تـم إفـتـتـاح الـمـشـروع الـذي طـال انـتظـارهـ . . الـريـاض ! . .

[أبـــوبـــدران]

السلام عليكم ورحمة الله وبركاته

.
.

.
.

صبحكم/مساكم الله بالخـيــر . .

اليوم انقل لكم خبر افتتاح الجسر الموصل بين: حي الشفاء(الحزم) و حي شبرا او البديعه .

والأغلبيه يعرف عن مدى تأخر تنفيذ هذا المشروع ! . .

قبل فتره(كم يوم) جربت اروح معه واحسب الوقت , ذهبت للحـزم وعدت في اقل من 3 الى 4 دقائق !!

ملاحظه: تم افتتاح المشروع , لاكن لم يتم رسميآ , والأناره ايضآ لم تعمل .

.
.

فــ حبيت اضع لديكم علـم . .


ودمتم بأذن الله سالمين

.
.

:)

[C A R R E R A]

جزاك الله خير بو بدران على الخبرية الجميلة

كان ودي اشوف صور ولكن لابأس

واتمنى يكون الأفتتاح قريبا ان شاءلله :)

[Genius_m]

اليوم سمعت من أصدقائي الخبريه هذي , لكن ما اهتميت مدري ليه :D

شكراً ابو بدران دائماً تتحفنا بالجديد |1|

تحياتي,,,

[فكتر]

الف مبروك لكم ياهل الرياض

وعقبال البران اللي جدة تصير شوارع ومن ثم كباري

[معي النترا]

ما شاء الله مبروك مبروك تستاهلون
هذاك الجسر ماغيره .. خلص
وأخيراً ..
بس ترى لعلمك ماعمري شفته لكن ولد عمي ساكن هناك .. ويتمنى يفتتح قريب لانه يختصر مسافه و وقت..

,,مشكوووور

[أبـــوبـــدران]

بارك الله فيكم على مروركم الـأكثر من رائع . .

والله يعطيكم العافيه جميـعـآ . .

:)

.
.

[A L H A M O O R]

على البركه ابو بدران :)

ماشاء الله عندكم في الجنوب فيه مشاريع واجد

بس الله اعلم متى تخلص :D

[M O H A M E D]

مــاشاء الله تبارك الله ..

أخيراً خلص المشرووع ..

مع إني ما أعرف كيف أوصل له..

و يمكن ما استخدمة أبد ..

لكن أحس إنه فـك أزمة عن جنوب الرياض ..

شآآكر لك الخبرية ..

.
.

[عبدالله العكشان]

ماشالله مشكور على الخبر يعطيك العافيه

[abdullah2001]

أحد يوصف لنا هالطريق من فين تجي له ممكن نحتاجه

[GM_TAHOE]

واخييييييييييييييرا :a120(37):

انا ساكن في الحي اللي مقابل للحزم ( حي المروة )
والجسر هذا بيختصر 15 كيلو اذا كنت بروح لدوامي
يعطيك الف عافيه أخوي ابو بدران على الخبر

[أبـــوبـــدران]

الله يعافيكم , ولا شكر على واجب . .

وشاكر لكم مروركم الــعطر ,

سامي/ نورت الموضوع بطلتك , والحمدلله انك استفدت من المشروع .

الـوصف/ الدائري الغـربي , مخرج حمزه بن عبدالمطلب , ستجد هناك المشروع . .

يصل بين حي شبرا والشفا (الحزم) , الذي كان سابقآ بين الحيين (وادي) . .

.
.

:emot154:

[حمودي يركب اودي]

يعطيك العافيه اخووي

وفعلا الطريق يخدم الاحياء هناك وبكل سهوله ويسر
ويفك الزحام على طريق الشفا العام
الا كم يبلغ طول الطريق لاني من سكان شرق الرياض وعن قريب يخلص الدايري الشرقي الجديد

[أبـــوبـــدران]

شاكر لك مرورك حموودي , بارك الله فيك

طوله . امممم . . ولله مدري :smilie6: , يمكن كيـلوين او كيلو ونص .

.
.

:emot154:

[GM_TAHOE]

تمت الزيارة امس
والحمد لله
تم تشغيل الاناره
والظاهر بيبدا مسلسل الحفر :a120(24):

[أبـــوبـــدران]

ماشاء الله , زين شغلوا الأناره . .

وشغلهم عاجبني , بس طولوا مره (حوالي 4 سنوات ولا لا ياسامي) . .

.
.

:)

[أنا ألووو]

شكلهم غاروا من ميترو دبي

و عجلوا في الشغل

ترى اليوم في خبر عن المترو و انهم خلصوا جزء منه

و المشروع اعتقد اعلن عنه من سنتين فقط و بيخلص عام 2010

[أبـــوبـــدران]

شـاكر لك مرورك , والمعلومات

بارك الله فيك

:)

[ZAID ZAID]

على البركة

[abdulllllllllla]

ازيدكم من الشعر بيت..
الفتح صار رسمي 100/100 :emot50:
الانوار شغاله...الخبر نزل في الجرايد حقت امس او اللي قبله :a120(51):
وعالبركة الله يعطيكم خيره ويكفيكم شره امييييييييين

يعطيك العافية اخوي عالموضوع الكويس :a120(37):

[أبـوأسـد]

كويس :e058:

الحين بنروح لمعارض الشفا من شارع حمزة على طول من دور تروح على الدائري ثم مخرج شبرا والحوسة الي هناك :a234:

مشكور على الموضوع

[أبـــوبـــدران]

شاكر لكم مروركم الرائع , بارك الله فيكم . .

ابواسد/ نورت الصفحه يابعدي .

:)

[GM_TAHOE]

ماشاء الله , زين شغلوا الأناره . .

وشغلهم عاجبني , بس طولوا مره (حوالي 4 سنوات ولا لا ياسامي) . .

.
.

:)

شغلهم لابأس به
ولو ان باقي له تزيين بالاشجار والورود :a120(37):

وتعال اي اربع سنوات المشروع كمل خمس سنوات وتوهم يفتتحونه :emot171:

وعساك استفدت من هذا المشروع

[أبو خميس]

^^^^^^^^^^^^

بالجريده مكتوووب 6 سـنين على أنتهاء المشروع بطول كيلو أو كيلو ونص
كلها هذا عشان ذا الجسـر لكـن بيفـك أزمــه كبيــره لسكان المروه والحزم والفواز

[ابو جــنى]

بصراحة مشروع ريحنا خصه اهل الشفا فك بعض الزحام على مخرج الشفاء

[أبـــوبـــدران]

الله لايهينكم , . . سامي , ابوخميس , ابوجـني .

بارك الله فيكم . . وفعلآ طولوا بس الحمدلله انتهوا , وننتظر الدائري الجديد , والملك عبدالله والشفاء

وغيره

:)

تحياتي

[stun]

زين الله يبشرك بالخير


من زمان و انا ما اروح الشفا بسب طريق ديراب المريض

[أبـــوبـــدران]

عافاك ستون على مرورك , بارك الله فيك

:)

ياخي وش اسمك الحقيقي , ماعرف انادي احد الا بأسمه .. !! :smilie6:

لك اطيب سلام

[Mashari]

ألف مبروك فتح الجسر

لكن الإنارة صارت موجودة لأني كنت عند عماني أمس على الفطور وسمعتهم يقولون إنه نور

[أبـــوبـــدران]

^^^
شي طيب انهم شغلوا الأناره . .

عافاك اخوي مشـاري على مرورك
وبـآركـ الله فيكـ
.
.

:)