يااااليت تفيدوووني ولله محتااااااار

[DarK PulsE]

السـلام عليـكم ..

أخـواني أبي شـوركم لأني محتااااااااااااااااااااار ودخـت من كثر السؤال ..

سلمكم الله أنا عندي مبلغ وبشـتري فيه موتر أذا الله كتب أن شاء الله
المبـلغ اللي معـاي :
50 ألف ..

حطيت في راسي مواتر واااااااااااااااااااجد بس فيني طبع أني كل ما مسكت موتر طلعت فيه عيوب وشلته
المهـم ..

صفيت لي على 3 مواتر .. هي :
أكـورد 2005
ألتيما 2005 أو 2006
أفالون 2004 أو 2003

- أكـورد 2005 :
طبعـا فل الأربعه سلندر " مثبت - 6 سيديات - مكيف ألكتروني - فتحه .. وباقي المواصفات ... "

الموديل هذا نزل بعده شكلين
والأكورد ماعليها كلاام أكرفها ولا تشكي وكل من سألته يقول من ناحيه الكرف والخرابات حط يديك ورجليك في مويه بااارده ..
بس !!
قطع الغـياااار نااااااااااااااااااااااااااااار وهذا شي معرووووف
يعني لو لا قدر الله صار للموتر حاجه بياكلها الواحد على راسه ..
لكن على كلام واحد أنك أذا شريت قطعه ماتتحسف عليها يعني تخدمك وتحلل فلوووسها وفلوووس الموتر

شـرااايكم ؟
________________________________
-ألتيما 2005 أو 2006
فل الـ6 سلندر " 6 سيديات - مثبت و تحكم مسجل من الدركسون - زينون - وفتحه ... وباقي المواصفات ... "
داااخ راسي من الناس اللي تتكلم عنها اللي يمدحها واللي يسبها ..
اللي سمعته أن معرووف أن النيسان يتفكك وأن الألتيما تفكك لكن كخرابات وكرف يمشي معاااك ويكرف لكن مو مثل الأكورد " هذا اللي سمعته "
قطع الغيار غاااليه بس ماهي مثل الأكورد أرخص بحوالي الـ 35 % تقريبا ..
من جوى أكبر من الأكورد وأريح بكثييير
قيادتها حلوووه وأثقل من غيرها بس فيه ناااس يسبوون قيادتها ..

شرااايكم ؟
________________________________
- الأفلون 2003 أو 2004
ولله ماعرف عن مواصفاتها شي اللي أعرفه أنها 6 سلندر وقطع غيارها حلووووه وتكرف وصيانتها حلوووه
بس عيبها من وجهت نظري أن شكلها قديييم شوي ..



أنتظر شوووركم ..........

[محتار 2008]

الاكورد !! وبس

الالتيما خرابات وفكفكه والافالون قديم!!


انا ارشح الاكورد ومبروك مقدما@

[A.M.G///]

بيني وبينك اذا على الخيارات الي انت حاطها اقولك
أكـورد 2005 وانت مغمض ;)
مع انها 4 سلندر لكن تفضل هوندا أكورد

وحبيت اعطيك خيار أخر بما انك شايل هم قطع الغيار وأسعاره

أقولك ليش ما تاخذ ( كراون فكتوريا أو جراند ماركيز ) موديلات 2004 - 2005

سيارة كرف وتتحمل ومريحة ورسمية.. وغير ذلك ما يهمك هو

اسعار قطع الغيار .. معقولة جداً ومناسبة |1|

وبالتوفيق لك مقدماً |3|

[DarK PulsE]

مشكوووورين على الموروووور و المشاركه
الأكووورد موتر أنا معجبني من ناحيه الشكل و المواصفااات
بس قطعه ولله العظيم تخوووووف الواحد
ولو أني موظف كان ممكن أخذها بس طااالب جااامعي لو جاها شي لا قدر الله باكلها على راااسي

الفوورد و الماركيز شيلها من القائمه مره
صح أنه كررف وقطع الغيار رخيصه
بس لا ميزات ولا شكل ولا رسااااوه وماااتنفع مرررره

يعطيكم العافيه وبنتظار تعليقاتكم

[نابولي89]

كراون فكتوريا أو جراند ماركيز ) جميع الموديلات

لاانصحك ابدا بها

الياباني وبس وخاصة ههوندا اكورد او كامري 2007

وموفقين انشاء الله

[الالتيما السودا]

أشتر الالتيما بس شرط تكون نظيفة

والله بتدعيلي انا سيارتي 2005 ماشيه اللحين 154 الف

وسيارة حقت كرف من جد مابقى مكان في السعودية ماراحت له الحجاز نجد الشمال الجنوب اللي تبي

وفي الخطوط رساوة وماتصرف بنزين ( اذا عبيت 95 )

واللي يقول لك تتفكك انا اقول له مع احترامي له نصاب

شف سيارتي وش جاها مني بس ولا تفكك فيها ولا شيء

والمكيف ماشاء الله ثلج ..... يعني السيارة ينشد بها الظهر

وانا حبيت اعطيك معلومات عنها بما أني مجربها وان كانك ماتبيها لا تاخذ الافلون لانها قديمه عليك بالاكورد

وموفق

[تركي الحارثي]

الاكورد وبسسسسسسسسس

[الالتيما السودا]

8
8

الاكورد صحيح حلوة بس قطعها غالية على الرجال ،،، النيسان ارخص بكثير من الهوندا

وبعدين فل كامل الالتيما يعني النور اوتو والزنون حقها مجنووووون ،، وفتحه ،، مسجل 6 سيديات + كاسيت

