كيف تقنع الناس بأن KIA and Hyundai قد تطورت وأصبحت أفضل من ذي قبل . .؟!

[تـــMـــيـــM]

بسم الله الرحمن الرحيم

http://www3.0zz0.com/2008/01/15/03/350563099.gif


كثيراً منا يعلم أن أغلب الناس يأتي في مُخيلاتهم أن أفضل السيارات الموجودة حالياً هي TOYOTA
ولا يريدون أحداً أن يقنعهم بأن هناك شركات قادمه وبقوة للمنافسة بل تفوقت إن صح التعبير على سياراتهم تويوتا . . وماهي تويوتا حتى يطيروها في السماء .. !!
نعم لقد فازت تويوتا منذ القدم بالسمعه بحيث لايخلو منزلاً إلا ويوجد به هذا النوع من السيارات اليابانية , طبعاً نحن نتكلم في عام التسعينات وبداية الألفيه فقط .. واستمر هذا الحال إلى يومنا هذا لأنه وبدون أدنى شك وبدون مجاملات فهو شيك في جيبك مابعد البيع .. !!

نرجع لموضوعنا اللي هو كيف تقنع الناس بتطور سيارات KIA و هيونداي . .؟؟

http://www2.0zz0.com/2008/01/15/20/684601825.jpghttp://www2.0zz0.com/2008/01/15/20/230654180.jpg

أحد الأخوه المتعصبين لتويوتا كان عندي في المجلس وكان هناك 4 أو 5 أشخاص موجودين عندي فبدأ هذا الرجل حديثه وقال : أنا ماقهرني إلا فلان إبن فلان أخذ هيونداي فيراكروز بـ 126.000ألف ريال ياخي لو إني محلّه حطيتها في لاندكروزر و و و . . الخ هالحين خله يروح يبيعها ماتجيب له ولا 30.000 ألف ريال , وأنا ملزم الصمت لأني لا أستطيع أن أشرح لهذا الشخص وهو متحجر ومصمم على اللي براسه فكيف تبي تقنعه . . المهم طلع من الموضع وجاب سالفه ثانيه ألآ وهي سالفة واحد إستشار صاحبه بسيارة فورد وصاحبه رد عليه إن الفورد مايصلح وإنه ( مخلّي خويه ) وأخذ يسب فيه بعد فتره جاء صاحبي ( اللي قاعد يسب الفيراكروز ) وسأل اللي كان بيشتري الفورد . . هاه يافلان وش سويت شريت فورد . . قال : لا لأن صاحبنا مامدحها لي .. !!
قال : ليه يا أخي هل فلان جرب الفورد ؟ قال : لا
هل فلان ركب الفورد ؟ قال : لا
هل فلان له خبره بالفورد ؟ قال : لا
أجل كيف تسمع نصيحته !!!!!

عاد جاء دوري أنا ( تميم ) وتكلمت وقلت : سبحان الله ظهر الحق وزهق الباطل .. !!
هل أنت يامن تسب الفيراكروز أو الهونداي بوجه خاص جربت أو ركبت أو لك خبره في السيارات الكورية . .؟ أجاب بنفس جواب صاحبه , فقال : لا
قلت على أي أساس حكمت على هونداي بردائتها وقاعد تسب فيها من اليوم . . !!

عموماً هذا نموذج من نماذج الشعب ألقيتها لكم بلهجتنا فكيف بباقي الناس . .؟
أنتظر أرائكم وإستفساراتكم وردودكم على هذا الموضع|3|

[b i l a l]

سبحان الله كلامك صحيح وهذا الواقع الأكثر يحكم من غير تجربه...

[محتار 2008]

يا كثرهم في الرياض




اهم شيء راعي السيارة يكون مقتنع فيها وبس !!!





|3|

[LTZv6]

معاك حق أخوي

وأنا أتوقع ان المسئلة هذي تحتاج وقت لمسح مخزونات السمعة السيئة لهونداي وكيا

يعني مو في يوم وليلة تجي تقنع الناس تغير نظرتها في سيارة عقدت الشعب

وإلى الحين تونا في الجيل الأول من التطور الكوري يعني أصبر على الناس تشوف الجيل الثاني وبعدها راح يبدأ الحكم على الجيل الأول

لأن اتوقع الجيل الجديد من سيارات هونداي وكيا صار لها سنتين او ثلاث
وهذي ليست فترة كافية لتغير سمعة دامت 20 سنة

وأنا شخصيا ً الاحظ تطور هونداي بالذات في الأهتمام والتركيز على كسب رضاء زبونها وأتوقع راح تبدأ تفكر في الأرباح بشكل جدي في الأجيال القادمة

لكن تبقى عندي نقطة أحب أوضحها

دايم أعط السيارة حقها بدون أي زيادة
لأن إذا فيه ناس متحجرة وماتبي تتقبل الكلام عن الكوري في الجهة الثانية في ناس رافعة الكوري وباقي شوي ويوصلونه للألماني

الكوري تطور نعم ولكن يبقى تحت الأنظار وكسب الثقة ،،،
إلى الأمام يا هونداي وكيا ،،،

آسف على الأطالة

تحياتي ،،،

[جبال السروات]

أحس الناس بدأت تتقبل هونداي من السوناتا وتحت
أما الكيا فالسيارات العائلية حقتها منتشرة ..
بس هو سعر البيع اللي يفرق
يعني لو أشتري تويوتا راح أحط في بالي خمس سنوات وأبيعها
غير كذا راح أحط في بالي عشر سنوات ، لأن بيعها قبل هذا فلس

[DaBDoB]

الف شكر وتقدير لك يا اخوي تميم على الموضوع الفعال الي يتيح لنا فرصة التحاور ...:cool:

وصراحة انا حسيت من كلامك ان كان ودك تقوم وتشل خويك هذا وتعلقه فالمروحه
بس رحابة صدرك اكبر ...:)

كل الي ممكن اقوله ان ليس من الامكان ان تقنع من ليس له رغبة في ان تقنعه ..!!

يعني سبحان الله لكن كان هالشئ توارث
يعني الي تكلمو معاك من غير خبرة جاب انتقاده هذا بناء
على اساس كلام سمعه من ابوه ولا عمه من هو صغير لين كبر
وقام هو بالمثل يردد من دون تجربه

و اايد كلام اخوي ال تي زد ان الموضوع يبالة وقت وعسى خير

ومشكور مره ثانية

[راعي الأوبيروس]

يعطيك العافية على الموضوع (((((والله اهم شي انا مقتنع بالسيارة وما علي في احد ويا كثر الي سب سيارتي الاوبيروس وما لقى شي يسبه قال( كيا ) اذكر سالفة كنت اتكلم مع واحد من الزملاء عن الاوبيروس قلت لو بدل علامة كيا علا مة تويوتا !!!!!!!!!!!!!!!!!!!!!!!!!!!!!!!!!!!!!!!!)))) اكيد تدرون وش قال ما يحتاج اتكلم وسلااااااااااااااام |3|

[امير الارض]

بأختصار : سيارات عمرها الافتراضي 3-6 سنوات وشوف بعدها الخرابات .

والي مو مقتنع يروح يشوف موديلات 2000 - 2001 ويقارن حالتها بسيارات تويوتا ويشوف ايش خرب فيها ؟

[بلا حدود]

صدقوني ياشباب من اهم الاسباب اللي خلتني اعشق الهيونداي هو سب الناس لها

سب الناس لها ويوم جربتها طلعت غيييييييير

عندي سوناتا من 2002 الى الآن وعرفت الهيونداي زين ومايحتاج اشاور فيها احد لأني وبإختصار جربتها 6 سنوات عشره من ايام الثانويه والطيش :D الى كرف الشغل ومشاوير الدوام والحوادث اللي جتها والله مافيه مكان فيها الا مسمكره :D

خلوني بكلامهم اوسوس بالسوناتا وكل يوم اقول بيخرب فيها شي بس طلع كلامهم كله نسج من خيال الماضي

[GeNeSiS^coupe]

