تجربتي مع تركيب شكمان ثاني للجراند ماركيز

[oO_SNOOPY_Oo]

السلام عليكم
اليوم حبيت انقل لكم تجربتي
في تركيب شكمان ثاني للجراند ماركيز
في البدايه
كانت فكرتي اني اروح للتشاليح
عشان ادور لي شكمان كامل مع حرف الاتش
واركبه للسيارهـ
وبالفعل رحت للتشاليح و دورت على شكمان
لاكن ذبحونا يوم قالوا اسعارهم صراحه فوق مرهـ
وهذا بس قطع من غير تركيب
قلت لا ماني مركب خلاص
والا يجيني اخوي الدمعه جزاهـ الله خير
ويقولي ترى المحلي او الوطني ممتاز
وشغل نظيف ولا يطلع صوت
في البدايه كنت متخوف من فكرة يرتفع صوت السيارهـ
وازعل منها بصراحه
لاكن بعد كلام اخوي الدمعه تشجعت
وقلت بسويها ونشوف وش يصير
ورحت عند واحد بصراحه فنان في الشكمانات
ورايح له بتوصيه من المكانيكي اللي اتعامل معاهـ
رحت حصلته جهز لي [ الأتش ] و جهز لي [ نهاية الشكمان ]
و الكنداسه وطبعا كله شغل محلي [ وطني ]


http://up4.m5zn.com/photos/00094/0TAX2VR4SCAX_th.jpg (http://up4.m5zn.com/0TAX2VR4SCAX/POTO______.jpg.html)


بعدها نزل تحت السيارهـ
وبدي يفك اللحام بالنار


http://up4.m5zn.com/photos/00094/QR9GNS6HWPHQ_th.jpg (http://up4.m5zn.com/QR9GNS6HWPHQ/POTO______.jpg.html)


هذا كله عشان يفك حرف [ الواي ]
اللي هو الشكمان القديم اللي يجي أساسا بالسيارهـ
ويستبدله بحرف [ الأتش ]
وهذا الفيديو يبين الرجال واسمه [ جمال ]
وهو يحاول يفك حرف [ الواي ]
مثل ما في الفيديو اللي راح تشوفونه هنا تحت


http://www.zshare.net/download/12321719a61dbe79/ (http://www.zshare.net/download/12321719a61dbe79/)


وبعد هالفيديو خلاص الرجال فك حرف [ الواي ]
وراح عشان يركب حرف [ الأتش ]
وبدي يقص الطرف عشان يكون بنفس المقاسات
زي ما تشوفوا في الفيديو الجاي


http://www.zshare.net/download/12321900011a9912/ (http://www.zshare.net/download/12321900011a9912/)


وبعدها خلاص ركب حرف [ الأتش ]
وهنا المقطع يبين حرف [ الأتش ] وهو راكب
على بدي السيارهـ من تحت وباقي الكنداسه
اللي هي راح تركب محل القطعتين المفصوله عن بعض
وهي اللي تكتم الصوت
وهذا المقطع يوضح لكم المقصود


http://www.zshare.net/download/12322186bd4ff650/ (http://www.zshare.net/download/12322186bd4ff650/)


وتبون الصراحه
ركب لي كنداسه جدا ممتازهـ وربي
صح شكلها مختلف عن شكل حقت بلدها
لاكن والله يا اخواني كاتمه الصوت على الاخر
يعني الصوت ابدا ما راتفع ولا شويه بالمرهـ
وهذا المقطع راح يوضح لكم كيف بعد ما كمل عملية تركيب الشكمان
الثاني و السيارهـ كانت في حالة تشغيل ارفعوا الصوت
عشان تشوفوا كيف صوت السيارهـ كان ناعم ولله الحمد
ولا كان عالي ابدا ابدا
والله يا اخواني الرجال شغل يدهـ مرهـ نظيف
وشي عدل صح شوفوا المقطع و اسمعوا الصوت
وقولوا [ ماشالله ]


http://www.zshare.net/download/123222259dd89adf/ (http://www.zshare.net/download/123222259dd89adf/)


