مسابقه اكثر سيارة مشت بدون توضيب

[حسين 250]

السلام عليكم ورحمه الله وبركاته



حبيت اضيف على هذا المنتدى الأكثر من رائع موضوع جديد

(إذا مو جديد و مكرر أرجو التبليغ)

وهو كل عضو يقول كم سيارته او سياره استخدمها ماشيه

او كم اعلى ممشى قد وصله بدون توضيب المكينه لانص توضيب

ولا ربع ولا كامل يعني مكينه وكاله واعلى عضو رح يكون

اهو الفائز مع ذكر نوع السياره و سنه الصنع والمنطقه

المستخدمه السياره فيها....

وانا عن نفسي ابداء،
السياره:باترول نيسان
الموديل:90
المسافه المقتطعه:445الف كم |6|
المنطقه:الجنوب ابها وبسبب الجو البارد وفي الصيف جو حلو لا يستخدم المكيف إلى عند السفر|1|

على فكره انا اول مره اكتب موضوع يا ليت اذا فيه اي إضافه من احد الأعضاء يتفضل بها الموضوع موضوعه وله جزيل الشكر،،،..:rolleyes:

[نابولي89]

موضوعك جميل و
و لـــــــــــــــــــــــــــــــــــــــــــــــــ ـــــــكن

لاينفع عندنا هنا في هذه البلدان لكثرة الحسد و الحقد والبحلقه
فمن غير المعقول ان تبدي وتظهر محاسن ومميزات ونظافة سياراتك امام هؤلاء وهم كثر وكثير لللاسف

موضوعك مكانه منتديات ومعارض
اوروبا
وامريكا
حيث النفوس والنوايا الصافيه والصادقه والفطره التي مازالو عليها

شكرا وتحياتي

[almustalej]

http://www.toyota4arab.com/forum/up/20735/1196538358.gif
http://www.toyota4arab.com/forum/up/20735/1196538509.gif
وهاذي صورة السيارة فالمعرض

https://webmail.ksu.edu.sa/mail/mime.pl?file=image003-2.jpg

https://webmail.ksu.edu.sa/mail/mime.pl?file=image004-2.jpg

https://webmail.ksu.edu.sa/mail/mime.pl?file=image005.jpg

https://webmail.ksu.edu.sa/mail/mime.pl?file=image006.jpg

https://webmail.ksu.edu.sa/mail/mime.pl?file=image007.jpg

https://webmail.ksu.edu.sa/mail/mime.pl?file=image008-1.jpg

! ملاحظه !

السياره كانت تمشي فاليوم من 300 الى 400 كيلو (تاكسي) وتم تثمينها من صاحبها بـ 4000 دينار
يعني بالسعودي 52000 ريال تقريبا طبعا الوكاله لعبتها صح راح تستفيد من هالسياره دعايه للسياره ودعايه لخدمة الصيانه

[khaled888]

كانت عندي هوندا اكورد الفئة الوسط 350.000 كيلو موديل 98 ولله الحمد الى الان ماتعطل عندي

ولا شئ فالمكينة ماشاء الله

[صلقوط]

عندنا كابرس موديل 91 ماشيه فوق المليون وماوضبناها الا قبل سنه

[حسين 250]

اشكر كل الأخوان على ردودهم الجميله... وماشاء الله على ممشى سياراتهم
وانا كان هدفي من الموضوع مو التحدي بحد ذاته حبيت العب عليكم:D شفت منتديات المشاكل الفنيه مواضيعها قليله قلت لازم احل المشكله من ظهر الأعضاء المساكين:D :D
الحقيقه الهدف هو اني حبيت في النهايه اصلح احصائيه حسب ردود الأعضاء
يعني رح اكتشف في النهايه وش اجود انواع السيارات ووش تأثير البيئه المحيطه بالمحرك يعني منطقه ساحليه او جبليه او منطقه بارده او حاره و الرطوبه رح تحصلون انكم طلعتو بنتيجه حلوه جداً جداً
ولاكن في النهايه كل شخص من ابسط ابسط حقوقه خوفه على ممتلكاته ونفسه من العين فالعين حق
ولكم جزيل الشكر والعرفااااااان..|3|

[حسين 250]

كانت عندي هوندا اكورد الفئة الوسط 350.000 كيلو موديل 98 ولله الحمد الى الان ماتعطل عندي

ولا شئ فالمكينة ماشاء الله

انصحك بكره خلك قريب من الصناعيه:D :D

وصاحب الكابرس :eek: :eek: :eek: هاذي 3 عيون لأن سيارت تحتاج توضيب آخر:D

الله يهنيكم بركت سياراتكم والأنسان لا يقول انا ما اعين يا أخي قل ما شاء الله العين حق حتى سيارتك اذا اعجبك شي فيها قل ما شاء الله مايحسد المال إلى اصحابه...|3|

[صلقوط]

