أسوأ و أحسن سيارة اقتنيتها

[بوزامل2000]

اخواني وش رايكم ذكر أسوأ تجربة ( اقتناء سيارة ) مع ذكر السبب

بعد ذلك نذكر أفضل السيارات
الهدف : عمل استقصاء بنوعية السيارات الجيدة من غيرها لاسيما الصيانة

*************************

بالنسبة لي :

الأسوأ : فنشر شفرليت 2001 -- كثرة أعطال الكهرباء والمراح

الأحسن : كرون فكتوريا 99 - اقتصادية:emot30:

[arabicizing]

الى الآن ماصارت عندنا سيارة امريكة سيئة

كله ماركيزات فوق التوب

وجارنا عنده 8 ماركيزات وفكتوريات خليط

[hathoof]

للحين ما عندنا إلا سيارة وحدة وهي الكورلا

ممتازة في الصيانة واعطالها قليل على الرغم من مشاكل السواق اللي يسوقوها ما شاء الله

تحياتي،،،

[mercury gs]

ماركيز وبس:emot3:

[أبـــوبـــدران]

لم اجرب اكثر من سيارتي او ثلاث !

يعني ما اقدر افيدك .

والحمدلله مرتاح مع سيارتي . سوناتا

وشاكر لك طرح الموضوع

.
.

[arabicizing]

توي منتبه الى لقسم العام

فكرت حق الأمريكي بس

عموما معنا الماكسيما جديد وقديم 94 و 2004 ولوريل L موديل 85 والحمد لله ماشفنا الا كل خير

لكن سيارة تتعبك الا هي المكس 94 قطع غيار غير متوفرة يعني مثلا صوفات حقت القير مي متوفرة وغيرها

[tala55]

((((((((محلا الشفر محلاه))))))))

والله انا معي كابرس 96 وماشاء الله عليه

ماشتكيت منه

[N-xterra]

أنا جربت الى يومك 21 وسيلة مواصلات في 15 سنه
وهي كالتالي:
سيكل حجم 12 ظل عندي 3 سنوات
سيكل حجم 16 ظل عندي سنتين
نيسان بكب غمارة 86 وهي أول يارة اشتريتها سنة 89 م ب 14 ألف
مرسيدس بنز 280 موديل 83 اشتريتها بايام العز ب 48 ألف
نيسان بكب 90 فكيتها وكالة
لاندكروزر جي اكس 91 فكيتها وكالة
سوبر سفاري 92 ربع خليجي من دبي
مرسدس بنز 86 حجم 300 جفالي مستعمل
لكزس 92 حجم 400 سنة 93 م اشتريتها من معرض الحمزة ب 90 ألف
مرسدس بنز 260 موديل 90 مخزن جفالي بمبلغ وقدره
بعدين رجعنا لأم عزيز ددسن 98 فل كامل قعدت معي 4 شهور وانقشعت مع الوجه
جيب تويوتا حوض 97 خليجي قعد معي سنة مشى فيها 120 ألف ومانزل إلى 12 ألف عند البيع
سفاري 2 مويل 98 فكيتة وكالة ونعم الموتر
سوبر سفاري 99 مستعمل أخو الجديد
هايلوكس 2003 جديد فل كامل
ايسوزو 2004 ديماكس وكالة
مرسدس 560 فل كامل موديل 91 سيارة طرب وقوة
فورد فكتوريا 99 سعودي
وبعد طفرة الأسهم لند كروزر 2001 مستعمل ماشي 60 ألف لكن طلع الموتر خرطي وبالأخير طلع فيه صوت العكوس الأمامية وبعناه
تمت الخسارة في الأسهم وانتقلت الى
فورد 89 بمبلغ 3500 ومشى معاي سنتين زي العسل وبعدها لفض أنفاسه الأخيرة على الدائري الشمالي في يوم مشمس قد اشد فيه الزحام وانقرضت فيه السطحات عن الوجود والطريف أن السياره إنباعت في المكان اللي هي اتعطات فيه
بعدين وبعد سداد معظم الديون ولله الحمد استطعت اشتري نيسان اكستيرا وكالة 2008

نجي عاد للتقييم

المرسدس :
أمان - قوة - يحتاج الى صيانة دورية كل 4 او 3 شهور ومشاكل الحرارة فية لاتنتهي والمكيف فيه حظوظ - قطع الغيار قيمتها حسب الموديل كل ماكان \احدث ارتفع السعر ولكن المتوسط شبه غالي