مع الأسف في ناس تفكيره وأخذهم للحقائق متأخر
صحيح ان شركة تويوتا كانت ماسكه السوق فتره من الفترات بس الوضع يتغير
الدليل ... الكثير من اللي يقتنون كامري هاذي الايام يشتكون من خراباتها وخصوصا في الموديلات الجديده وهاذا يدل ان تويوتا ماهي شركه من ذهب
نعم انا احترم هاذي الشركه لانها تسعا للقمه لكن في اكثر من شركه تنافسها
واللي مو عاجبه الكوري لازم يعرف ان اكبر الشركات المنتجه للسيارات تعمل حساب لشركات الكوريه وخصوصا هيونداي
انا ماعندي خلفيه عن الكيا بس الهيونداي متتبعها من زمان ولديها وعود بكتساح السوق في السنين القادمه
الكل ينتظر جينيسيس سيدان عشان تحل محل سيارة بي ام او مرسيدس
اذا خذينا الموضوع من ناحية السعر
يعني ليش اشتري الماني مستعمل موديل 2001 او 2002 وانا عندي مبلغ سياره 2008 وبنفس الفخامه
عشان اسمها ليش راح اناسبها
اذا كانت راح تعطيني نفس متعة القياده والفخامه
بصراحه الناس لازم تتفتح
اللي تفكيره سنة 95 لازم يصحصح ويقول انا في 2008 والوضع اكيد يتغير
شركة تويوتا ولا نيسان ولا فورد ولا غيرها هاذي ولا هذيك مو لحالها في الميدان الكل يبي يبدع ويبي يفرض وجوده
منتجين السيارات يشوفون شركة هيونداي كابوس ودايم كاسره ظهورهم بالسعر والعروض على سياراتها
واللي ماعنده خبر.... شركة هيونداي تعتبر ثاني اكبر شركة في العالم تبيع سيارات من سنة 2003 لي اليوم
ومنو الاول ومنو الثالث
1تويوتا
3 بورش
شركة هيونداي خرجت منها تصريحات انها راح تحدث تغيرات جذريه في السوق ابتداء من سنة 2009|2010
اسف على الاطاله
واللي محتقر الكوري يجيه يوم ويدوخ وهو يحسب السيارات الكوريه في الشارع

[mnaief]

ياحليلهم اللي يسبون :D دايم يهايطون وبالنهايه اذا قلت له جربتها قال لا والله
فيه واحد قبلي يقول ان الكوري عمره 6 سنوات .. احب اقوله انه مع ولد اختي اكسنت موديل 97 واتحداك لو تجيب لي سياره من نفس فئتها وبنظافتها .. وكان عندنا برضوا سياره ستيلر من هيونداي من عام 86 تقريباً وبعناها لعمال في عام 2004 .. ولك ان تتصور ان المكيف والمسجل وكل شي فيها كان شغال .. :)

محبوبتي السوناتا ماكبرها في عيني الا سب الناس لها .. وصراحه لو فكرت اشتري سياره ثانيه ..
أول شي بأروح وكاله هيونداي.. اسعار في متناول الجميع وخدمه بعد البيع مرضيه ومواصفات نادر ماتحصلها بفئتها في شركات ثانيه ..

اتمنى ان الناس ماتفهم ان الكوري تطور ويجلسون على تفكيرهم البايخ هذا ..
لاننا احنا الكسبانين الاسعار ماراح ترتفع .. وبرضوا السيارات الكوريه تصير قليله .. يعني اذا شريت سياره كوريه احس فيه تميز :D

[wisdom seeker]

أنا كنت أخاف الكوري من كلام الناس بدون تجربة وفعلا كانت بعض السيارات الكوري زمان حساسة وماهي راعية كرف
وبعدين لقيت واحد جاري من زمان جايب دايو ليقانزا من أول التسعينات والله ركبتها معاه لقيتها راسية وعزل الهوا ممتاز وكرفها وما قالت لأ ......... وبعدها ركبت مع كداد :D من الشرقية للرياض سوناتا ما أعرف مديلها اللي فانوسها مثل الفياجرا شوي وطبق الطبلون علي 200 والله ما شفت راحة ورزة مثلها ...... ماضيق صدري غير دخان السواق :p

[Microsoft]

يعطيك العافية على الموضوع (((((والله اهم شي انا مقتنع بالسيارة وما علي في احد ويا كثر الي سب سيارتي الاوبيروس وما لقى شي يسبه قال( كيا ) اذكر سالفة كنت اتكلم مع واحد من الزملاء عن الاوبيروس قلت لو بدل علامة كيا علا مة تويوتا !!!!!!!!!!!!!!!!!!!!!!!!!!!!!!!!!!!!!!!!)))) اكيد تدرون وش قال ما يحتاج اتكلم وسلااااااااااااااام

يا سلام عليك .. نفس نظامي في التعامل .. |1|

-----------------------


بأختصار : سيارات عمرها الافتراضي 3-6 سنوات وشوف بعدها الخرابات .
والي مو مقتنع يروح يشوف موديلات 2000 - 2001 ويقارن حالتها بسيارات تويوتا ويشوف ايش خرب فيها ؟

أخوي أمير.. بالنسبة للجيل السابق .. أقولك ممكن

مع تواجد بعضها تصمد أكثر من التويوتا

مثال بسيط .. الأكسنت مع التيرسل .. ;)

----------------------------------


مع الأسف في ناس تفكيره وأخذهم للحقائق متأخر
صحيح ان شركة تويوتا كانت ماسكه السوق فتره من الفترات بس الوضع يتغير
الدليل ... الكثير من اللي يقتنون كامري هاذي الايام يشتكون من خراباتها وخصوصا في الموديلات الجديده وهاذا يدل ان تويوتا ماهي شركه من ذهب
نعم انا احترم هاذي الشركه لانها تسعا للقمه لكن في اكثر من شركه تنافسها
واللي مو عاجبه الكوري لازم يعرف ان اكبر الشركات المنتجه للسيارات تعمل حساب لشركات الكوريه وخصوصا هيونداي
انا ماعندي خلفيه عن الكيا بس الهيونداي متتبعها من زمان ولديها وعود بكتساح السوق في السنين القادمه
الكل ينتظر جينيسيس سيدان عشان تحل محل سيارة بي ام او مرسيدس
اذا خذينا الموضوع من ناحية السعر
يعني ليش اشتري الماني مستعمل موديل 2001 او 2002 وانا عندي مبلغ سياره 2008 وبنفس الفخامه
عشان اسمها ليش راح اناسبها
اذا كانت راح تعطيني نفس متعة القياده والفخامه
بصراحه الناس لازم تتفتح
اللي تفكيره سنة 95 لازم يصحصح ويقول انا في 2008 والوضع اكيد يتغير
شركة تويوتا ولا نيسان ولا فورد ولا غيرها هاذي ولا هذيك مو لحالها في الميدان الكل يبي يبدع ويبي يفرض وجوده
منتجين السيارات يشوفون شركة هيونداي كابوس ودايم كاسره ظهورهم بالسعر والعروض على سياراتها
واللي ماعنده خبر.... شركة هيونداي تعتبر ثاني اكبر شركة في العالم تبيع سيارات من سنة 2003 لي اليوم
ومنو الاول ومنو الثالث
1تويوتا
3 بورش
شركة هيونداي خرجت منها تصريحات انها راح تحدث تغيرات جذريه في السوق ابتداء من سنة 2009|2010
اسف على الاطاله
واللي محتقر الكوري يجيه يوم ويدوخ وهو يحسب السيارات الكوريه في الشارع

عين العقل .. وهذي مشكلتنا تأخر في إستيعاب الحقائق

وش كانت نظرة الناس لتويوتا في التسعينات .؟

ونظرتهم الآن .؟ ستجد أن الأن أكثر رغبة لتويوتا

مع أنها (تويوتا) كانت في التسعينات أفضل من الآن .!

----------------------------


اتمنى ان الناس ماتفهم ان الكوري تطور ويجلسون على تفكيرهم البايخ هذا ..
لاننا احنا الكسبانين الاسعار ماراح ترتفع .. وبرضوا السيارات الكوريه تصير قليله .. يعني اذا شريت سياره كوريه احس فيه تميز

نفس الفكرة .. |1|

----------------------------------


أنا كنت أخاف الكوري من كلام الناس بدون تجربة وفعلا كانت بعض السيارات الكوري زمان حساسة وماهي راعية كرف
وبعدين لقيت واحد جاري من زمان جايب دايو ليقانزا من أول التسعينات والله ركبتها معاه لقيتها راسية وعزل الهوا ممتاز وكرفها وما قالت لأ ......... وبعدها ركبت مع كداد من الشرقية للرياض سوناتا ما أعرف مديلها اللي فانوسها مثل الفياجرا شوي وطبق الطبلون علي 200 والله ما شفت راحة ورزة مثلها ...... ماضيق صدري غير دخان السواق

بالنسبة للجيل السابق .. ممتاز لكن يعيبه إحتاجه الأساسي للصيانة الدورية
وهذا مالا يفعله أغلب مستخدمي السيارات ..!

أما عن الجيل الجديد .. فالموضوع مختلف تماماً .. |1|


------------------------------------------

سأذكر موقف حصل لي .. جعلني أتأكد بأن الناس يمشون فقط على السمعة لا شيء آخر .!