هههههههههههههه يارجال شبعت من العين كل مانصلح صدمه تنصدم مره ثانيه ههههههههههههه

[كربريتر]

انا معي كابرس صفر عداده مره ثانيه وخبط بعدها وضبته

[كربريتر]

واخبر واحد الي الحين مكينته شد بلد (قولو ماشاءالله)

[CLASSIC ¬»]

السلام عليكم ,,


عندي كابرس بكس 90 قبل سنة صفر عدادة والأن وصل حدود 260 ألف كيلو متر (ما شاء الله تبارك الله )

بس عندي جلد البلوف بدت تخرب والحمدلله >> بسيطة إن شاء الله

و الله يرزقنا وياكم الجنة

[الامير السجين]

اول شي قووولو ماشاءالله

عندنا جمس حووض موديل 88 مااشي حالين 600 الف مع العلم انه بالوقت الحالي يبغاله مكينه لنه تقريبن خبطت بس بصرااحه سياااره
وكانت عندي مكسيما 98 مشيت حدود 300 الف وبعتها والمكينه فها حيل تمشي 100 الف كماان

قووول ماااشاءالله تبارك الله العين حق

[3z algnob]

من ناحيتي سيارتي الفورد ماشي فوق 270 الف ما شاء الله تبارك الله

والموتر مختلف نفس القوه

وفيه واحد من اخوياي معاه فورد كراون فكتوريا ماشي 452 الف ميل يعني حوالي 700 الف كيلو

وبعدين قريت بنفس المنتدى سيارات فورد تعدو مليون ميل بدون توضيب نشكر صاحب الموضوع

شوف هالمواقع

http://www.millionmilevan.com/




http://media.ford.com/newsroom/relea...?release=15952 (http://media.ford.com/newsroom/relea...?release=15952)


http://www.crownvic.net/ubbthreads/u...43#Post1460343 (http://www.crownvic.net/ubbthreads/ubbthreads.php?ubb=showflat&Main=105847&Number=1460343#Post1460343)

http://media.ford.com/article_displa...ticle_id=24192 (http://media.ford.com/article_displa...ticle_id=24192)


من ناحية السيارات الاخرى ما استخدمت ولا اهتميت بالمشي

مودتيـ ..................!!!!

[mso]

ماشاء الله ..تمشون واجد :bigggrin:

عندنا هايلوكس 93 ماكمل الـ 170 الا ووضبنا مكينته:smilie20:


والثانيه هوندا اكورد 2006 ما مشت 80 الف الا وهي محترقه :a1120(121):

[say747]

عندي هوندا أكورد موديل 1983 إلى الآن ولله الحمد ما انفك موتورها وهي الحين واقفه في البيت للذكرى ومشيها أكثر من 400 ألف

[Majed20]

اكسنت مشت 20 الف وخبطت(انشعر الراس)

[ttoo]

السلام عليكم ....

ماشاء الله تبارك الله ..لكل الاعضاء الي ذكروا سياراتهم ...

وانا لازم اذكرلكم..العزيزة

جراند ماكيز موديل 90....مثل الي بالصورة ..
7
7
7


7
http://upload.wikimedia.org/wikipedia/commons/0/01/1988-91_Mercury_Grand_Marquis.jpg









ماشاء الله تبارك الله ... مشيناه
((422..الف كيلو ))) ..

للعلم بعناه...والمكينة والقير والدفرنس ..بحااالة ممتازة ..

الخرابات الي واجتهنا قبل البيع..((الطرمبة مرتين __هوبات+=فحمات __تلف اسلاك البواجي كاملة)) فقط...


لكن يعلم الله انها سيااااااااااااااارة....



والسيارة الثانية ..هوندا اوديسي 2002...((كانت ماشية 270 الف وبعناها ...لان القير انفرط 3 مراااات )))...


وتقبل تحياااتي ع الموضوع الراائع ...

[نفذان]

السلام عليكم ورحمة الله وبركاته

واحد من اقربائي عند هوندا اكورد موديل 95 ماشية 750 الف ماشاء الله تبارك الله

[arabicizing]

عندنا كابرس 89
قلب طبلونه مرتين والثالث جاية ان شاء الله

مكينة قير دفنرش شد بلد كل شئ فيه شد بلد

ماهو محتاج الا سمكره وكفرات وقماشات

لا اله الا الله

[اوريون فضي]

من خلال ماسبق يتضح ان مكائن شركة جي ام القديمة تتعدى المليون كلم
وكان عندنا كابرس 86 مشى وصفر العداد ومشى ل100 الف وبعدين خبط

[ولي العهد]

هايلكس 1990
ماشية حدود الـ 400 الف
ولكن موضبينها مرة وحده
وقبل شهر مغير لها الصدر واشياء معرف وش اسمها بصراحة

ولكن مااقول إلا الله يفكني منها << آآمين ههه

[فراس جي تي]

كان عندي جراند ماركيز 1992 ومشيت فيها 370 ألف وبعدين خرب العداد ، والله أعلم مشيت فيها فوق 250 ألف من يومها .. يعني على أقل تقدير 570 ألف كيلو .ز وبعدين وضبت جير وماكينة لنها صارت تنقص زيت كثير

التوضيب كان نص توضيب وكلف حوالي 3900 ريال مع الجير مع القطع والمخرطة وشغل اليد !

