منضمات أخرى تستحق النضر غير jdpower ( بالداخل) والتجربه خير برهان

[كوراندو]

السلام عليكم ورحمة الله وبركاته

أبخلي البربره في الأخير


هذا الرابط لشركه أمريكيه كبيره تعرض الضمان الأصلي للشركات في أمريكا الضمان الأساسي من الصدام للصدام والضمان الممدد على المحركات
خرب شي يتصلح غصب فيه محاكمات وشغل عندهم ( الله يخلف علينا وهذا إبتلاء واللي يصبر ياخذ بداله أضعاف مضاعفه في الأخره ) لاحضوا السيارات اللي ضمانها أكثر خصوصاً من موديل 2000 وفوق


https://www.warrantydirect.com/manufacturers_warranties.asp


وهذا موقع Strategic Vision الموقع الأمريكي المشهور من 30 سنه وهو متخصص في دراسه كيفية وسبب شراء العملاء لما يبحثون عنه
مسوي دراسه رضا المالكين عن جودة سياراتهم بشكل عام


http://www.strategicvision.com/press_release.php?pr=27


وهذي دراسه من شركه إيجار سيارات كبيره في أمريكا
الأخضر إعتماديه عاليه الأصفر إعتماديه متوسطه الرصاصي إعتماديه ضعيفه
لاحض هيونداي تقريباً هي وشركه ثانيه فقط اللي مجالهم ماطلع عن الأخضر


http://www.imagefreehost.com/files/24012008/nv1254936325.jpg



هذا الموقع مشهور ومعروف مهمته من أسمه فهو يرشح كم سياره
من السيارات اللي حصلت على أكبر عدد من الجوائز العالميه


فعن السياره بشكل عام


http://www.wcoty.com/vehicles/?year=2006&cat=1


وعن عدد الجزائز على تصميم السياره


http://www.wcoty.com/vehicles/?year=2006&cat=2


وأخيراً هذا موقع ناقل خبر من مجله سيارات بريطانيه ناشره مسح لشركه مستقله
تعطي ضمان مباشر لمالك السياره المسح عن ثلاث أشياء
1 - دعوه أو طلب للصيانه
2 - متوسط تكلفة الإصلاح
3 - متوسط وقت الإصلاح


في طلب الصيانه حصلت هيونداي على المركز السادس
وهذا يذكرنا ب دراسة JDPOWR لثلاث سنوات إستخدام واللي أسمها Vehicle dependability study واللي حصلت فيها هيونداي على نفس المركز السادس
ولاكن في متوسط تكلفة الإصلاح ومتوسط وقت الإصلاح هي في المركز الأول
وهذا أنا أشوفه أهم شي أن تكلفة ووقت صيانة السياره يكون الأقل
وهذا يوضح شي أن الدراسه من هذا النوع و اللي ذكرتها jdpower تدل على أن الأعطال بالكم لا بقوة العطل يعني ناخذ السوناتا موديل 2004 واللي هو أخر موديلات تم تنزيل دراسه عليها من هذا النوع حتى الآن الدراسه تاخذ الأعطال من عدد محدد من النقاط في السياره وتحسبها فتتفاوت هذي الأعطال من قوي إلى خفيف وهنا الكلام
إذا رجعنا للدراسه الأولى تقول أن الهيونداي الأقل في متوسط تكلفه ووقت العطل
هذا وش يدل عليه يدل على أن أعطال الهيونداي خفيفه فهي ماتكلف ولا تاخذ وقت
واللي جرب الهيونداي مثلاً سوناتا من 1999 -2004 (( تجربه صحيحه ماهو مثل خوينا اللي أبتكلم عنه بعد شوي )) يعرف عيوبها الشماسه ماتتحرك إلابالقوه
السير تبع الدريشه ينقطع وتطيح الأنتل يطلع بطقطقه وهذا عندي مايهم
شماسه وسير دريشه ولا جلبة عكس سياره من شركه ثانيه أو حساس مدري وين حاطينه أولاً أنه ياخذ وقت في فكه ويكلف
أهم شي عندي أن السوناتا في المحركات والشغل الكبير المكلف جودتها عاليه


