ساعدوني في ايجاد سيارتي,هوندا اكورد,رصاصي 5588 KSA,بالشرقيه

[sulaiman_sulaim]

السلام عليكم و رحمه الله و بركاته ..
ياشباب انا طالبكم تساعودني بهذا الشهر الكريم ..
اليوم الساعه 5:48 دقيقه
بتاريخ 13-رمضان الموافق 13-9-2008
ع وقت اذان الفطور المغرب بالشرقيه .. و المؤذن يقول الله اكبر
كنت داخل انزل اغراض الفطور من السياره للبيت ,, و قفلت السياره و طاح المفتاح مني , دخلت الاغراض عشان ارجع اخذ المفتاح ,, مااخذت دقيقتين الا السياره راحت ...
حسبي الله و نعم الوكيل بالي اخذها ..
دقيت ع المرور و بلغت طوالي و في خلال ربع ساعه كنت عندهم عشان يتعمم البلاغ و يكون رسمي ,,
الي طالبه منكم ,,
ان اي احد يشوفها يدق علي او يرسل لي ايميل ,,
والله ثم والله ان هالسياره ماجات الا وانا تعبان فيها .. لا هي بورث و لا هي شرهه جتني ..
حسبي الله و نعم الوكيل بالي اخذها برمضان .. و المؤذن يقول الله اكبر ..

السياره كان فيها جوال لي , لكنه قفل الجوال الي سرق السياره , وعطيت خبر للشرطه لكن يقولون مايفيدهم بشي , وكان فيها فلوس بحدود 8 الاف ريال كنت بوديها البنك .. حسبي الله و نعم الوكيل

ياجماعه الخير .
السياره نوعها

هوندا اكورد 2008

لونها رصاصي

لوحتها

5588
أ س ك
K S A

وعليها من ورا ستكر فوكس fox اسود
و عليها تظليل من الجهات الاربعه خفيف
السياره انسرقت من قدام البيت بالبراكه – الخبر- المنطقه الشرقيه
تكفون ياجامعه الخير ساعدوني ..و دلوني .. وربي يوفق و يجزيه كل خير الي يساعدني
رقم التلفون
0504808158
ب أسم سليمان

[م.ابوسعود]

لاحول ولا قوة الا بالله العلي العظيم باذن الواحد الاحد انك تلقى سيارتك وحسبي الله ونعم الوكيل على من سرقها .

[خالد الخير]

اخواني اذا تبي تنتظر الشرطة ماراح تحصل سياراتك

قوم انت واصدقائك بالبحث عن السيارات خصوصاً في الاماكن المشهورة بالتفحيط

واحتمال ان لوحات السيارات تكون مسروقه بس اكيد انت بتعرف سيارتك من البوديُ والشكل الخارجي

الله يعوض عليك ونصيحتي لكَ حاول تدورها بنفسك ولاتنتظرالشرطة

الله يكون بعونك ياغالي

[هاوي التعبيث]

لا حول ولا قوة الا بالله
اقووولك
بعد تعميم البلاغ
جمعلك شلة اصدقائك كلهم يطلعلك 10 سيارات تكفي على شان دور عن السيارة
والله معاك وبتوفيق

[فارس]

حسبنا الله ونعم الوكيل

[sulaiman_sulaim]

ابو سرور
الله يسمع منك .. و ترجع لي.. شاكر دعوتك

[sulaiman_sulaim]

خالد الخير

لاني ماني منتظر من الشرطه قاعد احاول بكل طريقه اني ادور و اكتب بالمنتديات .. عشان اذا احد بعد شافها .. و انا من جهتي قاعد ادور بعد ..

وربي يجزيك كل خير ان شاء الله

[sulaiman_sulaim]

هاوي التعبيث

ان شاء الله ..
ياليت طيب انتو بعد تساعدوني .. و ين اماكن التفحيط و هالتجمعات الي ممكن القاهم فيها بالشرقيه .. وان شاء الله يارب ترجع لي

[sulaiman_sulaim]

فارس

وانا مثلك كل دقيقه و كل ثانيه ارددها بحرقه قلب حسبي الله ونعم الوكيل فيه

[مربوش]

اخوي

روح التشاليح والورش والاماكن في فيها سيارات مصدومه ومشلحه

يعني الصناعيه الخ

واسأل العمال

ترا والله اكثرهم صارو يسرقو السياره ويبيعوها قطع غيار

او تتهرب لبرا البلد يعني اكثر السيارات الي تنسرق في الغربيه

تروح اليمن وعندكم يمكن الكويت او دي الدول

[ماركيز LS]

اسمع كلامي ركز البحث في الفترة اللي بعد الساعة 12 في الليل
لان الوالد شغال في الدوريات الامنية ويقول في هذا الوقت الحرامي مايلف بسياره مسروقه عشان التفتيش

[صحراء الجليد]

لا حول ولا قوة الا بالله



حسبي الله عليهم


والله يعينك اخوي



وان شاء الله بتلاقيها

[ابو جــنى]

وحسبي الله ونعم الوكيل على من سرقها

[ابو رينا]

الله يوفقك وتحصل سيارتك باسرع مايمكن وحسبي الله على اللي سرقها

[Wanderer]

حسبي الله عليهم.

غريبة، سمعت ان اللوحات الجديدة ممكن يعرفو مكانها بالقمر الصناعي.!!!