حالياً معي جيب Rav4 98 طبعاً نادر جداً عندنا في السعوية (الرياض تحديداً) خاصة التسعينات

المهم أن جاري أعجبتها السيارة كثيراً ( سبب الإعجاب هو فئة السيارة SUV صغير)

مع الكلام والسواليف قالي ما شاء الله سيارتك روعة بس شكلها صينية .!!

قلت له هذا جيب Rav4 تويوتا .! قال لا أجل ممتاز .. :)

[HaAmAd]

ماراح تقدر تقنع احد لان الناس اذواق وقناعتك مش بالضرورة تكون مقنعه لهم . اللي يقدر يقنع الناس هو المنتج نفسه سوا كيا او هيونداي اداء السياراتين وجوده السيارتين وقبول الناس لها علي اساس الجوده وليس السعر التنافسي هنا فرق كبير , لكن السيارتين للامانه اراء انها قطعت شوط طويل في اشياء كثيره الشكل والتطور التقني اللي يستخدم في تصنيع السيارات لكن يبقا لها وقت طويل حتي تلقا ثقه سيارات مثل نيسان تويوتا فورد جي ام سي ميتسوبيشي لان في حال ذكرت الاسماء هذي لشخص من كان يكون تجده مايفكر بالجوده والاداء مثلا لما تقول كيا لان البعض الي الان مايعرفها اساس وهذي حقيقه مع هذا كله انا اشوف انها سيارات لها وزنها علي مستوي العالم وبدت تاخذ لها مكانه مميزه وقبول والسنوات القادمه انا اتوقع انها بتاخذ مكان شركه من الشركات الكبار لكن بيكون بعد وقت طويل لا نه ماهو بالسهل انك تلغي تاريخ وخبره سنوات مثلا لشركه مثل فورد او نيسان . والله الموفق

[بتي فور]

انا مابي اروح بعيد
يوم شريت سيارتي اخواني كلهم معترضين انت خبل تشري كوري؟؟
الناس مقتنعه بـ تويوتا لهم 50 سنه صعبه تغير هالشي بـ يوم وليله
هيونداي الى الحين مادخلت بعالم السيارات الفخمه
يمكن الجينيس هي اول سياره
والفراكروز اول جيب محترم ينزل
اللي قبلها الازيرا ولا التوسان مانقول فيها شي سيارات رااايقه
بس اللي اقصده واللي اشوفه هيونداي تعمدت تأجيل السيارات الفخمه الا ان يقتنع الناس بالشركه نفسها
وبجودتها وانها فعلا تغيرت وهذا اللي حاصل ,, الالنترا اشوفها افضل سياره بفئتها بدون منازع
السوناتا صارت كأنها كامري تشوفها بكل مكان
الازيرا بالبدايه اول مانزلت الناس متخوفه منها لكن بعد فتره شفنا كيف انتشارها

قناعات الناس صعب تتغير الا ان يشوف بعينه انتشار السياره او يركبها بنفسه ويجربها

[أبـــوبـــدران]

ليش كل شي تقارنونه بتويوتا ؟؟

ليش دايم اسمع ان الكوري مايمسك سعره عكس الياباني اللي تقولون انه شيك بالجيب؟؟

السوناتا موديلات 2006 اسعارها الفل بين 36-45 الف ريال ,, طاح 19 الف بسنتين وزياده تقريبآ ’’

والأزيرا النص فل والفل اسعارها بين 60 - 68 الف ريال 2006 طبعآآ ,, طاح تقريبآآ 15 - 20 الف

والأفالون موديلات 2005-2006 اسعارها بالمعارض نظيف ماشي قليل بين 60-75 الف

طااااااااااح منهـــا ,, اكثر من40 الف ريال سعووودي

ياليت تعيدون النظر شوي ,,

شاااكر لك اخوي تميم الموضوع الرائع

والسلام عليكم ورحمة الله وبركاته


أبــوبــدران

[بتي فور]

ابو بدران للحق بس
الافالون يمكن الموتر الوحيد اللي يطيح سعره بتويوتا
شف الكامري والكورلا واللاند
الافالون مالها جمهور مثل باقي سيارات تويوتا وانتشارها قليل مقارنه بباقي سيارات تويوتا

[saad k22]

يارجال الي يقتنع يقتنع والي مايقتنع خله لاهو مقدم ولا ماخر من الكوري شي انا كان الكوري طايح من عيني لكن بعد ماجربت اختلفت النضره تماما ويقول المثل الناس اعداء ماجهلوا وازيدك من الشعر فيلا القناعه كنز لا يفني وسلامتكم .....................................
تحياتي

[Sammy Mirza]

i know from personal experiance that huyndais are very good cars, ok sum mite have a few problums but all cars do i would buy hyundai coupe over any toyota anyday of the week

[KYRON]

i know from personal experiance that huyndais are very good cars, ok sum mite have a few problums but all cars do i would buy hyundai coupe over any toyota anyday of the week

:D :D :D :D :D :D :D :D

[techmate]

i know from personal experiance that huyndais are very good cars, ok sum mite have a few problums but all cars do i would buy hyundai coupe over any toyota anyday of the week

just for correction|10| :
mite - should be - might.
problums - should be problems.

[mnaief]

^
مسكة السعر بدت تطيييح شوي من التويوتا وتتجه للهوندا وبالذات الاكورد ..
استغرب من كلام زميلي امس معه جيب gxr قير عادي وفتحه موديل 2004 .. لكن شراه بعام 2005 ..يقول انه ماجاب إلا 105 !! وهو شاريه بـ155 تقريبااا !!
صراحه انصددددمت

[khalidal5]

انا الي اشوفه ما في سيارة عمرها الافتراضي ينتهي عند سنة معينه تعتمد على الشخص الي يسوقها ممكن كيا تكون عند شخص يحافظ عليها تعيش 10 سنوات وممكن سيارة لكزس عند شخص ثاني ما تعيش اكثر من سنتين

[afaopi]

مشكور تميم على الموضوع الجميل


اسمعوا يا شباب


اللي يبغى يشتري كامري او تويوتا عمة ويكون مكيف عليها...


نفس الهندي اللي ماعنده سيارة بالهند ويجي هنا ويركب تكسي كامري


معليش والله بالكلام


شوفوا التويوتا ... يا سيارة شركات او تكاسي او عيال صغار


الهندي هنا لما يركب كامري يحس نفسه ماشي فوق الريح حتى لو تركبه بانوراما


لانه فرح وكيف من كثر ما سمع عن الكامري انها كويسة


وآسف ... وان شاء الله ما احد يزعل

[تـــMـــيـــM]

شاكر لكم جميعاً على ردودكم الشيقة وعلى تأييدكم لما قلت ..
وأنا صراحة أحس نوعاً ما أن الناس الآن من بداية 2008 بدأت تلفت للسيارات الكورية والسبب لغلاء سيارات تويوتا وغش أبو جميل . . بإذن الله السيارات الكورية ستسحب البساط من تحت تويوتا المغرورة وسجل ياتاريخ هذا الكلام . .

[Abu-hatim890]

شاكر لكم جميعاً على ردودكم الشيقة وعلى تأييدكم لما قلت ..

وأنا صراحة أحس نوعاً ما أن الناس الآن من بداية 2008 بدأت تلفت للسيارات الكورية والسبب لغلاء سيارات تويوتا وغش أبو جميل . . بإذن الله السيارات الكورية ستسحب البساط من تحت تويوتا المغرورة وسجل ياتاريخ هذا الكلام . .



الله يسمع منك ،،،

[Abu-hatim890]

أنا شخص ما أحب تويوتا بسبب بعض الناس وفزتهم بتويوتا

اشتريت كيا ريو ،،، وقعدوا يلوموني على هالسيارة ،،، لو أنك أخذ كامري 2004 بدل الكوري :mad:
كنت امر بظروف مالية ،،، ولا عندي طريقة ألا أني اشتري الكامري 2004 بطريقة الايجار المنتهى بالتمليك وهذا حراااااااااااااام (هذا اللي قاهرن ) وخذت كيا وقعدت تلوم الناس وخاصة الشباب ،،، ومريت قبل فترة بحالة نفسية حرجة بسببهم ،،،

وهالحين إن شاء الله ابي اشترى أوريون وعلى طووووووول الزينة و أركب علامة كيا بكل مكان وزاوية - و اللي يبي يضحك يضحك - هذا رأيي؟ <<< امسحها بوجهي هالمرة لا تسويها

[M.W4EVER]

^^^^^^^^^^^^^^^

حلوه

ابو بدران اذا تبي سيارة تمسك سعرها خذلك كرسيدا وتمتع بالقيادة وتجيب سعر او خذلك هايلوكس وادفع الفرق علاج طبيعي

ياخي سوناتا 2006 ماشيه 84 الف ستاندر وتكسي بعد مسيومه ب 38000 ريال ويبي أكثر وكم كان سعرها ستاندر انا شاري 2006 من معرض جنوط وكشافات وتحكم بالمسجل ب 47000 ريال

ردي لصاحب الموضوع اللي يبي يقتنع حياه واللي مايبي محد ضربه على يده وياخذ هونداي

[كبرياء فارس]

شاكر لكم جميعاً على ردودكم الشيقة وعلى تأييدكم لما قلت ..