أنا أنتضر دراسة vehicle dependability study من jdpower لعام 2008 بفارغ الصبر واللي بتكون لموديلات 2005
نعرف الفرق بين سيارات هيونداي قبل 2005 وبعدها
جودة المواد تغيرت بشكل كبير خصوصاً الداخليه والأشياء البسيطه
طولت هذا الموقع والخبر عن المسح


http://english.chosun.com/w21data/html/news/200508/200508070011.html



نعم التجربه خير برهان بس أهم شي تكون هذي التجربه صحيحه كيف :rolleyes: ؟ !!!
ماأكون أنا بس اللي أذم بحكم تجربتي ( جربت وش أسوي بعد أكثر من كذا ؟؟ )
طيب فيه 20 واحد غيري يمدحون مع العلم أنهم مجربين جدد يعني مجربين غير اللي معهم قبل ليش يمدحون ليش ؟؟!!!!!! في هذي الحاله أرجع لتجربتي وأشوف السبب والأسباب كثيره منها ماهو مني كجهلي بمامعي لنفرض أنها سياره ( أجل هذا وش يتكلم عنه :mad: )
ماأروح بيعد عن السيارات كان فيه واحد تعرفت عليه حديثاً يسب في السوناتا 2001 قلتله وش اللي صاير قال هذي ثالث مره أغير المكينه وهي مامشت 200 ألف قلتله أنت تفحط قالي أستح وقدر قلت أسف بس أنا لي خوي معاه سوناتا 2000 تعدت ال 240 ألف بنفس المكينه لا ومن البخل من هي ماشيه 80 ألف إلى 220 ألف ماغير البواجي أم ثلاثه ريال الحبه NGK يعني مشت 140 ألف :eek: لاكنه ماينسى طبعاً سير التايمينق اييييييه هنا قالي وشو سير التايمننننييييييق تبين شوي من السالفه قلت أنت ماقريت كتلوج السياره فيه سير مهم لازم تغيره كل حوالي 60000 قلتله أنت مغير المكينه ليه قالي طفت علي وديتها بالصطحه لورشه أعرفها قالي المكينه مخبطه تبي تغيير ( راحت الأمانه )

كانت معي أوبتيما 2001 طبعاً نفس مكينة السوناتا واللي عيبها الوحيد سير التايمينق مايطول يحتاج إلى تغيير كل حوالي 60 ألف المهم مشينا عليها حوالي 100 طفت معي وأنا توني أبامشي دقيت سلف المكينه تدور و بعدين طلع فيها صوت تك تك تك تك طبعاً شلناها على صطحه أول ورشه المكينه مخبطه الثانيه برضه ماأقتنعنا وش مخبطه هذي مشت 100 ألف بس وبعدين أحنا مجربين ستيلار قبل الحمد لله وبتوفيقه طحنا في ورشه فيها فلبيني كان شغال في وكالة مازدا بتشخيص سريع قالنا ممكن 500 وممكن 2000 ريال قلنا ليه قال أبفك ثلاجة الهوا وبشوف إذا البلوف سليمه يعني سير تايمينق مع بكرته ب 500 وإذا متكسره لازم أفك الراس وأغيرها مع السير وبكرته ووجه الراس
سألناه ليش متكسره قال إذا إنقطع السير والمكينه تدور ببطء فيه أحتمال أن البلوف تكون مسكره وبعيده عن البساتم أو أنه ينقطع والبلوف مفتوحه فترقى عليها البساتم وتكسرها
وهذا اللي صار معنا صلحناها ورجعت زي ماكانت ( وخوينا الأول يغير المكينه لثالث مره ) وعند 140 ألف جا جارنا طلبها مننا ( صار زواج ) وكانت مثل السبير عندنا ومالها شخص محدد فبعناه ماشاء الله السياره مبروكه يروح عليها الحفر ويجي أسبوعياً من الجبيل من طريق أبوحدريه مايحتاج الطريق يضاهي يضاهييي ( عاد اللي يعرفونه خلصنا ) طيب مافيه طريق يضاهيه الأن تعدت ال 200 ألف وهو أخر وناسه قلناله لا تنسى السير بس .


