يا خبراء الأزيرا .. ميزتين ما عرفت استخدمها

[بلا حدود]

السلام عليكم

اخواني

ميزتين بالازيرا ماعرفت استخدمها الى الآن

واشك انها غير متوفره بالازيرا وفيه ناس تقول موجوده ... احترت

الميزه الاولى هي اغلاق وفتح النوافذ من خارج السياره بإستخدام المفتاح ( جربت لين طفشت ومافيه فايده )

الميزه الثانيه هي ضبط ذاكرة المقاعد بالريموت

علماً ان سيارتي فل اوبشن


ابي اعرف فيها هالميزتين ولا لا واذا فيها كيف طريقة استخدامها

[Microsoft]

هلا والله بلا حدود

أنا قايل لك أنها كورية وش تبي فيها

عطني أياها بس >> :D

الله يبارك لك فيها ويهنيك فيها .. |1|

---------------------------

بخصوص الميزتين صراحة ما أدري

لكن حركة إغلاق النوافذ بالمفتاح كانت بالـScokda Octavia

وكانت طريقتها إنك تدور المفتاح كأنك بتقفل الأبواب وتسمر بالضغط

والعكس صحيح في فتح الأبواب .. مدري هل بتكون نفسها أم لا .؟


أما تخزين المراتب بالمفتاح << متأكد إنها أزيرا مو لكزس :D

صراحة ما أدري ما شرحوها في الكتالوج .؟؟

ياليت صورة من الريموت مع الجهتين يمكن نفيدك .؟

|3|

[vector]

كان ودي أخدمك بس موتري مو فل|5|

عالعموم الحركة الأولى موجوده بالكاتالوج

بس الثانيه مادري عنها

بندر يمكن يفيدك بهالموضوع|6|

[بلا حدود]

^
^

يابعدهم


بالنسبه لطريقة فتح النوافذ اللي شرحتها طبقتها حرفياً وبالغت فيها بعد ولا فتح شي

واما الريموت فـ شكله عادي وفيه ثلاثة ازرار بس ( فتح , غلق , فتح الشنطه )

بس فيه ناس قالو ان الازيرا اللي فيها ذاكرة مقاعد لها حركه يعني تعلق على زر بالريموت وعلى اي وضعيه بالذاكره وتنحفظ بالريموت وكل ما جيت تفتح السياره ترجع المقاعد على الوضعيه المخزنه

وثنكااااايوو

[بلا حدود]

كان ودي أخدمك بس موتري مو فل|5|

عالعموم الحركة الأولى موجوده بالكاتالوج

بس الثانيه مادري عنها

بندر يمكن يفيدك بهالموضوع|6|



حيووه بعدي فيكتور


والله يا الغالي ما قريت عنها بالكتالوج تقدر تذكر لي اي صفحه الله لا يهينك عشان اراجع الكتالوج اللي عندي

وترى الكتالوج ما يكتب كل شي فيه شغلات كثييييره مو موضحها تذكر سالفة التصفح بالأغاني رجعت طبيعي بعد فصل اصبع البطاريه

وبعد كان عندي كمبيوتر الرحلات جت له فتره كل ما اطفي السياره واشغلها مره ثانيه يصفر العداد وبعد فصل الاصبع رجع زي اول

يعني في شي انا سويته وصار الكمبيوتر يصفر بس مو مكتوب اي شي عنه في الكتالوج الفاضي

[DaBDoB]

هلا والله ومراحب كباار اخوي بلا حدود والموجودين ..

بالنسبة لميزتين ما سمعت فيهم الصراحة وما اقدر اجزم بوجودهم او نفي ذلك

بس بالنسبة لموضوع ذاكرة الفرش انا اعتقد ان الرقم الي تكون مخزن عليه الوضعية
اذا حد غير الوضعية ترجع تضغط عليه ويرجع مثل ما خزنته انت ...

