبيرة ان معادلة شراء سيارة بتأثر على باقي المشاريع ( الزواج والسفر والشقة ) !!




أبي النصيحة ..


ودمتم بدون زنقاات

[سهيل الغامدي]

أنت قلتها خذلك فورد بالمبلغ اللي عندك

[أبوهذال]

طيب بقولها لك وبصراحه

اذا سيارتك تسترك و تجمل فانصحك ما تغيرها الى ان يغنيك الله من فضله و يصير عندك بدل سعر الموتر ثلاثه باذن الله وتذكر غيرك ما عنده موتر ويشوفك محظوظ بموترك و وظيفتك و زواجك مين قدك

و مبروك الوظيفه و الزواج

حياتي

[Genius_m]

صديقي أخذ جراند ماركيز استخدام امريكي نضيف جداً جداً ماشي 25 الف ميل فقط بـ49 الف ريال ,,

موديل 2004

لو تلقى سياره بالسعر هذا منها توفر فلوس , وتحس انك شريت سياره جديده ,,

صدقني الفورد يستاهل هـ القيمه وغالباً الاستخدام الأمريكي نظيف وسعره مناسب ..

وماله داعي تتسلف وتتعب نفسك , الفرود بيقعد معك عمر اذا حافظت عليه (حتى اذا حرقته بيعيش :D ماشاء الله)

بالتوفيق اخوي

تحياتي,,,

[اللافـــي]

أنت قلتها خذلك فورد بالمبلغ اللي عندك



هذا حل من الحلول المطروحة بقوة

وشكرا على مشاركتك اخوي

[اللافـــي]

طيب بقولها لك وبصراحه

اذا سيارتك تسترك و تجمل فانصحك ما تغيرها الى ان يغنيك الله من فضله و يصير عندك بدل سعر الموتر ثلاثه باذن الله وتذكر غيرك ما عنده موتر ويشوفك محظوظ بموترك و وظيفتك و زواجك مين قدك

و مبروك الوظيفه و الزواج

حياتي

الله يبارك فيك وعقبالك يارب واذا كنت متزوج عقبال الثانيه :c018:


رأيك .. رأي سديد صراحة ويدل على رجاحة عقلك أخوي ..

لكن والله سيارتي اللي الحين عمرها الافتراضي باخره وانا المشكله متعين بعيد عن اهلي فمظطر أروح واجي لهم كل اسبوع !!

فما راح توفي سيارتي الحالية بكم مشوار وتلفظ آخر الانفاس !!!

[اللافـــي]

صديقي أخذ جراند ماركيز استخدام امريكي نضيف جداً جداً ماشي 25 الف ميل فقط بـ49 الف ريال ,,

موديل 2004

لو تلقى سياره بالسعر هذا منها توفر فلوس , وتحس انك شريت سياره جديده ,,

صدقني الفورد يستاهل هـ القيمه وغالباً الاستخدام الأمريكي نظيف وسعره مناسب ..

وماله داعي تتسلف وتتعب نفسك , الفرود بيقعد معك عمر اذا حافظت عليه (حتى اذا حرقته بيعيش :D ماشاء الله)

بالتوفيق اخوي

تحياتي,,,


صوتين للفورد :)

كلامك سليم بس المشكله اني متعين بمنطقه صعبه اتصيد فيها الجديد !!


لكن رأيك سديد وباذن الله .. الله يوفقنا ونحصل ما حصل خويك

[stun]

سجل عندك الصوت الثالث للفورد :D


و بـ 50 ألف ... فيه كورولا و ياريس فل أوبشن.


و عالبركة الوظيفة و السيارة و الزواج و أول راتب :D

[نـاصر]

عندك سيارات هيونداي رخيصه وانصحك بالسوناتا ..

وترا مهما كان الجديد لك وللزمن يريحك من الخربات والورش والدوخه ..

او كامري مستعمل .. امريكي مستعمل مانصحك ابد ..

وشكرا

[معي النترا]

مبروك على الوظيفه ..
و مبروك مقدماً على الزواج منك المال ومنها العيال ..
بالنسبه للسيارة
انا اقول لو تاخذ الفورد مناسب .. حتى لو جيت تبيعه ماراح تخسر كثير ..

[givinshi]

مــد رجلك على قد لحافــك وخمســين تجيبلك سيارة كويسة

يعني مو شرط انك تهز ميزانيتك عشان والله السيارة الفلانية مهي مناسبتك انا من رأيي تاخذ سوناتا أو الانترا

[أبـــوبـــدران]

تآخذ لك فورد , والماركيز افضل بكثير بدون شك

كــ فخمة وشكلآ واسمآ :) .