وأخيراً يارب يارب يارب مايجي هواش عن الموضوع قولو آمين :D

[M.W4EVER]

الف شكر لك عزيزي كوراندو ويعطيك الف عافية على الروابط وتقبل تحياتي

[genesis]

بارك الله فيك

[Microsoft]

نعم التجربه خير برهان بس أهم شي تكون هذي التجربه صحيحه كيف :rolleyes: ؟ !!!
ماأكون أنا بس اللي أذم بحكم تجربتي ( جربت وش أسوي بعد أكثر من كذا ؟؟ )
طيب فيه 20 واحد غيري يمدحون مع العلم أنهم مجربين جدد يعني مجربين غير اللي معهم قبل ليش يمدحون ليش ؟؟!!!!!! في هذي الحاله أرجع لتجربتي وأشوف السبب والأسباب كثيره منها ماهو مني كجهلي بمامعي لنفرض أنها سياره

كلام يكتب بالذهب ... لا تعتمد على تجربة شخصية أبداً

|1|

[كوراندو]

الله يعطيكم العافيه شباب ويبارك فيكم

لاكني أنقهرت صدق يوم أني ماشفت إلا دراسة الجي دي بور اللي تعرض دائماً في الموقع |282|
فيه أكثر من دراسه وأكثر من جهه بينت الحقائق والي تقهر بعض الشركات وعملاءها |285|
واللي يعرض دراسة جي دي بور فقط لإثباب حقيقة وجودة أي شركه مهضوم حقها يخلي الطرف الثاني يبتعد ويمكن يقول في نفسه إن ماقالها علناً ( مافيه غير هالدراسه وصجنا بها ) خصوصاً من بعض المشاركات المتعاليه |108| واللي تشوف قسم السيارات الكوريه والأسيويه للضعوف و الطفارى ........... الهم لك الحمد .

حركه الضفدع رافع خشته ماأدري ليه |321| .

ماعليش توني أنتبه للوجوه الجديده أباخذ حقي منها
بس والله شي تقدر تعبر عما يجول في خاطرك |278| .

[Microsoft]

أما المشاركات المتعالية

طابقه عليه الضفدع بشكل

:D

[ماكس تورك]

بيض الله وجهك يا كوراندو ودائما متميز
وياليت الله يطول بعمرك على الخير تعطينا معلموات ومواصفات ومميزات واسعار وصيانة وكل ما يتعلق بالجيب اللي في توقيعك وتتسمى به
لأني شفته مع خواجه وشكله انيق

والشكر موصول مقدما

[M.W4EVER]

هههههههههههههههه

حلوه الضفدع يارجال وسع صدرك

[كوراندو]

شاكر ومقدر مشاركاتكم أخواني ميكروسوفت - جينيسس - ماكس تورك - أحب الكوري

حياك الله عزيزي ماكس تورك ويطول عمرك على الطاعه و أبشر :

والله المفروض أحط له موضوع من غلاته عندي وإعجابي الشديد به .

الجيب يسمى كوراندو من شركة سانج يونج المتخصصه في سيارات الدفع الرباعي
نزل أول موديل له بهذا الشكل مع علامة سانج يونج في الشبك و إختلاف في الإسطبات الخلفيه فقط عام 1996
وإنقطع عندنا في السعوديه من 2001 وفي الخارج إنقطع عام 2006 تقريباً

بس معروف أن الشركه جتها خساير عام 1998 بسبب الأزمه اللي هزت كل الشركات الكوريه وأثر على حتى الدوله بعجز في الإقتصاد يساوي ترليون ريال سعودي تخيل.
وهذا اللي خلى شركة دايو تشتريها وتملكها من 1998 إلى 2001 وتسوي بعض التعديلات التعبانه لضعف دايو أصلاً ذاك الوقت ومنها الجيب اللي في الصوره بدون علامه في الشبك وجنوط كانت عليه صغيره لاكن سانج يونج قوت وإشترت أسهمها من شركة دايو وبذلك إستقلت وطفرت دايو وشرتها شركة جنرال موتورز .

