.. معـــلومات عــن أسعار الأزيــرا مع المواصفات ..

[A Z E E R A]

السلام عليكم ورحمة الله وبركاته ،

ثمّ أمّا بعد ،

في يوم الأربعاء الماضي بتاريخ 23-4-2008م ،

زرت وكالة هيونداي الوعلان اللي على طريق الملك فهد بـالرياض ،

استفسرت على عُجالة (< تعبت فيها ترا :D ) من أمري عن الأزيرا ،

الأزيرا تبدأ من 66000 ريال سعودي لفئة 2,7 ،

في الأصل رغبتي في الاستفسار كانت عن الـ 3.3 ،

تفاجأت بأن 3.3 5 فئات ،

تبدأ من 70 ألف وتنتهي بـ 95 ألف ريال سعودي ،

الفئة الأولى :
- القير أوتو ( جبت شي جديد صح :D )
- فتحة
- الإشارات على المرايا ، والمرايا كهربائية .
- المراتب مخمل
السعر : سبعون ألف ريال سعودي : ( 70000 ).

الفئة الثانية :
- مماثل لما سبق بالإضافة إلى :
- مثبت سرعة.
السعر : اثنان وسبعون ألف ريال سعودي :(72000).

اعتقد أن الفئتين الأوليتين مرتبة السائق فقط هي الكهربائية .

الفئة الثالثة :
- مماثل لما سبق بالإضافة إلى :
- المراتب كهربائية .
- جلد .
- حساسات .
السعر : سبعٌ وسبعون ألف وخمسمائة ريال سعودي : ( 77500).

الفئة الرابعة :
- مماثل لما سبق بالإضافة إلى :
- أنوار زينون .
- ستارة خلفية .
- ميموري سيت .( ذاكرة حفظ الوضعيات ).
السعر : سبعٌ وثمانون ألف ريال سعودي : ( 87000).

الفئة الخامسة والأخيرة :
-جميع ماسبق بالإضافة إلى :
- شاشة الملاحة .
السعر : خمس وتسعون ألف وخمسمائة ريال سعودي : ( 95500).

يمكن اني نسيت بعض الصفات ، بس اعذروني خذيت المواصفات على عُجالة من أمري ،

لكن ألا ترون أن الفروقات مبالغ فيها ،
يعني الفئة الأولى والثانية الفرق معقول لوجود مثبت السرعة ،
لكن بين الثانية والثالثة ، أترك لكم التعليق ،
المصيبة بين الثالثة والرابعة ، عشرة آلاف على وش ،؟، الفرق في الزنون والستارة الخلفية فقط ،؟
للمعلومية ترا سعر الزينون في الوكالة لـ 1500 ريال سعودي فقط لا غير ، .

أخيرا :

http://members.home.nl/godriespijkers/2005-156.jpg

سيــارة تستحــق كــل مايدفع لهـا من مبالغ ،
سيارة أثبتت أنها رائــعة ،
سيارة تفوقت على منافسيها ،

بإذن المولى ، قريبا سيتم العقد عليها ،

نأسف على سوء تنظيم الموضوع ،

دمتم بود!

[Microsoft]

تسلم على العٌجالة

:)

أنا مدري وش قصة تنوع الفئات عن الوعلان

هل هو تخبط في التسويق ولا عن دراية .!

* سؤال لأهل الشرقية .. هل الحال كذلك عندكم .؟

[vector]

لكن بين الثانية والثالثة ، أترك لكم التعليق ،
المصيبة بين الثالثة والرابعة ، عشرة آلاف على وش ،؟، الفرق في الزنون والستارة الخلفية فقط ،؟

أخوي فيه مواصفات كثير نسيت تقولها بين الفئتين هذي

الطبلون ليزر
المكيف الكتروني
حساس المطر
مسجل (6 سيديهات)
ESD
تعديل الدريكسون كهربائيا
خشب بالدريكسون
حساس لوزن الراكب وبالتالي تفعيل أو تعطيل الايرباق الجانبي (بعكس السياحي بمفتاح)

هذا اللي أذكره يمكن اكون ناسي شي


ويطيك العافية على المعلومات القيمة;)

[KSA-HEART]

يعطيك العافية بس ماتدري كم سعر الفل 3،8 ؟؟

[ازيرا 2006]

لكن بين الثانية والثالثة ، أترك لكم التعليق ،
المصيبة بين الثالثة والرابعة ، عشرة آلاف على وش ،؟، الفرق في الزنون والستارة الخلفية فقط ،؟
للمعلومية ترا سعر الزينون في الوكالة لـ 1500 ريال سعودي فقط لا غير ، .


