شريت hyundai tucson ولــكــن؟؟؟؟

[KIA OPTIMA]

السلام عليكم


اشترى الوالد hyundai tucson 2008 من الوعلان الي بالقصيم
لخوي وطلب الفل كامل ولكن كل ما سأل عن المواصفات
يجي الموظف يقول ((فل اوبشنل فل اوبشنل))ولا يعرف اي شي
فحبيت استـفـسر منكم عن مواصفاته لن السياره العصر ابي استلمها منهم

[الهيو]

السلام عليكم :cool:
اخوي KIA OPTIMA هل التوسان اللي طلبته سته سلندر او اربعه ؟ لكي نعطيك المواصفات وابشر بالرد .

[Microsoft]

بوجود خبيرنا الهيو

أرفع يدي عن الموضوع

:)

[KIA OPTIMA]

والله يااخوان السيارة V6

[ماكس تورك]

انصحك ب6 سلندر وترى حتى ال4 سلندر نشيط
ولو تكرمت قولنا كم السعر
والله يعطيك خيره ويكفيك شره ويعينك به على طاعته

[KIA OPTIMA]

السيارة اللون اسود واشتريناها 74,000

[ماكس تورك]

اخوي KIA OPTIMA اذا سعره قريب من السنتافي خذ سنتافي لو نص فل وان شاء الله انك ماتندم
لأن المحرك واحد تقريبا ولكن يتفوق السنتافي بالتصميم والتجهيز والقدرات
واذا كان فيه مجال ياليت تشوفلك سورنيتو 3.8 2007V6
اعتقد ان سعره قريب من سعر التوسان الفل 2008 لكن خذ قوة وعزم خيالي ودفع رباعي حقيقي
وتصميم رياضي !!!!!! والله يوفق لك الخير .

[ماكس تورك]

74000 ريال !!! اكرر شوفلك كيا سورنيتو ولا تستعجل
إإإإإذذذذذذااااا فييييييييييه مجاااااااااااال
واذا ما فيه ......... الله يبارك لك

[KIA OPTIMA]

اخوي ماكس تورك السياره حجزنها وخلصنا الي هي توسان اسود سته سلندر 74,000

[الهيو]

السلام عليكم
لا اخوي Microsoft لا ترفع يدك كلك خير وبركه .
وين اخونا صاحب الموضوع ما رد علينا ؟
اخوي ابجاوبك على اساس ان سيارتك سته سلندر
مواصفات التوسان الفل كامل
1- جنوط المنيوم 16 مقاس 235 / 60 /16
2- كشافات ظباب
3- فتحة سقف
4- شكمانين
5- قير تبترونك
7- مراتب جلد
8- مكيف الكتروني بالكامل بشاشه توضح وضعية التكييف وقوة المروحه ودرجة الحراره المطلوبه وفيه مقياس للحراره الخارجيه
بفلتر داخل الدرج
.9- مثبت سرعه
10- كمبيوتر رحلات
11- بالنسبه لموديل 2008 شاهدته بوسادتين هوائيه اماميه للسائق والراكب
12- لون المرايات بلون السياره
13 - الراديو فيه دفعات ب شريط وفيه دفعات ب CD ولكن قليله
14- يوجد في السياره على يسار المقود زرار LOCK4 يوزع الدفع بنسبة 50/50 على المحورين الامامي والخلفي
15- يوجد بالسياره على يسار المقود زرار TCS يمنع انزلاق العجلات في حال الدعس بقوه دعاسة على البنزين وخاصه في الطرق الزلقه مثل الطين والثلج وحتى في الرمل ولكن انصح باطفائه في الرمل لاعطاء السياره قوه دافعه .
واخيرا ياليت تخبرنا ما هي مواصفاته بعد استلامك له بالتوفيق اخوي والله يبارك لك فيه .|3|

[ماكس تورك]

الله يبارك لك ويعطيك من خيرها ويكفيك شرها ولازم تمقعدنا فيها وصدقني انها اطلق من الراف فور بهذه المواصفات

[الهيو]

السلام عليكم
اخوي ماكس توارك الكيا سورنتو الفل كامل اللى عليه العرض هو 2007 الالوان التي غير مرغوبه
اخضر ازرق احمر ابيض وجميعهم برفارف رماديه والعدد لا يتعدى 10 سيارات والا ما يتفوت بسعر 78000 ريال فقط |3|

[KIA OPTIMA]

مشكور اخوي ماكس تورك بس الوالد ما ارتاح للسنتافي وحب التوسان لانه اصغر واخف

اخوي الهيو مشكور على الرد بس ابي اسالك هل فيه حامل السيديات

[ZAID ZAID]

على البركة

[ماكس تورك]

شكرا لرحابة صدرك KIA OPTIMA
وشكرا لمرورك يا أستاذ هيو

[DaBDoB]

الف مبروووك ويعطيك خيرها ويكفيك شرها ياربي

[أبو عبدالعزيز]

الله يعطيكم من خيرها ويكفيكم من شرها

[techmate]

اخوي KIA OPTIMA اذا سعره قريب من السنتافي خذ سنتافي لو نص فل وان شاء الله انك ماتندم
لأن المحرك واحد تقريبا ولكن يتفوق السنتافي بالتصميم والتجهيز والقدرات
واذا كان فيه مجال ياليت تشوفلك سورنيتو 3.8 2007V6
اعتقد ان سعره قريب من سعر التوسان الفل 2008 لكن خذ قوة وعزم خيالي ودفع رباعي حقيقي
وتصميم رياضي !!!!!! والله يوفق لك الخير .