والله يريحك ويفتحها بوجهك ويوفقك ان شاء الله .

والله يكتب اللي فيه الخير
.
.

[الوحش الأمريكي]

ريح راسك وأخذ فورد نظيف موديل 2004 راح تحصل

وصدقني راح تدعي لي اذا اخذت فورد نظيف

والف مبروك الوظيفه والزواج وربي يوفقك

[MGM LS]

أولاً مبروك على الوظيفه والزواج والله ييسر لك أمرك أخي

ثانياً المبلغ المتوفر معك حلو وتقدر تشتري فيه شيء جديد وخلك من المستعمل

عندك الابيكا - السوناتا طبعاً أقل فئه ولو اخذتها من المعارض جديدة على الزيرو ممكن بتطلع عليك أرخص من الوكاله

الماركيز والفكتوريا حلوه وجميلة وخدومه لكن يبغالك تتعب وتصبر ولا تستعجل أبد بالشراء

وبنظري حرام 50.000 ألف ريال تروح لمستعمل ما تدري وش جرى له

هذه وجهت نظري والله يوفقك ,,,

[اللافـــي]

سجل عندك الصوت الثالث للفورد :D


و بـ 50 ألف ... فيه كورولا و ياريس فل أوبشن.


و عالبركة الوظيفة و السيارة و الزواج و أول راتب :D


الله يبارك فيك ويستر عليك يااااااارب

[اللافـــي]

عندك سيارات هيونداي رخيصه وانصحك بالسوناتا ..

وترا مهما كان الجديد لك وللزمن يريحك من الخربات والورش والدوخه ..

او كامري مستعمل .. امريكي مستعمل مانصحك ابد ..

وشكرا


فكرتك سليمة بس والله هيونداي ما دخلتي بال حتى بعد تطورهم !!!

[اللافـــي]

مبروك على الوظيفه ..
و مبروك مقدماً على الزواج منك المال ومنها العيال ..
بالنسبه للسيارة
انا اقول لو تاخذ الفورد مناسب .. حتى لو جيت تبيعه ماراح تخسر كثير ..


صوت رابع لـ الفورد ..

شكرا اخوي

[الانيـق]

الله يبارك لك ويوفقك لكل خير ويبعد الحسد عنك

اخوي نصيحتي انك تاخذ سيارة استخدام امريكي لكن بشرط !!

انت بنفسك تجيبها من امريكا كذا تكون وفرت حول 10 الاف

او انك تاخذ سيارة صغيره تفي بالغرض والهونداي منتشر الحين

البعض يفكر انه بيتزوج لازم سيارة عائليه لا ياخوي ميني كوبر تكفيك لمده 5 سنين بعدين بتحتاج سيارة اكبر :a120(37):

[galaxy1]

ياخي شف بع الي عندك واشتري فورد رخيصة موديل 2004 او 2005 يعني تحصلها ابو 35 ابو 40 وتاخذها على الفحص وتفحصها وتشتريها ولين تتزوج ويتحسن وضعك وتنجب طفل تكون جمعت حق يوكن وزاد معاك فلوس ان شاء الله
او انك تاخذ الحين يوكن اقساط على مدة ثلاث سنوات وتكون اخذت سيارة جديدة وفي التقسيط لمدة ثلاث سنوات احسن لك ينقصون عليك القيمة ومبروك على الوظيفة وعلى الزواج والله يكتب لك الي فيه خير

[اللافـــي]

مــد رجلك على قد لحافــك وخمســين تجيبلك سيارة كويسة

يعني مو شرط انك تهز ميزانيتك عشان والله السيارة الفلانية مهي مناسبتك انا من رأيي تاخذ سوناتا أو الانترا



مثالك صح بس والله ياخوي مالي هوى ابد بسوناتا وربعهاا ..

