ابشركم طلعت الازيرا من الصيانة ,,, لكن؟؟؟؟ [الأرشيف]

مشاهدة النسخة كاملة : ابشركم طلعت الازيرا من الصيانة ,,, لكن؟؟؟؟

محتار 2008

29-01-2008, 10:54 PM

السلام عليكم

ارجع لكم بعد ان خلصت الاختبارات ولله الحمد

ندخل في الموضوع ؛؛

طلعت الازيرا يوم الخميس والحمد لله تصلحت السيارة على الضمان وكان العطل (( حساسات القير))

لكن وانا راجع ولعت عندي لمبه في الطبلون حقت الايرباج!!! :confused:
انهبلت !!

ولكن لاني مرتبط بدوامات اهلي طنشت الموضوع وكملت وقلت السبت ارجع لهم

ويوم وصلت عند مكتب الوالده وضربت بوري وتفاجات ان البوري مايشتغل!!والله ان ضغظي وصلH

ورجعت لهم السبت والحمد لله صلحوه على حسابهم !!
والحمد لله صارت زي اول@@

سؤال لاصحاب الازيرا//// الفتحه تطلع صوت عند المطبات والهزات يوم وديتها الوكاله قالوا عادي مافيها مشكله ؟؟؟؟ هل هذا الشيء طبيعي والا لا؟؟

تقبلو تحياتي،،،،

بلا حدود

29-01-2008, 11:29 PM

عاشق السوسو

29-01-2008, 11:32 PM

الله يعينك , في هالحالة معروفة النتيجة ..

أرق تحية

soso159

29-01-2008, 11:34 PM

الله يعينك هذا الي بقووله

محتار 2008

29-01-2008, 11:56 PM

الله يعين ،،،

بيع مستحيل (( هذا كلام ابوي ))

لكن ربك يعين!!

DaBDoB

30-01-2008, 12:07 AM

اولا مبروووك رجوع المياه لمجاريها ورجوع السياره

ثانيا موضوع الفتحه انا عندي الفيراكروز نفس الشئ تحس الصوت مثل تكسر الزجاج صح ؟
عالعموم عادي الصوت ما اعرف هل هو من نوعية الزجاج المستعمل للفتحه ولا شئ ثاني

وسلام

بلا حدود

30-01-2008, 12:08 AM

والله نتمني لك الراحه وتفتك من همها

فرصه للبيع مدام السياره جديده وبعد تفتك من المشاكل الجايه يمكن تكون كبيره لا سمح الله

اما ابوك الله يطول بعمره راعي طويله الصراحه خخخخ

انا يوم قلت لأبوي لمبة الدرج طفت بغى ينزلها المعارض اليوم الثاني :D

بلا حدود

30-01-2008, 12:12 AM

محتار 2008

30-01-2008, 12:49 AM

انشالله بكلمة وبحاول اقنعه،،،

لكن وش في بديل سعره مايتعدى 110وتحتَ::

مشكورين وبالنسبة لاخوي دبدوب الصوت تقريبا نفس الي عندك ،،،

الوكاله تقول ان مثل سيارتي ( 3,8) نازله من 2006 صحيح هالكلام؟؟؟

الحين بيجون متعصبين الياباني وبيقولون هذا الكوري الله يعينا عليهم!!

LTZv6

30-01-2008, 12:51 AM

دبدوب

اذا قالو لك الصوت عادي لا تتركهم هم يبون الفكه ويدورون التصريف

انا ما اسمع صوت ابدا من الفتحه وانصحك تلزم على الوكاله بتصليحه

*كأن الشكاوي على هيونداي وكيا زايده هاليومين :confused:

ههههههههه
ملاحظ انا

بس بصراحة نمشي على الأغلبية

الأغلبية مرتاحة وماتشتكي

وأنا عندي اثنين من عيال خالتي
واحد عنده ازيرا واحد عند سوناتا وماشتكو منها إلى الحين الحمد لله ،،،

وأي شي في السيارة ويقولون لك طبيعي لاتسكـــــــــــــــت
والله هذي تصريفات الوكالة
إذا قالك طبيعي انقز على مديرهم على طول قوله السيارات الثانية مافيها نفس المشكلة ...