نرجع للجيب الجيب مايحتاج لايعلى عليه من ناحية الثبات لايوجد لايوجد لايوجد
جيب ربع بثباته وأي مجرب له ولغيره مايقدر حتى يكذب عنه
تحمله عالي جداً وتصميمه شبه عسكري من ناحية العوارض الحديديه والي على شكل أقواس الخلفيه الحامله للسقف والشاص ثلاث طبقات من الصفايح والبدي مشيول على الشاص بعشر كراسي كبيره جداً لكل الجانبين ( أكبر من كراسي الاند والباترول أربع أبواب ) جميع جيوب الربع ثمان كراسي وصغيره
وهذا من الأسباب اللي تجعله متماسك إلى درجه كبيره ومايتمايل
- الجيب بنيته قويه والحديد فيه كثير وهذا اللي يفسر وزنه الأعلى بين جيوب الربع كلها
يوصل إلى 1910 كيلو يعني حول طنين على ربع
- فيه جسور الشاص العرضيه عددها 6 جميع جيوب الربع بلا إستثناء 5
- المساعدات الخلفيه تجي في أطراف المحور لمزيد من الثبات والمسمار المثبت له في الأسفل يجي خلف المحور كما في الصوره
http://www.imagefreehost.com/files/28012008/gr1254672295.jpg
( فيه حالات صارت للي يجي في الأمام تنكسر لأنها مواجهه لإتجاه المركبه في المشي )
- قاعدة العجلات البعد بين الكفرات الأماميه والخلفيه كبيره الأكبر بين كل الجيوب من موديل 1996 إلى 2006 ماعدا المتسوبيشي موديل 2000 وطالع وطولها يعطي راحه في المركب ووسع داخلي
الفرامل خيال حجمها كبير مره وقويه ( مشيت عليها الأماميه 125 ألف والخلفيه 115 ألف وياليتني مافكيت أول كفر يوم جيت أغير صار باقي فيها من العمر حول النص لاكن بعد تقطيع اليدين والتعب غيرتها كلها )

العزل فيه ممتاز جداً لكل شي لصوت الهواء حتى على السرعات العاليه 165 لايوجد به تنسيمات وعزل الأرضيه ماأتخيل أفضل من كذا وعزل لصوت المكينه

القير من شركة بترا الأمريكيه والتي لاتصنع إلى للشركات التي تصنع سيارات عالية المستوى فقط مثل مازيراتي وهذا الجيب من سانج يونج ( القير فيه نعومه في التعشيق وفي نفس الوقت قوه تحمل وقوة جر إبدااااااااع )

الموتر فيه عيبين ألا وهي المكاين طبعاً مرسدس ديزل 2.9 قوتها 120 حصان ضعيفه ومزعجه ولها رجه والثانيه بنزين مرسدس أيضاً 3.2 قوتها 220 حصان عيبها الشرب الكبير للبنزين وعلى قدمها تستخدم بنزين 95 فقط .
والعيب الثاني الوكيل الزاهد وصيانته .

سعره كان غالي و صعب التصديق الفل بس بفتحه وسي دي و أي بي أس ب 92 ألف الوكله مغليه
مع أني شايف أسعار برى خيال 145 ألف إلى 150 للفل لاكن فلهم غير تسخين مراتب ونضام إستقرار إلكتروني وغيره كثير .
لاكن الديزل السياحي عندنا كان مقبول سعره ب 64 ألف وقت رخص البنزين

الجيب والله له تقدير من اللي يعرف يجرب وفي بريطانيا له شعبيه كبيره جداً حتى أن لهم منتدى خاص به وهذي بعض الصور له من أصحابه المعجبين به في العالم :
http://www.imagefreehost.com/files/28012008/ud1373637919.jpg

http://www.imagefreehost.com/files/28012008/jw1223921940.jpg

http://www.imagefreehost.com/files/28012008/jq1300898395.jpg

http://www.imagefreehost.com/files/28012008/wt1305563379.jpg

http://www.imagefreehost.com/files/28012008/px1372948674.jpg

http://www.imagefreehost.com/files/28012008/rv1335285364.jpg

http://www.imagefreehost.com/files/28012008/il1376730926.jpg

[كوراندو]

وهذي الصوره لموتري أمام سفينه قديمه جانحه على شاطئ مدينة حقل وعنها 30 كيلو بر و الواقعه في أقصى شمال غرب السعوديه بجنب إسرائيل المحتله ومصر والمنفذ الأردني

http://www.imagefreehost.com/files/28012008/oj1281821936.jpg

[Microsoft]

كوراندو (http://www.assayyarat.com/forums/member.php?u=52412) .. ما حصلت بجانب السفينة

طيارة طايحة .. متكسمرة .. وش أخبارها

:D

[M.W4EVER]

والله ماشاء الله تبارك الله أخوي كوراندو الله يعطيك خيره ويكفيك شره

بس الموسو هل هو من نفس فصيلة الموسو يعني من الزواحف:D

انا اللي اعرفه ان الموسو محرك وقير مرسيدس 320 مدري الكوراندو يجي منه نوع زي كذا ؟؟