تشكراتي

[ملك الماركيز]

خيارات كثيرة مطروحة يسعر 50 الف ريال

[مكاوي ماركه]

والله الكوريلات بانواعها براس الفورد
مع اني ن عشاق الامريكي

[Y A S S E R]

ماشاء الله
على طول توضفت بتتزوج
متحمس :smilie6:

الله يوفقك يارب
شوف اذا عمرك اقل من 27
انصحك تصبر سنة تجمع لك راتب سنة افضلك وتتوسع عليك وراح تصير عندك خيارات افضل وتصير مرتاح اكثر
اذا لاوالله مستعجل مالك الا الكراون فيكتوريا هي الي راح تجمل


ويارب ياكريم يوفقك وين مارحت....اللهم امييين

[قايد الفـتـك]

السلام عليكم انا اقول لو تشتري فورد احسن لك على قد فلوسك وزينه تقبل مروري

[خليد عينين]

ياخوي المبلغ اللي معاك فيه الخير والبركة
وبيجيبلك احلى سيارة كااااااش

نصيحة لوجه الله ابعد عن قرض البنك ابعد ابعد ابعد ابعد

ترى راتبك لو هو 50000 والله ان يصير ماعاد فيه بركه لذا دامك توك جديد بالوظيفه استمتع براتبك انت والمدام وخل البنوك عنك

وعسى الله يوفقك بزواجك ويرزقك الذرية الصالحه ويباركلك بمالك وعيالك

[أبو مؤيد]

تبي ترتاح

وتبي نصيحتي

لاتفكر الا في جديد

مالها داعي تشتري سياره مستعمله وتوقف عليك بعد شهر او شهرين ,, بأرتفاع حرارة او غيرها

----

ومن ناحية السيارات الجديده

انا انصحك بـ الألنترا او الأبيكا

---

الله يوفقك بوظيفتك ويبارك لك في مالك

( اللهم اغنني بحلالك عن حرامك ) <<اجعلها على لسانك

و منك المال ومنها العيال

ربي يرزقك الذريه الصالحه

مبروك مقدماً :)

[حمودي يركب اودي]

تبي نصيحتي اذا بتشتري
خذ تويوتا مستعمل سعرها فيها تعيش معك واذا جيت بتبيع ماراح تخسر كثيرا
وبفلوسك تجيب كامري 2006 او كورولا 2007

[abojana2005]

اذا تبي سيارة عملية جداً عليك بـ ( هوندا ) أكورد
الله يبلغك

[abojana2005]

نصصصصصصصصصصصصصصصصصصصصصصصصصصصصحه
لالالالالالالالالالالالالالالالالالالالالالالالالا لالالالالالالالالالالالالالالالالالالالالالالا
تاخذ قرض

[فانتوم 1]

خذلك لكزس 400 موديل 98 النظيفه تلقاها 50 الف ريال

[اللافـــي]

أشكر الجميع على نصائحهم ودعواااتهم ..


والله يوفق جميع من شارك

[فراس جي تي]

مبروك على الزواج ... وأنصحك بالفورد جراند ماركيز فل كامل 2004 ... بحدود الـ 50 ألف نظيف واهم شيئ تشييك السيارة بالكمبيوتر وما تكون فوق 45 ألف ميل

[ابوعبدالآله]

ماشاء الله مبروك على الزواج مقدما ، والله يوفقك ويسهل امرك

سألت عن السياره وليتك سألت عن ترتيب الامور والاولويات ، واضح ان وضعك معقد

جعلت الاخوه يركزون فقط على السياره ونوعها وسعرها ولم تفتح مجال لنصحك وارشادك

انا خفت اتكلم فاخرج عن الموضوع .

على كل حال الله يوفقك ويسهل امرك

[عاشق الغضا]

نا اقولك كامري مستعملة وتكون نظيفة تحصلها مابين 50 -60
2008

[أنـــــس]

بمبلغ 50 ألف وتبي سيارة منظرها حلو ..أنصحك بكراون فكتوريا أو جراند ماركيز 2004-2005

ولكن انتبه عند الشراء وافحص السيارة جيدا ولو استطعت أن تستخرج تقرير بالكارفاكس فافعل.

والله ييسر أمرك

[m.cool]

والله يا اخوي انصحكـ
بسوناتا او ازيرا

[سوسو2008]

فورد

او خذ لك سوناتا جديده والله احسها سياره مناسبه خاصة للي توه بادي حياته

توفير بنزين ورخيصه وواسعه ترا ماهيب صغيره وماكينه اوكي

[سوسو2008]

على فكره عمي عنده فورد فكتوريا اللون بحري موديله 2005 عارضه للبيع

وسايمه ب 45 الف واستخدام شايب وموظف بأرامكو ولا هو راعي سرعه والله

والسياره ما بها بلا ولا شي بس الحين معه لاند كروزر الجديد والفورد ما صار يدخل مزاجه ف عرضه للبيع

اللي يبيه يكلمني

علما ساكنين الشرقيه