وأنا صراحة أحس نوعاً ما أن الناس الآن من بداية 2008 بدأت تلفت للسيارات الكورية والسبب لغلاء سيارات تويوتا وغش أبو جميل . . بإذن الله السيارات الكورية ستسحب البساط من تحت تويوتا المغرورة وسجل ياتاريخ هذا الكلام . .


قال الرسل صلى اللة علية وسلم من غشنا فليس منا عيب عليك يا صاحب الموظوع تقول لرجل مسلم مثل هل كلام ارجو من الاخوة المشرفين حذف المشاركة

[بلا حدود]

^
^

ههههههه

طيب اثبت العكس

اذا سياسة الشركه نفسها مو غش فـ منتدوبيها يغشون ,,, وبالأخير تطلع مغشوش

سياره اغلب مواصفاتها تركيب محلي وبسعرها كاملة المواصفات الاصليه

يطلبها سياحي ويركب عليها اكسسوارات وشوف كم يطلع منها

المشكله انهم يجبرونك تاخذها ملفقه

والمشكله انهم يجبرونك بالتظليل مع شركه وتدفع قيمة التظليله قبل استلام السياره عشانها تابعه لهم ويبون يمشون سوقها

و
و
و

سوالف كثيره

اذا ماتشوفها غش ,, انا اشوف غش واستهتار واستغلال المستهلك السعودي

[Microsoft]

قال الرسل صلى اللة علية وسلم من غشنا فليس منا عيب عليك يا صاحب الموظوع تقول لرجل مسلم مثل هل كلام ارجو من الاخوة المشرفين حذف المشاركة

أخوي فارس .. وش تسمي بشحن جيوب على أنها فئة سياحية

وفي جدة توضع أنواع الإكسسوارات الغير أصلية ثم تباع بفئة الفل كامل ..!


:)

[ماكس تورك]

الهايلكسات والجيوب تجي ستاندر و المكياج فالخمرة بجدة
والكامري و و و و و و و......... ..... ...... ......
بس احنا نموت فالدوائر الثلاث
الكوريلا 2008 ب 65000
الكامري ب 85000 4 سلندر وغطاء المكينة يطير
والتوضيب يكلف 22000 ريال
بشكل عام احنا يالسعوديين نموت فالغالي !!!!!!!!!!!!!!!!!!!!!!!!1

[كبرياء فارس]

^
^

ههههههه

طيب اثبت العكس

اذا سياسة الشركه نفسها مو غش فـ منتدوبيها يغشون ,,, وبالأخير تطلع مغشوش

سياره اغلب مواصفاتها تركيب محلي وبسعرها كاملة المواصفات الاصليه

يطلبها سياحي ويركب عليها اكسسوارات وشوف كم يطلع منها

المشكله انهم يجبرونك تاخذها ملفقه

والمشكله انهم يجبرونك بالتظليل مع شركه وتدفع قيمة التظليله قبل استلام السياره عشانها تابعه لهم ويبون يمشون سوقها

و
و
و

سوالف كثيره

اذا ماتشوفها غش ,, انا اشوف غش واستهتار واستغلال المستهلك السعوديانت حر اذا مصر على رايك انا حبيت اذكر من باب قول اللة تعالى فذكر ان الذكرى تنفع المؤمنين بعدين اذا زي ما تقول مركبين اكسسوارات ياخي الناس عاجبها الشي ذا اذا مو عاجبك لا تشتري بس

[كبرياء فارس]

أخوي فارس .. وش تسمي بشحن جيوب على أنها فئة سياحية

وفي جدة توضع أنواع الإكسسوارات الغير أصلية ثم تباع بفئة الفل كامل ..!


:) ما فهمت قصدك واكن نفس كلامي لاخ بلا حدود

[vector]

^^^^^^

أخوي كبرياء فارس

خلك من الاكسسوارات (مو موضوعنا)

عندنا لاند كروزر 2004 (خليجي)

رحت وكاله عبد اللطيف وشفت السعودي

وهذي الفروقات

الجنوط تجاريه (تايوان )
المكيف مو شد بلد (حتى ازرار المكيف حقت السعودي لها صوت لما تضغط عليها بعكس السعودي)
المسجل تجاري برضو (ولاحظ بعد السعودي ازراره لها صوت بعكس الخليجي)
المرايا تجاريه
الخط تجاري (مو شد بلد)

امممممممم.........هذا اللي أذكر

وهالكلام من خالي لانه يعرف واحد بوكالة عبد اللطيف وقاله انه يجيب السيارات ستاندر ويركب القطع الاضافيه هنا (نوع تجاري)

واذا منت مصدق لاحظ اختلاف الجنوط والخطوط والمسجلات بين السعودي والخليجي

وبالنسبه للموديلات الجديده (2008) ماعندي علم بصراحة

بالله هذا مو حرام بعد؟؟؟

[تـــMـــيـــM]

ماقصرو الشباب وبينو لك غش أبو جميل

[techmate]

ياشباب عنوان الموضوع (كيف تقنع الناس بأن KIA and Hyundai قد تطورت وأصبحت أفضل من ذي قبل . .؟!):confused: .
ولكن ساقنا الأخرون عن الموضوع من محبي تويوتا (كعادتنا كعرب, والدليل ماتفعله بنا إسرائيل وأمريكا) وقلبناها تويوتا :mad: .
لاأعني أن محبي تويوتا مثل إسرائيل وأمريكا |5| (حاشا لله), بل أنا من أكثر محبي تويوتا وخاصة الكامري والبرادو |1| ولا أفضل أي سيارة عليهما من فئتهما, ولكن قهرني أبو جميل بالأسعار والتجهيزات:mad: .
فلو خيرت بين الكامري والسوناتا لأشتريت السوناتا ووفرت مالايقل عن 15000 ريال |6| .
الرجاء من المشرف حذف أي شيء عن تويوتا (سواءا مدحا أوقدحا).
نريد أن نركز على الموضوع ونزداد ثقافة عن تجارب الشباب عن السيارات الكورية.

[vector]

^^^^^^^

ياخوي عادي

هذا يسمونه استطراد:D

<<< يسمع بالإستطراد:D

[بلا حدود]

انت حر اذا مصر على رايك انا حبيت اذكر من باب قول اللة تعالى فذكر ان الذكرى تنفع المؤمنين بعدين اذا زي ما تقول مركبين اكسسوارات ياخي الناس عاجبها الشي ذا اذا مو عاجبك لا تشتري بس
من ردك الظاهر مافهمت كلامي او ماقريته زين
ياخي انا اقول لك غش وتقول ماتبي تشتري براحتك
عزيزي خلنا واقعيين شوي واترك عنك العاطفه ترى منت خسران شي
بعطيك مثال بسيط وان شاءالله تفهم الفكره

محل يبيع جوالات
لنفرض انه N95 وسعره 2000 ريال عند جميع المحلات
المحل هذا متعاقد مع نوكيا بأنهم يجيبون له الجوال بدون وجه وبدون ذاكره وبدون شاحن وبدون سماعه
ويطلع استيراده بالنسبه له ارخص من المحلات الثانيه لأنه مكنسل شغلات منه
ويروح صاحب المحل الموقر يجيب لك شاحن تجاري ووجه تجاري وسماعه تجاريه وذاكره من نوع ابو رفسه ويحطها بالكرتون
ويبيعه لك بسعر 2000 ريال نفس المحلات الثانيه طبعاً بدون مايقول لك ان اغلب الاشياء تجاريه ومن عنده وبايعه لك بسعر الاصلي لا ويمكن اغلي بشوي

هذا يُسمى غش


نجي الحين للإستغلال طبعاً المحلات الثانيه تبيع سوني اركسون واخرى سامسونج ... الخ بس هو تقريباً محتكر النوكيا


المحل يقول لك لازم تشتري مع الجوال سماعه بلوتوث وتدفع قيمتها وبعد من نوع ابو رفسه

وبدون السماعه مافيه جوال

بس هالمحل بالصيانه مايقصر معك

يخرب عندك الشاحن يجيبلك احلى شاحن تجاري بداله

بس تقول له الجوال يعلق او يهنق بيزعجك بكلمة هذا شي عادي وترى انت شاري نوكيا !! وانت تقول في نفسك اي والله صدق نوكيا معروفه وماتصير تدقق