[كوراندو]

قصدك ياميكروسوفت اللي في راس الشيخ حميد نعم تعرفها أجل

الله يجزاك خير أخوي أحب الكوري الجيب خلاص راح بعته تشليح من حادث بين حقل و تبوك ( صادم في جبل ) بعد سقوط من إرتفاع شاهق كنت مسرع جداً لاكن ماهي هنا المشكله كنت واقف على الخط بعد عاصفه رمليه تخلي النهار ليل ( واللي عايشين في تبوك يعرفون هالشي ومتعودين سبحان الله كل خميس وجمعه عج عليها وعلى المناطق اللي حولها ) بعدها أنقشعت وحركت على آخر سرعه المهم في لفه من اللفات وعلى نزول راح الزفلت ورقيت مطبه من الرمل زحف الموتر للجهه اللي للبر مسكت الدركسون أهم شي لا ينقلب يدرعم ألين يوقف مادريت أن قدامي هويه وعلى طول في الجبل والحمد لله سلمت
بس قعدت أسبوعين كل شوي أطلع من راسي قزاز ...... ألين خلص
لاكن اللي يشوف الحادث بيتعجب من قوة حديده كيف ماتأثر الموتر كثير
لا ومن زين الطبايع مصور كل شي في اليوم الثاني من الحادث . ( أهوى التصوير و التوثيق )
( طبعاً في حقل كان المستشفى سياحي ما ينافس مستشفى المملكه أبداً ) بعدها جت معي الكيا أوبتيما

وهذي الصوره أخذتها لها بجانب الطياره

http://www.imagefreehost.com/files/28012008/bb1376232720.jpg

وهذا الموسو أعتقد أنه مايقرب لهم يمكن فيه تشابه أسماء
نعم الكوراندو والموسو نفس مكينة المرسدس 320 لاكن القير الأوتوماتيك يختلف فهو مخصص للجيوب و كبير جداً و من نوع بترا
والقير العادي من مرسدس لاكنه يختلف عن القير اللي على المرسدس 320 لأنه مخصص للجيوب والكرف

[Microsoft]

قصدك ياميكروسوفت اللي في راس الشيخ حميد نعم تعرفها أجل


أفا عليك وش لون ما أعرفها

وإذا قلت لك إن الصورة هذي قديمة يمكن لها حول السنة

<< وش رايك ..! ;)

------------------------------



الله يجزاك خير أخوي أحب الكوري الجيب خلاص راح بعته تشليح من حادث بين حقل و تبوك ( صادم في جبل ) بعد سقوط من إرتفاع شاهق كنت واقف على الخط بعد عاصفه رمليه بعدها أنقشعت وحركت على آخر سرعه المهم في لفه من اللفات وعلى نزول راح الزفلت ورقيت مطبه من الرمل زحف الموتر للجهه اللي للبر مسكت الدركسون أهم شي لا ينقلب يدرعم ألين يوقف مادريت أن قدامي هويه وعلى طول في الجبل والحمد لله سلمت

بس قعدت أسبوعين كل شوي أطلع من راسي قزاز ...... ألين خلص

لاكن اللي يشوف الحادث بيتعجب من قوة حديده كيف ماتأثر الموتر كثير


ألف الحمدلله على السلامة ..!

وش السالفة نص شباب المنتدى صاير عليهم حوادث خطيرة

<< موب أنا لحالي إلي داخل تحت تريلة .. :D >> ويضحك هو وجهة :)

الحمدلله على سلامتك .. أما سالفة القزاز هذي نكتة من جد .. :D

أهم شيء سلامتك .. |1|

----------------------------------



لا ومن زين الطبايع مصور كل شي في اليوم الثاني من الحادث . ( أهوى التصوير و التوثيق )


ياليت ترفعه لنا إلا إذا كان فيه إحراج .!