اخوي صاحب الموضوع

من قالك ان الزينون ب 1500 صح فيه زنون عند الوكاله بهالسعر بس مو مثل زنون الازيرا فل كامل

لأن سعر زنون الازيرا الفل كامل 6000 او 7000 لأنه ألماني:rolleyes:

فأكيد تفرق بين الثالثه وغير طبلونها ونظام المراتب وحساسات المطر


ومن ناحيه سعر 3,8 فسعرها عند الوعلان 98 ألف طبعا مسوين عرض عليها

[vector]

لأن سعر زنون الازيرا الفل كامل 6000 او 7000 لأنه ألماني:rolleyes:

مو صحيح

سعر الإسطب الواحد بالزينون 1500 ريال

يعني اسطبين مع الزينون 3000 ريال

الله يديم الرخص|1|

[بــنــدر]

أخوي فيه مواصفات كثير نسيت تقولها بين الفئتين هذي

الطبلون ليزر
المكيف الكتروني
حساس المطر
مسجل (6 سيديهات)
ESD
تعديل الدريكسون كهربائيا
خشب بالدريكسون
حساس لوزن الراكب وبالتالي تفعيل أو تعطيل الايرباق الجانبي (بعكس السياحي بمفتاح)

هذا اللي أذكره يمكن اكون ناسي شي


ويطيك العافية على المعلومات القيمة;)

تصدق توي أدري عن الحساس حق المراتب بالنسبة لسيارتي لها مفتاح على الجنب تقفل الأكياس الهوائية الخاصة بالراكب الأمامي

بس ألاحظ على بعض الأزيرات طبعا مو عندنا الي أشوفها بالصور بالنت إنه جنب الساعة فيه لمبة حق الحزام للراكب الأمامي وهي العلامة حق الحزام ليش ماهي موجودة عندنا ولا بس للسيارة إذا كان فيها حساس



وأحب أضيف شكل جمالي للأزيرا تيجي للفل كامل مو كل الأزيرات الي فل كامل بعضها وهو زيك على الصدامات الأمامية والحلفية مثل الي في الأوبيروس
وهذا موجود بسيارتي
كمان الزيك الي على البيبان يختلف عن بعض الأزيرات


أخوك بندر

[بــنــدر]

نسيت أقول أنه في بعض الأزيرات الفل كامل يجي لون الصدامات من تحت لون أسود
مو نفس لون الهيكل
أما إلي فيك زيك بالصدامات يجي لون الصدامات من تحت نفس لون الهيكل
بالنسبة لي أنا نفس لون الهيكل

[Genius_m]

سعرها فيها (بالنسبه لمواصفاتها فقط :) )

الله يوفق الي نفسه فيها :rolleyes:

ويكفيه شرها ;)

تحياتي....

[Microsoft]

^ ^
إلا سؤال جربت تستأجرها كم يوم .؟

:)

[M.W4EVER]

شكرا لك فعلا معلومات قيمة واسمحلي بتعديل العنوان إلى معلومات عن أسعار الأزيرا مع المواصفات

[speeed1]

الهيونداي اسعاره تختلف كل شهر فروق كبيرة ومن وكيل الى آخر
وبشكل كبير وملحوظ

[معي النترا]

ياخي الازيرا ذي ماعرفت لها
مره سمعت انها وصلت ال110.000 هل هذا صحيح

[أبو خميس]

^^^^^^^^^^^^^^
هذا عــند النــاغي اللي بــ 110


وعلى فكــره عــند الوعلان الــ 3.3 الفل كامل بشاشة تجي بدون حساس مطر وسي دي واحــد
واللي بدون شاشة فل كامل تجي 6 سيديهات وحساس مطــر

[مغلي الزين]

الهيونداي اسعاره تختلف كل شهر فروق كبيرة ومن وكيل الى آخر

وبشكل كبير وملحوظ



يهمني ان اعرف ايهم ارخص مع مواصفات ممتازه
فلو كان هنا تحديث لعروضهم يكون افضل بكثييييير

[vector]

^^^^^^

من ناحية الأسعار الوعلان هو الأفضل|1|

[ACTION]

الي ب87 غاليه قياس ان محركها مازال3.3 لو رافعينه الى 3.8 ارشحه بقوه..

[ZAID ZAID]

حلوة مواصفات الازيرا


لكن من ناحية السانتافيه ما عندهم سالفة فى كوريا

تخيل فل كامل ما يجى عليها حساسات ولا تخزين وضعية الكراسى والدريكسون غير مخشب

مع انهم لو اهتموا فى مواصفاتها بتطلع حكاااااااااية

[أبوسدله]

ماشاء الله مواصفات كثيرة ورائعة مقارنه بسعرها الرخيص شكرا لموضوعك الجميل

[M.W4EVER]

الموضوع قديم والأسعار تغيرت لذا

الموضوع مغلق