ايش رايكم الأزيرا او الأوبيروس؟!!!!! [الأرشيف]

مشاهدة النسخة كاملة : ايش رايكم الأزيرا او الأوبيروس؟!!!!!

lilkim

20-01-2008, 12:52 AM

سلام عليكم
مريت وكاله كيا السعوديه بعد ماشفت الاعلان حق العرض الي هم مسوينه على جميع سيارتهم وبصراحه نالت اعجابي الاوبيروس فخمه وعرضهم حلوو مرره يعني تقريبا فئه ماقبل الفل اوبشن ب77 الف وقالي المندوب اذا عزمت اكلمهم ينزلون لك في السعر

طبعا مواصفات السياره جنوط واسيات جلد وتكيف الكتروني وستاره خفيه وحساسات خلفيه لصدام وخمس تبديلات لقير الاتوماتك وممكن يتحول عادي محرك 6سلندر 3.8 بقووه 264 حصان وطبلون ليزر ابيض والضمان 5سنوات مفتوح الكيلو مترات يعني امش زي ماتبغي خذ راحتك ..
انا بمرهم بكره بعد ماخذيت موعد تست درايف على الفل اوبشن بجرب قياده السياره ..
لذا حبيت اعرف ارائكم هل اشتري الاوبيروس ولا اشتري الأزيرا 3.3 بتندهب 75الف

الصراحه موصفات الاوبيروس افضل لكن انا متردد من ناحيه قوه السياره لان انا ماعندي اي خلفيه عن سيارات كيا...

مشورتكم وهدايه الله

mnaief

20-01-2008, 12:57 AM

اذا ماكانت الازيرا فل .. راح اخذ الاوبيروس :) وخاصه بالمحرك 3.8

DaBDoB

20-01-2008, 01:05 AM

انا مع الازيرا ومن عشااقها الصراحه :)

بس اذا انت عزمت على الاوبيروس او دخلت مزاجك توكل على الله

ولا تنسى تستخير اخوي والله يقدم الي فيه الخير
ويعطيك خيرها مقدما

عــ,,,ــووول

20-01-2008, 01:45 AM

الاوبيروس حلوووه بس ماعمري جربتها

وانا معاي ازيرا وصراحه سياره مايحتاج ما شاء الله

وانت استخير وانا اخوك

والله يقدم اللي مافيه الخير

فـوفـو

20-01-2008, 01:58 AM

وانا مع اخوي

اذا الازيــرا مهي فل .....؟؟!!

خذلكـ الاوبـيـروس احسن ^_^

.
.
.

وعــلى فــكرهـ ترا وكــيل كــيا الجديد هوهـ ----->> حق التوكيلات العالميه ^_* حق شفر وGMC

GMC 2005

20-01-2008, 02:00 AM

وفرت علي أخوي أن أكتب موضوعا .. جديدا !!

أنا مثلك تماما .. والاوبيروس داخل مزاجي تماما ..
فودي الله يحفظك أن تضع لنا صور من السيارة التي ستقودها غدا .
لأني في منطقة لايوجد لهم في وكيل .. والـاوبيروس فيها نادرة .. :mad:

أنا بانتظار ردك هنا غدا |1|

والإخوان .. أصحاب الخبرة .. لا تبخلوا علينا يالتوجيهات و الملاحظات على السيارة .

