مواصفات طالبها الوالد ( ممكن مساعدتكم وشوركم؟)

[pink rose]

السلام عليكم ورحمة الله وبركاته ..


مرحبا يا اخوان ،،


اول شي اشكر كل من دخل الموضوع واعطاني من وقته ،، و نيته المساعده ..

وللمشرفين ،، اعتذر اذا كان مكان الموضوع مو مناسب .!.



الوالد الله يسلمكم عزم يشتري سياره للسواق


وطالب فيها مواصفات معينه .. وانا بصراحه مالي بالسيارات ابدا
بحثت له ع النت وحاولت لكن ما حصلت بالموصفات المطلوبه ،،


المواصفات الي طالبها الوالد ..
يبغيها سياره ديزل ،، تكفي لـ 7 ركاب ،، تتحمل مسافات الخط ..
سعرها في حدود الـ 80 ألف..
مو مشكله لو كانت مستعمله .. لكن استعمال نظيــف
و ما يكون موديلها قديم ( اقل من 2004)


وشكلها حلو او ع الاقل مرتبه<< هذي من عندي ^_^


واذا فيه بها المواصفات مستعمل .. وش المعرض الي تنصحونا فيه ( بالرياض)؟


منتظره ردودكم ،،
ومشكورين مره ثانيه |75|

[big time]

فان هونداي H 1 ديزل اتوقع انسب سيارة

[ألتيما اليتيما]

السلام عليكم

أهلين أختي ...

بصراحه هي الخيارات لن تخرج تقريباً من اربع سيارات ...

1/ بريفيا (( تويوتا )) ..

2/ أوديسي (( هوندا )) ..

3/ جينديس (( ميتسوبيشي ))..

4/ H 1 ((هونداي )) ...

فأي واحد منهم يوفر جميع المتطلبات اللتي تقصديها ... سواء من ناحيه الجديد أو المستعمل ..

ولكن يضل شرط الديزل هو الذي تقريباً يُقنن الخيارات ...

(( وبيني وبينك البنزين أفضل مو زينه أوقف ورى الشاحنات كل ما هذا وخاصه في الخط ..

عندنا في السعوديه يبعدون الديزل كل البعد في الخطوط عن البنزين .. فتخيلي الموقف ...

صافين ورى شاحنتين تنتظرون الدور )) ..

ولكن هذي رغبه وهو أبخص فيها ...

فلا تخرجوا عن السيارات الأربع سواء بالديزل أو البنزين ..

تحيه طيبه

[alsa3eb]

بصراحه هي الخيارات لن تخرج تقريباً من اربع سيارات ...

1/ بريفيا (( تويوتا )) ..

2/ أوديسي (( هوندا )) ..

3/ جينديس (( ميتسوبيشي ))..

4/ H 1 ((هونداي )) ...




وانا مع هالسيارات وارشح الأوديسي بقووه بس ماتوقع ان يجي منها ديزل :eek:

واذكر ان سعرها كان 100 الف ريال او بزياده بسيطه بس سياره جميله جدا للعائله

[أبـو أنـس]

وعليكم السلام ورحمة الله وبركاتة

كان ودي والله أخدمك لاكن بخيار الديزل فأنـ لاعرف سيارات عائلية ديزل

[كابوووس]

أهلا و سهلا

أنا اللي شايفه والناس طايحين فيها (( كيا كرنفاااال ))

وارشح من خيارات الاخوااان
1- هوندا اوديسي .
2- الميتسوبيشي .
3- البريفيا .
4- الهونداااي ==> يا كرهي لها خخخخخخخخخ

وتقبلوووا فائق تحياتي وتقديري
دمتم بود

[محمود قاهره]

دعوني اقول رايي

وهي فعلا وعن جداره السياره التويوتا

جامده صحيح وناعمه وشكلها بالفعل رائع

[pink rose]

يعطيكم ألف عافيه على ردودكم وتفاعلكم

big time..
سويت بحث للهونداي مواصفاتها متوافقه مع مواصفات الوالد بس شكلها ما اعجبني =(
يعطيك العافيه ع مساعدتكـ اخوي وردكـ السريع ع الموضوع ما شاء الله لما حدثت الصفحه
حصلت ردكـ ،، بس ما حبيت اعلق قبل لا اشوف السياره واقرأ عنها..

,,

ألتيما اليتيما..
ما شاء الله متوصي بالرد والنصايح .. الله يجزاكـ خير
سويت بحث عن السيارات الي قلت عنها بس مالقيت عن الـ جينديس شي .!.
حصلت بس ميتسوبيشي غرانديس ما ادري اذا هي الي تقصدها او لا ،، بس اعجبني شكلها ..
ولا اعرفت اذا ممكن يجي منها ديزل او لا ..
الهوندا مثل ما قال اخوي الصعب انها بحوالى 100 .!.
بشاور الوالد و الله يكتب الي فيه الخير ..