وبكذا خلصنا موضوع
اضافة شكمان ثاني للجراند ماركيز
او للفورد كراون فيكتوريا
وهذا رابط لطريقة اضافة شكمان ثاني
مع تجربة اخوي الدمعه


http://www.assayyarat.com/forums/showthread.php?t=122962 (http://www.assayyarat.com/forums/showthread.php?t=122962)



الحين نجي للمفيد
اش حسيت في السيارهـ مع أضافة شكمان ثاني
اول شي بقولكم رأي واحد من خبراء الصيانه
واللي متخصصين في الفوردات خصوصا
قالي انا انصحك بشدهـ انك تركب
شكمان ثاني للسيارهـ عشان تريحها
وبضرب لكم مثل
الحين لو جبنا بالون [ نفيخه ]
ومليناهـ مويه و خرمنا خرم واحد فيها
كيف راح يكون تدفق المويه !!
راح يكون بسيط جدا
طيب لو خرمنا للبالون خرمين ؟
راح يزيد نسبة انسيابية المويه ونزولها
يعني بالعربي
المكينه ترتاح مع اضافة شكمان ثاني
وهذا شي طيب و مهم
و بالنسبه للعزم
فيه زيادهـ عزم بشكل ملحوظ
لاكن مو بدرجه كبيرهـ
يعني لا يجي أحد
ويقوم يفكر انه لو ضاف شكمان ثاني
يحسب ان السيارهـ راح تكون طيارهـ
وفي النهايه
اتمنى انكم استفدتوا من تجربتي
و سامحوني على الفيديو و الصور لانها
كلها من الجوال الكميرا بطاريتها كانت فاضيه


سنوبي

[MGM LS]

الله يعطيك العافيه ياغالي

موضوع جميل ومرتب ومنسق مجهود رائع اخوي

كان ودي أشوف الفيديو لكن الموقع اللي محمل عليه بطئ جداً وكأنه يعلق بتحرك بالشعره ؟

ما قلت لنا ياخوي كم كلفتك الشغله ؟

اخوي انا من المدينة ( وهذا جواب سؤالك بموضوعك الثاني ) :)

يعني جبنك متى لا نزلت المدينة عطني خبر وجرب معاك إذا ما أعطيتك X كبتل :D

وحياك الله يابعدي ,,,

[وي ر فورد 2006]

بيض الله وجهك على الموضوع الحلو انت والدمعه
خل الشمس تشرق واتجه لصناعية الثقبه وبس انت فاك دبات التلوث كلها الاربع
بس كيف الصرفيه عندك انشاء ماتكون تصرف
وكم كلفتك التركيب كامل

[oO_SNOOPY_Oo]

الدمعه


حياك الله اخوي
وياحيالله اهل المدينه
اجل تعطيني اكس كبيتل :D




وتسلم على المرور
والتعليق اخوي


وبالنسبه للتكلفه
كلفتني [ 500 ريال ]


وعلى فكرهـ
جرب الموقع في وقت ثاني ان شالله
يزبط معاك
وترى احجام التحميل بسيطه
يعني ما تاخذ وقت انشالله
بس اتوقع كان فيه مشكله بطء امس

[oO_SNOOPY_Oo]

اخوي
و ي ر فورد 2006

انا مو فاك الدبات الاربع كلها لا
انا فاك الدبات الخلفيه بس عشان صوت السيارهـ
ما يعلى كثير وعشان ترتاح السيارهـ شوي من الكتمه

و بعد هذا ركبت أو اضفت شكمان ثاني
واذا على صرفية البنزين
والله ما شفت اي فرق يعني
كني ما ركبت شكمان ثاني

والله اعلم


والتركيب زي ما قلت لأخوي الدمعه
كلفتني [ 500 ريال ]

قطع و شغل يد
يعني كل الشغله

[MGM LS]

جرب الموقع في وقت ثاني ان شالله
يزبط معاك
وترى احجام التحميل بسيطه
يعني ما تاخذ وقت انشالله
بس اتوقع كان فيه مشكله بطء امس
جربته اليوم واشتغل وشاهدت المقاطع وماشاء الله صحيح انه شوي غالي بـ 500 ريال

لكن من الظاهر لي أفضل بكثير من اللي ركبه لي بالنسبه للصوت ماشاء الله طبيعي وكأنها شكمان واحد