تحيتي لكم جميعا في مشاركتي الأولى معكم .

vector

20-01-2008, 07:30 AM

كلها حلوه وممتازة والمسأله مسأله ذوق

وعلى فكره الأوبيروس مواصفاتها أفضل وبسعر أقل

ولكني شخصيا أفضل الأزيرا

techmate

20-01-2008, 09:48 AM

انا مع الازيرا ومن عشااقها الصراحه :)

بس اذا انت عزمت على الاوبيروس او دخلت مزاجك توكل على الله

ولا تنسى تستخير اخوي والله يقدم الي فيه الخير
ويعطيك خيرها مقدما

أنا معاك |1|

Microsoft

20-01-2008, 03:22 PM

ما شاء الله دائماً أنا وفيكتور متفقين في الأفكار

<< أي هين .. :D

----------------------------------

أنا أقول مثل ما قال حبيبنا فيكتور

وعلى فكره الأوبيروس مواصفاتها أفضل وبسعر أقل

ولكني شخصيا أفضل الأزيرا

:cool:

مساري الرياض

20-01-2008, 04:03 PM

بصراحه انا اعتبر الاوبيروس سياره عبقريه تثير الاعجاب وتستحق الاقتناء بكل جداره

وشكلها وتشطيبها وسعرها شي راااائع.

M.W4EVER

20-01-2008, 05:26 PM

اذا الأزيرا بدون شاشه خذ اوبيروس بس الوكيل انتبه قريب منك او لا ؟؟ احتياااااااااااط

vector

20-01-2008, 07:33 PM

جبال السروات

20-01-2008, 08:03 PM

عجيب ؟؟
النص فل أخذتها ب73 ألف ومع الإيجار المنتهي بالتملك صارت ب93 ألف
ما ادري إذا كان فوقها فئة قبل الفل أوبشن ؟؟؟

lilkim

20-01-2008, 10:53 PM

سلام عليكم
احب اقدم لكم تقريري الكامل لازيرا والاوبيروس من خلال تجاربي لهم ....

اليوم سقت الاوبيروس الفل قياده تجريبيه والصراحه موتر ناعم وفخم ومواصفات وسعر حلووو وآداء ناعم وعالي في الطراقات ومريح جدا لكن عندي بعض الملاحظات البسيطه على السياره وهي:-

1 ان الحساسات الي قدام مافيها صوت انذار بس صوره المسافه على الطبلون

2 نور الاشاره الاصفر غير واضح بحكم ان الاصطب الاشاره عريض وضعيف مره لا يرتقي لمستوى فخامه السياره

3 توازن السياره وبريكاتها مقبول لكن لما تجي وتقولي السياره فيها 4chennel ABS سستم يعني كل ايطار له مستقل بالحاله معناتها البريك ممتاز جا لكن للاسف ماتوقعته كذا .....انا ماقول تعبان لكن توقعته افضل بكثير لانه ماكنه حاطين فيها ABS 4 احس انه نظام واحد بس. انا اجرت الازيرا 2006 مكروفه كرف غير طبيعي انتو تعرفون اجار وماشيه63الف ويقولي الي في مكتب التاجير ماسوينا لها صيانه غير الزيوت والقماشات ممو متاكد منها انهم تغيرو .... ومع ذلك توازن الازيرا ممتاز جدا في المنعطفات انا اكل الدوار اكل وانا ماشي 60 بصراحه ممتازه والبريك رووعه وقوي جدا وتمسك بريك بسرعه من غير زحف .... لذا اقول الاوبيروس جديده وهذا كذا والازيرا مكروفه واحسن يعني الازيرا اثبتت جدارتها وموقعها..

4 سياره دلع وحلووه لكنا انا شخصيا ماحسيت انا قويه يعني مو حق كرف هذا حسب حدسي والله اعلم

5 الهاند بريك ماهو قوي ايضا موتر جديد ورجلي دخلت داخل الارض مع انا موقف الوكاله ماهو رفيع مررره.

6 من ناحيه السرعه او الدعس ماعليها ممتاز وخمس تبديلات هذا سبب يخلي السياره هاديه مررره بس فيها ثقل اشوي بحكم حجمها ...الازيرا اسرع بكثير خاصتا لما تتحول الى اليدوي او القير العادي

7 العزل الصوتي ممتاز جدا فيها وعجبني كثير مررره ماتسمعر شي برره من تركب طبعا الازيرا كانت فيها مشاكل الكفر الي ورا مارصصته شركه التاجير لذا عن عزل الصوتي الخارجي نسال اصحاب ازيرا عندهم جديده يقول لنا شلون العزل فيها انا ماقدر احكم وانا مجرب سياره ماهي جديده علشان اكون عادل!