بس ان من الريموت تعدل وضعية الكراسي !!! ما اعرف

وعالعموم عسى تحصل مبتغاك
وسلام

[بلا حدود]

^
^

هلا والله دبدوب مرحبا الساع :)

هالميزتين يقولون بالفيراكروز بعد

ياليت تجرب بسيارتك وترد لنا خبر

الميزه الاولى انك تدخل المفتاح وتلفه يسار لكم ثانيه او يمين وتفتح او تقفل القزاز

الميزه الثانيه ناسي طريقتها بالضبط وابوعبدالعزيز يعرفها وان شاءالله بيفيدك فيها

[DaBDoB]

مممممم :confused:

والله يجوز ليش لا مب بعيد عنها هيونداي المفاجئات
ننتظرك يا خونا عبد العزيز علشان تنورنا بهالمعلومه

وتسلم اخوي بلا حدود

[sun light]

بالنسبه لطريقه غلق الأبواب والنوافذ جميعا
فحسب علمي لم أرى إلا طريقتين لفعل هذه الحركه ، الأولى هي مثل ماقال أخوي مايكروسفت تفتح الأبواب بالمفتاح وتستمر بالضغط لمدة 3 ثواني تقريبا ، والطريقه الثانيه بالريموت وهي عندما تضغط على زر الفتح أيضا تستمر على الضغط على الزر وراح تفتح جميع النوافذ ، غير هالطريقتين ماشفت.
وبالنسبه لتخزين وضعية المراتب فلا علم لدي.

[azeraty]

اسف على الدخله الغلط .. بس مادام شباب الازيرا كلهم هنا فرصه ماتتفوت اسالهم :$

الازيرا 2008 فل .. انوارها زينون ولا عاديه ؟

[هقهوق الليل.]

شباب حركة النوافذ هاذي تنفع على السوناتا ؟ ؟
حقتي نص فل

[عــ,,,ــووول]

بلا حدود يمين بالله كسرت ام الريموت انا وانا بسوي فنان قدام الشباب ولا جات معي


حتى المفتاح واذا لقيت حل فيدني تكفا اما المقاعد اول مره اسمع عنها ولو طلعت فيه ونااااسه

وصاحب الازيرا 2008 اذا فل ايه زينون واعتقد مندوب المبيعات سألته ذاك اليوم عن الفل 2008 قال العالي كمان زينون مادري عن صحة الكلام اما الواطي ايه موجود

وبالتوفيق

[بــنــدر]

أخوي بلا حدود

بالنسبة لرفع النوافذ وخفضها غير موجودة بالأزيرا ولا تحاول ممكن تكسر الريموت وانت تحاوب

بس هذا مو معناه إنها خلاص مراح تكون بالأزيرا بالنسبة لي راح يركبونها لي في وكالة الناغي بجدة وهي تركب على الأزيرا الشغلة كلها برمجة الريموت على الشبابيك بالضغط المستمر مدري هل عندكم الوكيل يسويها أو لا وأفيدك بأنها غير موجودة بالأزيرا الا انك تضيفها

بالنسبة للمقاعد انت عارف انها ماتقدر تتحكم بالذاكرة الا واالسويتش شغال فكيف راح تتحكم فيها والسيارة طافية وانا ما قد سمعت إنها الميزة هذي موجودة ممكن إحتمال الالماني

فكل واحد معاه ازيرا لا يحول ممكن يكسر الريموت من الضغطة وهي مراح ترتفع ولا تنزل

أخوكم بندر

[techmate]

والله أعلم
الشغلة الأولي لاأريد أن أفتي بمالا أعلم.
الشغلة الثانية: أعتقد والسيارة شغالة ومضبط الكرسي على الوضعية التي تريد, تضغط على رقم 1 لمدة ثواني (مثل برمجة قنوات المذياع) حتى يتم الحفظ.

[أبو عبدالعزيز]

السلام عليكم.......
شخباركم شباب؟
ماشاء الله كل شباب المنتدى ينتظروني <<<<< ههههه مصدق نفسه
الجواب الشافي للجميع إنشاء الله
أبشروا بالخير
بالنسبة لأسئلتكم :

1- نظام فتح/أغلاق النوافذ
هذه الميزة للاسف مو موجودة عندي
ولاكن كأني قرأت طريقته وهي كالتالي:
دخل المفتاح من برى ولفه لليمين (وضع فتح الأبواب) مرة وحده ورجعه ومن ثم لفه وأستمر لمدة ثواني وإنشاء الله تضبط ، يعني بالبداية أفتح الحبات ومن ثم أفتح النوافذ
والعكس صحيح