يعطيك العافيه تجربه ممتعه وجميلة وبالصور والفيديو ما ينقصها شئ

بارك الله فيك ياخوي

وبالتوفيق ,,,

[oO_SNOOPY_Oo]

حبيب قلبي الدمعه
حياك
صحيح غالي شوي
بس عجبني الشغل والله
والحمدلله على كل حال

[رفاهية فانتوم]

ثانكس ثانكس ثانكس

[A.M.G]

*تجربه مفيده*

*عضو مبدع*

*جهد تشكر عليه*

الله يعطيك العافيه

[oO_SNOOPY_Oo]

فانتوم

حياك ربي



اي ام جي

الله يسعدك
وحياك ربي

[faiselgg]

مشكوور اخوي والله يعطيك العافية وجار تركيب شكمان ثان للماركيز

[oO_SNOOPY_Oo]

حياك اخوي
وبالبركه عليك

[وي ر فورد 2006]

ارسلي رقم الورشه علشان ابرمج سيارتس ممكن

[oO_SNOOPY_Oo]

اليوم برسل لك الرقم اخوي
ابشر

[asadaf]

شكرا على الشرح

[oO_SNOOPY_Oo]

هلا حياك الله اخوي
ومنور

[فورد 2004]

طيب حبيبي اسنوبي لمبة التشك انجن ما تشتغل لو سويت الشكمان الثاني
مع العلم اني رحت لواحد قلي اسويها لك بـ 450 وبدون نار ولا شي بس فك مصامير وتركيب

[عشقي ماركيز]

بس لو ما تبيها تولع قله يركب الاحساس زي ما هو يعني يحفر في الدبة مكان الاحساس ويركبه مرة ثانية فقط

[S.A.L]

ماشاء الله من جد نفسي اعملها في الكابرس لك ن هناك من يقول انها تأثر على المكينة لان م الشركة اية واجد شكمان ؟؟؟ كيف

[oO_SNOOPY_Oo]

فورد 2004
انا لمبة الشيك انجن ما ولعت
عندك حلين الحل الاول انك ترجع تخلي الرجال
يركب لك الحساسات
والحل الثاني انك تبرمج السيارهـ سعودي
وسلامتك

اخوي اذا تبي تسويها على اي سيارهـ
يمديك تسويها
وما راح تأثر ولا شي على المكينه بأذن الله تعالى

[رفاهية فانتوم]

انا قاعد اعاني معاناة مع هالدبات
لمبة التشك انجن كانت مولعة بالماركيز 1995
فحصت بالكمبيوتر قالوا ماعندك شي بالسيارة غير دبات الرصاص
ولازم انك تلغيها وانها تضر السيارة و....و... الخ
فكيتها وركبت وطني كلفتني الشغلة 400 ريال
قلت لهم ركبوا الحساسات الاربع قالوا انها مانها فايدة
واسال الميكانيكي وراح يقولك نفس الكلام
سألت الميكانيكي قال لازم تركبها علشان تروح لمبة التشييك
وعلشان ( صرف البنزين ) ومافهمت النقطة الثانية
على العموم ايش النصيحة :
-هل اركب الحساسات
-او ابرمج السيارة للنظام السعودي
-او ادور دبات اللي تنباع بالوكالة بدون رصاص
ويقولون انها تيجي جاهزة بفتحات الحساس
ومايكون صوت السيارة واضح كما هو الحين
مع اني ماعندي فكرة عن سعرها
كل اللي ابغاه ان تروح لمبة التشييك
وينزل صوت السيارة اذا امكن
وشكر جزيل لك اخ سنووووبي على الموضوع

[oO_SNOOPY_Oo]

تبرمج السيارهـ على النظام السعودي
تروح لمبة التشيك انجن
لان في السعودي حساسات الدبات ماهي موجودهـ

وبالنسبه للصوت انا مغير والصوت كنه ما تغير
ولا صار مرتفع ابد
على حسب الشغل ياخوي اهم شي الشغل
وحاول تركب مواصير بفلاتر ما تبين الصوت وبس

[Naif.VIP]

مشكوووووووووووووووووووووووووور يعطيك الف الف عافيه :wink:

[مركيز 97]

الله يعطيك العافيه اخوي على الي قدمته من توضيح ومفيد