باختصار حسب تجربتي لسيارتين انا اميل لازيرا من ناحيه القوه والسبورت وبحكم انها سياره عمليه مررره
الاوبيروس اميل لها لانها فخمه مررره بصراحه وسعرها ممتاز وواسعه لكن رسميه وثقيله واحس انها مو حق دف خطوط مشاوير طويله واخاف منها لانها ماحد جربها صح وماهي معروفه بس ...

وانتم ياشباب الحكم والله ولي التوفيق.....وآسف على الأطاله

vector

21-01-2008, 01:06 AM

^^^^^^^^

يعطيك العافية اخوي بس حبيت اعلق على بعض الحاجات

1 ان الحساسات الي قدام مافيها صوت انذار بس صوره المسافه على الطبلون

كل السيارات اللي فيها حساسات قدام كذا (هذا اللي اعرفه)

2 نور الاشاره الاصفر غير واضح بحكم ان الاصطب الاشاره عريض وضعيف مره لا يرتقي لمستوى فخامه السياره

اذا انك تقصد نور الاشارة الليد اللي قدام

فحرام عليك تقول انه ضعيف بالعكس قوي مره وشكله جميل جدا|6|

3 توازن السياره وبريكاتها مقبول لكن لما تجي وتقولي السياره فيها 4chennel ABS سستم يعني كل ايطار له مستقل بالحاله معناتها البريك ممتاز جا لكن للاسف ماتوقعته كذا .....انا ماقول تعبان لكن توقعته افضل بكثير لانه ماكنه حاطين فيها ABS 4 احس انه نظام واحد بس. انا اجرت الازيرا 2006 مكروفه كرف غير طبيعي انتو تعرفون اجار وماشيه63الف ويقولي الي في مكتب التاجير ماسوينا لها صيانه غير الزيوت والقماشات ممو متاكد منها انهم تغيرو .... ومع ذلك توازن الازيرا ممتاز جدا في المنعطفات انا اكل الدوار اكل وانا ماشي 60 بصراحه ممتازه والبريك رووعه وقوي جدا وتمسك بريك بسرعه من غير زحف .... لذا اقول الاوبيروس جديده وهذا كذا والازيرا مكروفه واحسن يعني الازيرا اثبتت جدارتها وموقعها..

4 سياره دلع وحلووه لكنا انا شخصيا ماحسيت انا قويه يعني مو حق كرف هذا حسب حدسي والله اعلم

هذي يفتونك فيها شباب الاوبيروس مثل ابو عبد العزيز|1|

5 الهاند بريك ماهو قوي ايضا موتر جديد ورجلي دخلت داخل الارض مع انا موقف الوكاله ماهو رفيع مررره.

حتى انا عندي نفس المشكله بالازيرا دايم يرتخي واشده
واتوقع السبب من وزن السيارة

7 العزل الصوتي ممتاز جدا فيها وعجبني كثير مررره ماتسمعر شي برره من تركب طبعا الازيرا كانت فيها مشاكل الكفر الي ورا مارصصته شركه التاجير لذا عن عزل الصوتي الخارجي نسال اصحاب ازيرا عندهم جديده يقول لنا شلون العزل فيها انا ماقدر احكم وانا مجرب سياره ماهي جديده علشان اكون عادل!