-------------------------------------



( طبعاً في حقل كان المستشفى سياحي ما ينافس مستشفى المملكه أبداً ) بعدها جت معي الكيا أوبتيما

وهذي الصوره أخذتها لها بجانب الطياره

http://www.imagefreehost.com/files/28012008/bb1376232720.jpg



ما شاء الله أجل عندكم مستشفى

يغطيه التأمين ..؟ << :D

| هذي الصورة إلي أقولك إن لها حوالي سنة |

[DaBDoB]

يعطيك العافيه اخوي كوراندو على المجهود والموضوع الجيد جدا صراحه
من حيث التنسيق والروابط والاخراج :D

... بس استغربت ان اكثر السيارات الي اصحابها مش راضين عنها امريكيه !!!
والدراسه امريكية !!!! :confused:

المهم ان هيونداي ..... Better than avg |1|

وسلام

[كوراندو]

الله يسلمك أخوي مايكروسوفت
الله يستر من الحوادث نادر ماتلقى واحد ماصار عليه شي لو حادث بسيط ( الحادث البسيط هذا غصب :) ) الله يحفضنا وأهالينا من كل مكروه آميييين
و الحمد لله في حديد السوناتا ولا فيك .

وصحيح كلامك الصوره هذي قديمه لها حوالي أربع سنين
لاكن وشلون عرفت :rolleyes: شكله صار شي بعدها وشفته أنت

والصور إنشاء الله إذا جاني وقت أصغرها وأنزلها مافيه إشكال .

الله يعافيك أخوي DaBDoB (http://www.assayyarat.com/forums/member.php?u=71807) وشاكر ومقدر لك المشاركه
بس حلوه الإخراج :D .

[Microsoft]

الله يسلمك أخوي مايكروسوفت

وصحيح كلامك الصوره هذي قديمه لها حوالي أربع سنين
لاكن وشلون عرفت :rolleyes: شكله صار شي بعدها وشفته أنت


هذي الطيارة رحنا لها قبل سنة أو أكثر شوي

وصار فيها فلم أكشن .. :D

الجناح طاح من الطيارة على قادم وتركى على الكبينة

الحمدلله فكنا الله ولا بغينا نروح ملح .. :rolleyes:


:cool:

[M.W4EVER]

الحمد لله على سلامة أخوي كوراندو

[&عاشق الليل&]

ويش هذي الصوره يابو الشباب:rolleyes:

[&عاشق الليل&]

هههههههههههههه:D

[كوراندو]

السلام عليكم

رجعت بعد ماأشتغل زر من أزرار كلمة السر لدخول الكمبيوتر لأنه أنكب شاهي أخضر بالسكر عليه وخرب ربعها ..... بعدين جيت وسويت فيها ذكي وحطيت كواية البخار تبع الملابس ومررتها على الأزرار ... وخربت كلها .. لاكن الحمد لله كل فتره يشتغل زر
ألحين مابقى إلا الصفر الأيمن والإنتر اللي في قسم الحاسبه يعني فيه غيرها .

المهم رجعت ..... و الله يسلمك أخوي أحب الكوري من كل شر
حياك الله أخوي &عاشق الليل& هذي الصوره الله يسلمك تعبر عن ( أصالة الماضي وطموح الحاضر ) أنواع الفلسفه .
أجل ياميكروسوفت تروحون ملح .... قل نختفي , ياعليها حديد ماأدري وشلون تطير

وهذي أهم صور للحادث بالترتيب

هذا أول مشهد شفته
ويتضح جمال المنطقه رمل مع ( جبال صخريه ) ......... ياسلاااااااااااام

http://www.imagefreehost.com/files/01022008/gh1400977109.jpg

وهذا المشهد الثاني طبعاً ماهو على هذا الإرتفاع وأنا أصور لاكن فوق بين السما والأرض

http://www.imagefreehost.com/files/01022008/ys1240996898.jpg

وهذا المشهد الأخير
والأسود هذا زيت المكينه الديزل لأن الكرتير إنكسر

http://www.imagefreehost.com/files/01022008/bn1403884335.jpg

وهذي الصوره وأنا بجنب المكان وأناضر للطعس والجره اللي واضحه تحت هذي جرة موتري مكان السقوط واللي فوق لموتر حرس الحدود الشاص
طبعاً تم شيل السياره برافعه لأن الصطحه مايمديها ولا حتى تطلع عن الزفلت على ذاك الرمل والمكان الصعب
http://www.imagefreehost.com/files/01022008/gn1364078642.jpg