تحياتي ،،،

to the endless

30-01-2008, 01:27 AM

*/*

بصراحَة مستغربْ مِنْ الصوت اللي ظهر معكم في فتحة السقف إنتا وَ دبدوب ,,
راجعوا الوكالَة يا شباب السيارة ما فيها أي عيوب وَ أخطاء مصنعيّة ,,
ولله الحمد صارت لي مشكلة وحدة فقط مع السيارة والسبب سوء إستعمال للستارة الخلفية ,
تعلق عليهَا أخويا الصغير عمره 4 سنين وخرجت عن مسارها الطبيعي وغيرتهَا ع الضمَانْ ,
ومرة كنت ماشي 160 ك وشوفت مطب كبير الله لا يوريكم ع خط سريع ,
ضغط فرامل مني ومن الشيطان , وبسم الله ما شاء الله مافي أيّة مشاكل بس وسوس ليا الشيطان وحسيت في مشكلة وراجعتهم قالوا مافي مشاكل بس تبغانا نغيرلك الفرامل ابشر ,,
وطبعا طلبت تغييرها وزي ما هيا إبداااع ,,|1|

راجعوا الوكالة والعيوب المصنعية تصير في الألمَاني وبكثرة فما بالنا بشركة في مستهل طريقها للجودة والاقناع ,,
ودي

M.W4EVER

30-01-2008, 03:25 PM

أخوي محتار أقول شكل سيارتك فيها جني
ولله الحمد سيارتي ماشيه 116000 كم ولافيه أصوات ولاشي ياعين ياأنواع العيوب
روح الوكاله وعطهم العين الحمرا

محتار 2008

30-01-2008, 04:02 PM

يا خوي (( أحب الكوري ))

والله عطيتهم العين الحمراء والزرقاء وكل العيون لكن يقول صوت الفتحه طبيعي في السيارة وكان عنده سوناتا وفعلا طلع نفس الصوت

اتوقع سبب خراب سيارتي اني سافرت فيها عند الديره وزي ما انتو عارفين اي ديره تلاقي احسن سيارة عندهم كابريس تسعاوي فشكلهم ما قصروا

ديرتي ما اقدر اقول الا الله يحفظها!!

شكرا لك من رد على الموضوع!

&عاشق الليل&

30-01-2008, 05:08 PM

هذا طبيعي يا بو الشباب:D

أبو عبدالعزيز

30-01-2008, 05:57 PM

يابو الشباب سيارتك فيها بلاء

لا من جد الحين اقول لك بيع ثم بيع ثم بيع

ياعين او ان البلاوي المصنعيه تجمعت فيها

ولا شي من اللي تقوله شفته بموتري احمد الله واشكره

واما على طاري الفتحه تطلع صوت لوهله حسبت ان معك اوريون او كامري

الخلاصه

اعطيك نصيحه ماسيه

بيع

وربك يحلها

السلام عليكم...........
سلمااااااااااااااات اخوي
علشان فتحة قلبتو الدنيا فوق تحت على الرجال
ونصحتوه انه يبيعها
لاحول ولا قوة إلا بالله
ياأخواني أعظم مشكلة بالفتحه ما تتجاوز 2000ريال << هذا في اسوء الحالات
كيف تنصحونه انه يفرط بجوهرة هيونداي |10|

أخوي الصوت عندك هو عبارة عن إحتكاك الجلد مع جسم السيارة
وكل ما هو عليك أنك تجيب قطعة قماش وتنشفه عدل
وإذا ما راحت فمالك غير حلين وأنا أخوك:
1- تودي السيارة لمحل متخصص بالتلميع ويحط لك زي الشمع الخاص للجلد
2- تجيب فازلين شوي وتمشه على جلدة الفتحه كاملة
وإنشاء الله راح يروح من عندك كل الأصوات

وبالله نصيحه شيل من مخك بيع مثل هذه السيارات

=============
والله من جد ياشباب زعلتوني منكم
هذي ردود والله وقسم بالله تفشل من أعضاء المنتدى الكوري
أنا آسف على ردي هذا عليكم
تحياتي لكم
أخوكم أبو عبدالعزيز

عاشق ميتسوبيشي

30-01-2008, 09:34 PM

ويوم وصلت عند مكتب الوالده وضربت بوري وتفاجات ان البوري مايشتغل!!والله ان ضغظي وصلH

سؤال لاصحاب الازيرا//// الفتحه تطلع صوت عند المطبات والهزات يوم وديتها الوكاله قالوا عادي مافيها مشكله ؟؟؟؟ هل هذا الشيء طبيعي والا لا؟؟