الأسوزو:
لا يحتاج صيانة وقطع غيارة مقارنة بالتويوتا والنيسان أرخص بكثير وسيارة عملية وقوية

النيسان:
سيارة هدوء - وسيارة مكده - ونادرا ماتعطل - قطع الغيار غالية نسبيا - ولكن متى تخرب - فيها قوة المحركات والعملية وإجمالا هي أفضل السيارات استخداما

التويوتا:
تعطيك الإحساس بالقوة الجبارة ولكن المشكلة أنه مجرد إحساس - قطع الغيار غالية جدا مماثلة للنيسان والمصيبة أن معضمها يباع في الوكالة وهو غير أصلي - حصلت معي مرتين مرة في رديتر الهايلوكس ومرة في سلف اللند - أكثر السيارات اليابانية أعطال - يمسك سعره عند البيع ليش ما أدري - التوظيب فيه صعب ينجح وضبت اللند مرتين وبعد الثالثه بعته مباشرة - يكلف توظيب المحرك 5500 ريال والباترول 4000 ريال

الفورد:
من ورشة لورشه - البريك خرطي - المكيف كثير المشاكل - قطع الغيار ليست مكلفة جدا وفي متناول الجميع - سيارة راحة - لكن ماتظمنها في السفريات الطويلة لما تكون ماشيه فوق ال 200 ألف

رحلتي مع وسائل المواصلات

وتحياتي الحارة

[ababidoo]

جربت عشرات السيارات ...



أسواء سيارة في حياتي الفولفو وقد كانت بخاخات ، كانت عقوبة من ربي والحمدلله الذي خلصني منها,,,,



وأجمل سيارة أمتلكتها كراون سوبر صالون .....



طبعاً أنا لا أتكلم عن سياراتي الحالية....

[نيسان للأبد]

Seamier car lumina ss
While
Best car Ford Crown Victoria

[نـاصر]

هايلكس وطلع فيني الشيب ..كل يوم خراب ..

والسوناتا الحمد لله مااشتكيت منها

[مهجول زهران]

مرسدس بنز وبس 86

[بوزامل2000]

أشكر لكل من شارك وأفاد

الفولفو سيارة ولا أسوأ

[MARLBORO]

أفضل سيارة جربتها لكزس 400

أسوأ سيارة الله يبعدكم عنها هي البيئم موديل 95 الفئة السابعة إذا تبغى تشتري وحدة راسلني عالخاص
وأقولك قصص وحكايات إفتح يا سمسم كبوتك نحن الـ****..عشان تشوف حوسة وتعقيدات بالداخل وقصص أطفال على كل قطعة غيرتها

وسلامتكم

[سمير بوحه]

التويوتا:
تعطيك الإحساس بالقوة الجبارة ولكن المشكلة أنه مجرد إحساس - قطع الغيار غالية جدا مماثلة للنيسان والمصيبة أن معضمها يباع في الوكالة وهو غير أصلي - حصلت معي مرتين مرة في رديتر الهايلوكس ومرة في سلف اللند - أكثر السيارات اليابانية أعطال - يمسك سعره عند البيع ليش ما أدري - التوظيب فيه صعب ينجح وضبت اللند مرتين وبعد الثالثه بعته مباشرة - يكلف توظيب المحرك 5500 ريال والباترول 4000 ريال



صحيح توهمك بقوتها وهيبتها واذا اشعرت انك راضي عنها تبدا تتعطل
والقطع بالفعل غاليه ومع هذا الناس تقول رخيصه وهم ماشيكو على اسعار السيارات الثانيه
ومسكة السعر ترا الناس خلوها كذا ولا انا بالنسبه لي
ما اشتري سياره مستعمل باكثر من 50% من سعرها الاساسي
واصل انا ما اشتري مستعمل نهائيا

[الانيـق]

N-xterra (http://www.assayyarat.com/forums/member.php?u=112018) رد حلو شكلك كاتب في مذكراتك كل الاشياء اللي امتلكتها خخخخ

بالنسبه لي امتلكت سيارتين :
كابرس 91 قعد معاي 6 شهور وواجهت مشاكل في البطاريه والدينمو وياكم خلص البنزين علي

