سيارتي مسروقه وقلبي محروق عليها تكفون المساعده

[abu aziz123]

كما ترون سيارتي سرقت من امامي يوم الثلاثاء الماضيفي مدينة الدمام حي عبد الله فؤاد والى اليوم لاحس ولا خبر جهودكم قد تساهم ان شاء الله في العثور عليها والله لايريكم مكروه http://up3.m5zn.com/get-9-2008-7d4fnfuld64.JPG

[المكسيما عزوتي]

طيب وش اللون ؟ أوصفها لنا

[White HEMI]

حسبي الله عليهم .. حسبي الله عليهم ..

الله يعوضك خير .. وترجع لك يآآ رب ..

------------------
^
^
ترا اللون أسود

[الرياض2020]

الله يجبرك في مصيبتك ويخلفك خير منها
تبي نصيحتي علشان تلقاها بسرعه دور لك واسطه في الدوريات

[ne6ro]

طيب وش اللون ؟ أوصفها لنا

اللون اسوود ياطويل العمر

واالله يرجعها لك بسلامه

[م ر ح]

حسبي الله ونعم الوكيل

ماعاد في احد اليوم يخاف ربه

وماشاء الله السياره وكاااااااااله

ان شاء الله تلقاها يالغالي

وانا مع كلام اخوي الرياض 2020 دور لك واسطه

[OMEGA 5.7]

قبل 8 شهور انسرقت سيارة خالي في نفس الحي عبدالله فؤاد تريل بليزر وما نشوفه الا قاعد يدور اليوم الثاني ونلحقه 4 سيارات خالي طلع له من ورى ببي أم واحنا بالأوبل وهايلوكسين والله كسرها الله لا يجزاه خير المهم دقينا على الشرطه وفي اليوم الثاني لقينا السيارة قدام عمارة ومرشوشه كلها بطفاية حريق عشان البصمات .. وامسكوه الله لا يوفقه ولا يحلله وبعد كم كف اعترف على الي معه وصادوهم وطلعوا عصابة موب بس سيارتنا الي سرقوها


.. المهم ياخوي مالك الا تدق على الشرطه وتكلم لك واسطه ولاشي

الله يصبرك ان شاء الله

[temsu]

السلام عليكم ورحمة الله وبركاته

أحسن شيء تقومه أولا هو إبلاغ الدوريات بأن سيارتك قد سرقت حتى يعلموا بذلك وتذكر لهم خصائص السيارة - لأنه ربما لا يضمن أن اللص قد يتوسط لأي شرطي آخر صديق له ويبرأ أن السيارة التي سرقها هي ملك له - ..

أعرف أنه مستحيل جدا ,, ولكن أخذا للإحتياطات ..

والله في عونك ...

[Red Horse]

الله يعينك ويفك ضيق صدرك ويردلك ضالتك
اذكر زميل الوالد وقف سيارته امام المرور في مكة وقدم عليها بلاغ بانها مفقودة واسبوع مالقوا السياره وهيا واقفه قدامهم
في النهاية رجع قلهم انهم مضيعين طبعا هو واصل ولا لو واحد عادي كان سجنوه لازعاج السلطات خخخ

[مخاوي الشوق]

انشالله انك تحصلها بأذن الله

[ابويوسف1]

الله يعينك ياخوي
وان شاء الله تحصلها بأقرب فرصه وقبل العيد وتتعيد عليها امين يارب العالمين

[نابولي89]

لاحول ولاقوة الا بالله
اين الاسلام
اين الامن والامان
اين القيم والعادات
اين احترام الوطن وممتلكاته والمواطنين وممتلكاتهم

حسبنا الله ونعم الوكيل

الله يكون في عونك

[<نمر>]

تحصلها باذن الله

[السبع]

الله يرجع لك سيارتك

والله مشكلة يا أخوان حتى السرقة محتاج لها واسطة ايش الحال اللي وصلنا له
هذه المشكلة قديمة الازل ولم يجدوا لها حل لحد الآن
سيارة تنسرق وراعيها يعوض الله فيها
لأن النظام عندنا متراخي وتهاون مع السارقين
لو طبق شرع الله في قطع اليد كان انتهت المشكلة
بصراحة انا قرأت رد لأحد الاخوان انسرقت سيارته
وهو انه أتصل على رقم التبليغ عن الارهاب وقال لهم
ارهابيين سرقوا السيارة ورجعوها له في وقت قياسي
ولما حققوا معهم طلعوا حرامية عاديين وصاحب السيارة
قال لهم أنا كنت احسبهم ارهايين ،،

[* ابو باسل *]

حسبك الله ونعم الوكيل

بس كيف كانت السرقه ؟

[Mashari]

الله يرجعها لك بالسلامة ، حسبي الله ونعم الوكيل فيهم

وثانيا ما تلاحظون ان سرق السيارات في الشرقية كثر هالأيام

[MKD]

حسبي الله ونعم الوكيل ..... لاحول ولاقوة الا بالله

حقيقة الوضع اصبح لايطاق .... السرقات كثرت بشكل مريع

الواحد الان اصبح لايامن على سيارته ولا على بيته ولا على جواله حتى !!!!