أنا مع هذا الإقتراح |1| توكسون فقط صفين من المراتب :mad:

[KIA OPTIMA]

ZAID ZAID ---DaBDoB---ابو عبدالعزيز---techmate


مشكورين شباب والله يبارك فيكم
والسيارة نفس المواصفات الي ذكرها اخوي الهيـو بالضبط

[Microsoft]

لا اخوي Microsoft لا ترفع يدك كلك خير وبركه .


ما قصدت حجب المعلومات

لكن أنت ما شاء الله عليك خبير ومعك التوسان

يعني ما لي مجال .. :D


---------------------------

ألف مبروووك مقدماً

وإختيار موفق بإذن الله

للعلم كنت ناوي أشتري التوسان

وسيت عليه مقارنة بينه وبين الرافور

حصلت التوسان أفضل قوة وعزم وسعر مع مواصفات

|1|

[KIA OPTIMA]

الله يبارك فيك اخوي Microsoft
بس الي قهرني الموظف الاول قال قبل مانشتري السيارة انه فيها حساسات
يوم وصلت قالو لي انه مايجي فيها

[Microsoft]

الله يبارك فيك اخوي Microsoft
بس الي قهرني الموظف الاول قال قبل مانشتري السيارة انه فيها حساسات
يوم وصلت قالو لي انه مايجي فيها


لا تأخذ بكلام أي مندوب عموماً بشكل معتمد

للأسف نصهم ما يفهم في السيارة .. :(

[M.W4EVER]

الله يخلف على المندوبين اللي عندنا عادي واحد في المجدوعي يقولي السوناتا 2000 سي سي

المهم مبروك على السيارة والله يعطيك خيرها ويكفيك شرها

[Microsoft]

الله يخلف على المندوبين اللي عندنا عادي واحد في المجدوعي يقولي السوناتا 2000 سي سي


يمكن يقصد الموديل << عادي جداً :D

[ماكس تورك]

كلامكم صحيح اكثر المندوبين مو عارف مواصفات السيارة ودايم اتناقش معاهم واطلعهم برا
مع ان الكتالوجات ماليه الطاولات عندهم والظاهر ما فيه اي دورات تدريب او تطوير
وتصدقون العام الماضي احد المناديب في شركة تايوتا يكلم زبون يقوله الجكسار 2007 مكينة v6
ما مسكت نفسي تدخلت وشرحت لهم الوضع وتصدقون الزبون استدار الى جهتي وتابع حديثه معي
والمندوب يبتسم ابتسامه خجوله ويفرك يديه وقال ما شاء الله ملم بالسيارات
قمت رفعت كتالوج من على الطاوله اللي امامه وقلت له ذاكر تنجح !!!!!!!!!!!!!!!!!!!!!!!!!

[KIA OPTIMA]

احب الكوري---مشكور والله يبارك فيك

شباب الموظف الي قال ان السيارة يجي فيها حساسات انتقل تدرون وين؟؟؟ للفرع الي بعنيزة
وامس ساله قريب لي عن الحساسات قال اكيد موجود
انا مادري كيف يؤلف من عنده

[mafalha]

السلام عليكم:
اخوكم منذر المفالحة من الاردن يحييكم
انا اشتريت توسانJX 2009 من المنطقة الحرة , ولكن تفاجات بان كتيب التشغيل باللغة الكورية وكتيب المسجل - الرجاء ممن لديه نسخة من الملف PDF او يقدر يصورة ويحوله PDF , وله مني الف شكر وانا مستعد اتحمل اي كلفة - واذا في الاردن انا مستعد اصوره وارجعه ايميلي [email protected] , وتلفوني 00962795306820
والشركر الجزيل للقائمين على المنتدى

[n5o50t]

السلام عليكم:
اخوكم منذر المفالحة من الاردن يحييكم
انا اشتريت توسانJX 2009 من المنطقة الحرة , ولكن تفاجات بان كتيب التشغيل باللغة الكورية وكتيب المسجل - الرجاء ممن لديه نسخة من الملف PDF او يقدر يصورة ويحوله PDF , وله مني الف شكر وانا مستعد اتحمل اي كلفة - واذا في الاردن انا مستعد اصوره وارجعه ايميلي [email protected] , وتلفوني 00962795306820
والشركر الجزيل للقائمين على المنتدى

اخوي اسف ماعندي علم .. لكن هل من الممكن اسالك بكم شريتها وكم محركها؟ وهل فل؟
شكرا لك