الثانيه وهي الافيو 2004 ما شاء الله تبارك الله قعدت معاي سنه تقريبا [ سيارتي الحاليه ]
كل اللي سويته حطيت فيها ماء رديتور مره وحده وماء مساحات وبنزين والسيارة ما شاء الله تبارك الله وانصح فيها للي يبغى سيارة صغيره

[بندر محمد]

السلام عليكم ورحمة الله وبركاته
أخي N-xterra (http://www.assayyarat.com/forums/member.php?u=112018)
كلامك يدل على أنك محلل سياسي هههههههههه .
ماشاء الله عليك كلامك جميل ، والصراحه أنت راعي تجارب وتقدر تفيد غيرك لكن أنا عندي سؤال لوسمحت أنت أمتدحت الأسوزو قلت عنها أنها :
لا تحتاج صيانة وقطع غياره مقارنة بالتويوتا والنيسان أرخص بكثير وسيارة عملية وقوية
فكيف في النهاية أشتريت نيسان .

[A L H A M O O R]

أسوا سيارة جربتها كاديلاك ديفل 2000

وافضل سيارة جمس سوبربان 2005 وجمس سييرا 2008

[M S H 3 L]

أفظل سيارة جربتها :: جيب شيروكي 93 م <<< قوية صح .... لكن والله إنه موتر
وهوندا أكورد 2008 <<< الله يعطينا خيرها ويكفينا شرها ....
وجمس سوبربان 2001 <<< موتر إعتمادي ومن جميع النواحي متميز

تقبل تحيات أخوك مشعل :)

[a b c d]

الاسواء>>>>>> بليزر شفر

الافضل>>>>>> ماركيز فورد

[a7ad_11]

مَن تجربة اسوء سيارة الكاديلاك..........مَا في اكثر مَن خراباتها.....ومَافي اغلا مَن قطع غيارها......ومَا في اسوء مَن وكيلها......وفضل سيارة لا يوجد(وجهة نظر).....

[بوزامل2000]

يعني الكاديلاك سيء ... على فكرة هل له موديلات جديدة

[ttoo]

السيارات الممتازة::::


1--((اول شي الملكة ماركيييز موديل 91 )))<<<<<<<<<< (( سيارة كرف كرف كرف كرف بمعنى الكلمة وكانت ماشية 366 الف كيلو تقريبا ((كثير صح))... وسيارة يعتمد عليها والله طلعنا ريحتها واتعلمان عليها السواقة كل افراد العائلة ياراجل تصدق حتى عيال الجيران اتعلمو عليها ههههههههههاااي..

2-- ((هوندا اوديسي 2001)) <<<< سيارة كانت عملية وسفريات ماخيلنا مكان الا راحته كل انحاء المملكة والامارات و و و الا ان جا القدر ورااااح القير ((الجير بوكس)) وقيمته مكلفة وصلحناها وبعناها....


اما الان نمتلك :
1- لنكولن تاون كار 2002 << الله يعطيني خيره ويكفيني شره.
2- فورد اكسبديشن 2008 << الله يعطينا خيره ويكفينا شره.

[abo sirag]

موضوع جميل

اسؤء سيارة اقتنيناها مازدا 626 بوكس موديل 93 م يا كثر الخرابات وبالاخص القير كان اوتو

ودائما تخرب علينا حتى بعد ماغيرنا الجير بوكس الى قير عادي برضوا ما ارتحنا الى ان بعناها ...

افضل سيارة تويوتا فورتشنر 2008 قير اوتو برضوا ما اقدر احكم عليها الا بعد خمس سنوات على

الاقل ..

اسوأ سيارة مرت بحياتي افيو 2006 ايجار ولسى العداد 2000 كلم لا يوجد عزم ولا رساوة ولا اي شي.

افضل سيارة سقتها في حياتي كامري موديل 94 او 95 ماشاء الله مكيف تقول ثلج واهم شي استجابة

المحرك للسرعة .. ماشاء الله اول ما تدعس على البنزين على طول الار بي ام تطلع لفوق مع انها 4 سلندر

لكن عزما زي 6 سلندر ...

والسلام عليكم ..

[president]

بصراحة انا جربت الفينشر وبصراحة مررررة متعبة من ناحية الاعطال الكهربائية

ما في زي الفوووووووووووووورد