,,

alsa3eb
تشكر أخوي على تواجدكـ .. و رح اخذ بنصيحتكـ أكيد ..
يعطيكـ العافيه ،،

,,

أبـو أنـس..
مشكور أخوي ،، الله يعطيكـ على قد نيتكـ ..

,,

كابوووس..
فعلا الـ كيا كرنفال شكلها مره حلو ..هل ممكن يجي منها ديزل؟
مشكور أخوي على تواجدكـ ..

,,

محمود قاهره..
نرحب أكيد برايكـ ،، تشكر على تواجدكـ أخوي

,,

الاحظ ان كل الخيارات الي قدمتوها هي سيارات عائليه ..
هل من الممكن توجد ها الموصفات بنوع آخر من السيارات ( مثل الجيوب!)
كلمت الوالد عن رأي اخوي "التيما اليتيما" بالديزل و كأنه بيتنازل عن ها الشرط ^_^
بس ما زال مفضله ،،لكن السعر ما تنازل عنه ..

منتظره ردودكم لو فيه خيارات أخرى غير السيارات العائليه
الوالد يقول عنها لو مشت على مطب قلبها << ما ادري من مقنعه بها الشي! ههههههه

[محتار 2008]

كامري للسواق حلوه 70000

اوجيب فورتشنر يبدا من 69000

كلهم تويوتا!

[techmate]

بهذا السعر وجديد وعائلي (يعني يركبون 6 أشخاص بمعزل عن السائق):

ديزل: هيونداي H1.
بنزين: كيا كارنيفال, تويوتا بريفيا, متسوبيشي غرانديس.

[MR.EbraheeM]

بصراحه هي الخيارات لن تخرج تقريباً من اربع سيارات ...

1/ بريفيا (( تويوتا )) ..

2/ أوديسي (( هوندا )) ..

3/ جينديس (( ميتسوبيشي ))..

4/ H 1 ((هونداي )) ...

فأي واحد منهم يوفر جميع المتطلبات اللتي تقصديها ... سواء من ناحيه الجديد أو المستعمل ..


كلا اخوي صحيح وهذي انسب السيارات واحسن الأربعة 1/ بريفيا (( تويوتا )) ..

بس انا ما اايد الديزل :D

لانه ثقيل وتحسين انج راكبه شاحنة مو فان ,,,

وشكرا ...

[Genius_m]

اذا جديد...

متسوبيشي جرانديس...

تويوتا بريفيا...

كيا كارنفال...

والجيوب سعرها غالي ما اتوقع تلقا بـ80 الف شي يكفي 7 اشخاص.....

وصراحه الكرنفال فيه مواصفات رائعه جدا وهو بحوالي 70 الف ريال بس كذا |1|

تحياتي...

[speeed1]

بالنسبة لخيار الديزل فيه رودوس من سانغ يونغ وفيه المواصفات المطلوبة بس شكله غريب شوي

واذا ما تبغا الديزل الافضل براي اذا كانت الميزانية 80
1-جرانديس متسوبيشي
2-فان كرايلسر
3-كيا كارنفال

وبانسبة لفان اتش ون ماهو حلو فان حق بضايع راي شخصي
تحياتي

[speeed1]

اذا تبغا جيوب في الفورتشنر بس ماعرف اذا كان 7 اشخاص و البرادو والتريل بليزر
تحياتي

[أمير الأشباح]

أسم فان الميتسوبيشي هو
جرانديس
Grandis

[X-Lean]

بالنسبة لخيار الديزل فيه رودوس من سانغ يونغ وفيه المواصفات المطلوبة بس شكله غريب شوي

واذا ما تبغا الديزل الافضل براي اذا كانت الميزانية 80
1-جرانديس متسوبيشي
2-فان كرايلسر
3-كيا كارنفال

وبانسبة لفان اتش ون ماهو حلو فان حق بضايع راي شخصي
تحياتي

فان كرايلسر ما انصح فيه بتاتا البته
مشاكله واجد
(اسأل مجرب ولا تسأل الوكيل *_* )



بالنسبه للجيب اتوقع جيب ايسوزو
بس ما ادري كم سعره
اتوقع بيعجب الوالد |1|

[اسد نجد]

فية سيارة تويوتا انوفا تكفي ثمان ركاب

سعرها جديد 60.000 وسيارة جميلة وانيقة وعملية

تجي جنوط كروم وكشافات

والمميز فيها انها دفع خلفي

لاكن مدري تجي ديزل او لا

[الالتيما السودا]

يحصل مستعمل جيب لاندكروزر موديل 2004 او 2005 او 2006 ديزل

حول الـ90 الف او اقل حسب نظافة السيارات

وماقدر احدد معرض صراحه بس يروح للمعارض يشوف له سيارة او يوصي شريطي يدور له