وعلى قولتهم اذا غاب البس اللعب يا فار ..... يعني وين النظام وين تطبيق القانون

ذاك اليوم جيت لقيت هالحرامية الله لاحللهم ولايبحهم كاسرين قزاز سياة اخوي يوم دقينا على الشرطة

يجيك مسوي باخذ البصمات من على السيارة قلت له قد مرة مسكتوا احد من البصمات قالي لا والله

يعني اخذ البصمات تحصيل حاصل.

فعلا زي ماقالوا الشباب لو يطبقون حدود الله كان والله الواحد قبل مايسرق يفكر الف مرة لانه يعرف ان يده بتنقطع.

مااقول الا الله يرجع سيارتك بالسلامة .... وما اوصيك ارفع يدينك للسما وادع عليه بالشلل الله يشل كل من يسرق وروع المسلمين.

[yo$$sss]

حســبــنا الله ونعم الوكيل

الله ينتقم من إلي سرقها


وإن شاء الله بتحصلها آآآآآآمين

[ابــو ســعــد]

الله يعينك اخوي و انشاء الله بتلقاها ياخي ذولا مايخافون الله جعله الجدري انشاء الله الواحد هالايام مايامن يحط سيارته برا والي مايخافون الله واجد لو انه هاقي ان يده بتقطع كان حسب الف حساب قبل
ما يسرق

[هشووو]

افااااااااا,,,,,,,,,,,حسبي الله عليهم ............
الله يعوظك انشالله ياارب وترجعلك

[صحراء الجليد]

لا حول ولا قوة إلا بالله


حسبي الله عليهم


صراحة سرقة السيارات صارت ظاهرة عندنا ؟؟



وين الامن ؟؟؟

[راعي النيترو]

الله يعينك
وان شاء الله تحصلها

[(*~*)]

لا حول ولا قوة إلا بالله


حسبي الله عليهم

[ṦṔỀỀḒ]

دق على الشرطة وانشر الخبر في الجرايد والمكان الي انت انسرقت سيارتك فيه يمكن شافوه وين يروح .

[talal jeddah]

يارجال بلد سايبة والله السرقات في كل مكان

وسلملي على مقولة امن وامان

[م.الحارثي]

ان شاء الله ربي يجيبها لك او يعوظك خير منها ولكن اخي ذالايام شكلهم والله العالم يبعونها قطع دور عند التشاليح واماكن شراء القطع المستخدمة لئني سمعة بلا متاكد ان قطع هاذي السيارة نار هي والجيب شوروكي والقطع المستخدمة من هاذي السيارات تعتبر مكسب ولكن اقول لي سرقها الله لا يربحك فيها ويجعلها نار مثل محرقة راعيها وان شاء الله ابلغ من اعرف عنها وتقبل تحياتي انت والمتواجدين

[العراقية]

العراقية...
سرقات عندكم ..ههههههههههه..الله يساعد قلبك ويصبرك يارب تعصر عليها

:emot93:

[gershnet]

يااخوي وراك زعلان :a120(55):
بعدين انت نسيت وش هو الشهر الي حنا فيه؟؟؟؟؟؟؟
دعوة صادقة من قلب صادق في ليلة فضيلة في شهر رمضان الفضيل
انشاء الله ربي يردلك سيارتك أو
يعوضك باحسن منها أو
انشاء الله تاخذ حقك واضعاااااف يوم القيامةأو
تكسبهن الثلاثة
وانا لله وانا اليه راجعون والله انشاء ربي يرجع لك سيارتك

[abu aziz123]

بيض الله وجيهكم وما قصرتوا ابشركم لقيت سيارتي في حوش المرور من عشره ايام ولا احد علمني رغم انهم عارفين انها مسروقه لقيتها وانا ادور في احواش المرور والحمد لله رب العالمين

[بو خليف]

انشاالله تلقى سيارتك

[KYRON]

نحمد الله انك وجدت سيارتك وانتهت المشكلة.



يغلق.