2- نظام الذاكرة بالريموت كنترول :
هذي ولله الحمد موجوده عندي
وللاسف موموجودة بسيارة الوالد أوبيروس 2008 فل أوبشن .......!!!
ملاحظة : كل ريموت يعتبر ذاكرة مستقل عن الآخر ومستقل عن الزرين اللي بداخل السيارة ...!!!
طريقة عمله :
بالبداية ضبط وضح الكرسي المريح لك والدركسيون (المقود) والمرايا
ومن ثم أدخل المفتاح وأدره للوضع On فقط دون تشغيل المحرك
ومن ثم أرجعه إلى آخر حد (يعني وكأنك بتطلع المفتاح من السويتش)
وقبل لا تطلع المفتاح من السويتش أضغط بالريموت على زر فتح الأبواب (على ما أعتقد أو زر الإغلاق)
وبكذا تتم العملية كامله
ولكي تتأكدون
غيروا وضع الكرسي والدركسيون وأغلق الأبواب بالريموت كنترول
وبعدها أفتحها بالريموت
وإنشاء الله إنكم تستمتعون برجوع كل شيء لوضعكم اللي خزنتوه بالذاكرة

تحياتي لكم
وأي إستفسار أنا حاضر
ملاحظة: أنا أعتقد أن هذه المواصفة تتظلب وجود ذاكرة بمقعد السائق ....!.!!!
أخوكم أبو عبدالعزيز

[عاشق ميتسوبيشي]

وكمان الناغي يبرمج قفل الأبواب لمن تتعدى السيارة سرعة 40
حركة حلوة موجودة بالسانتافيه حقت اخويا والأزيرا حقت الوالد
حركة مفيدة خصوصا اذا كان عندك اطفال

[M.W4EVER]

مدري الميزة الأولى كانت بالقرانديرو عندي وكنت مستانس فيها بس الأزيرا ماأتوقع فيها جربت وكسرت الريموت ماصار شي

ليت كل اللي في الكاتلوج عندنا

[بــنــدر]

هو صحيح الميزة حق فتح الشبابيك وقفلها موجود كان بالقرانديور

بس مدري ليش ما اضافه بالأزيرا

أخوي عبدالعزيز طريقتك الي قلتها حق الشبابيك ما جربتها وأبي اجربها وأشوف
بم أني أتوقع أنها مراح تيجي معاي بس خلني أجرب مو خسران شيء

بس أخوي عبدالعزيز إنت جربت الطريقة على الأوبيروس ولا أزيرا
لأنها ممكن تكون بالاوبيروس و مو موجوده بالازيرا

أخوك بندر

[بلا حدود]

ولا طريقه ضبطت معي

وقعدت اتفلسف بطرق اخرى ولا فيه فايده حتى جربت حركة سيارات ثانيه ولا نفع شي

الامل الوحيد هو برمجه من الوكيل ,, ونرد لكم خبر ان شاءالله

[بــنــدر]

عبدالعزيز
جربت الطريقة الي قلتها ولا نفعت ومافي الا كما قال أخوي بلاحدود الوكيل يبرمجها

وننتظر بلا حدود هو يبدا وأنا بعده :D

[بلا حدود]

^
^


هههههههه

لا خلنا سوى


الوكلاء يختلفون

[عــ,,,ــووول]

السلام عليكم.......
شخباركم شباب؟
ماشاء الله كل شباب المنتدى ينتظروني <<<<< ههههه مصدق نفسه
الجواب الشافي للجميع إنشاء الله
أبشروا بالخير
بالنسبة لأسئلتكم :

1- نظام فتح/أغلاق النوافذ
هذه الميزة للاسف مو موجودة عندي
ولاكن كأني قرأت طريقته وهي كالتالي:
دخل المفتاح من برى ولفه لليمين (وضع فتح الأبواب) مرة وحده ورجعه ومن ثم لفه وأستمر لمدة ثواني وإنشاء الله تضبط ، يعني بالبداية أفتح الحبات ومن ثم أفتح النوافذ
والعكس صحيح