بالنسبه لسيارتي صوت الهوا مايطلع الا عند 180 ولله الحمد|1|<<<<< لا تخاف ابد من هالناحيه

وبالنهاية القرار لك <<<<< اجل لي يعني؟:D

والله يوفقك;)

أبو عبدالعزيز

21-01-2008, 10:05 AM

السلام عليكم.........
أخوي lilkim :
تحية عطره لك ولتجربتك الرائعة
راح أرد على ملاحظاتك كاملة :
1- الحساسات الأمامية تعمل بشكل مراي ومسموع ايضا
يعني بالعربي فيها صوت وتحذرك إذا قربت من اي جسم بشكل كبير

2- بالنسبة للإشارات الأمامية
فهي أختلف معاك وبقوة جدا........!!1
الإشارات تعمل بتقنية LED وهي تعطي قوة أكبر من العادية بالظهر أو الليل وبمراحل بعد
وتعطي فخامه جدا جدا خطيره من الأمام
لدرجة وإنت بالإشارة الكل يناظر فيك من بعيد
((أعتقد أنك حكمت عليها وإنت تناظر الإشارة من فوق وإنت قريب من الصدام))
لما تشوفها من بعيد راح تفهم قصدي

3- البريكات أنا أحس أن سيارة الوالد اضعف شوي من بريكات سيارتي
ولهذا أنا أرجح أمرين والأول هو الإحتمال الكبير جدا :
أ- أن البريكات تجي من المصنع مو مشدودة مرة وتحتاج تنظيف وكل هذا وعدونا في فحص 5000كم
ب-أن السيارة لا تأتي بنظام BA مساعدة الفرامل وهذا إحتمال ضعيف جدا ((وذلك لتقليل التكاليف وخفض الأسعار))
بس ماأعتقد لأن نظام ال ESP يأتي معاه المجموعه كاملة دائما وكذا مكتوب بالكتلوج والموقع وهم ((ESP-TCS-ABS-EBD-BA)) لأن كلهم يعملون وفق نظام واحد ومتكامل مع بعض
لهذا ممكن لاحظت فرق بينها وبين الأزيرا بالفرامل
وصدقوني ياشباب لو تجربونها ماراح تحسون بفرق........

4- بهذي أنا أختلف معاك جدا
السيارة على قدر كبييييييييييير جدا ماشاء الله من الإعتمادية والقوة
وضمانها من المصنع (مو من الوكالة) 5 سنوات أكبر دليل
وهي السيارة الوحيدة الكورية التي تحمل هذا الضمان القوي من المصنع ((لحد علمي )) ماشاء الله

5- هذا يحتاج شد بريك فقط
وسيارة الوالد ما فيها هذه المشكلة
وذكرتني بسيارتي أول ماطلعتها كانت كذا وألحين ماشاء الله

6- أنا ما جربت الأزيرا 3.8 لتر مع علمي أن الفرق مافيه بنهم ولو فيه فهو جدا بسيط لأن بالكاتلوج إثنينهم من 0 - 100 كم في 7 ثوان فقط
وأما لو كنت كما أتوقع تقارنها بالأزيرا 3.3 لتر
فأسمح لي اقول أن تجربتك هذي كلها مو صحيحه
لأنها ماشاء الله طيارة كبيره وسريعه جدا بالنسبة لحجمها وثقلها اللي يبلغ 1850كج (مثل وزن اللكزس LS430.....!!!!!)
من جد من جد سريعه لما اسوقها احس سيارتي ثقيله شوي
علما بأن سيارتي جبت من 0 - 100 كم تقريبا 8 ثواني والشباب بالازيرا 3.3لتر جابوها 7.8 ثواني يعني الفرق لا يذكر بينهم ((حسب مقاطع الفيديو اللي شفتها))

7- هذي أنت شهدت فيها للأوبيروس ولاتهون الأزيرا طبعا

وبخصوص شعورك فأنا متأكد اللي جاب لك ها الشعور أن الأزيرا اصغر وملمومه اكثر من ما اعطاك شعور انها عملية اكثر
أما الأوبيروس فاحسست انها كبيره مما اعطاك شعور انها غير عمليه
وبيني وبينك هذا احلى شعور بالاوبيروس انك راكب سيارة كبيرة فخمة
صدقوني ياشباب ما أبالغ لو اقول لكم اني لما اركبها كأني راكب سيارة قريبي صاحب اللكزس LS430 وهو بعد يقول نفس الكلام ((والله على ما أقول شهيد))