أخوي إحنا برمضان، ادعي ربك في الصلاة و بعد الصلاة مباشرة و في التراويح إن يدلّك عليها و يقودك إلى مكانها.


و ادعي على اللي سرقها.


الله يكون في عونك أخوي، ومن ناحية المرور، الله لا يحوجنا إلاّ لوجهه الكريم.


الله يوفقك و يعوضك أحسن منها.

[عبدالرحمن2]

حسبي الله عليه ونعم الوكيل ان شاء الله ترجع لك سالمة ياربي
وعليك بالدعاء عليه في الصلاة وفي الليل

[كامري الشيوخ]

حسبي الله على السارق

اتمنى منك وضع صورة للسيارة ان امكن عشان ترسخ بالذاكرة اكثر

[حوشان]

ياحبيبي تبي تطلع موترك

دق على 990 .. وقل شفت واحدملتحي وسرق سيارتي قدامي

ان ماجتك بـ نص ساعه .. ماكون انا حوشان

تحياتي

[بوزامل2000]

حتى لو احنا في منهاتن ....

آلاف السيارات تسرق سنويا بالمنطقة الشرقية
الشرطة تسوي اللي عليها لكن السيارة اذا دخلوها مزرعة وهات تشليح .. ماذا يعملون ؟؟

[MR.EbraheeM]

الله يعينك اخوي ويرجع لك سيارتك سالمة وينتقم لك من الي سرقها

حسبنا الله ونعم الوكيل ,, والله اني انقهرت لك اقسم بالله شي يقهر " الله لايوفق الي سرقها "

عليك بالدعاء ترى دعوة المظلوم لاترد وان كانك مخطي على احد رح تسامح منه

والله يرفجها بأقرب وقت ..

[zoom_833]

لا حول ولا قوة الا بالله ..

قسم بالله هذا انسان عار على المجتمع والله .. ياخي مسلم .. اسم مسلم .. يحمل راية الاسلام ..

ويسوي هالعملة بالوقت الكريم وقت اجابة الدعوه ؟؟؟

ياخي وش هالناس هذي ؟؟ وش هالهمجيه ؟؟؟

لا حول ولا قوة الا بالله


الله يردها لك سااالمه

وادع الله: (( اللهم رد علي ضالتي ))

اعانك الله ...

[zoom_833]

ياحبيبي تبي تطلع موترك

دق على 990 .. وقل شفت واحدملتحي وسرق سيارتي قدامي

ان ماجتك بـ نص ساعه .. ماكون انا حوشان

تحياتي


للاسف كلامك صيحيح ..

مره واحد اعرفه انسرقت منه سيارته .. كرسيدا ..

عل ايام الاحداث اللي صايره ..

عاد مسيكين هو حاته الماديه صعبه ..


والله دق على 990 .. بعد نص ساعه تزيد او تنقص شوي .. دقو عليه قال تعال استلم السياره لقوها ببرحه مرميه ..

والله يا شباب نص ساعه ..

[السعودي الاول]

لاحول ولا قوة الا بالله الله يجازيهم على هلفعال ويرد سيارتك سالمة انشاء الله الصراحة خبر مؤثر والله ياخوي من كلامك حسيت انها سيارتي وابشر انشاء الله نشوفها وعيونا مفتوحة على كل الاكوردات الله يمكنا منهم انشاء الله اخوي والله يعوض عليك .....

[sulaiman_sulaim]

يا شباب .. مثل ما الكل وقف معاي و ماتركني و دعاني ..
واجب علي الحين اني اشكركم جميع .. واشكر دعواتكم لي يالغالين ...
الحمد و الشكر لله الكريم .. السياره الشرطه لقتها .. في ع شارع بقيق ..اليوم العصر .. واساسا ما عممو ع السياره الا امس بس ..
حسبي الله ع الي اخذها راح و فحط فيها و صدم بسياره من كل جهه .. حتي سبير السياره استخدمه !!
مصدومه من جهه السايق و من قدام و عند الرفرف ..حسبي الله عليهم ..
والفلوس طبعا اخذوها واخذو كل شي بالسياره كان ..
و الحين ان شاء الله اشوف التامين عشان تصليح السياره ..
الف شكر لكم جميعا .. و حسبي الله و نعم الوكيل ..

[hathoof]

اخوي اولا الحمدلله انك وجدت السيارة وحسبي الله عليه وان شاء الله تنكسر ايده
ويعذبه بالدنيا قبل الاخرة وان شاء تشوفه وتتشمت فيه

اخوي ان شاء الله السيارة تتصلح وانها تكون قد دفعت عنك مصيبة اكبر ويأجرك الله في مصيبتك

والسيارة تروح وتجي اهم شي انك حصلتها

والله هالشهر فضيل ورب هالشهر كريم ما راح ينساك حاشا لله

ادعوا اللهبس

وعساها تكون مغفرة لكل ذنوبك

تحياتي،،

[دحيم الفزعه]

الحمدلله رب العالمين انك ولقيتها بصراحه منقهر كنت يعني بصراحه شي ينرفز الواحد

واشوف السرقات هل ايام زايده الله يعذب كل سارق

والله الموفق..

[KYRON]

الحمد لله على كل حال وشكراً لما عمله المرور في إيجاد السيارة المسروقة، ولعل هذا درس لنا جميعاً في عدم ترك السيارة وهي تعمل على الإطلاق في أي مكان.


شكراً على نقل تجربتك أخي العزيز.


الموضوع مغلق.