91 أو 95 ^_*......!

[عــ,,,ــووول]

السلام عليكم ورحمة الله وبركاته


مساء / صباح الخير كل حسب جووووهـٍٍٍٍ


يعطيكم العافية حبايب قلبي

عندي سؤال محيرني اللي هو بنزين ممتاز 91 و 95 وش الانسب لسيارات بشكل عام

انا معاي ازيرا 2007 وكنت بالخط السريع وكان معاي ولد عمي وجات الرينو الرياضيه المفغووصه <<< من وين جايبها هذي خخخخخ

المهم الا والرجال يبي يطارحني انا بصراحه استهزئت وضحكت وقلتله هذا الخط مشينا والله لين 200 وانا ماني قادر اجيبه نشيطه ما شاء الله

طليت بولد عمي قالي علشانك تعبي بنزين 91 جرب 95 وشوف وهو من ملاك الاوريون ويعبي 95 وبالكاتلوج مكتوب 91

سألت راعي المحطه قالي 95 ميه ميه احسن

سؤالي

1- اقدر اغير من 91 الى 95 وكيف ؟

2 - هل 91 او 95 افضل للمكينه بشكل عام ؟

3 - من الافضل في العزم ؟

فياليت اخواني الاعضاء عساكم عالقوة تفيدوني وتفيدون الجميع بهذا الموضوع

الا مو ياليت الا اللي عنده افاده غصبن عليه <<< خربها *_^

ويعطيكم العافية يارب

اخوكم

عسووولٍٍٍٍ

[Genius_m]

95 افضل ...........

تراني قاعد انقل من كتاب كيمياء :D ...

وهذا المكتوب...

البنزين (الجازولين):

....االتعريف (مو مهم :D ) الخ...

تعتمد جودته كوقود على نسب مركب : آيزو اوكتان في الخليط المكون له....فيما يعرف برقم الاوكتان.

عندما يكون رقم الاوكتان منخفضا فإن درجه احتراق الجازولين (البنزين) تكون ضعيفه, وتظهر اصوات الفرقعه التي تعمل على خفض قدره المكائن , ويتم تحسين درجه الاوكتان لرفع كفاءه الجازولين (البنزين) وتقليل الفرقعه او ازالتها (احس ان المقصود بالكلام هذا اصحاب الفورد :D ...

تعريف رقم الاوكتان : هو مقياس لقدره البنزين على مقاومه الاحتراق المبكر...

كل الكلام هذا يدل على ان بنزين اوكتان 95 افضل من اوكتان 91 .......

لانه على حسب الكتاب (الكيمياء :D ) كما زادت درجه الاوكتان زادت درجه احتراق الوقود وبالتالي ارتفاء اداء المرحك بالطبع واختفاء اصوات الفرقعه...

تحياتي...

[M.W4EVER]

هذا موضوع محير طبعا وبعدين لو سمحت لاتحط راسك براس الرينو
المفعوصة الكليو اللي 1600 سي سي تسارعها أقل من 7 ثواني واللي أكبر الميجان 280 حصان وتيربو فعشان كذا خلك بعيد

طبعا تبي تغير عبي 95 وانتهى الموضوع مع الوقت بينظف التانكي وبيصير كل اللي فيه 95
حق الوكالة قالي 95 أفضل وأعرف كثيرين قالوا لهم الوكالات 95 من ضمنهم هوندا أكورد ولومينا
بالنسبة للعزم في كم واحد في المنتدى سيارته ماكانت تجيب أكثر من 240 أو 250 وغيروا ل 95 على كلامهم وجابت 260 فأتوقع ان الأفضل 95 وانا بالنسبة لي ماطب سيارتي 91 ابد وبيجي مايكورسوفت حبيبنا والله يعينك بيلحس مخك (((هو يقول راسه ناشف ))) ههههههههه

تحياتي لك عسول وتحياتي لمايكورسوفت عشان يكون راضي علينا

[DaBDoB]

بالنسبة للامارات عندنا البترول
3 انواع
91 E plus
95 خصوصي
98 ممتاز

وصراحة الممتاز يعطي عزم للسياره

[عــ,,,ــووول]