هذا من اسباب حب الناس لهذا المحل


هذي هي بإختصار شركة عبداللطيف جميل

[Microsoft]

بس تقول له الجوال يعلق او يهنق بيزعجك بكلمة هذا شي عادي وترى انت شاري نوكيا !! وانت تقول في نفسك اي والله صدق نوكيا معروفه وماتصير تدقق

هذا من اسباب حب الناس لهذا المحل


هذي هي بإختصار شركة عبداللطيف جميل

يا سلام عليك .. تسلم يمينك .. |1|

[كبرياء فارس]

^^^^^^



بالله هذا مو حرام بعد؟؟؟ عيوني فكتور اذا صح كلامك ينتقال علية حرامي يسرق القطع الاصلية ويركب تجارية بس ابي اعرف وين يودي القطع الاصلية

[كبرياء فارس]

هذا من اسباب حب الناس لهذا المحل


هذي هي بإختصار شركة عبداللطيف جميل قلبي بلا حدود تسلم على التوظيح انا مشكلتي اني اقرا الردود بسرعة وفي نفس الوقت جديد في عالم المنتديات معليش تحملوني شوي

[ابوهاني]

ابدعت اخوي بلا حدود بهذا التشبيه لاشلت يداك
فعلا هذا هو حال عبداللطيف جميل بالضبط

[vector]

عيوني فكتور اذا صح كلامك ينتقال علية حرامي يسرق القطع الاصلية ويركب تجارية بس ابي اعرف وين يودي القطع الاصلية

أصلا هو يجيب السيارات ساده

ويركبلها القطع من مصنعه هنا

عشان الجمارك تخف عليه:mad:

[vector]

بس هالمحل بالصيانه مايقصر معك

يخرب عندك الشاحن يجيبلك احلى شاحن تجاري بداله


ههههههههههههههه

أعجبتني هالجمله:D

[Microsoft]

عيوني فكتور اذا صح كلامك ينتقال علية حرامي يسرق القطع الاصلية ويركب تجارية بس ابي اعرف وين يودي القطع الاصلية

مثل ما قال فيكتور .. أصلاً ما يجيبها على يوديها .. :)

-----------------------------


ههههههههههههههه

أعجبتني هالجمله:D

<< نفس الفكرة .. :D

[محمد 2005]

الزمن يظهر الخافي والأيام الجاية تزيد من قناعات الناس .. لكن الأهم هو الأستمرار في التقدم وليس الرضا عن الوضع الراهن فقط ..

الكوري الآن سعرة مناسب وبكرة يناطح الياباني والاوروبي في الاسعار بعد مايثبت نفسة وتصبح قاعدة المعجبين كبيرة (الجودة , الأمان, التقنية العالية) .. لاتنسون بداية اللكزس Ls كانت بـ 120 ألف وكان تبرير تويوتا بأن السيارة تبدأ بالنزول للسوق بسعر منافس مقابل المواصفات العالية ولأقتطاع جزء من سوق الألماني اللي كان سعرة في بحر 200 ألف .. والآن لها مكانتها ومعجبيها في العالم وليس هنا فقط ..

المسألة استثمار طويل الأجل ..

[ARMADAWOW]

شوف وانا اخوك هونداي صحيح انها تطورت لكن الى حد ما ... لكن الى الان غير مقنعه بالنسبه للكثيرين


هونداي تملك سياره واحده صحيح كسبت ثقة الكثير بقوه واحده فقط الي هي الالنترا سياره الكل يمدح فيها
وتحافض على سعرها ورغبتها ..

اما الباقي ؟؟؟؟؟؟



وعموما من ناحية السمعه المثل يقول مافيش دخان من غير نار




يعني انا شخص لاجربت المورسيدس ولا الشيري الصينيه


لكن اعرف في قرارة نفسي ان المورسيدس ميه الميه والشيري ماعندك احد مع العلم اني ماجربت الثنتين هل معناها كلامي غلط .... خلنا واقعيين ....

[mnaief]

هونداي تملك سياره واحده صحيح كسبت ثقة الكثير بقوه واحده فقط الي هي الالنترا سياره الكل يمدح فيها
وتحافض على سعرها ورغبتها ..

وين راحت الاكسنت ؟ وين راحت السوناتا ؟وين راح الـh1 ؟

كلامك مجملا اخوي ارمادا غير مقنع ! والمشكله وصلت مع الهيونداي تقارن بالتشيري

اذا كنت تقول ان هيونداي لم تكسب ثقه الكثيرين الى الآن... فانت تقريبا غلطان...لان هالكلام كان قديم
ويكفيك انه اكثر شركة سيارات انتشار بالسعوديه بعد تويوتا هي هيونداي .. :) غطت على بعض الشركات اليابانيه مثل نيسان وهوندا وغيرها..

[bander4ever]

والله يا حبيبي الصراحه انا اشتريت سوناتا 2008 اتوماتيك سياحي طبعا اقساط............
اول كان الوالد مخيرني(الا قل غاصبني غصب كورولا وبس) اقوله يا حبيبي كورولا اوكيه بس اتوماتيك . المهم يوم رحت اسال عنها طلعت اول شي غاااااااااليه مقارنه بالسوناتا وقوة الاحصنه الظاهر 90 حصان (دباب موب سياره) .وانا سالت اللي عندهم كورولا اتوماتيك طبعا 1.3 (لان 1.8 اغلى واغلى ) والله قالوا لي والله يوم تكبس على البنص تحس ان مكينة السياره بحضنك لا وانا بنفسي راكب مع واحد خويي عنده كورولا اتوماتيك 1.3 والله السياره ما تجيب 160 وتراها وكاله بعد . يوم سالت عن السوسو قالوا 2.4 (شف الفرق بالقوه ) واكبر واحسن والله الحين احمد ربي اني اخذت سوناتا طبعا كانت المحاولات مع الوالد يوميا علشان اقنعه يقولي كوري ويتهرقل ومدري ايش(تخبر الشيبان) وان التويوتا اذا بعتها ما يطيح سعرها(هذي التصريفه الوحيده للتويوتا)عاد انا اقوله يا حبيبي انا طيب ما راح ابيعها ابي احلل السوناتا تحليل(لين تختفي خخخخخخ) .يولد والله انها تنافس الاكورد وانا قاعد اول اقارنها بالكورولا. واحد صديقي عنده اكورد 2006 جرب يسوق سيارتي يقول لي والله ماشاء الله امشي 180 ولا احس بشي والله يا حبيبي الاكورد الحين من وره اصطبات بايخه يعني احس ان هوندا راح تنكب(وناااااااااااسه) ..........
في عندي ملاحظه اخيره ادري مالها داعي بس احس اني لازم اقولها : زمااان كان التفحيط بالكامري وبس(العن ام الخشه) الحين شف وش السياره اللي يفحطون عليها سوسو وبس تتوقع ليييييش ؟؟؟
لا تقول لي لانها تتنقز(يمكن سرقتها بسهوله ) احسن من الكامري لا والله لانها تعطيك عزم وتبقى معك لاخر نطله ( يا كثر سوالفك ).........
الله يعطيكم العافيه على الموضوع الجميل ولولا الله ثم منتدى السيارات كان انا الحين تشوفني اسوق كورولا (اعوذ بالله) .........
على فكره انا من الناس اللي ما يحب احد يتعداه على الخط(بدا الهياط) والله يا حبيبي لحد الان ما تعداني الا رانج سبورت ولاوبعد ظليت وراه يعني قريب منه ........
وللاخ اللي تكلم عن الجوالات والله ذكرتني احس ان العالم بكل شي نفس التفكير يعني لازم تويوتا ونوكيا تقوله يا حبيبي ترا والله السوني اريكسون مواصفاته الحين رهيبببببببه ودقة التصوير احسن من النوكيا وسعره ارخص بمليون مره من النوكيا يقولك لا النوكيا اذا جيت تبي تبيعه سعره فيه والله في ناس تحس انه مبرمج على مقولة (اذا جيت تبيعه سعره فيه) والله لو تقوله تشتري لبن الصافي ولا المراعي يقول الصافي تقوله ليش يقول لانك اذا جيت تبي تبيعه سعره فيه (خخخخخخخخخخخ)
سوسو للابد ...................