بعد ما طلعت من السياره ورقيت الطعس شفتهم واقفين يدورون الجيب الي سقط عليهم قبل شوي وين أختفى :eek: شافوني الله يجزاهم خير ماقصروا وركبت معهم بغوا يرجعون ريوس مع أن الزفلت على بعد ثلاث أمتار بس ماقدرنا نتحرك من خفة الرمل لأنه بعد العج أو العاصفة الرمليه صارت الطعوس كلها سواء تحت ولا فوق كلها رباضات ........ نزلنا وياليتنا مانزلنا من الطعس مع أن الجهه الثانيه مطلعها سهل لاكن غرزنا نزل واحد منهم ينسم والثاني يسوق وأنواع السب في الأول نسم زين وخر حفر الله يجزاهم خير ( ماهو على السب ) لاكن كان هذا حرص منهم علي لأني كنت أنزف من جرح في أذني وجبهتي الحمد لله ماطلعت من القزازه .
بعد تفجير الشاص بالدبل الثقيل وتنسيم عالي ياله طلعنا و الحمد لله
ودوني لأقرب مستوصف وكان لهجره يقالها الزيته وخيطوا أذني وجبهتي طبعاً المخدر كان بخاخ واللي ميزته الوحيده أنه يبرد عشان إذا دخلت الإبره توجع أكثر :D .

وأخيراً هذي صورة الراحل ........ وإنا لله وإنا إليه راجعون .

http://www.imagefreehost.com/files/01022008/bk1351895877.jpg

مع أن الصدمه أثرت على الرفرف لاكن البيبان تنفتح زين قبل لا يرفعون الجيب بالرافعه من بيبانه كما هو واضح تأثير الرافعه في إطار الباب العلوي
كانت اللفه طويله مره وأذكر أني داعس طبعاً السياره ديزل قبل لا أطلع من الزفلت كانت السرعه قريبه من 130 وأعتقد وقت الحادث حوالي 60 لاكن في جسم ثابت ( جبل ) و من خبره في حوادث سابقه ( أحدها الغلطان علي بريطاني :mad: ) لاحضت قوة بنية الجيب العالية جداً وماتصورت أن هذا بس اللي بيصير على سرعتي لاكن قدر الله وماشاء فعل
والحمد لله على كل حال .

[Microsoft]

والله الحمدلله على السلامة

باين إن الجيب حديد ما شاء الله

شكل الجبل إلي إهتز موب هو .. :confused:

شكلك كنت قالب الجيب للطعوس والبريرة

إلا سؤال يمشي ألف .. وش سالفة الباترول إلي في آخر صورة

كأنه محترق ..؟ ... والحمدلله على سلامتك .. :cool:

[techmate]

غريبة . . . . . . . . . . |6|
ما تلاحظون أن لاندكروز FJ نسحه منه :confused:
يعني نقدر نقول أن الياباني بدأ يقلد الكوري :mad:

[M.W4EVER]

^^^^^^^^^^^

بدينا ؟؟؟:D


والله ياأخوي كوراندو ألف حمد لله على سلامتك في الحديد ولافيك
بس صراحه جيب حديد ماعليه كلام

[Microsoft]

غريبة . . . . . . . . . . |6|
ما تلاحظون أن لاندكروز FJ نسحه منه :confused:
يعني نقدر نقول أن الياباني بدأ يقلد الكوري :mad:

ما ودنا نفتح سيرة التقليد

عموماً التصميم هذا غالب

على أكثر السيارات شديدة التحمل

[كوراندو]

الله يسلمكم جميعاَ من كل مكروه

هذا الجيب ياميكروسوفت اللي ورا ديهاتسو فيروزا صاير عليه حادث وراعيه واحد مشهور في المنطقه .

نسيت شي صار قبل حادثي في نفس اليوم تغديت وكان فيه رجال يسأل عن موتري هو ديزل وبكم تعبيه .... قلت له 15 ريال :eek: أنا ماكنت منتبه له .. الله يهديه موتره هو باترول أربع أبواب 97 والبنزين غالي عاد الباقي معروف |5| الظاهر أنه ماذكر الله وجاب المكينه شقها من تحت .
( والله فيه ناس تخوف ماودك تعطيهم أي معلومه غريبه عليهم )

بس المهم أن الواحد ماينسى الأذكار اليوميه والحرز
وبإذن الله لن يضره شيء
|3|

[M.W4EVER]

يارجال أهم شي سلامتك وانا أخوك والحديد يروح ويجي لكن بني آدم يروح ولايجي

[speeed1]

مشكور جدا على الموضوع
تحياتي

[كوراندو]

السلام عليكم
العفو أخوي سبيد1 .
-------------------------------------------------------------------------------------------------------


ماودي أكتب موضوع جديد لأن كثرة المواضيع بزياده ماهي مرغوبه من كل المتابعين وخصوصاً للي مايلقى وقت كافي لدخول المنتدى بشكل متكرر فيضطر بعد دخوله المنتدى ورؤيته لمواضيع كثيره وذات محتوى أحياناً ضعيف يضطر بأن يكون متفرج فقط ومايرغب أنه يرد على موضوع ويترك آخر .