يعطيكم العافية حبايب قلبي

جينسيس والله شكلك دافووور خخخخخخخخ

احب الكوري حبيب قلبي يسلمووو ياقمر

دبدوب الغالي دبدوب المنتدى ياخي مادري ليه ارتاحلك شكلي حبيتك خخخخخخخخخخخ

وعساكم عالقوة ياحلوين وبانتظار الباقين

اخوكم

عسووول

[Microsoft]

من يقول أن الـ95 أحسن << وإلا أحب الكوري .. :D

أخوي عسول أنا بأقول إلي أعرفه البنزين كله واحد الفرق بين الـ95 والـ91

هو نسبة الأوكتان في البنزين الأول نسبته 95 والثاني نسبته 91

طيب كيف نعرف أن السيارة الفلانية يناسبها الأوكتان الفلاني

هناك نقف جميعاً ونقرأ كتاب المطالعة << اعجبتني نقف .. :D

جميع كتالوجات سيارات هونداي تفيد بأن محركاتها

تحتاج إلى أوكتان 91 فأكثر .. |1|

* لاحظ (( فأكثر ))

وهذه تثبت قاعدة في البنزين بأن المحرك الذي يتقبل الـ91 يتقبل بشكل طبيعي الـ95

والعكس غير صحيح أي أن المحرك الذي يتقبل الـ95 لا يتقبل الـ91 على الأغلب .. :)


* أتمنى يكون الدرس واضح والإختبار بكرة .. :D

[عــ,,,ــووول]

يسلموووو مايكروسوووفت الغالي وعساني مانحرم من افاداتك ياغالي

واعرف من كلامك انه بأمكاني اعبي 95 بدون مشاكل

يعطيك العافية اخوي


اخوك

عسووول


^_*

[أبـــوبـــدران]

^^^^^^
بدون مشاكل ان شاء الله

بس تأكد ان التانكي فاضي للآاااخر من البنزين القديم 91

والله الموفق

.
.

ابــوبــدران

[techmate]

أعتقد أن بنزين 91 يفي بالغرض (إلا إذا ناوي قومات ومسابق :D )
حسب كتيب أرامكو (ماينفع لا كيمياء ولا مطالعة :D ) بنزين 95 للسيارات الأوروبية والسيارات إللي أقدم من موديل 1996. ممكن تزور الرابط التالي للفائدة:
http://www.assayyarat.com/forums/showthread.php?t=121748

[ZAID ZAID]

انا جربت الاثنين


حسيت مافيه فرق ملحوظ

[$$ أبو يحيى $$]

من واقع التجربة
الــــ95 أفضل بكثير |1|
ويطوووول ماهو زي الــــ91 يطير بسرعة
أنا جربت الــــ91 ثم رجعت للــــ95

أما لوعندنا بنزين 98 كان لوووووووووووووول|6|

[أبو عبدالعزيز]

والله حيرتونا ياشباب
أنا اللي أذكره أن في مدرس فيزياء تكلم بهذا الموضوع
وقال أن 95 أفضل بكل الأحوال
وإنه ينصح بعد فتره من إستخدام السيارة وكنت بالاساس تعبي 91 أنك تنقلها ل95 لأته يزيل جميع الترسبات بالمحرك
أنا بصراحه إلا الآن متردد بتغيير 91 تبعي.....
وبيني وبينكم ممكن باي لحظة أبدله ب 95
تحياتي لكم

[Microsoft]

إلي محتار أقوله

الـ91 أرخص لك وهو يناسب محركات هونداي وكيا طبعاً

وما عندك أي مشكلة بإذن الله

ولو إنك هامور :D .. ودك تستخدم الـ95 فما راح يضرك شيء

:cool:

[أبو خميس]

اللي يقــول أن الــ 95 أقــوى ولا يــصــرف غلــطان

أنا من النــاس اللي أفــجر للســياره ســرعه وقومــات

ومن يوم الأربــعاء إلى الخميس يكفيني تــانكي للـ 91

أما الــ 95
مره قررت أنــي أبدل من الــ 91 إلى 95

لــكن أكتشـــفت أنـــه يشـــرب شـــرب مو طبيــعي

واللي مــعي بالسيــاره لاحــظوو أن البنزيـــن راح في يوم واحــد وكان ذاك اليوم الأربــعاء

يعني الــ 91 يكفيني يومين من القومات والمطارحات
لكـــن الـ 95 ماكفــاني ألا يوم واحـــــد