مرتبه السواق والراكب كهربائيه

رساوة في الخطوط + استهلاك للبنزين أقل

واذا لا سمح الله شفت سفتي اشتغل وراك ... أكتم لها بس وودع السفتي :D

[فكتوريا 95]

التيما و ان مغمض
اوماكس شرط النضافه

[DarK PulsE]

مشكوووووووووور ياشباب على التفااااااعل

الأكوورد ولله موووتر وفخاااامه وكرف وكل حااجه
بس قطع الغيار ترووع هذي المشكله :(

[MMK]

اخوي التيما
بس كل الي قال الامريكي ما ينفع هذا نصااااااااااب اخوي شفلك لنكون سيارة فخمة وفيها احسن الموصفات(كارتير) والله يوفقك

[techmate]

مع إنك ماتبغى الفورد, أنا اؤيد الفورد, بتلقاة بـ 50,000 موديل 2005 أو 2006.
إذا تبغى ياباني وأنت من سكان الدمام فية في معارض أبوحدرية (جزيرة السيارات وغيرة) ألتيما 2007 على الزيرو قير عادي بـ 48,000 وأوتوماتيك بـ 54,000.
وممكن تفكر في الكوري كيا-أوبتيما, عليها عرض تلقاها بـ 50,000 بمواصفات حلوة (أرجوك لاترد بالسلب إلا أنت زائر الوكالة ومجرب السيارة) تراها نفس قوة ومواصفات وأبعاد السوناتا بس أرخص بحوالي 10,000 علشان عليها عرض.

[الالتيما السودا]

الاوبتيما ان كانها جديده على يدك انا انصحك فيها بصراحه

بس ترى نسيت شغله انا

ذكرني فيها احد الاخوان

تحصل التيما جديده اصفار بحدود الـ50

تحصل 2005 مخزن او 2006 ممشاها قليل (( طبعاً للسته سلندر ))

واتركك من الاكورد يجيك واحد يصدمك وينحاش وتتورط بقطع غيارها اللي يبي لها ميزانيه دوله

مع اني ما اكرهه الاكورد بالعكس سياره حلوه بس مشكلتها القطع

بس حط في بالك النيسان قطع غياره مو رخيص رخص التويوتا

بس معتدله اسعارهم ..

وبالتوفيق ان شاء الله

ودور لك التيما جديده مخزنه احسن لك (( 2005 ))

تحصل بالراحه

[MR.EbraheeM]

اخوي انا انصحك بالإلتيما 2006 بالمواصفات الي ذكرتها

ومناحية الكرف ماعليها كلام تكرف ونص اما مناحية انها تتفكك هذي اول مرة اسمعها

منك لأني اعرف كم واحد عنده التيما ما تفككت ولاتنسى انها 6 سلندر يعني عز الطلب

وهذا رايي ومبروك مقدما ...

[عذب الاحاسيس]

50 الف تجيب سيارة جديدة ليش تروح للمستعمل

حط في بالك مهما يكون نظافة المستعمل لن يرقى للجديد حيطلب منك يعني ال 50 الف عطها سنة حتصير حاط زيادة 10 الاف ريال صيانة

نصيحة عليك بالمعارض تحصل سيارات مخزنة وكالة
خذلك التيما جديدة سوناتا

القاعدة تقول اكسنت جديدة ولا شبح مستعمل

تحياتي

[Genius_m]

-ألتيما 2005 أو 2006
فل الـ6 سلندر " 6 سيديات - مثبت و تحكم مسجل من الدركسون - زينون - وفتحه ... وباقي المواصفات ... "
داااخ راسي من الناس اللي تتكلم عنها اللي يمدحها واللي يسبها ..
اللي سمعته أن معرووف أن النيسان يتفكك وأن الألتيما تفكك لكن كخرابات وكرف يمشي معاااك ويكرف لكن مو مثل الأكورد " هذا اللي سمعته "
قطع الغيار غاااليه بس ماهي مثل الأكورد أرخص بحوالي الـ 35 % تقريبا ..
من جوى أكبر من الأكورد وأريح بكثييير
قيادتها حلوووه وأثقل من غيرها بس فيه ناااس يسبوون قيادتها ..

شرااايكم ؟



الالتيما تتفوق عليهم بمسافه كبيييييييييره....

الافالون خارج المنافسه لشكلها القديم...

اول شي انها 6 سلندر ....

مواصفاتها افضل....

اثبتهم وارساهم في الطريق...

عزل صوتي ممتاز.....

الالتيما اجددهم شكل (توه يتغير بس الاكورد تغير له سنتين) ...

يعني صراحه اذا خذيت الاكورد او الافالون بتندم بعد فتره (صدقني)

لو انك قايل التيما اربعه سلندر 2005 كان اقولك التيما وانت مغمض...

فكيف الـ،6سلندر ؟

تحياتي...

[ياباني محترف 99]

انصحك بالسونناتا 2007 او لانسر الجديدة اذا كان ولابد من المذكورة
انصحك بالالتيما 2006 بشرط النظافة والقير العادي افضل......

[speeed1]

حدد المواصفات اللي تبغاها
1- الالتيما محرك ممتاز جدا جدا ولكن المشكلة الوكيييييييييييييييييل
2- الاكورد ممتازة وسيارة كرف وقطع غيارها اظن الان انخفضت نوعا ما
3- شكل قديم والمواصفات عادية
ولا تنسى الاستخارة
تحياتي