((( سؤال : ليش الواحد مايصلح سيارته الا اذا يبغى يبيعها ؟؟؟ )))

[فكتر]

بسم الله الرحمن الرحيم



السلام عليكم ورحمة الله وبركاته










السؤال واضح





ليش اذا كنت رايح تبيع سيارتك تصلحها ؟؟؟؟؟


يعني اذا كان فيه اصطب مكسور والا لمبه محروقه والا تهريب فالمكينه ................ الخ


ماتصلحها الا اذا تبي تبيعها


ليه ماصلحتها وانت تستخدمها يعني تصلحها لنفسك وهي سيارتك ؟؟؟؟




نبغى ارائكم حول هذا الموضوع .



اخوكم فكتر...

[* ابو باسل *]

&&&&&&&&&&

عني انا شخصيا على طول اصلح اي شي يخرب فيها واي صوت اسمعه على الفحص على طول

[سمير بوحه]

عشان يزيد سعرها انا سيارتي كانت انوارها ولا بريال لمعت الانوار وعسلت السياره كامل ولمعتها وحطيت الطياس وشيكت على المحركات وكل شي وتالي وقتها وحطيت للبيع هههههه
بس تبي الصدق اذا ماسويت كذا ماتجيب سعر هههههه

[hathoof]

انا علطول اي شي يصير بالسيارة اسويه خصوصا شكله الوالد ما يبي يبيع السيارة


تحياتي،،،،

[أبـــوبـــدران]

ولله وانا اخوك لازم تكون صيانه منتظمه للسياره .. وبأستمرار وبشكل دوري

اما عن فكرة إصلاح السياره قبل بيعها فهذه لاتعجبني ..

الا في حالات مثل : اصطب على قولتك . ولا تلميع . ولا شي بسيط يعني ..

شاكر لك موضوعك وسؤالك الجميل

.
.

[Abu Ghada]

اذا كانه على كلامك الله يجزاه خير على الأقل صلح السيارة قبل البيعه ولا غش الناس أفضل من اللي يبيع السيارة وهي فيها مليون عيب ويقول مافيها شيء.

[كبادي]

والله ياخوي اي شيء يحصل في السياره على طول اصلحه اما فكره اصلح وابيع لا
بعدين صح لا جيت تبيع تغسل السياره تغير الزيت جديد واشياء روتنيه
لاكن انا ماعمري بعت في المعرض او حراج كلها في العمل علي العيال اصحابي
مره وحده شريت من الصاله بس
تــــــقبل تحياتي كبادي

[M S H 3 L]

والله عن نفسي وانا اخوك انا ما اشتري الموتر عشان الناس ولا عشان البيع .... !!
انا اشتري الموتر استخدام شخصي واي شئ يصير فيها على طول اصلحها واهتم بالسيارة من ناحية
الصيانة الدورية وغيرها والحمدلله ...... لكن فكرة إني مااهتم بالسيارة واخليها وسخة حتى من الداخل
فهذا الكلام ما أحبه .....
انا مع اخوي ابوبدران بخصوص انه إذا كانت محتاجه تنظيف او تلميع ....
بحيث يرفع سعر البيعه فلا بأس .....
تقبل إضافة أخوك مشعل .....

[صلقوط]

المشكله لاجاك واحد يصلح تجاري ماتقعد السياره شهر الا ترجع زي اول

وهذا انا اشوفه نوع من الغش!

[MARLBORO]

ببساطة هي الفكرة الخاطئة إنها للإستفادة القصوى من السيارة

[معي النترا]

والله عن نفسي وانا اخوك انا ما اشتري الموتر عشان الناس ولا عشان البيع .... !!
انا اشتري الموتر استخدام شخصي واي شئ يصير فيها على طول اصلحها واهتم بالسيارة من ناحية
الصيانة الدورية وغيرها والحمدلله ...... لكن فكرة إني مااهتم بالسيارة واخليها وسخة حتى من الداخل
فهذا الكلام ما أحبه .....
انا مع اخوي ابوبدران بخصوص انه إذا كانت محتاجه تنظيف او تلميع ....
بحيث يرفع سعر البيعه فلا بأس .....
تقبل إضافة أخوك مشعل .....

^ ^
نفس الكلام ما ازيد ولا حرف
..
ومشكور على هيك موضوع

[Rosr]

والله عني نفسي اصلح السياره لكي :
اولا: تجيب سعر
ثانياً: بعض الخربات صعب ان المشتري يطلع علتها قبل اسبوع فالبائع يصلحه لكي يريح المشتري من عناء البحث عن علت الخراب المكلفه
ثالثا:ان الواحد اذا باع سيارته فاكيد انه يبغى يشتري سياره اخرى فيصلح السياره لتجنب ان المشتري ما يدعي عليه.

[فكتر]

اخواني الاعزاء الف شكر لكم جميعا على الردود

المشكلة اذا كانت السيارة مع صاحبها يهملها ومايصلح فيها شي

واذا جاء يبيع صلح تجاري عشان تجيب قيمه

وانا اشوف لو كان مهتم فيها طول الوقت لو جاء يبيعها تجيب اكثر لانها راح تكون فعلا نظيفه

والسيارة تبين نظافتها والاهتمام فيها بعكس لو اهملها وصلحها قبل البيع تعرف ان توها تصلحت

واكرر شكري على ردودكم الجيدة

وننتظر باقي الاراء من الاخوان الافاضل