[Microsoft]

والله يا حبيبي الصراحه انا اشتريت سوناتا 2008 اتوماتيك سياحي طبعا اقساط............
اول كان الوالد مخيرني(الا قل غاصبني غصب كورولا وبس) اقوله يا حبيبي كورولا اوكيه بس اتوماتيك . المهم يوم رحت اسال عنها طلعت اول شي غاااااااااليه مقارنه بالسوناتا وقوة الاحصنه الظاهر 90 حصان (دباب موب سياره) .وانا سالت اللي عندهم كورولا اتوماتيك طبعا 1.3 (لان 1.8 اغلى واغلى ) والله قالوا لي والله يوم تكبس على البنص تحس ان مكينة السياره بحضنك لا وانا بنفسي راكب مع واحد خويي عنده كورولا اتوماتيك 1.3 والله السياره ما تجيب 160 وتراها وكاله بعد . يوم سالت عن السوسو قالوا 2.4 (شف الفرق بالقوه ) واكبر واحسن والله الحين احمد ربي اني اخذت سوناتا طبعا كانت المحاولات مع الوالد يوميا علشان اقنعه يقولي كوري ويتهرقل ومدري ايش(تخبر الشيبان) وان التويوتا اذا بعتها ما يطيح سعرها(هذي التصريفه الوحيده للتويوتا)عاد انا اقوله يا حبيبي انا طيب ما راح ابيعها ابي احلل السوناتا تحليل(لين تختفي خخخخخخ) .يولد والله انها تنافس الاكورد وانا قاعد اول اقارنها بالكورولا. واحد صديقي عنده اكورد 2006 جرب يسوق سيارتي يقول لي والله ماشاء الله امشي 180 ولا احس بشي والله يا حبيبي الاكورد الحين من وره اصطبات بايخه يعني احس ان هوندا راح تنكب(وناااااااااااسه) ..........
في عندي ملاحظه اخيره ادري مالها داعي بس احس اني لازم اقولها : زمااان كان التفحيط بالكامري وبس(العن ام الخشه) الحين شف وش السياره اللي يفحطون عليها سوسو وبس تتوقع ليييييش ؟؟؟
لا تقول لي لانها تتنقز(يمكن سرقتها بسهوله ) احسن من الكامري لا والله لانها تعطيك عزم وتبقى معك لاخر نطله ( يا كثر سوالفك ).........
الله يعطيكم العافيه على الموضوع الجميل ولولا الله ثم منتدى السيارات كان انا الحين تشوفني اسوق كورولا (اعوذ بالله) .........
على فكره انا من الناس اللي ما يحب احد يتعداه على الخط(بدا الهياط) والله يا حبيبي لحد الان ما تعداني الا رانج سبورت ولاوبعد ظليت وراه يعني قريب منه ........
وللاخ اللي تكلم عن الجوالات والله ذكرتني احس ان العالم بكل شي نفس التفكير يعني لازم تويوتا ونوكيا تقوله يا حبيبي ترا والله السوني اريكسون مواصفاته الحين رهيبببببببه ودقة التصوير احسن من النوكيا وسعره ارخص بمليون مره من النوكيا يقولك لا النوكيا اذا جيت تبي تبيعه سعره فيه والله في ناس تحس انه مبرمج على مقولة (اذا جيت تبيعه سعره فيه) والله لو تقوله تشتري لبن الصافي ولا المراعي يقول الصافي تقوله ليش يقول لانك اذا جيت تبي تبيعه سعره فيه (خخخخخخخخخخخ)
سوسو للابد ...................

والله قصة رائعة حلوة << فهمها قصة قصيرة .. :D

والله وفكك الله من الكورولا .. كورولا مرة وحدة ..!


أحلى كلمة ( إلين تختفي .. :D )


حياك الله معنى في منتدى السيارات له معنى << يسمع بالأمثال :D

:cool:

[عبدالله الحاصر]

السلام عليكم ؟؟؟؟؟؟؟ :cool:

انا ابي احد يقنعني عن سيارات الدفع الامامي لاني مو مقتنع فيها ابدااا :o :o

فكيف احط حياتي بين سيارات الدفع الامامي وانا ما اثق فيها ؟؟؟ واللي عنده رد يجاوبني به ارجوه..


وسلااااااااااااااااااااااااااااااااااااااااام|3| |3| |3| :)

[تـــMـــيـــM]

والله يا حبيبي الصراحه انا اشتريت سوناتا 2008 اتوماتيك سياحي طبعا اقساط............
اول كان الوالد مخيرني(الا قل غاصبني غصب كورولا وبس) اقوله يا حبيبي كورولا اوكيه بس اتوماتيك . المهم يوم رحت اسال عنها طلعت اول شي غاااااااااليه مقارنه بالسوناتا وقوة الاحصنه الظاهر 90 حصان (دباب موب سياره) .وانا سالت اللي عندهم كورولا اتوماتيك طبعا 1.3 (لان 1.8 اغلى واغلى ) والله قالوا لي والله يوم تكبس على البنص تحس ان مكينة السياره بحضنك لا وانا بنفسي راكب مع واحد خويي عنده كورولا اتوماتيك 1.3 والله السياره ما تجيب 160 وتراها وكاله بعد . يوم سالت عن السوسو قالوا 2.4 (شف الفرق بالقوه ) واكبر واحسن والله الحين احمد ربي اني اخذت سوناتا طبعا كانت المحاولات مع الوالد يوميا علشان اقنعه يقولي كوري ويتهرقل ومدري ايش(تخبر الشيبان) وان التويوتا اذا بعتها ما يطيح سعرها(هذي التصريفه الوحيده للتويوتا)عاد انا اقوله يا حبيبي انا طيب ما راح ابيعها ابي احلل السوناتا تحليل(لين تختفي خخخخخخ) .يولد والله انها تنافس الاكورد وانا قاعد اول اقارنها بالكورولا. واحد صديقي عنده اكورد 2006 جرب يسوق سيارتي يقول لي والله ماشاء الله امشي 180 ولا احس بشي والله يا حبيبي الاكورد الحين من وره اصطبات بايخه يعني احس ان هوندا راح تنكب(وناااااااااااسه) ..........
في عندي ملاحظه اخيره ادري مالها داعي بس احس اني لازم اقولها : زمااان كان التفحيط بالكامري وبس(العن ام الخشه) الحين شف وش السياره اللي يفحطون عليها سوسو وبس تتوقع ليييييش ؟؟؟
لا تقول لي لانها تتنقز(يمكن سرقتها بسهوله ) احسن من الكامري لا والله لانها تعطيك عزم وتبقى معك لاخر نطله ( يا كثر سوالفك ).........
الله يعطيكم العافيه على الموضوع الجميل ولولا الله ثم منتدى السيارات كان انا الحين تشوفني اسوق كورولا (اعوذ بالله) .........
على فكره انا من الناس اللي ما يحب احد يتعداه على الخط(بدا الهياط) والله يا حبيبي لحد الان ما تعداني الا رانج سبورت ولاوبعد ظليت وراه يعني قريب منه ........
وللاخ اللي تكلم عن الجوالات والله ذكرتني احس ان العالم بكل شي نفس التفكير يعني لازم تويوتا ونوكيا تقوله يا حبيبي ترا والله السوني اريكسون مواصفاته الحين رهيبببببببه ودقة التصوير احسن من النوكيا وسعره ارخص بمليون مره من النوكيا يقولك لا النوكيا اذا جيت تبي تبيعه سعره فيه والله في ناس تحس انه مبرمج على مقولة (اذا جيت تبيعه سعره فيه) والله لو تقوله تشتري لبن الصافي ولا المراعي يقول الصافي تقوله ليش يقول لانك اذا جيت تبي تبيعه سعره فيه (خخخخخخخخخخخ)
سوسو للابد ...................


ههههههه والله إستمتعت بهالقصة . . وزين إن الوالد إقتنع بهونداي <<< أجل يقول كوري ويهرقل
الله يخليه لكم ولايحرمكم منه . . . آمين

ردك هذا يدل على إنك تملك موهبة التعبير بأسلوب فكاهي شيق . . ننتظر جديدك |3|

[techmate]

السلام عليكم ؟؟؟؟؟؟؟

انا ابي احد يقنعني عن سيارات الدفع الامامي لاني مو مقتنع فيها ابدااا

فكيف احط حياتي بين سيارات الدفع الامامي وانا ما اثق فيها ؟؟؟ واللي عنده رد يجاوبني به ارجوه..


وسلااااااااااااااااااااااااااااااااااااااااام

الهوندا كل أنواعها (حتى الجيوب والفانات) دفع أمامي ومن أنجح السيارات|1|
الكورولا أعتقد من موديل 1986 وهي دفع أمامي ولاأحد يقول فيها شيء |2|
الكامري من جت 1993 إستخدمت جميع المديلات حتى 2007 ومن أحسن مايكون|13|
الفولفو من السيارات الفارهة أيضا دفع أمامي|6|
أخيرا وليس أخرا الهيونداي تكرف في الشوارع ماأحد إشتكى من قضية الدفع الأمامي:)
غير السوبارو والمكسيما والألتيما ................
سيارات الدفع الأمامي الفاشلة هي السيارات الأمريكية :mad: مثل توروس سابل ليسابر لومينا القديمة وجميع أنواع الفانات الأمريكية دفع أمامي.