2- نظام الذاكرة بالريموت كنترول :
هذي ولله الحمد موجوده عندي
وللاسف موموجودة بسيارة الوالد أوبيروس 2008 فل أوبشن .......!!!
ملاحظة : كل ريموت يعتبر ذاكرة مستقل عن الآخر ومستقل عن الزرين اللي بداخل السيارة ...!!!
طريقة عمله :
بالبداية ضبط وضح الكرسي المريح لك والدركسيون (المقود) والمرايا
ومن ثم أدخل المفتاح وأدره للوضع On فقط دون تشغيل المحرك
ومن ثم أرجعه إلى آخر حد (يعني وكأنك بتطلع المفتاح من السويتش)
وقبل لا تطلع المفتاح من السويتش أضغط بالريموت على زر فتح الأبواب (على ما أعتقد أو زر الإغلاق)
وبكذا تتم العملية كامله
ولكي تتأكدون
غيروا وضع الكرسي والدركسيون وأغلق الأبواب بالريموت كنترول
وبعدها أفتحها بالريموت
وإنشاء الله إنكم تستمتعون برجوع كل شيء لوضعكم اللي خزنتوه بالذاكرة

تحياتي لكم
وأي إستفسار أنا حاضر
ملاحظة: أنا أعتقد أن هذه المواصفة تتظلب وجود ذاكرة بمقعد السائق ....!.!!!
أخوكم أبو عبدالعزيز


يعطيك العافية اخوب ابو عبدالعزيز

بس عندي استفسار بسيط الازيرا يوم تطفي السياره الدركسون ( الطاره ) ترتفع اذا سويت الحركه اللي تقول عليها تتغير حركة الطاره ولا مايصير فيها شي واكون شاكرلك لك ياقمر

[vector]

شباب فيه ميزة ثانية بالأزيرا

اللي هي ان المرايا الجانبيه تنزل لما تدق ريوس

وطريقتها ان تحط عصا ضبط المرايا (اللي على يد باب السواق ) على اليمين وبكذا تصير المرايتين اليمين واليسار ينزلون

واذا حطيته يسار تصير المرايه اليسار بس تنزل


جربوا يمكن تضبط معكم:)

[أبو عبدالعزيز]

السلام عليكم......
أخوي بندر :
هلا وسهلا فيك
الميزة الأولى تبع النوافذ هذه للاسف مو موجودة عندي بالأوبيروس
أما الميزة الثانية فهي موجودة عندي ولله الحمد
وهي مكتوبه بالكاتلوج بالخطوات بعد
وأما بخصوص البرمجة فأنا سألت الصيانة إن كانو يقدرون يعملون لي خاصية أن الدركسون (المقود) يبتعد بمجرد أن أشيل المفتاح من السويتش
ولاكن للأسف ماعندهم اي خبر بها الموضوع

أخوي بلا حدود :
من جد غريبه ما نفعت معاكم
بالله أقرو الكاتلوج عندكم أنا أتوقع انه موجود
أو أن للأسف الوكيل لاغي هذه الميزة

أخوي عــ,,,ــووول :
حياك الله اخوي
لأ طبعا ما يرتفع الدركسون بشكل تلقائي للأسف
ولاكن أنا استخدم الميزة الثانية اللي بريموت لتعطي نفس الطريقة تقريبا بحيث:
أبرمج الريموت كنترول أنه وبمجرد فتح السيارة يقوم الدركسون (المقود) بالدخول والإرتفاع إلى أقصى حد ومن ثم أركب السيارة وأشغلها وأضغط أنا زر الميموري (الذاكرة) ويرجع الدركسون لوضعه المفضل والمريح لدي.

أخوي vector :
تسلم أخوي على هذه الميزة
وهي فعلا موجودة حتى بالاوبيروس
ولاكن أنت هنا عكستها......!!
بحيث تلف الزر على جهة اليسار وكأنك بتعدل بمرآة السائق وبكذى لما تعشق للريوس (الرجوع للخلف) تنزل المرايتين بالكامل
ولما لما توديه يمين تنزل فقط المرآة اليسرى (مرآة الراكب)
ملاحظة : هذا اللي عندي بالأوبيروس ياشباب
وآسف لو كان الأمر مختلف معكم

تحياتي لكم واي خدمة انا حاضر
أخوكم أبو عبدالعزيز

[Microsoft]

والله قهر

كل هالمواصفات ماهي مشروحة في كتيب السيارة

:(

[vector]

^^^^^^^^

مالك لوا اخوي مايكروسوفت

موجوده كلها بالكاتالوج عندي ماعدا حركة الريموت

[بلا حدود]

^
^

مالك لوا بعد :D

الكتالوج مختصرينه مره وفيه اشياء كثيره ماحصلتها

الواحد مو فاضي يفصل اصبع البطاريه كل شوي

انا احاول ادور لي مانيول للأزيرا بالنت وشامل كل بس ماحصلته للحين

[vector]