ثم مشيت بها حول 20 ألف وبعتها ! وشريت جولف جي تي أي 2006

[N-xterra]

أنا ياجماعة الخير من الناس اللي مترت الشرق الأوسط طول بعرض ووصلت بالسيارة الي الدول التالية:
1- دول مجلس التعاون الخليجي (كلها) طبعا بعظها أكثر من 10 مرات
2- الأردن مدري كم مرة
3- سوريا مدري كم مرة
4- تركيا مرتين
5- مصر مرة واحدة وبعدها حرمت

السيارات اللي استخدم الوالد:
1- ددسن 81 يوم تطيح السيارة وعدادها 51 ألف بعد المليون وظلت عندنا بمتحف المزرعة
2- جمس صالون 82 شكمانين بعناه سنة 94 أو 93 وكان العداد ناشب على 9999999 له سنين
وتم تغيير المكينة مرة وحدة لأن الوالد مايعرف توضيب يغيرها جديده كاملة وكذلك القير
3- جيب لندكروزر 91 ديزل يوم ينباع والعداد حوالي 470 ألف واتوظب مرة واحدة حصل المكينة غالية جدا السلندر لحاله وقتها كان ب 18 ألف أما الراس فإتغير الجرم بدون البلوف والأعمدة ب 6 آلاف


أما أنا :
1- جي إكس آر 95 انباع والعداد حدود ال 500 ألف وما اتوضب بس كل اللي حول المكينة اتغير
2- باترول 98 انباع والعداد 320 ألف
3- باترول 99 سوبر سفاري فوق 600 ألف أنواع صرفية البنزين
4- جي إكس آر 2002 230 ألف واتوظب 3 مرات وبيع بسبب هذه المشكة
5- ايسوزو دبل ديزل فوق ال 350 ألف بدون توظيب
6- كرسيدا 91 سته سلندر هبلت بأمي وظبت الراس 3 مرات وبرضوا ملزمة على الحرارة
7- باث فاندر 98 خليجي 250 ألف وبحالة الوكالة وصكة واحد عين قدامي وبكرا خبط (طاحت سبايكة) وتبدلت المكينة ب 4 آلاف
8- فورد فكتوريا 89 اتوضب مرة واحدة وانباع مخبط للمرة الثانية والعداد فوق ال 450 ألف
9- ددسن 91 ديزل مشت 280 ألف وخبطت مرة وحدة
10- متسوبيشي حوض موديل 92 ديزل اتوظبت 3 مرات وانباعت والعداد 190 ألف

طبعا اللستة الثانية بدون ترتيب لأني أسحب من الذاكرة واكتب

حياتي لكم

لاحول والله ياني متر أم الدنيا وأنا مادريت (اذكروا الله) المشاريع الزراعية وماوراها إلا الخساير والتعب وأهم شي التمتير اللي فوق حدة

لما كنت بتركيا عام 2005 ركبت باص مرسدس موديل 2004 ماشي 1.5 مليون كيلوا لين اليوم ماني مصدق!!!!!

[الحوسه]

الماركيز موديل 2000 حق اخوي مكروف في امريكا وحنا كملنا عليه الحين ماشي حوالي 350 الف والعداد يمشي يوميا 150 كيلو (كررررررررررررف) والظاهر كان في امريكا سيارة امن لأن انشوف اربع خروق مسامير في الطبلون واتوقع حق حامل الكنود وبعدين في سلك تحت المرتبة الخلفية كأنه سلك دش

[ميمون111]

موضوعك جميل و
و لـــــــــــــــــــــــــــــــــــــــــــــــــ ـــــــكن

لاينفع عندنا هنا في هذه البلدان لكثرة الحسد و الحقد والبحلقه
فمن غير المعقول ان تبدي وتظهر محاسن ومميزات ونظافة سياراتك امام هؤلاء وهم كثر وكثير لللاسف

موضوعك مكانه منتديات ومعارض
اوروبا
وامريكا
حيث النفوس والنوايا الصافيه والصادقه والفطره التي مازالو عليها

شكرا وتحياتي

لاتنسى اننا مسلمين وان الاسلام ينهى عن الحسد
ويبدوا انك متأثر بالغرب الصليبي

[termanatore]

السلام عليكم
عندي سياره اولدزموبيل موديل 1981 صفر عدادها ومشت زياده 500 يعني ماشي مليون وخمسمائة كيلو وللحين المتور شغال بس صار ثقيل وحاس انو باخر ايامه مع انو ما خلط زيت او خبط للحين ووالله انها سياره ماشالله
شكلي جبت الرقم القياسي فيها