طلب المشورة

[عبدالرحمن2008]

صباح الخير لجميع أعضاء المنتدى الغالين.....
بصراحه أنا لي فتره مجمع كم قرش أبي أشتري بها سياره جديده المبلغ اللي معي حوالي سبعين ألف وبإمكاني أدفه إلى ثمانين ألف بس المشكله إني أول مره أشتري سياره جديده في حياتي وماأدري وش أشتري قلت شكلي أبشتري فورد كروان فكتوريا 2008 الفئة اللي أقل من الفل كامل بس قالي أخوي أن الفورد مافيها كماليات واضافات جديده يعني 2008 زي 1999 يعني لهم سنوات وهم ماغيرو شي وش رايكم في اختياري ؟ وأبي رايكم في سياره أفضل إذا عندكم إختيار ثاني


تقبلوا خالص تحياتي

[Naif2008]

ذا تبغا نصيحة اخو خذلك يا
الألتيما او
الاكورد او
السوناتا

[عبدالرحمن2008]

الله يعطيك العافية يااخ سمير بوحه.......بس ماقلت لي وش رايك في الكراون فكتوريا؟؟؟

[أبـــوبـــدران]

ياهلا ومرحبا اخوي .. اقترح عدد من السيارات منها :

1- جراند ماركيز .

2- كيا اوبيروس .

3- هوندا اكورد .

4- هيونداي ازيرا .

5- تويوتا اوريون .

6- سـلامتك ..

وبالنسبه لرأيي الشخصي .. اشوف الأوبـيروس افضل الخيارات ..

وسعرها مناسب جدآ جدآ جدآ .. ولا خذ لك جراند ماركيز .. ولا اوريون ... شف اللي يريحك ..

وهذي بعض الصور للأوبيروس ..

http://www.global-autonews.com/upload/contents/imgfiles/97/1/30194_13_1.JPG

آآســـف لكبر الصــوره ..

http://www.global-autonews.com/upload/contents/imgfiles/97/1/30194_25_1.JPG

.

سعرها ياعزيزي تقريبآ بين .. 68,000 - 83,000 .. ومدري عن الأسعار الحين

وطبعآ انصحك في الفل .. وانصحك تروح الوكاله تركبها وتجربها .. صدقني بتعجبك ..

مكينه 3,8 .. 260 حصان .. 6 سرعات للقير .. ضمان 5 سنوات من المصنع .. .. .. الخ

وبالنسبه لرأيي بالكراون فيكتوريا ,, مثل كلام اخيك الله يحفظه ..

واذا معزم عليها شوف الجراند ماركيز (ميركوري)

وبالتوفيق ان شاء الله

.
.

[عبدالرحمن2008]

ماقصرت أخوي بدران والله يعطيك العافيه على هل الإقتراحات الجميلة



تقبل خالص تحياتي

[Genius_m]

دام انك ناوي على فورد , وفيه عندك مشكلة الشكل القديم ,,

شوف الجراند ماركيز |1|

السياره متغيره من عام 2006 للأفضل |1|

وهي من أفضل السيارات الموجوده حالياً بالنسبه لي :)

بالتوفيق ,,

تحياتي,,,

[Y A S S E R]

مشكلة الكراون فيكتوريا يالغالي انها تعيش اخر سنينها هي سنة بالكثير وبيتغيرشكلها او توقف انتاجها

لذلك انصحك بصرف النظر عنها
وفيه عندك خيارات حلوة وبعضها افضل
1-اكورد
2-التيما اربعة سريندل فل
3-الاوريون ستة سريندل



بالتوفيق يالغالي

[KYRON]

تم تحرير مسمى الموضوع

[أميرالقلوب]

أخوي عبدالرحمن شكلك طايح عند الفورد :)

إذا تبي نصيحتي خذ جراند ماركيز مستعمل استعمال خفيف أفضل من الفكتوريا

لأن عيب الفورد عموما يطيح كثير من سعره حق الوكاله

وانت إستخر وتوكل على الله

[MR.EbraheeM]

انا ارشح لك الأزيرا والأوريون

وعندك الفورتشنرV6 اذا كنت راعي بر وكرف

وبالتوفيق ..

[سمير بوحه]

انا انصحك في الازيرا لاني انا الان افكر ابيع سيارتي الكورلا وازيد عليها واشتري ازيرا