[Microsoft]

السلام عليكم ؟؟؟؟؟؟؟ :cool:

انا ابي احد يقنعني عن سيارات الدفع الامامي لاني مو مقتنع فيها ابدااا :o

فكيف احط حياتي بين سيارات الدفع الامامي وانا ما اثق فيها ؟؟؟ واللي عنده رد يجاوبني به ارجوه..


وسلااااااااااااااااااااااااااااااااااااااااام |3| :)

أخوي أحمد

أخبرك لماذا أنت غير مقتنع .. :)


الأسباب بشكل عام هي ..

1. إختلاف في القيادة نوعاً ما

2. الدفع الأمامي أكثر صعوبة في الصيانة
(طبعاً الشرط يسقط في الجديد لأنه ما يحتاج صيانة .!)

3.متعة القيادة تختلف لكن الخلفي أكثر متعة .. ;)

4.من ناحية الثبات والإستقرار الأمامي عملية ثباته غير مكلفة بعكس الخلفي
(الخلفي يحتاج لتقنيات مكلفة لذا لا تجد سيارة دفع خلفي ثابتة سوى الفارهة)

هذه هي مجمل الإشكاليات المتعلقة عند الناس

مع العلم أن الكابرس ( من 2000 وطالع )

أقل ثبات من أي سيارة سيدان دفع أمامي متوسطة الحجم.؟

لا تغريك الدعسة الأولى .. قارن عند اللفات وعند زحف السيارة

خاصة الكابرس واللومينا الثبات فيها خدعة .. كيف .!

أستخدموا طرق ثبات مغرية مع أنها معدومة عند أي خلل في القيادة

يعني الآن تلاحظ عند القيادة أن السيارة معك في اللفات والسرعة

(الكلام للـSS) والسبب هو إستخدام تقنيات بدائية في الواقع

كفر عريض مع تقليل السماكة ومساعدات .. تقريباً هذا كل شيء .!

أي أنظمة الثبات وأين أنظمة الإستقرار الإلكتروني .!!

أكثر من قصة أسمعها بأن صاحب لومينا SS من أن يدخل

في المنطقة الترابية (بجانب الطريق) مباشرة تزحف السيارة .!

السبب بشكل منطقي هو إختلاف سرعة الدوران بين الكفر الذي

على الزفلت والكفر الذي في المنطقة الرملية .. المفروض يكون

هناك نظام يوازن سرعة الكفرات ..!


الموضوع طويل شرحة لكن ياليت تحدد لي نقاط معينة


* سبب ذكر الكابرس ( عشان الصورة الشخصية .. :D )

[M.W4EVER]

^^^^^^^^^

من اليوم ورايح بسميك دكتور مايكروسوفت
أخوي اللي كان بيشتري كورلا <<<< اسمه طويل مشوار أكتبه
فكك الله من الكورلا بس حلوه المكينة بحضنك
عندي تصوير لكورلا 2006 قير أوتو تمشي 165 مو زي ماقلت يمكن اللي كانت معي نشيطه:D

[نايف هيف]

مشكووور

باي بروح بيت جدي:) :) :p

[عبدالله الحاصر]

أخوي أحمد

أخبرك لماذا أنت غير مقتنع .. :)


الأسباب بشكل عام هي ..

1. إختلاف في القيادة نوعاً ما

2. الدفع الأمامي أكثر صعوبة في الصيانة
(طبعاً الشرط يسقط في الجديد لأنه ما يحتاج صيانة .!)

3.متعة القيادة تختلف لكن الخلفي أكثر متعة .. ;)

4.من ناحية الثبات والإستقرار الأمامي عملية ثباته غير مكلفة بعكس الخلفي
(الخلفي يحتاج لتقنيات مكلفة لذا لا تجد سيارة دفع خلفي ثابتة سوى الفارهة)

هذه هي مجمل الإشكاليات المتعلقة عند الناس

مع العلم أن الكابرس ( من 2000 وطالع )

أقل ثبات من أي سيارة سيدان دفع أمامي متوسطة الحجم.؟

لا تغريك الدعسة الأولى .. قارن عند اللفات وعند زحف السيارة

خاصة الكابرس واللومينا الثبات فيها خدعة .. كيف .!

أستخدموا طرق ثبات مغرية مع أنها معدومة عند أي خلل في القيادة

يعني الآن تلاحظ عند القيادة أن السيارة معك في اللفات والسرعة

(الكلام للـSS) والسبب هو إستخدام تقنيات بدائية في الواقع

كفر عريض مع تقليل السماكة ومساعدات .. تقريباً هذا كل شيء .!

أي أنظمة الثبات وأين أنظمة الإستقرار الإلكتروني .!!

أكثر من قصة أسمعها بأن صاحب لومينا SS من أن يدخل

في المنطقة الترابية (بجانب الطريق) مباشرة تزحف السيارة .!

السبب بشكل منطقي هو إختلاف سرعة الدوران بين الكفر الذي

على الزفلت والكفر الذي في المنطقة الرملية .. المفروض يكون

هناك نظام يوازن سرعة الكفرات ..!


الموضوع طويل شرحة لكن ياليت تحدد لي نقاط معينة


* سبب ذكر الكابرس ( عشان الصورة الشخصية .. :D )

يعطيك العافيه اخوي الميكروسوفت على تنبيهك لي في هالملاحظات العسل ولكن انا لي موقف مع الدفع الامامي ومن هالموقف صرت مااحب شي اسمه دفع امامي ,,,,,,,,,,,,,, واذا كنت تحب تعرف الموقف اقرأ:::: الموقف هو في يوم من ايام الصيفيه قبل سنتين تقريبا كان في شباب مسافرين من جهة بيشه الى الطائف السالفه وما فيها ان الشباب كان معهم كامري موديل 99 والحادثه انهم تجاوزوا شاحنة بطحاء وبالصدفه في وجههم سياره ولكن بعيده قليلا ما من الطريق الجاي المهم تجااوزوا اخواننا هداهم الله الشاحنه واييييييييييييييييييييييييييييش اللي صار اخونا السواق عشان يخش خطه لف الطاره بقوه وقام بذيك النطله اللي لا على البال ولا عالخاطر وطلععععععععععع من الخط مسيد في جدر موجود بحرم الشارع ............ ومن هالقصه كرهت الدفع الامامي ؟؟؟؟:confused: :confused: والسبه عدم الثبات في الخط واسباب كثيره بالمره ه ه ه ه ه ه ه ه ه .|10| |3| |3|

[أصل المجد يانجد]

صحيح ياخوان السيارات تطورت ولكن من ناحية الفخامة فقط



لذلك الصناعة رديئة رديئة رديئة لابعد حد وخاصة الكهرباء


ولاتقول ياخوي اني انا ماجربت انا كان ومازال معي اوبيروس 2004


سنتين بس وبدت الخرابات وكلفني تصليحها 5 الاف ريال


مو حراااااااااام والان انا موقفها عند الباب بعد ماصلحتها ومنب قاعد استعملها


ببيعها الله لايرد الكوري المعفن

[انفنتي M45]

صحيح ياخوان السيارات تطورت ولكن من ناحية الفخامة فقط



لذلك الصناعة رديئة رديئة رديئة لابعد حد وخاصة الكهرباء


ولاتقول ياخوي اني انا ماجربت انا كان ومازال معي اوبيروس 2004


سنتين بس وبدت الخرابات وكلفني تصليحها 5 الاف ريال


مو حراااااااااام والان انا موقفها عند الباب بعد ماصلحتها ومنب قاعد استعملها


ببيعها الله لايرد الكوري المعفن

بشويش لا يطق لك عرق:D

[swezar]

طبعا الشركة الي تتطور الان هي هونداااااي فقط!!! لا احد يقول كل الكوري تطور!!!!!!!

و الدليل: معظم الناس الي يتكلمون عن السيارات الكورية يتكلمون اكثر شئ عن الهونداي.

[M.W4EVER]

^^^^^^^^^^^^^


صح كلامك والكيا تابعه لهونداي اذا ماكنت غلطان

[Microsoft]

^^^^^^^^^^^^^


صح كلامك والكيا تابعه لهونداي اذا ماكنت غلطان

صحيح كلامك .. كيا مملوكة بالكامل لشركة هونداي موتورز

طبعاً الشركتين منفصلتين تماماً اللهم أن لهم مجلس إدارة واحد



* لي عودة على رد أخونا عبدالله .. ;)

[CAMRY 98]

انا معك يا عزيزي ان الهيونداي بعد ان كان عمرها الافتراضي سنه ونصف .. أصبح الان عمرها الافتراضي 5 سنوات .. ويعتبر ذلك تقدم ليس بالبسيط ..