تقبلو تحياتي،،،،

سبحان الله
نفس مشاكلك حصلت معاي في السانتافيه
بالنسبة لموضوع فتحة السقف حيكون لي رجعة مع صور للمشكلة ولحلها إن شاء الله

vector

31-01-2008, 12:52 AM

عادي

عادي

عادي

اول ماشريت السيارة كانت لمبة الايرباق شغاله ومع اول فحص شالوها لي

ونفس السالفه صارت مع خويي بكامري 2005

وبالنسبه للبوري حقي كان خربان وتوني مغيره

وبرضو شفت أوبيروس بوريها خربان

ماعليك من بلا حدود تراه موسوس:D

وبالنسبه للفتحه ماأفتيك

<<<< ماعنده فتحه:D

بــنــدر

31-01-2008, 10:02 AM

أخوي عبدالعزيز عطاك العلم الطيب

بالنسبة للصوت في الفتحة أنا عندي الصوت ناعم وسلسل يجيب النوم
كان عندي كامري بفتحة صوت فتحه الأزيرا ناعم بالنسبة للكامري الي كانت معاي

والسيارة الي معاك تحت الضمان ولا تترك الوكالة في أي شيء تلاحظه غريب

في حالة إنهم قالوا هذا شيء طبيعي قلهم طيب نجرب على سيارة عندكم بالوكالة ونشوفه طبيعي ولا
فمثلا جرب صوت الفتحة على وحدة عندهم بالصالة واسحبه من أذنه وسمعه صوت الفتحه حق سيارتك وقول له طبيعي ولا لا وإنت شاد على اذنه وكمل كلامك مرة ثانية هاااه طبيعي ولا لا

وبعدها يالله روح صلحها لأسمع صوت لأسوي وأفعل وأصنع <<<<<<<<<< ينكت :D

ونصيحة مني لك شغل الرقية الشرعية كل فترة في السيارة وياليت تقول دعاء الركوب وماتنساه
سبحان الذي سخر لنا هذا وما كنا له مقرنين وإنا إلى ربنا لمنقلبون

وصدقني ما دام شيء مو طبيعي بالسيارة روح لهم خليهم يصلحونه غصبا عنهم ولا إشتكي للمدير وبعدها وصلها للي أكبر وأكبر حتى لو توصلها لشركة الأم في كوريا

وأخوي عبدالعزيز كفى ووفى جزاه الله خير

أخوك بندر

أمير الأشباح

31-01-2008, 11:26 AM

الحين بيجون متعصبين الياباني وبيقولون هذا الكوري الله يعينا عليهم!!
مرة ثانية إذا تبغي بس ملاك و متعصبي الكوري يشاركون في موضوعك أذكر هالشيء في العنوان أو حط ملاحظة في بداية الموضوع
و بلا هالطرق الأستفزازية

انا كنت اقرأ الموضوع فقط و ما كنت ناوي ارد بس هالنقطة هي اللي خلتني أرد

محتار 2008

31-01-2008, 02:09 PM

مرة ثانية إذا تبغي بس ملاك و متعصبي الكوري يشاركون في موضوعك أذكر هالشيء في العنوان أو حط ملاحظة في بداية الموضوع
و بلا هالطرق الأستفزازية

انا كنت اقرأ الموضوع فقط و ما كنت ناوي ارد بس هالنقطة هي اللي خلتني أرد

يا خوي انا مقصدتك في ناس يبون الشارة على الكوري وهم يعرفون نفسهم !!

واعتذر منك اذا اخطات عليك!

أمير الأشباح

31-01-2008, 06:58 PM

أدري انك ما قصدتني
بس على قولتك مدام في ناس يبون الشارة على الكوري
فما داعي تحط مثل هالعبارات اللي يمكن يحصل من وراها مشاكل على شي ما يسوى

هو مجرد تنبيه
و ما في غلط و لا شي
حصل خير

إن شاء الله قصة موترك تنتهي على خير

العادل

01-02-2008, 12:22 AM

هدووو اعصابكم يا شباااب والدعوه ما تسوى ومنتدانا هذا حق تصليح والسيارات وبالنهايه ترجع الراحه لصاحب السياره مو عشان متسوبيشي تقعد عظم في حلق هونداي ولا العكس ولا همنا اي واحد جاله خرااب نقعد نتصيد له اي مشكله

يعني اي واحد عنده خراب في سوناتا خلاص ابيعهاااا وكل سياره لها ظرووووفهاا وجزاكم الله خير يااااااااشبااااااب