تحياتي لكم يا شباب
وأنا آسف إني طولت بالكتابة والرد
بس من جد أنا أتضايق لما يهضم حق سيارة وهي تستحق أكثر
واللي جرب قيادتها بتمعن وأمتلكها يفهم قصدي تمام
أنا آسف إذا أخطأت بحق أحد منكم
أرجو المعذرة منكم جميعا
أخوكم أبو عبدالعزيز

Microsoft

21-01-2008, 11:00 AM

تحياتي لكم يا شباب
وأنا آسف إني طولت بالكتابة والرد
بس من جد أنا أتضايق لما يهضم حق سيارة وهي تستحق أكثر
واللي جرب قيادتها بتمعن وأمتلكها يفهم قصدي تمام
أنا آسف إذا أخطأت بحق أحد منكم
أرجو المعذرة منكم جميعا
أخوكم أبو عبدالعزيز

تسلم يمينك وما قصرت يأبوعبدالعزيز

|1|

ملك الماركيز

21-01-2008, 11:19 AM

الاوبيروس عند واحد من الحاره يقول تطورت أحسن وأحسن وجربت معه خط ماشاء الله روعه

GMC 2005

22-01-2008, 04:21 AM

وفقك الله أخي أبو عبدالعزيز

lilkim

22-01-2008, 03:57 PM

سلام عليكم

جزاك الله خير اخوي بو عبدالعزيز والله يعطيك العافيه وعطيك خيرها ويكافيك شرها انت والوالد طاله الله عمره.... طبعا احب اشكرك على تصحيح بعض المعلومات الي انا ذكرتها بتقريري لكن هم الخوف ذابحني لان كل ماشاور واحد يقولي الهونداي اكثر خبره من الكيا واقوى كناك مطلع يابني تقريبا حتى سعر البيع ينزل بس ماهو زي الكيا غير مرغوب وينزل اكثر ..

انا الآن ضايع بين الفخامه والرزه والسعر الجذاب وهم الضمان 5 سنين مفتوح الكيلو جاي من كوريا وراني الكتلوج حتى قبل ماسوقها وهي تسخن وبين سياره هم حلووه وقويه زي الازيرا
معظم اقاربي يؤيدون الأزيرا برغم من انها اقل مواصفات بكثير من الاوبيروس ومادري الصراحه مادري احترت كل ماعزمت على الاوبيروس علشانها فخمها تردد وقلت اخاف تتم عندي سنتين بعدها تبدا تطلب لان اخوي طلع كلارس 1999 وكلها مشاكل حتى القير ركبوه جديد على الضمان ومافي فايده لذا الكل يقولي ماتعضت من اخوك انت ( ماتفهم) ... اسف على هالكلام لكن هذا الي يصيرلي الآن

ودي اعرف شلون اسوي استفتاء او تصويت على المنتدى وجزاكم الله خير....

أبو عبدالعزيز

22-01-2008, 04:16 PM

مشكورين شباب
وهذا واجب علي بصراحه

هلا وغلا أخوي lilkim
مشكور على كلامك الحلو والمميز زيك
الله يجزاك خير
ملاحظة: السيارتين من مصنع واحد ومن قطع واحده ومن جودة واحده
بخصوص سؤالك فالقسم الكوري مليان من إستفتاء بين الأوبيروس والأزيرا
وشوفهم كلهم ولاتنسى صلاة الإستخارة وأنا أخوك
وسواء خذت الأزيرا أو الأوبيروس
كلاهم جوهرتين من شركة واحده
ولاكن لكل وحده ميزة تتميز عن الأخرى
الله يوفقك بأي شيء تختارة
أخوك أبو عبدالعزيز

