فزعنكم أخواني والله أني محتاج لكم وجزاكم الله ألف خير

[ابو ريناد]

السلام عليكم ورحمة الله وبركاته


أخواني أنا متورط والحمد لله على كل حال . بعت سيارتي وأريد أن أشتري سيارة إيجار منتهى بالتمليك .

السؤال ؟ أنا معي دفعه أولى 10000 ريال عشرة الالف ريال فقط . وأريد أن أخذ ( ألنترا 2.0 قير عادي أو سوناتا ) فهل من مؤيد طبعاً الحال مايساعد وودي بأتوماتيك ويقول لي زميلي في الدوام أن القسط بيكون بحدود 800 ريال الى 1000 ريال . أم أخذ سيارة من شفرولية دايو من الصغار أيفيو والا أوبترا . طبعاً سواقتي هادئة بالحيل ومتابع للزيت وأمور الصيانه .طبعاً عندي طفلين .وأصدقكم وأقول لكم ودي بهوينداي مليت من الياباني .

صدقوني محتاج فزعتكم ووعد أن اللي يبي يرد له مني دعوه صادقة في جوف الليل وكل ماتذكرته .

الى اللقاء
أخوكم ابو محمد

[vector]

حياك الله أخوي

وعلى ما أظن كان معك كامري 2007 اذا ماني غلطان

على العموم الحمد لله على كل حال

أخوي أنا سويت لك حسبه بسيطه اللي هي دفعه اولى 10 اللاف والف اقساط لمده 36 شهر

يطلع معك تقريبا 46 الف

وأتوقع أخوي هالمبلغ يجيبلك ألنترا 1.6 اوتو أو أوبترا

أما السوناتا صعبه شوي

وبالتوفيق اخوي;)

[sun light]

هلا أخوي وحياك الله
بالنسبه للمبلغ إلي عندك صعب شوي تاخذ سوناتا لأن القسط راح يكون تقريبا 1500 ريال بالنسبه للدفعه الأولى إلي راح تدفعها.
ونصيحتي لك مر الوكاله وهم راح يعطوك الحسبه بالضبط كم تكلف ، وأظن أن السياره المناسبه لك هي الألنترا 1.6 أوتو أو 2.0 عادي .
والله يكتب لك إلي فيه الخير والصلاح ومبروك مقدما.

[عــ,,,ــووول]

هلا وغلا والله

انا اؤيد الالنترا تراها سياره ممتازه جدا وحلوه واقتصاديه

ومميزه انا انصحك فيها ذا الامور بتزبط معاك وصراحه السياره مشهودلها والله يوفقك يارب

اخوك

عسول

[امير الارض]

اسأل الله لك التوفيق

[عذب الاحاسيس]

اخي الكريم تستطيع شراء سوناتا نص فل اوتوماتيك وجنوط وقفل مركزي
الناغي مسوي عرض على الاقساط بفوائد قدرها 5% سنويا فقط
قيمة السيارة 59 الف
بحسبة بسيطة 59الف - 10 الاف =49الف
49الف في 1.25= 61250 ريال اي اجمالي الاقساط على 60 شهر 5سنوات
61250 ريال قسمة 60 = 1020 ريال يعني تقريبا 1100 ريال او اقل

فاذا كانت من مقدرتك فتوكل على الله

تحياتي

[mr.magna1]

كلام الاخ عذب الاحاسيس جميل
لكن ان لم تستطع على 1100
خذ النترا 2.0 عادي افضل من الدايو بانواعها وافضل لك وارخص لك في قطعها واقوى في ادائها
والاستخارة مهمة اخي العزيز

[techmate]

أنا أفضل أن تأخذ كيا-أوبتيما عليها عرض (ممكن تزور موقعهم http://www.kia-sa.com/fullcontent.aspx?secserno=393&conserno=317 )
لأنها من درجة السوناتا والكلمري والأكورد وشكلها من الأمام لكزس ES300 موديل 2005

[Microsoft]

السلام عليكم ورحمة الله وبركاته


أخواني أنا متورط والحمد لله على كل حال . بعت سيارتي وأريد أن أشتري سيارة إيجار منتهى بالتمليك .

السؤال ؟ أنا معي دفعه أولى 10000 ريال عشرة الالف ريال فقط . وأريد أن أخذ ( ألنترا 2.0 قير عادي أو سوناتا ) فهل من مؤيد طبعاً الحال مايساعد وودي بأتوماتيك ويقول لي زميلي في الدوام أن القسط بيكون بحدود 800 ريال الى 1000 ريال . أم أخذ سيارة من شفرولية دايو من الصغار أيفيو والا أوبترا . طبعاً سواقتي هادئة بالحيل ومتابع للزيت وأمور الصيانه .طبعاً عندي طفلين .وأصدقكم وأقول لكم ودي بهوينداي مليت من الياباني .