اما الكيا .. فأسمح لي والله ..

فهي لا تسمن ولا تغني من جوع .. واعتقد ان التشيري افضل واجود منها .. على الاقل لو كانت نفس جودتها فهي ارخص منها .. واكبر دليل الايبيروس والفئة الفخمة من التشيري ...


وفي كل الاحوال لم تتعدى حاجز الخمس سنوات ..

السيارة إذا لم تضل لمدة عشر سنوات وهي بحالة ممتازه أو جيده جداً .. فهي حتماً تسمى سيارة .. وليست سيارة بالاصل ..

واكبر دليل لذلك سيارات التايوتا والـ ( سوبربان واليوكن ) والبعض من سيارات النيسان .. والهوندا ..


ب
ر
ب

[بلا حدود]

صحيح ياخوان السيارات تطورت ولكن من ناحية الفخامة فقط



لذلك الصناعة رديئة رديئة رديئة لابعد حد وخاصة الكهرباء


ولاتقول ياخوي اني انا ماجربت انا كان ومازال معي اوبيروس 2004


سنتين بس وبدت الخرابات وكلفني تصليحها 5 الاف ريال


مو حراااااااااام والان انا موقفها عند الباب بعد ماصلحتها ومنب قاعد استعملها


ببيعها الله لايرد الكوري المعفن

الله يكون بعونك

اخوي ياليت تذكر لنا الخرابات اللي طلعت لك بالسياره من امتلكتها

وبعد كم فترة استخدام

وكم ماشيه سيارتك حالياً

[أصل المجد يانجد]

بشويش لا يطق لك عرق:D
يا حلو انت منتب عايش بالقرف اللي كنت عايش فيه



على العموم صدق اخوي اللي قال التشيري افضل منها بواجد



واللي يقول الكلام هذا موصحيح يجي يشري مني الاوبيروس

[أصل المجد يانجد]

يالحبيب انا سيارتي كانت طول سنتين كشخة ومافيها شيء



وبعد السنتين بدت بعض الخرابات


1\ كرسي المكينة انكسر
2\ سير التيمن يبغاله تغيير وغيرته
4\ المقص انكسر وصلحته
5\ العداد سار يحسب كيلوات ولا تزيد السرعة وهذا بس كلفني الف ريال تصليحه
6\ المساعد الخلفي خرب وصلحته

طبعا انا عارف الرد كل هذي القطع استهلاكية بس اسهلاكي بعد 6 سنوات على الاقل
انا مالي 3 سنوات اللحين الظاهر فهمت ياخوي .


طبعا هالخرابات صلحتها بالوكالة وانت عارف نصب الوكالات


السيارة الان ماشية 115000 الف كيلو ( مئة وخمسة عشر الف كيلو )



وشكرا للجميع على مواساتي ( التعزية ) :mad: :mad: :mad: :mad:



للمعلومة السيارة انا مطلعها من الوكالة بقراطيسها


وانا عارف رد بيقول بس السيارة ماشية واجد والله وما حلفتوني انا الخرابات من 20000 الف كيلو بس


لكن الحمد لله بعد هالتعب رزقني الله بـ( بي ام 750li موديل 2007 ) الله يجزى الوالد كل خير

[arhashem]

يا جماعة معليش السيارات الكورية في تطور ملحوظ و قوي ما اختلفنا لكن بدت تتفوق على التويوتا هذي قوية مع احترامي للجميع تراها لسه بدري عليها تحط راسها براس الكبار زي تويوتا أو هوندا أو نيسان أو... أو... أو... و القائمة تطول. نسيبي عنده ألنترا 2004 طاح جيرها في 2005 أو بداية 2006 و خال زوجتي مطلع أوبيروس 2005 و هذا هو زايع العافية وياها و مش لاقي من يشتريها. خالي كان مدير هيونداي المجدوعي في الخبر و لا كان يذم الهيونداي لكن كان ينصح إللي بيشتري من الجماعة أنه يدور غيرها يكون أحسن. أنا ما جربت الهيونداي لكن إللي جربوها من محيطي ولو ما ذموها كانوا يتمنون لو ما خذوها.

[ماكس تورك]

يا اخوان ترى بعض السيارات مبروكة مثل الزوجة الصالحة
والبعض من قرف اليا قرف وعكاس في عكاس وهي نفس النوع

الانسان يجب ان يسأل الله تعالى ان يبارك له في عمره ومأكله ومشربه ومركبه وولده وكل اموره
ودعاء الشراء والركوب مطلوب والتحصن بالاذكار مطلوب ايضا

والاهم خراب ميكانيكي ولا حادث الله يكفينا واياكم الشر

[arhashem]

يا اخوان ترى بعض السيارات مبروكة مثل الزوجة الصالحة
والبعض من قرف اليا قرف وعكاس في عكاس وهي نفس النوع

الانسان يجب ان يسأل الله تعالى ان يبارك له في عمره ومأكله ومشربه ومركبه وولده وكل اموره
ودعاء الشراء والركوب مطلوب والتحصن بالاذكار مطلوب ايضا

والاهم خراب ميكانيكي ولا حادث الله يكفينا واياكم الشر



كلامك صحيح جدا يالزميل السيارات توافيق.

[ARMADAWOW]

أخوي أحمد

أخبرك لماذا أنت غير مقتنع .. :)


الأسباب بشكل عام هي ..

1. إختلاف في القيادة نوعاً ما

2. الدفع الأمامي أكثر صعوبة في الصيانة
(طبعاً الشرط يسقط في الجديد لأنه ما يحتاج صيانة .!)

3.متعة القيادة تختلف لكن الخلفي أكثر متعة .. ;)

4.من ناحية الثبات والإستقرار الأمامي عملية ثباته غير مكلفة بعكس الخلفي
(الخلفي يحتاج لتقنيات مكلفة لذا لا تجد سيارة دفع خلفي ثابتة سوى الفارهة)

هذه هي مجمل الإشكاليات المتعلقة عند الناس

مع العلم أن الكابرس ( من 2000 وطالع )

أقل ثبات من أي سيارة سيدان دفع أمامي متوسطة الحجم.؟

لا تغريك الدعسة الأولى .. قارن عند اللفات وعند زحف السيارة

خاصة الكابرس واللومينا الثبات فيها خدعة .. كيف .!

أستخدموا طرق ثبات مغرية مع أنها معدومة عند أي خلل في القيادة

يعني الآن تلاحظ عند القيادة أن السيارة معك في اللفات والسرعة

(الكلام للـSS) والسبب هو إستخدام تقنيات بدائية في الواقع

كفر عريض مع تقليل السماكة ومساعدات .. تقريباً هذا كل شيء .!

أي أنظمة الثبات وأين أنظمة الإستقرار الإلكتروني .!!

أكثر من قصة أسمعها بأن صاحب لومينا SS من أن يدخل

في المنطقة الترابية (بجانب الطريق) مباشرة تزحف السيارة .!

السبب بشكل منطقي هو إختلاف سرعة الدوران بين الكفر الذي

على الزفلت والكفر الذي في المنطقة الرملية .. المفروض يكون

هناك نظام يوازن سرعة الكفرات ..!


الموضوع طويل شرحة لكن ياليت تحدد لي نقاط معينة


* سبب ذكر الكابرس ( عشان الصورة الشخصية .. :D )


كلام شخص فاهم وربي


انا كان معاي تجارب مع لومينا وكذلك كوابرس اخوياي تمشي مع الخط مستقيم لكن اذا فيه منحنى او لفه او طلع في طريقك شي تبي تتفاداه يااويلك راحت عليك اسوء سيارتين من ناحية الثبات ..


انا اوفقك في كل حرف كتبته عن هالنقطه


انا جربت الاكورد والالتيما والسوناتا كلهم اثبت من الاستراليات في المنعطفات

[M.W4EVER]

^^^^^^^^^^^

انا جربت أسوقها سيدا بس ولاحاولت أتفادى شي الحمد لله بس واضح لما تلف وتلمس البنزين تطربك :D يعطيك العافية

[بــنــدر]

كلام شخص فاهم وربي


انا كان معاي تجارب مع لومينا وكذلك كوابرس اخوياي تمشي مع الخط مستقيم لكن اذا فيه منحنى او لفه او طلع في طريقك شي تبي تتفاداه يااويلك راحت عليك اسوء سيارتين من ناحية الثبات ..


انا اوفقك في كل حرف كتبته عن هالنقطه


انا جربت الاكورد والالتيما والسوناتا كلهم اثبت من الاستراليات في المنعطفات

عشان تعرفون ليش قلت إنه الكوري أفضل من الاسترالي بحكم إني مجرب كامري 2004 كنت أملكها قبل الازيرا :D