Microsoft

23-01-2008, 10:19 AM

اخوي طلع كلارس 1999 وكلها مشاكل حتى القير ركبوه جديد على الضمان ومافي فايده لذا الكل يقولي ماتعضت من اخوك انت ( ماتفهم) ... اسف على هالكلام لكن هذا الي يصيرلي الآن

من الصعب أن تحكم على سيارة لإستخدام شخص واحد

أحد الأقارب معه نفس السيارة وما باعها إلا 2004

ويمدحها كثير ما صلح فيها إلا حاجات بسيطة

هو صحيح أن الجيل السابق كانت جودته متوسطة

لكن الجيل الجديد .. ممتاز |1|

M.W4EVER

23-01-2008, 02:20 PM

تعقيبا على الكلارس انا خالي معه موديل 2000 وللحين تمام ماشيه

Hyundai Genesis

31-01-2008, 06:02 AM

اخواني الغاليين

مشكورين على هذه المجهودات الكبيرة وانا قرأت الموضوع صفحة صفحة

لأنه يهمني وانا نفس اخوي محتار والله بين الاوبريس والازيرا

والحمدالله تقريباً اقتنعت اقتناع تاااااااااام عن السيارتين

مشكورين

الله يعطيكم العافية

givinshi

31-01-2008, 07:04 AM

الاوبيروس

مالك الا هيا

lilkim

31-01-2008, 01:25 PM

مينهو شباب عنده اوبيروس عدت 100 الف كيلو

اي سياره تعدي 100 الف كيلو تطلع هل هي قوية او خرطي ..... الي تعدي 100 الف كيلو وصينتها ماشيه لكن عليها ملاحظات كثيره ماهي قويه ومو حق كرف

او خلنا نقول هل الاوبيروس تتحمل تمشيك 100الف كيلو بدون مشاكل ( مع انتظامك اللصيانه ) ؟؟؟؟؟؟؟!!!!!

اخوي كان عنده كلارس ماعدت ال 40 الف وماشي معهم حبه حبه بصيانه عند الوكاله وكلها مشاكل اخر شي اخترب فيها القير وغيرو لها قير كامل على الضمان على حساب الحاج حسين علي رضا في الخبر والصراحه خدمه ممتازه لكن السياره تعبانه.....

afaopi

01-02-2008, 12:06 AM

السلام عليكم ... معليش على الكلام الي راح اقوله بس ترا هو الكلام الي انا اعرفه عن طريق مقارنتي بالمواصفات الميكانيكية للسيارة ... وهي كالأتي :

الاوبيروس لا تقارن بالازيرا ابدا لأننا كمان نعلم ان الهيونداي والكيا شركتان يشتركان مع بعض بالشاصي دائما ...
يعني انه الازيرا هي نفس السوناتا من الناحية الميكانيكية (قاعدة العجلات والشاصي كاملا) والسوناتا من نفس فئة الكيا اوبتيما ...
والاوبيروس مقابلها من شركة هيونداي (بالمواصفات الميكانيكية) هي الهيونداي سيننتال ... ممكن انها غير معروفة كثير بس اتوقع جاءت عند الوكيل بالرياض وعرضت للبيع بقيمة 140.000 ريال . وممكن لو تلاحظوا هذا الشي لما تقارن بين الاوبيروس والسيننتال من ناحية ابعاد قاعدة العجلات والمحرك والتصميم الداخلي واشارة الغماز الامامي ولكن سوف تجد ان السيننتال تفوق على الاوبيروس بكثر من المواصفات من ناحية الفاهية

وشكرا,,,,,

أصل المجد يانجد

01-02-2008, 12:18 AM

والله اخوي الاوبيروس حلوة مرة من ناحية القيادة والفخافة افضل من الازيرا بملايين المرات

بس ياخوي انا من مجربي الاوبيروس لايضحكون عليك بحكاية الضمان

نصاااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااابين

انا بعد 6 شهور احتجت مقص قالولي مو موجود لانه تحت الضمان ورحت شريته من بره وركبته عندهم بـ 500 ريال