صدقوني محتاج فزعتكم ووعد أن اللي يبي يرد له مني دعوه صادقة في جوف الليل وكل ماتذكرته .

الى اللقاء
أخوكم ابو محمد

سبق ومررت بنفس ظروفك وكان معي وقتها 15,000 فقط

بعد دراسة (حول سيارات السيدان فقط) وجدت أن الأفضل

هي الإلنترا 2008 ( أو الفئة المقابلة لها من كيا )

موديل جديد محرك 2.0 قير تماتيك بقسط أقل من 1000 ريال

الطريقة هي .. أن تأخذ قرض من البنك (طبعاً بنظام شرعي مثل تورق)

بمقدار قيمة السيارة كاش مع خصم المبلغ إلي معك وتبدأ تقسط البنك


بهذه الطريقة تحصل على ..

1. عمولة أقل ( 4.5% للبنك بدل 6% لشركات التقسيط)

2. توسيع خيارات الشراء لأن المبلغ معك كاش

3. تستفيد من خصم الوكالة للسيارة (الوعلان في الغالب يخصم حوالي 3 ألآلف عن المعروض)

4. تتحكم بالقسط بطريقة النسبة والتناسب مع السنوات (كلما قلة مدة السنوات زاد القسط والعكس صحيح)

5. تستطيع إختيار شركة التأمين إلي تناسب إحتياجاتك


هذا إلي أذكره .. وأي سؤال أو إستفسار .. فالشباب والمنتدى جاهز

|1|

[سراب الود]

سبق ومررت بنفس ظروفك وكان معي وقتها 15,000 فقط

بعد دراسة (حول سيارات السيدان فقط) وجدت أن الأفضل

هي الإلنترا 2008 ( أو الفئة المقابلة لها من كيا )

موديل جديد محرك 2.0 قير تماتيك بقسط أقل من 1000 ريال

الطريقة هي .. أن تأخذ قرض من البنك (طبعاً بنظام شرعي مثل تورق)

بمقدار قيمة السيارة كاش مع خصم المبلغ إلي معك وتبدأ تقسط البنك


بهذه الطريقة تحصل على ..

1. عمولة أقل ( 4.5% للبنك بدل 6% لشركات التقسيط)

2. توسيع خيارات الشراء لأن المبلغ معك كاش

3. تستفيد من خصم الوكالة للسيارة (الوعلان في الغالب يخصم حوالي 3 ألآلف عن المعروض)

4. تتحكم بالقسط بطريقة النسبة والتناسب مع السنوات (كلما قلة مدة السنوات زاد القسط والعكس صحيح)

5. تستطيع إختيار شركة التأمين إلي تناسب إحتياجاتك


هذا إلي أذكره .. وأي سؤال أو إستفسار .. فالشباب والمنتدى جاهز

http://www.assayyarat.com/forums/../smiles/xyxthumbs.gif

كلام جدا جميل من اخوي Microsoft (http://www.assayyarat.com/forums/member.php?u=17932)
وتقدر بملغ الكاش تحصل سوناتا جديده في المعارض 52000 ريال سعودي اقل فئه قير عادي
تقريبا شفتها في معارض النسيم قبل اسبوعين وايضا سوناتا سوداء فل كامل بـ62000 ريال.
اذا كنت تبي اشوف لك اسم المعرض فانا جاهز.
وايضا راح تحصل النترا بأسعار منافسه جدا في المعارض !! وهذي احدى ميزات الكاش !!
ونصيحه النترا اذا كانت مكينتها 1.6 خذ قير عادي
اما اذا كانت مكينتها 2.0 تقدر تاخذ قير اوتو فالمكينه مناسبه .

اتمنى لك التوفيق

[M.W4EVER]

كلام أخوي مايكرو صحيح اذا صار معك كاش ماراح تلتزم بوكيل معين تقدر تاخذ من معرض برا انا قبل فترة شفت النترا 2008 فضي قير اوتو وفتحتة سقف ب 46000 ريال وقالي لو معزم أراعيك

والله يعينك ويوفقك لكل خير

[ابو ريناد]

جزاكم الله الف خير أخواني والله ودي أرد عليكم وأحد وأحد ولكن خلوها على الله

بالنسبه للبنك مأخذ قرض .

وجزاكم الله ألف خير مرة أخرى . والظاهر أني رسيت على الالنترا .
والله يكتب لنا ولكم كل خير ورزق .

الى اللقاء
أخوكم ابو محمد