^^^^^^^

بس اهم شي موجوده;)

[بلا حدود]

^
^

لو هي موجوده كان مافصلت اصبع البطاريه ;)
























يارجال كوري زين جا معها كتالوج :D

[أبو عبدالعزيز]

^
^

لو هي موجوده كان مافصلت اصبع البطاريه ;)
























يارجال كوري زين جا معها كتالوج :D

ههههههههههههههههههه
الله يقطع بليسك
من جد ضحكتني

غريبه ياشباب الكاتلوج معي شامل كل شيء تقريبا:rolleyes:

[Microsoft]

وشفيكم بلاحدود وفيكتور

قالبينها ردية << :D

أنا أقصد أنها ميب مشروحة في الكتالوج

ولا هين فيه مواصفات ما نحلم بها في الكتالوج

:rolleyes:

[أبـــوبـــدران]

اذا فيه حركه للسوناتا ترى عادي تعلموننا ,,

<<<وقطتي معي

:D :D

حركات جميله واعضاء اجمل ,, يعطيكم العافيه جميعآآ

والسلام عليكم

[بــنــدر]

^
^


يارجال كوري زين جا معها كتالوج :D





حلوة الكوري زين جى معاه كاتلوج :D

[بــنــدر]

أخوي بلا حدود

يا خي لا تشغل نفسك بالشبابيك شغل السويتش وارفعها وقفل السيارة وخلصنا :D

بالنسبة للمقاعد يا خي ضبطها وانت قاعد في السيارة لازم من بعيد

ما بقى تقول الا ابيها توقف لحالها بالريموت

ايش الكسل هذا<<<<<<<<<<<<<< بينجلد :eek:


على فكرة الشبابيك حق الازيرا بعد ما تطفي السيارة وتطلع المفتاح قدامك بس 30 ثانية تقدر ترفع وتنزل الشبابيك


أخوك بندر

[بلا حدود]

أخوي بلا حدود

يا خي لا تشغل نفسك بالشبابيك شغل السويتش وارفعها وقفل السيارة وخلصنا :D

بالنسبة للمقاعد يا خي ضبطها وانت قاعد في السيارة لازم من بعيد

ما بقى تقول الا ابيها توقف لحالها بالريموت

ايش الكسل هذا<<<<<<<<<<<<<< بينجلد :eek:


على فكرة الشبابيك حق الازيرا بعد ما تطفي السيارة وتطلع المفتاح قدامك بس 30 ثانية تقدر ترفع وتنزل الشبابيك


أخوك بندر



هههههههههه

وش نسوي ابن آدم طماع

<< دافع 86 الف ويبي كل شي فيها :D


على فكره الـ 30 ثانيه هذي في السوناتا حقتي 2002 ستاندر

وفي الجرانديور 2000 بعد

[just 4 u]

اتمنى ان نجد أجابة على هذه الأسئلة من الوكيل

[vector]

^
^

لو هي موجوده كان مافصلت اصبع البطاريه ;)
























يارجال كوري زين جا معها كتالوج :D


من قالك اشر سيارتك مع تخزين وضعية المقاعد؟؟

<<<<< انشب:D

يوم اشتريت السوناتا حذفوا المفتاح بوجهي ورفسوني برا الوكاله وماكان فيه لا كاتالوج ولا غيره:D






أخوي أبو عبد العزيز

توقيعك ذكرني بتوقيع stun (الله يذكره بالخير)

والله مادري وش صار عليه
أخبره ترك المنتدى عشانه كان مشغول لانه على وشك التخرج من الجامعه

الله يوفقه

[أبو عبدالعزيز]

هلا والله أخواني
لحد ألحين وأنتو تتهاوشون على هذه الميزتين....!!!
ههههههههههههه
بسم الله ماشاء الله الأوبيروس والأزيرا فيهم مميزات من جد قوية
ولاكن نبي من يكتشفها
للأسف الوكلاء عندنا ما عندهم بـ 70% من هذه المميزات الدقيقه بسياراتهم
على العموم الله يوفق الجميع لكل خير

أخوي vector :
اي والله اشتقناله stun
الله يوفقه أكيد منغمس بمشاكل وأهوال هذه الدنيا << أقول أنتبه يا سيباويه ههههههه
الله يجيرنا ويحمينا ويستر علينا منها

تحياتي لكم
أخوكم أبو عبدالعزيز