ولما خرب علي كرسي الجربكس غيرته عندهم في نفس اليوم عشانه على حسابي

المهم اذا تبي متعة قيادة غهي قمة في القيادة والفخامة والراحة والثبات بالرغم من انها دفع امامي

لاكن الصيانة تعبااااااااااااااااااااااااااااااااااااااااااااااا اااانه والهيونداي كذلك ( ماخس من قديد الا عسفان )

انا قبل ماشري البي ام كنت ناوي ابيع الاوبيروس بسبب الصيانة فقط فانا السيارة تعبتني خلال ثلاث سنوات فقط

واحد اقاربي اتعبته الازيرا كذلك فانا من وجه نظري تشوفلك شركة تريحك بالصيانة ولو على حساب الفخامة .

الظاهر قصدي مفهوم |1|

M.W4EVER

01-02-2008, 01:38 PM

^^^^^^^^^^^^^

اللي تعب من الأزيرا أي وكيل ؟؟؟

أصل المجد يانجد

01-02-2008, 05:40 PM

اللي تعب من الأزيرا أي وكيل ؟؟؟

هلا والله اخوي ( احب الكوري ) اولا هو يقربلي ولد عم ابوي

واتعبه الوكيل الناغي عندنا بالمدينة وطلع فيها للدمام لما كنا في اجازة ورفض المجدوعي استقبالها

ومشكوووووووووووووووووووووووووووووووووووور اخوي على المرور

أبو عبدالعزيز

01-02-2008, 06:35 PM

أنا تجربتي للوكيلين ولله الحمد تمااااااااااااااااااااااام
مع تأخر طفيف بقطع الغيار بالوكيل الجديد
والشهادة للع تعامل زي العسل (فرع الاحساء)
وسيارتي طبعا كيا أوبيروس 2004
وبالنسبة للضمان
فانا أختلف معاكم انهم نصابين
بالعكس صادقين بكل شيء
5 سنوات يعني 5 سنوات بالكامل دون تحديد الكيلو مترات

Microsoft

01-02-2008, 08:38 PM

واتعبه الوكيل الناغي عندنا بالمدينة وطلع فيها للدمام لما كنا في اجازة ورفض المجدوعي استقبالها

وشلون رفضها .. موب على كيفه .!!

لو إني منك أشك لي إيميل على الشركة الأم

وتشوف وشلون يتصل هو بنفسه عليك

* إذا كان الضمان ساري

M.W4EVER

01-02-2008, 09:24 PM

أصل المجد يانجد

01-02-2008, 09:48 PM

هلا والله اخوي( Microsoft ) الله يرحم والديك عطنا ايميل الشركة الام

والبنسبة لك اخوي ( ابو عبدالعزيز ) الرجاء منك وضع اسم الشركة اللي تتعامل معها قبل كيا السعودية

لاني والله ماجربتها هالشركة الجديدة لانها مو موجودة عندنا بالمدينة المنورة

عالعموم انا وكيلي الحاج حسين علي رضا وبعد مانباعت الشركة لكيا السعودية رفض ىاستقبال سيارتي

بحجة انه غير وكيل لكيا وانا كنت مواضي على الصيانة في الوكالة على الرغم <<<<< حلوة على الرغم هذي

من انها غالية بس الان لي 20000 كيلو بدون صيانة ويشهد الله علي اني ماستفت من الضمان الخمس سنوات ولا شيء والله على ما اقول شهيد <<<<<<<< حلوة ذي قاعد اادي قسم

أصل المجد يانجد

01-02-2008, 10:10 PM

[quote=lilkim;1247551]مينهو شباب عنده اوبيروس عدت 100 الف كيلو

اي سياره تعدي 100 الف كيلو تطلع هل هي قوية او خرطي ..... الي تعدي 100 الف كيلو وصينتها ماشيه لكن عليها ملاحظات كثيره ماهي قويه ومو حق كرف

او خلنا نقول هل الاوبيروس تتحمل تمشيك 100الف كيلو بدون مشاكل ( مع انتظامك اللصيانه ) ؟؟؟؟؟؟؟!!!!!