[بلا حدود]

انا وسوست من الشباب وغيرت الى 95

بصراحه مالاحظت اي فرق الحين من ناحية هدوء المكينه زي مايقولون الشباب

اما الصرفيه احس انها زادت شي بسيط وانا اتوقع عشاني مغير البنزين وانلحست المكينه شوي ويبيلها فتره على ماتستوعب السالفه وقلت خلني اعطيها فرصه

اما العزم للحين ماجربته

[عــ,,,ــووول]

يعطيكم ربي العافيه يارب

وعساني مانحرم من هالتواجد وهاالطله الحلووووه

والف شكر للجميع

اخوكم

عسوولٍٍ

[gonzales]

طيب و الكيا كارنفال الفان ..يقبل 91؟

[to the endless]

والله حيرتونا ياشباب
أنا اللي أذكره أن في مدرس فيزياء تكلم بهذا الموضوع
وقال أن 95 أفضل بكل الأحوال
وإنه ينصح بعد فتره من إستخدام السيارة وكنت بالاساس تعبي 91 أنك تنقلها ل95 لأته يزيل جميع الترسبات بالمحرك
أنا بصراحه إلا الآن متردد بتغيير 91 تبعي.....
وبيني وبينكم ممكن باي لحظة أبدله ب 95
تحياتي لكم
نفس الكلام :confused:

[بــنــدر]

أخوي عسوول مثل ما هو مكتوب عندك بالكاتلوج ومثل ما قال اخوي مايكروسفت

أزيرا تاخذ 91 وأكثر
يعني لو عبيتها 95 مافي مضرةهذا اولا
الثاني احتراق 95 أفضل من 91 وهذا يعطيك اداء احسن للمحرك

[أبو عبدالعزيز]

والله ياشباب حيرتونى
شباب يقولون يفرق الأداء والهدوء والراحه
وشباب يقولون تفرق الصرفيه ناس تقول أقل وناس تقول أكثر
وشباب يقولون أفضل من جميع النواحي والوكيل ينصحني (الحاج علي رضا) ركب فقط 91 علشان لو لاسمح الله صارت عندك مشكله ما ياخذون إستخدامك للبنزين 95 حجه عليك .......!!!

والله إحترت
والوالد عنده أوبيروس 2008 ويقول لو ايش يصير ما عبيت غير 91

نبي الجواب الشافي من المستخدمين
وأبغى أعرف بكم تعبون فل وكم يمشيك من يوم ؟؟
تحياتي لكم
أبو عبدالعزيز

[Microsoft]

معليش يا شباب رجاءً

ياليت الواحد يتكلم عن معرفة بقراءة وإطلاع وليس تجربة فقط

لأن ظروف القيادة وأمور أخرى كثيرة جداً تأثر لذا

ما يصح إلا الصحيح إلي هو كلام الخبراء والمنتجين

والكلام إلي أقوله من الخبراء مهوب من راسي

الأوكتان (إلي عليه الكلام) مهمته تأخير توقيت الإنفجار

يعني مالها أي علاقة لا قريب ولا بعيد من الصرفية البنزين

هذي وحده

الثانية .. سيارات هونداي وكيا كلها محركاتها تقبل الـ91

من ناحية الصوت هذي ما بعد شفت كلام يجمد على الشارب

لكن ياليت محد يتكلم من تجربة شخصية عشان ما يضيع الواحد

:)

[pciagp]

انا معايا فولكس واجن قولف 99 ومكتوب في الكتالوج انه ممكن اعبي 91 او 95 مافي مشكلة بس حطو ملاحضة انه عند التعبئة ب 91 يقل الاداء بشيء بسيط (وانا كاني ملاحض البنزين يستهلك بسرعة في 91) مع ملاحضة انه موقع ارامكو يقول عبي 91
انا اشوف انه الواحد يمشي على الكتالوج احسله من التجارب

[عــ,,,ــووول]

يعطيكم العافية

انا على العموم مابقي على التانكي شي ويفضى وبجرب اذا شفتها مافيه فرق برجع على 91 واذا والله تغير الاداء والعزم والصرفيه بكمل وببلغكم باللي يصير

وعساني مانحرم من هالوجيه الطيبه

اخوكم

عسولٍٍ

^_*