نرجع ونقول التجربه خير برهان واللي ماجرب لايحكم .... واللي جرب يشوف هل تجربته صحيحه ولالا وهل فيه شي مؤثر على تجربته من مشكله مصنعيه أو مشكله حدثت من تبعات إهمال سابق أو حادث سير أو حادث عرضي مثل دخول ماء أو تراب في أماكن حساسه بسبب الإهمال أيضاً أو غيره .................. . وماننسى إحتمال أنها معيونه ( العين حق ) كما قال الرسول صلى الله عليه وسلم وقال أيضاً ( اكثر من يموت من امتى بعد كتاب الله عز وجل وقضائه وقدره بالأنفس ) يعني تأثيرها يوصل في أحيان كثيره إلى قتل الشخص المعيون ( يعني مشكله في بيت جهاز سياره أهون ولا ) , والإيمان بهذا واجب تصدقون ياأخوان أن في وقتنا هذا ناس مايؤمنون بالعين ويقولون عنها خرافه , أعوذ بالله مايدرون أن من كذب شيء مماجاء به الرسول اللهم صلى وسلم عليه ( يكفر) إنالله وإنا إليه راجعون .

نرجع للموضوع إذاكان يشوف أنها ( تجربته ) صحيحه خلاص سوى اللي عليه يقدر يحكم بعدم راحته من هذي السياره أو الشركه فيتجنبها ويعذر حتى بشراءه لشيء أغلى سعراًًًًً وأقل مستوى .

أما إذاكان يشوف إنها غير صحيحه في نفسه لاكن كلام اللي حوله يحكم بفشل هذي السياره أو الشركه وبذلك يأثر هذا الكلام عليه بمجاراتهم في حكمهم فهذا إنسان يغالط نفسه وغير واثق منها ومن تجاربه .

هنا بعد زيادة عدد المالكين ما نتكلم عن 10 ملاك و ماأقول المصوتين ولاحتى المجربين أقول ( الملاك ) لثلاث سيارات نشوف تقييمهم والي من خمس نجوم لسياراتهم موديل 2007 وهي
- عن الرضا بشكل عام وعن السياره وعن التصميم و الراحه والأداء والقيمه .
- وبعض الإنطباعات من جميع المجربين عن سياراتهم وتجربتهم لها .

وماننسى أنهم أمريكان يعني ديرتهم كبيره ودائماً تكون سياراتهم قاطعه مسافه كبيره جداً .

الهوندا أكورد من 113 مالك حتى الآن - التويوتا أفالون 70 مالك - الهيونداي أزيرا 83 مالك .

http://autos.yahoo.com/newcars/model/overview.html;_ylt=AiO7OLy8yHiG5zIY02dTqjEEc78F;_y lv=3?modelId=4999

هنا الأفالون
http://autos.yahoo.com/2007_toyota_avalon/

وهنا الأزيرا
http://autos.yahoo.com/2007_hyundai_azera/

[M.W4EVER]

^^^^^^^^^^^^^

أفضل تحط موضوع جديد أو ندمجها مه موضوعك هذا ونغير العنوان <<< صار مشرف مين قده

[ولد جدهـ]

الف شكر لك عزيزي كوراندو ويعطيك الف عافية على الروابط وتقبل تحياتي

[كوراندو]

وش ذي التطورات يا محمد :) , تستاهل والله على أسلوبك في الرد وطريقتك في تلطيف الأجواء , والله يعينك .
اللي تشوفونه مناسب في الموضوع سووه ماعندي أي مشاكل .

الله يعافيك أخوي ولد جده والعفو .

[M.W4EVER]

تبيني أدمج الموضوعين ؟؟ ماعندي مشكلة
يعني أحط موضوعك حق تقييمات أخرى مع هذا الموضوع

أنا أفضل حطها أنت وأنا أغلق هذا الموضوع
توكل على الله

[كوراندو]

توكلنا على الله
قفل الموضوع الله لايهينك .