هلا والله اخوي يؤسفني معارضتك لكن لتبيين الحق ماضنك بتمانع

انا سيارتي ماشية 115000 صحيح اني غيرت فيها اشياء واجد ولكن انا كارفها

يعني اروح فيها المزرعة كل يوم مهنا مشي خفيف عند المطبات واربع مرات طلعت ابها عليها

ولكن بعد مادخلتها الوكالة وربطتها وزينت كل شيء فيها والله كانها جديدة ماشاء الله

السيارة سيارة كرف ولكن مع الصيانة الدورية المنتضمة

وتذكر اخي ( الخلاف لايفسد للود قضية )

Microsoft

02-02-2008, 03:07 AM

هلا والله اخوي( Microsoft ) الله يرحم والديك عطنا ايميل الشركة الام

م

تفضل هذا رابط خاص من موقع الشركة الأم

لجميع الإستفسارات والشكاوي لما بعد البيع

أذكر فيه كافة التفاصيل الدقيقة .. بالإنجليزي

من مقابلات ومشاكل بالتاريخ وأخيراً وسيلة إتصال بك

http://www.kiamotors.com/Inter_Corp/Info/Customer/contactus.aspx

:cool:

أصل المجد يانجد

02-02-2008, 11:28 AM

مشكور اخوي والله ماحطوك مشرف بلاش فأنت صحيح مبدع

ولكن وينك ياخوي ايو عبدالعزيز ابي ردك الله يخليك بس قلي وش استفدت من الضمان

وشكرااااااااااااااااااااااااااااااا

fhad2007

02-02-2008, 11:59 AM

من جهتي ... ومن بعد الزحمه

والصراحه ما جربت ولا وحده

بس من خلال قراءاتي عن السيارتين

ومن خلال ذوقي بشكل السيارتين

ومن خلال السعر المطروح حالياً للاوبيروس

ومن معرفتي في حالة الرغبة اعادة البيع وان كلهم يطيحون

اقول صوتي للاوبيروس ...... شكلها حلو مره واعتقد ان السائق

له دور في عملية السياره من حيث استخدامها

بس فعلاً لو بغيت اشتري سيدان ما راح افكر الا بالاوبيروس

والله الموفق

lilkim

03-02-2008, 11:41 AM

الله يعين انا بنتظر الما تنتقل الوكاله الى الجبر علشان اشوف الخدمات وربك يسهل وجزاكم الله خير

fhad2007

03-02-2008, 01:12 PM

الله يعين انا بنتظر الما تنتقل الوكاله الى الجبر علشان اشوف الخدمات وربك يسهل وجزاكم الله خير

بس راح يروح عليك العرض حق الاوبيروس.....

وترجع كاني ماني

يابن الحلال كلهن كوريات

ويكفيك ان الاوبيروس قائم على تصنيعها فريق عمل من شركة

اودي اللالمانية للسيارات...

تراها فرصه وهي كلها سياره كوريه موب حوت ولا بانو راما:D

lilkim

04-02-2008, 12:14 AM

الله يرزقنا وياك الحوت والبنوراما مشكور اخوي

fhad2007

05-02-2008, 11:57 AM

الله يرزقنا وياك الحوت والبنوراما مشكور اخوي

آآآآآآآآآآآآآآآآآآآمين

بس انا واحد متواضع ما بي هالاشياء

يكفيني سياره جديده وعمليه وما عليها الكلام حتى لو كوريه

ونسأل الله تعالى العفو والعافيه في الدنيا والاخره

وهذا اهم شئ

تحياتي والله يوفقك