بلا حدود

02-02-2008, 12:28 AM

السلام عليكم...........
سلمااااااااااااااات اخوي
علشان فتحة قلبتو الدنيا فوق تحت على الرجال
ونصحتوه انه يبيعها
لاحول ولا قوة إلا بالله
ياأخواني أعظم مشكلة بالفتحه ما تتجاوز 2000ريال << هذا في اسوء الحالات
كيف تنصحونه انه يفرط بجوهرة هيونداي |10|

أخوي الصوت عندك هو عبارة عن إحتكاك الجلد مع جسم السيارة
وكل ما هو عليك أنك تجيب قطعة قماش وتنشفه عدل
وإذا ما راحت فمالك غير حلين وأنا أخوك:
1- تودي السيارة لمحل متخصص بالتلميع ويحط لك زي الشمع الخاص للجلد
2- تجيب فازلين شوي وتمشه على جلدة الفتحه كاملة
وإنشاء الله راح يروح من عندك كل الأصوات

وبالله نصيحه شيل من مخك بيع مثل هذه السيارات

=============
والله من جد ياشباب زعلتوني منكم
هذي ردود والله وقسم بالله تفشل من أعضاء المنتدى الكوري
أنا آسف على ردي هذا عليكم
تحياتي لكم
أخوكم أبو عبدالعزيز

اخوي ابو عبدالعزيز

الرجال يقول صوت في الفتحه مع المطبات يعني اتوقع صوت طقه فـ الفازلين ما راح يحلها لأنه مو صوت صرير

والشي الثاني انا ما نصحته ببيع السياره الا عشان يرتاح لأن المشكله مو في الفتحه بس

اول شي مشكلة القير

وبعدين لمبة ايرباق وبعدها بوري وبعدها الفتحه والسياره توها جديده

يمكن السياره فيها عين او نفس

انا لو اني في مكانه كان بايعها من زمان

انا طفت عندي لمبة الدرج ورجة فرامل في اول 500 كيلو ابوي ازعجني بالبيعه وانا ماني بعيد عنه ( موسوس بن موسوس )

الى الحين السياره عال العال بس قلت لو طلعت لي المشاكل اللي عندي اخونا محتار الله يعينه كان بعتها

جبال السروات

02-02-2008, 06:53 AM

يا حليلهم حقين الياباني
يهايطون علينا دايم
ولا تسمع لهم نفس قدام الأوروبي
أخونا محتار 2007
إذا انت بتبيع
فعندي مازدا 93 طراز 929 ليمتد
راس براس وتزيدني 20 ألف
وتراني ما ابغى أفرط فيها بس عشان ظروفك مشيتها لك بهذا العرض
ارجو الرد علي خلال 37 دقيقة
ملاحظة ترى الاستمارة منتهية فجددها أنت كعربون
ألحق عليها لا تفوتك ;)

Microsoft

02-02-2008, 07:55 AM

ارجو الرد علي خلال 37 دقيقة

أبي أفهم ليييييش 37 دقيقة

ليش ما قلت 30 أو 35 ..!

وش معنى هالـ7 (37) .. :D

محتار 2008

02-02-2008, 02:00 PM

أخونا محتار 2007

ملاحظة ترى الاستمارة منتهية فجددها أنت كعربون
ألحق عليها لا تفوتك ;)

محتار 2008 يا ابو الشباب

حسافه خلصت 37 دقيقه |5| |5|

تكفى بيع!

M.W4EVER

02-02-2008, 05:00 PM

^^^^^^^^^^

ها محتار قول لنا وش صار على سيارتك ؟؟؟

بتبيع او لا ؟

محتار 2008

02-02-2008, 08:50 PM

لا ما ارح ابيع والفتحه طلع الربل حقها يبيله تشششششششششششششحيم

وبس

!

اشكركم على ردودكم!

أبو عبدالعزيز

02-02-2008, 09:10 PM

الحمد لله
يعني كلامي صحيح
الله يهنيك فيها ويهنيها فيك

محتار 2008

02-02-2008, 10:06 PM

الحمد لله
يعني كلامي صحيح
الله يهنيك فيها ويهنيها فيك

على راسي والله يا ابو عبدالعزيز!

تحياتي لجميع اعضاء المنتدى الغالي\

|3|

M.W4EVER

02-02-2008, 10:08 PM

مبروووووووووووووك واي شي يامحتار حنا حاضرين

محتار 2008

02-02-2008, 10:36 PM

مبروووووووووووووك واي شي يامحتار حنا حاضرين

كفو والله انك ماتقصر|1|

|3|

أمير الأشباح

03-02-2008, 03:31 AM

^^^^^
زين زين
الحمد لله ان مشكلتك انتهت